DYNASTY ‘DI NATIBAG

beer12

(NI JJ TORRES/PHOTO BY MJ ROMERO)

BINANGASAN ng San Miguel Beermen ang  Magnolia Hotshots, 72-71

sa Game 7 ng PBA Philippine Cup Finals na pinakamahirap nilang championship mula nang magawa nila ang tinaguriang “Beeracle” noong 2016.

Nameligro ang apat na taong paghahari ng Beermen sa All-Filipino tournament nang lumamang ang Magnolia Hotshots Pambansang

Manok ng 17 puntos sa third quarter ng Game 7 noong Miyerkoles sa

Smart Araneta Coliseum.

Ngunit pinakita ng San Miguel ang kanilang katatagan para mabura ang

malaking kalamangan sa pangunguna ni PBA Press Corps-Honda Finals MVP June Mar Fajardo at Alex Cabagnot.

Nagtala ng record na 31 rebounds si Fajardo upang burahin ang 29 ni

Marcelo Simbulan para sa 7-Up noong 1975 habang ang jumper ni Cabagnot ay nagpalamang sa Beermen sa huling minuto.

“Maliban sa Beeracle, ito yung pinakamahirap namin na championship,” wika ni Arwind Santos.

Matatandaang ginawa ng SMB ang hindi inaasahan noong 2016 Philippine Cup Finals nang makabalik sila mula sa isang 0-3 deficit para talunin ang Alaska Aces.

MAY FOREVER SA SAN MIGUEL

“This championship is really special because a lot of people thought

that the dynasty will be broken and sabi nila there’s no forever and

that this dynasty will not last forever,” pahayag ni SMB coach Leo

Austria.

“But we’re so thankful we’re able to get this five-peat with a lot of

pride from our players because they always say that this is the legacy

of our team,” dagdag ni Austria.

ROMEO ‘DI MAGRERETIRO

Ang panalo ng SMB ay nagbigay ng unang PBA championship para kay

Terrence Romeo, na mas lalo pang nagutom para makakuha ng mas maraming tagumpay.

Matatandaang nagbiro si Romeo na magreretiro kung makamit niya ang

title na hinahanap niya simula na maging professional player siya

noong 2013.

“Masarap mag-champion at gusto ko pang makakuha ulit. Gusto ko pang magpagaling, gusto ko pang magpalakas para sa susunod na conference makatulong ako sa team,” wika ni Romeo.

Sa panalo ng Beermen, pinatunayan din ni Romeo na hindi totoong ‘malas’ siya.

Please follow and like us:
Read More

FDA CHIEF PUNO SIBAK  SA ‘CORRUPTION’

puno12

(NI BETH JULIAN)

SIMULA na ng pagtupad sa mga pahayag ni Pangulong Rodrigo Duterte na iisa-isahin nitong linisin ang mga sangay ng pamahalaan na ang mga nanunungkulan ay mga sangkot sa kurapsyon.

Ito ay matapos i-anunsyo Huwebes ng hapon ng Malacanang na anumang oras ngayon ay epektibo nang sibak sa serbisyo si Nela Charade Puno, ang Director General ng Food and Drugs Administration (FDA).

Personal na binasa ni Presidential spokesperson Salvador Panelo ang isang liham mula sa Office of the President na may lagda ni Executive Secretary Salvador Medialdea sa media kung saan nakasaad na effective immediately  at tine-terminate na sa serbisyo si Puno.

Bagaman hindi detalyado, sinabi ni Panelo na may kaugnayan ito sa mandato ng Pangulo na burahin ang mga insidente ng graft and corruption sa gobyerno.

Gayunman, wala pa rin tinukoy si Panelo kung anong kaugnayan ng graft and corruption sa pagsibak kay Puno.

Ayon kay Panelo, ang aksyon ng Pangulo ay upang masiguro na aakto nang naaayon sa kanilang mga mandato ang mga opisyal. Hindi din tinukoy ni Panelo kung sino ang ipapalit kay Puno.

Inaatasan din si Puno na ibalik ang lahat ng mga dokumento at mga properties na isyu sa kanya sa Office of the Undersecretary for Health Regulation sa ilalim ng Department of Health (DoH).

