YEMENI COUPLE NA SUICIDE BOMBERS INAALAM NG DND

blast1
0

(NI JESSE KABEL)

INIHAYAG  ni Armed Forces of the Philippine Public Information chief Col Noel Detoyato na patuloy pa rin nilang tinututukan ang pagkakadawit ng Abu Sayyaf  subgroup na Ajang -Ajang sa naganap na twin explosion sa Jolo Sulu na kumitil ng 21 katao noong Linggo.

Ayon kay Detoyato , ito ay dahil sila ang ay pattern of atrocities sa lugar. “ Yung angle ng suicide bomber as a method of delivery and execution, is also strongly considered.  Whether there were foreigners involved in the execution, that is still being verified.”

Samantala isang senior military source naman ang nagsabing may dalawang  sets of  body parts na halos lasog lasog at walang pang kumukuha ang pakay ngayon ng verification upang malaman kung babae o lalaaki at kung sila ay mga banyaga ba o local residents.

Bagama’t hindi tiyak ng informant  ang kanilang nationality ay tiyak naman sila na mga foreigner at hindi locals .  Tinuturo sila na siyang nagdala ng mga bags at detonators at siyang ang pasabog ng bomba Sila ang mga sinasabing suicide bombers , pahayag pa ng opisyal.

Una rito inihayag ni DND Secretary Delfin Lorenzana na may impormasyon sila na mag asawang Yemeni national ang sangkot sa Jolo bombings subalit hangang sa  ngayon wala pa ring ebidensiya na makapagpapatunay na suicide bomber ang may kagagawan sa nangyaring daalwang pagsabog sa Mount Carmel Cathedral.

Inamin naman ng kalihim na base sa mga ebidensiya na naisumite sa kaniya ang unang pagsabog sa loob ng simbahan ay iniwan ng isang babae.

Pero sa pangalawang pagsabog posibleng suicide bomber umano ang nagsagawa nito dahil na rin sa kalat na kalat na parte ng katawan ang nakita.

Sinabi ni Lorenzana na may natanggap silang impormasyon na Yemeni couple ang umano’y suicide bomber.

“Marami kasing body parts dun nakita e merong mga paa doon mga part ng ulo tapos meron pang nakasabit doon sa may pader sa may fence. It appears to be a suicide bombing and I was also convinced immediately na baka suicide bombing yun ano,” pahayag ni Lorenzana.

Sa post blast examination may nakita ang SOCO team na kalahati ang mukha na unidentified at hanggang sa ngayon wala pang nag claim.

Isasailalim ito sa DNA testing para mabatid kung babae o lalaki ito at kung ano ang nationality nito.

Sinasabing lubhang nakaka alarma kung totoong mga suicide bomber ang  nasa likod nito dahil wala pa namang mga Pinoy ang naging suicide bomber.

Aminado ang kalihim na siya ay nababahala sa mga naiulat na suicide bombing dahil sakali pangalawang insidente na ito.

Una ang pagsabog sa Lamitan, Basilan nuong July 2018 kung saan isang Moroccan ang tinukoy na suicide bomber na pinasabog ang sarili habang sakay ng isang passenger van.

Kasalukuyan pang inaalam ng mga awtoridad kung miyembro ng ISIS o hindi ang sinasabing Yemeni couple  na nakipag kita umano sa ASP Sawadjan group

Sa ngayon nasa 40 na mga foreign terrorists ang minomonitor ng militar na nakakalat sa ibat ibang lugar sa central Mindanao, Basilan, at sa Jolo.

Read More

PAGLUSAW SA PCGG, OGCC HINARANG

senate
0

(NI NOEL ABUEL)

NIRATIPIKAN na ng Senado ang bicameral conference committee report sa panukalang bigyan ng mas malaking trabaho ang Office of the Solicitor General (OSG) kasabay ng pagbasura sa panukalang lusawin ang Presidential Commission on Good Government (PCGG) at ang Office of the Government Corporate Counsel (OGCC).

Sinabi ni Senador Richard Gordon, may-akda ng panukala, hindi inaprubahan ng mga senador ang panukala ng mga mambabatas na lusawin ang PCGG sa kadahilanang bigo umano ito na magampanan ang kanilang trabaho.

Magugunitang ang PCGG ang nangunguna sa paghabol sa ill-gotten wealth ng pamilya Marcos subalit hindi kumbinsido ang ilang mambabatas kung kaya’t hiniling ng mga ito na lusawin ang PCGG at OGCC at ilipat ang trabaho ng mga ito sa OSG.

Sa ilalim ng nasabing panukala, ang bagong OSG law, maaaring ma-appoint ang Solicitor General kahit 65-anyos na ito.

“The Solicitor General “shall have a Cabinet rank and the same qualifications for appointment, rank, category, prerogatives, salary grade and salaries, allowances, emoluments, privileges, retirement and all other benefits as the Presiding Justice of the Court of Appeals,” ayon sa panukala.

Read More

PUBLIKO ‘OFF-LIMITS’ SA SALN NG MGA PULITIKO

house
0

(NI BERNARD TAGUINOD)

MANANATILING sarado sa publiko ang buong detalye ng Statement of Assets, Liabilities and Networth (SALN) matapos aprubahan ng kasalukuyang liderato ng Kamara ang dating sistema na ipinatupad ng nakaraang administrasyon ng Kamara.

Sa ilalim ng House Resolution (HR) No 2467 na inaprubahan sa plenaryo ng Kamara noong Miyerkoles ng gabi, hindi pa rin ilalabas sa publiko  ang mga importanteng detalye ng mga mambabatas sa kanilang ihahaing SALN.

Kapareho ito ng HR 1410 na ipinasa noong panahon ni dating House Speaker Pantaleon Alvarez at dahil kailangang maghain muli ng kanilang SALN ang lahat ng miyembro at empleyado ng Kamara , ay inadopt ito ng liderato ni Speaker Gloria Macapagal Arroyo.

Tulad ng dating resolusyon, hindi maaaring ilabas sa publiko ang address ng mga may-ari ng SALN, pangalan ng kanilang anak na hindi pa umaabot sa 18 anyos ang edad.

Maging ang lokasyon ng mga pag-aari ng mga SALN owners , mga negosyo kasama at detalye ng kanilang mga government issued IDs ay hindi maaaring isapubliko ng nangangasiwa sa kanilang SALN.

“Whereas, the House recognize the circumtances in which the information in the SALN’s of its members may used to render them and members of their family vulnerable to threats to life and security, influence the action of the House of its Committees and consequently, undermine the independence of the legislative branch;, “ ang bahagi ng inprubahang resolusyon.

Sa ngayon ay umiiral ang Freedom of Information (FOI) law at pinapayagan ang media na makakuha ng kumpletong detalye ng SALN ng mga mambabatas subalit hindi ganun kadali.

Ito ay dahil kailangang magpakita muna ng “proof under oath” at certification of accredidation ng media organization na lehitimo ang mamamahayag sa SALN Committee saka dedesisyunan kung bibigyan ng kopya o hindi.

Sakaling mabigyan naman ng kopya, kailangan panumpaan ng media o ng ibang requestiong party na hindi gagamitin ang ilantad ang buong detalye ng SALN para maproteksyunan ang may-ari  nito.

“In additon, the requesting party shall certify under oath that the request does not constitute and unwarranted invasion of personal privacy and the name of the owner of the requested SALN shall not disclosed….” bahagi ng inaprubahang resolusyon.

 

 

Read More

ARTIST SKETCH SA BELTRAN SLAY INILABAS

artist1
0

INILABAS na ng Quezon City Police District (QCPD) Huwebes ang sketch ng lalaking posibleng responsable sa pagpaslang sa isang barangay chair sa lungsod.

Ayon kay QCPD director Chief Supt. Joselito Esquivel, nagtanggal ng suot na helmet ang suspek kaya nakita ng testigo ang mukha nito.

Na-enhance din ang kuha ng closed-circuit television (CCTV) sa insidente kaya nakilala ang suspek, ani Esquivel.

Nasawi noong umaga ng Miyerkoles si Criselle Beltran, chairperson ng Barangay Bagong Silangan, at driver niyang si Mario Salita matapos silang pagbabarilin ng mga nakamotorsiklong salarin.

Bukod sa pagiging opisyal ng barangay, kakandidato rin sana si Beltran sa pagkakongresista sa ikalawang distrito ng lungsod.

Kabilang sa mga sinisilip na motibo sa pamamaslang ang politika, love triangle at negosyo.

Sa ngayon, anim ang itinuturing na persons of interest ng pulisya.

Read More

KILALANG PULITIKO ‘TINABLA’ NI KAPITANA

BELTRAN by EDD CASTRO
0

(NI LUISA LEIGHT NIEZ)

“ GUSTO  na talaga niyang umatras dahil sa pini-pressure  daw siya  para paatrasin ng isang tao.”

Ito ang pinagdiinan kahapon ni PDP  mayoralty candidate Bingbong Crisologo nang magtungo sa QCPD Headquarters sa  Kampo Karingal, Quezon City.

Gayunman, tuloy ang pagtakbo ni Bgy. Captain Criselle ‘Beng’ Beltran dahil na rin sa kahilingan ng maraming umaasang supporters sa kanyang nasasakupan.

Ayon kay  dating Rep. Crisologo, isang araw bago  ma-ambush si  Beltran,  nag-usap umano sila dahil isang kongresista umano ang kumausap sa kanya para paatrasin siya sa kanyang pagtakbo sa ika-2 distrito.