Una nang nagpalabas ng anunsyo kamakailan ang Pangulo na marami itong sisibaking opisyal ng gobyerno na pawang sangkot sa kurapsyon.

 

Please follow and like us:
Read More

NANCY, BAM, JV, JINGGOY NAG-AAGAWAN SA TOP 12

nancy12

(NI HARVEY PEREZ)

NAGHAHATAKAN sa ika-12 puwesto sa senatorial race sina reelectionist Senators Nancy Binay , Paolo “Bam” Aquino, JV Ejercito at  Jinggoy Estrada.

Sa lumabas na  partial and unofficial tally ng Parish Pastoral Council for Responsible Voting  (PPCRV), nasa 97.51% na  o 85,665 ng kabuuang 87,851 Vote Counting Machine na nai-transmit hanggang alas 4:36 ng hapon ng Huwebes. Nakuha pa rin ni Binay ang ika-12 puwesto na may  botong  14,373,317.

Si Binay  ay lamang ng 230,426  boto kay JV  na 14,142,891 , habang si Bam Aquino ay 14,019,910 at si Jinggoy ay  may botong 11,235,399.

Kaugnay nito, kumpiyansa naman si Binay na sa kanya na ang ika-12 puwesto sa senatorial race.

Habang sinabi ni Ejercito ,na nangampanya siya sa bahagi ng Mindanao kaya umaasa siya na papabor sa kanya ang mga nalalabi pang boto.

Samantala sa partial and official tally ng Comelec inilabas hanggang alas 11:59 ng gabi noong Mayo 15, na nasa 53.29%, nasa ika-11 puwesto si JV,ika- 12 si Binay at nasa ika 13 puwesto si Aquino habang nasa ika 15 puwesto naman si Jinggoy.

Nais umano ng Comelec na maiproklama na kaagad  sa loob ng 10 araw ang mga nanalong senador.

 

Please follow and like us:
Read More

PUWERSA NG LP SA KAMARA NABAWASAN PA

congress12

(NI BERNARD TAGUINOD)

SA  halip na lumaki ang puwersa, nabawasan pa ang bilang ng mga miyembro ng Liberal Party (LP) sa Mababang Kapulungan g Kongreso sa 18th Congress.

Ito ang nabatid ng Saksi Ngayon dahil umaabot lamang sa 18 LP congressional candidate ang nanalo sa katatapos na halalan sa iba’t ibang distrito sa bansa.

Sa kasalukuyan ay 20 ang miyembro ng LP ngayong 17th Congress na nakatakdang matapos sa tanghali ng Hunyo 30, 2019 kaya kinapos pa ang partido ng kanilang bilang sa 18th Congress.

Kabilang sa mga LP members na nanalo sa katatapos na halalan ay sina Quezon City Rep. Kit Belmonte, Edgar Erice ng Caloocan, Kid Pena ng Makati City, Stella Quimbo ng Marikina City, Blue Abaya ng Cavite, Cheryl Deloso ng Zambales, Josephine Sato ng Occidental Mindoro, Boy Umali  ng Oriental Mindoro

Kasama din dito sina  Edcel Lagman ng  Albay, Gabriel Bordado ng  Camarines Sur, Tawe Billones ng  Capiz, Josy Limkaichong  ng Negros Oriental, Edgardo Chatto ng Bohol, Raul del Mar ng Cebu City, Paul Daza ng  Northern Samar, Edgar Sarmiento ng Samar, Isagani Amatong ng  Zamboanga del Norte at  Mujiv Hataman ng Basilan.

Noong panahon ni dating pangulong Benigno “Noynoy” Aquino III , ang LP ang may pinakamaraming miyembro ng Kongreso subalit 20 lamang ang naiwan nang manalo si Pangulong Rodrigo Duterte noong 2016 presidential election matapos maglipatan ang mga ito sa administration party na PDP-Laban.

Hindi rin lahat ng LP members ay tumayong minority sa Kamara dahil tanging sina Ifugao Rep. Teddy Baguilat, Erice at Lagman ang nasa oposisyon habang ang natitira ay sumama sa supermajority na pinamumunuan ng mga lider ng PDP-Laban.

Naging independent na lamang ang mga ito noong si House Speaker Gloria Macapagal Arroyo na ang nahalal na pinuno ng Kamara matapos makudeta si dating House Speaker Pantaleon Alvarez.