Sinabi pa ni Crisologo na may tatlong  suspek na umanong tinutututukan kung kaya nagsadya siya sa QCPD para personal na alamin ang bagong kaganapan.

Samantala, sa isang press briefing  sa Kampo Karingal,  sinabi ni QCPD Director PCSUPT Joselito Esquivel, Jr.  na may mga  person of interest na sila  ngunit  hindi  naman nito sinabi kung  sino-sino ang mga ito.

Ayon kay Esquivel , naglagay na ng  16 na  mga imbestigador sa binuong ‘Task Force Beltran’ para matutukan nang husto ang imbestigasyon.

“Puwedeng  pulitika, love triangle, negosyo at puwede ring related sa  pagiging kapitan nito,” sabi ni Esquivel.

2 DATING KARELASYON NG BGY. CHAIRWOMAN NAGTUNGO SA QCPD

NANANATILING tikom ang bibig ng Criminal Investigation and Detection Unit (CIDU)  ng Quezon City Pollice District (QCPD)  sa  pagkakakilanlan ng sinasabing  peson of interest  sa pagpaslang kay Beltran.

Kaugnay nito,   inimbitahan naman ng  QCPD-CIDU  ang  dating asawa ni  Beltran, 48, na si Winston Beltran, 51 at  ang isa sa naka-relasyon nito na si SPO2 Nilo Duaso, naka-assign sa Fairview Police Station 5 ng QCPD,  samantala, hinihintay pa rin ng mga imbestigador na  pumunta ang  kasalukuyan umanong karelasyon ng chairwoman..

Hindi muna ipinakausap ng CIDU ang dalawang nakarelasyon ng kapitana  dahil  baka makaapekto ito sa ginagawang imbestigasyon  ng Task Force.

Ayon kay QCPD Director,  PCSUPT  Joselito Esquivel, Jr.  bumuo na sila ng  special investigation  task group  na tututok sa imbestigasyon.

Sinabi naman ni NCRPO Chief, PDIR Guillermo  Lorenzo Eleazar,  na pinag-aaralang lahat ng anggulo , pero hindi isinasaisang-tabi  ang motibo ng pulitika dahil nasa election period tayo at itong si kapitana  ay elected official  na tumayakbo bilang  congressional  candidate sa 2nd District  ng Quezon City at tinitingnan din natin  kung  mako-consider ito na  merong political motive.

“Asahan natin na sa mga susunod na oras o mga araw ito pong binubong special investigation task group ng QCPD ay talagang pag-aaralan ang mga pangyayari,” ayon kay  Eleazar.

Read More

BIDDING POWER NG DBM INALIS NA

0

(NI BERNARD TAGUINOD)

INALIS na ang kapangyarihan ng Department of Budget and Management (DBM) na magpa-bidding ng malalaking proyekto sa ilalim ng 2019 General Appropriations Act (GAA).

Ito ang kinumpirma ni House appropriation committee chairman Rolando Andaya Jr., sa gitna ng bicameral conference meeting kasama ang mga kinatawan ng Senado sa P3.757 trilyon na 2019 national budget.

“This is one of the budget reforms that House conferees on the bicameral committee will push when the discussion on the 2019 budget resumes next week,” pahayag ni Andaya.

Magugunita na ibinuko ni Andaya na umaabot sa P198 bilyon halaga ng malalaking proyekto ang ipina-bidding ng PS-DBM at ipinagkatiwala ang trabahong ito sa mga contractual employees.

Ilegal aniya ito at panganib dahil walang expertice sa mga mahahalaga at malalaking proyekto ang mga empleyado ng PS-DBM.

“Hindi na puwede ang ginagawa ni Sec. Diokno na utusan ang DBM-PS na magsagawa ng bidding para sa bilyon-bilyong proyekto ng ibang departamento. Ang mandato ng DBM ay mag-allocate ng funds, hindi magsagawa ng bidding ng big-ticket infrastructure projects,” ani Andaya.

Subalit nilinis ni Andaya ang mga empleyado ng PS-DBM dahil sumusunod lang umano ang mga ito sa utos ng mga nakakataas sa kanila kaya kahit wala silang alam sa mga proyekto ay magpabidding ang mga ito.

Karamihan sa mga big projects na ipinabidding ng PS-DBM ay nasa ilalim ng Department of Transportation (DOTr) na kinabibilangan ng mga tren, subbway, airport at iba pa.

Plano umano ng komite ni Andaya na pakasuhan ng “technical malversation” ang sinumang nag-utos sa mga empleyado ng PS-DBM na ipagbidding ang mga nabanggit na proyekto na umaabot sa P198 bilyon

Read More

QC ‘DI PA ILALAGAY SA COMELEC HOTSPOT

comelec
0

(NI HARVEY PEREZ, BERNARD TAGUINOD)

WALA pang balak ang Commission on Elections (Comelec) na isama sa mga lugar na nasa “hotspots ” at isailalim sa kontrol ang Quezon City,kasunod ng pagpaslang, Miyerkoles ng tanghali sa isang barangay chairna kakandidato bilang congresswoman ng District 2 ng Quezon City.

“Wala pang ganyang pagkilos. Kailangan muna ma-evaluate ng PNP ang sitwasyon. Tignan natin kung ano ang rekomendasyon nila,”ayon kay Comelec spokesperson  James Jimenez.

Magugunita na pinagbabaril ng mga suspek nakasakay ng dalawang motorsiklo si Barangay Bagong Silangan chair Crisell Beltran, 47,habang nakasakay sa kanyang  Ford Everest  sa J.P. Rizal Street ,Quezon City  dakong alas 11:40 ng umaga.

Nabatid na makakalaban ni Kapitana Beltran sa congressional election para sa 2nd District ng Quezon City ang dating aktres na si Councilor Precious Hipolito-Castelo at ex-Congresswoman Mary Ann Susano.

Si Beltran ay isinugod sa  FEU-NRMF Medical Center pero idineklarang dead on arrival

Nasawi rin ang driver ni Beltran na si Melchor Salita na Isinugod naman sa  General Malvar Hospital sa Diliman habang tatlo naman ang tinamaan ng ligaw na bala.

Inaalam naman ng pulisya kung pulitika o may kinalaman sa kanyang trabaho

QC IPINADEDEKLARANG ELECTION HOTSPOT

Matapos itumba ang isang congressional candidate sa ikalawang distrito ng Quezon City, ipinadedeklara ng isang mambabatas sa Kamara na isailalim sa election hot spot ang lungsod.

“I ask the Comelec and the PNP to, at the very least, designate soon the whole of Quezon City as an election hotspot, and possibly place it under Comelec control, considering the intensity of election-related violence during this current entire election cycle for the May 2019 polls,” ani Herrera-Dy.

Nagluksa si Herrera-Dy sa pagkamatay ng kanya umanong matalik na kailangan na malaki ang naitulong sa kanilang party-list sa mga nakalipas na eleksyon.

“Maraming salamat sa isang tunay at tapat na kaibigan. We will miss you and we love you Capt. Beng! We will not rest until we find who did this to you,’ ayon pa sa lady solon na dating Quezon City Councilor.

Sinusuportahan din umano ng mambabatas ang mungkahi na ihiwalay na ang national at local election

para na rin sa seguridad, hindi lamang ng mga kandidato kundi ng mga botante tuwing may halalan.

 

 

Read More

MILITAR , JOLO ‘BOMBERS’ NAGKASAGUPAAN

blast1
0

NAGKAROON ng sagupaan sa pagitan ng miyembro ng Ajang-Ajang ng Abu Sayyaf group na sinasabing nasa likod ng pagsabog sa Jolo cathedral noong Linggo ng umaga.

Sa statement, sinabi ng Armed Forces Western Mindanao Command (Wesmincom) na nagkaroon umano ng bakbakan sa pagitan ng mga sundalo ng 1st Scout Ranger Battalion at may 20 miyembro ng Ajang-Ajang sa ilalim ng Macrin sa Barangay Latih, Patikul, Sulu, bandang alas-7:20 Huwebes ng umaga.

Tumagal ng limang minuto ang bakbakan ayon sa Westmincom. Walang inulat na nasugatan sa panig ng militar.

Hanggang Huwebes ng umaga ay patuloy na tinutugis ng militar ang mga terorista.

Una ng iniutos ni Pangulong Duterte and all-out war laban sa mga Sayyaf matapos ang pagsabog.

Read More

P38-M SA JOLO BLAST VICTIMS IBIBIGAY NG CHINESE ENVOY

china200
0

NANGAKO si Chinese Ambassador to the Philippines Zhao Jianhua na magbibigay ng RMB 5 milyon o aabot sa P38 para sa biktima ng Jolo cathedral blast, ayon kay Foreign Affairs secretary Teddy Locsin.

“Chinese Amb Zhao is donating 5 million RMB to the families of the blast victims in the Jolo Cathedral,” sabi sa tweet ni Locsin.

“Thank you so much. A friend in our grief is a friend indeed,” dagdag pa ni Locsin.

Umaabot na sa 21 katao ang namatay habang halos daan ang nasugatan sa twin blasts na naganap sa Our Lady Of Mount Carmen Cathedral sa Jolo, Sulu.

Kinondena ng iba’t ibang pinuno ng bansa ang pagsabog ngunit ang donasyon ni Zhao ang unang nailathalang government official na tutulong sa pinansiyal para madakip ang mga terorista.

Nangako rin ang ambassador na magpapatulong ang Beijing sa pagsuporta sa Pilipinas para makamit ang hustisya sa mga biktima ng pagsabog.

Read More