 

Please follow and like us:
Read More

KATIWALIAN SA PCSO IBINUNYAG NI CAM

SANDRACAM13

(NI DAHLIA S. ANIN/PHOTO BY KIER CRUZ)

NAGWALKOUT sa kanilang special board meeting sa Philippine Charity Sweepstakes Office (PCSO) si Sandra Cam dahil sa pag-reverse ng desisyon ng board tungkol sa desisyon nila sa speed game.

Wala naman umanong sulat sa kanila ang OGCC, na siyang legal counsel ng PCSO para i-reverse ang kanilang board resolution number 83.

Ayon kay Cam, ito ang dahilan kung bakit umano mababa ang revenue ng ahensya.

Aabot umano sa P2 milyon ang nawawala sa kanila araw-araw dahil sa mga hindi naire-remit ng ilang STL operators lalo na ang nasa probinsya.

Isinawalat ni Cam sa media na karamihan sa mga STL operators na hindi nagbabayad ay mga sinasabing mistah umano ni Gen. Pinili na siyang GM ng PCSO.

Aabot na sa P10,727,819.81 ang dapat nilang singilin sa mga operators na ito na hindi nasingil sa loob ng tatlong taon, ayon pa kay Cam.

Nais umapela ni Cam sa Pangulo na i-revamp, o  i-relieve siya sa puwesto at ang lahat ng board members ng ahensya upang matigil umano ang korapsyon na ito.

Naniniwala si Cam na hindi umano dapat na militar ang nakaupo sa charity organization ng gobyerno kung saan ay dapat na may puso at malasakit sa kapwa ang maupo sa ahensiya upang tunay na makatulong sa kapwa.

Sinabi ni Cam na nag-iisa lamang umano siyang lumalaban sa mga katiwaliang ito at patuloy niya itong lalabanan dahil naawa siya sa mga taong pumipila upang humingi ng tulong at kakaunti lang ang naibibigay ng ahensya.

Hindi umano siya natatakot sa mga banta sa kanyang buhay dahil sanay na umano siya dito at ang nais niya lang ay makatulong sa mga tao na nangangailangan.

Hinihiling niya din niya sa Pangulo na ilagay na lamang siya sa ibang ahensya ng gobyerno kung saan mas makakakilos siya ng maayos.

 

Please follow and like us:
Read More

PAGTUTOK SA PRIORITY BILLS TINIYAK NI DU30

duterte senado

(NI BETH  JULIAN)

KUMPIYANSA ang Malacanang na mas matututukan ngayon ng mga senador ang pagtalakay sa mga nakabimbing panukalang batas na isinusulong ng administrasyong Duterte.

Ito ang binigyang-diin ni Presidential Spokesperson Salvador Panelo makaraang pumasok sa top 12 ang mayorya ng mga senatoriables na inendorso ni Pangulong Rodrigo Duterte.

Ayon kay Panelo, kung dati ay laging gahol sa panahon ang mga senador  para talakayin ang mga priority bill ng administrasyon, ngayon ay malaki na ang tsansa na agad itong mabibigyan pansin ng mga mambabatas.

Giit pa ni Panelo, inilatag na ni Duterte ang lahat ng programa ng gobyerno na nais nitong ipalabas kaya’t hindi na aniya magiging mahirap para sa mga bago at dati nang nakaupong senador.

Batay sa official unofficial tally ng Comelec, pawang mga kaalyadong kandidatong senador ni Duterte ang namayagpag sa Senado kung saan walo sa 12 slot ang nasungkit ng mga pro Duterte habang apat naman ay mga independent candidate.

 

Please follow and like us:
Read More

SEGURIDAD SA MRT MAS HIHIGPITAN

mrt12

(NI KEVIN COLLANTES)

HIGIT pa umanong hihigpitan ng Department of Transportation-Metro Rail Transit Line 3 (DOTr-MRT3) ang ipinatutupad nilang seguridad sa istasyon ng kanilang mga tren.

Ito’y matapos ang pagkakaaresto sa isang pasahero nito na nakumpiskahan ng mga bala ng baril sa North Avenue Station sa Quezon City nitong Miyerkoles ng umaga.

Ayon sa DOTr, hindi nila ipinagwawalang-bahala ang ganitong mga kaganapan para matiyak ang kaligtasan ng kanilang mga pasahero at mga tauhan.

“The DOTr MRT-3 assures the public that the incident will not be taken lightly,” ayon naman sa DOTr-MRT3.

“……. strict security measures will continue to be implemented across MRT-3 trains and stations for the safety and security of passengers,” pagtiyak pa nito.

Matatandaang nitong Miyerkoles ay inaresto ng mga pulis sa southbound ng North Avenue Station si Don Ray Adina, 36, matapos na ma-detect ng baggage scanner, na may dala itong mga bala sa kanyang backpack.

Nang inspeksiyunin ang bag ng suspek ay nakumpiska ng mga guwardiya ang isang magazine at walong piraso ng 10mm live ammunitions.

Si Adina ay nasa kustodiya na ng Philippine National Police Regional Mobile Force Battalion (PNP-RMFB) at sasampahan ng kasong paglabag sa Republic Act 10591 o The Comprehensive Firearms and Ammunition Regulation Act at Omnibus Election Code o gun ban.

 

Please follow and like us:
Read More

BIFF ‘ENDANGERED SPECIES’ NA – MILITAR

biff12

(NI NICK ECHEVARRIA)

ITINUTURING nang “endangered species” ng militar ang Bangsamoro Islamic Freedom Fighters (BIFF), kaya wala itong kinalaman sa mga nangyaring pagpapasabog sa Cotabato City at sa Maguindanao sa katatapos na eleksyon.

Ito ang sinabi ni Philippine Army 6th Infantry Division Commander  MGen. Cirilito Sobejana at idinagdag na binalak ng mga BIFF na manggulo bago pa man ang eleksyon subalit agad itong nahadlangan ng militar kung kaya hindi na ito nakapangulo pa sa mismong araw ng halalan.

Gayunman, minaliit lamang ni Sobejana ang mga naganap na pagsabog sa Cotabato City at Maguindano na ayon sa heneral ay isang uri lamang ng pambubulabog.

Politically motivated aniya ang mga pagsabog sa layuning takutin ang mga botante at mga kandidato na huwag nang magtungo sa mga voting centers para bumoto at ang mga bantay ng election paraphernalia.

 

Please follow and like us:
Read More

VICTORY PARTY NG ADMIN BETS MALABO

duterte500

(NI BETH JULIAN)

OUT of character.

Ganito isinalarawan ni Presidential spokesperson Salvador Panelo si Pangulong Rodrigo Duterte nang usisain kung magbibigay ito ng victory party sa mga nanalong kandidato ng administrasyon nitong nagdaang eleksyon.

“Malabong mangyari yan, out of character ang Pangulong Duterte sa ganyang usapin, hindi naman mahilig yun sa ganun. Workaholic si Presidente,” pahayag ni Panelo.

Giit ni Panelo, kahit maging sa mga kapistahan o anumang okasyon ay hindi maaasahan ang Pangulo maliban lamang kung may mga importante itong kausap na may kaugnayan sa trabaho at kung hindi naman ay mas nais pa nitong manatili sa bahay.

Base sa official tally ng Comelec nitong May 15,  pawang mga kaalyadong kandidato ni Pangulong Rodrigo Duterte ang namamayagpag sa Senado saan walo sa 12 slot sa Senado ang napunta sa mga pro-Duterte habang ang apat ay sa mga independent candidate.

“Makikita na indikasyon iyon na marami pa rin ang sumusuporta sa pamumuno ng Pangulo,” ani Panelo.

Nakapasok sa magic 12 sina administration senatorial candidates at dating Special Assistant to the President (SAP) Bong Go, dating PNP chief at NBP director Bato dela Rosa, Francis Tolentino at Koko Pimentel habang ang mga guest candidates ng administrasyon ay sina Cynthia Villar, Pia Cayetano, Sonny Angara at Imee Marcos.

Samantala, wala pa namang ideya si Panelo kung kukunin ng Pangulo o itatalaga nito bilang Cabinet members ang mga talunang kandidato ng administrasyon para iluklok sa mga bakanteng puwesto.

“Hindi ko pa alam, but there are many ways of serving, hindi lamang naman eh dapat appointed ng Pangulo,” katwiran pa ni Panelo.

Please follow and like us:
Read More