PNPA ISINAILALIM NA SA PNP

pnpa12

(NI BETH JULIAN)

GANAP  nang batas ang itinutulak na ilagay sa ilalim ng pamamahala ng PNP ang PNPA.

Ito ay matapos nang aprubahan ni Pangulong Rodrigo Duterte ang Republic Act 11279 na nag-uutos na ilipat na sa PNP ang PNPA mula sa dating pamamalakad ng Philippine Public Safety College.

Kasama rin sa inilipat sa pangangalaga ng PNP ang National Police Training Institute.

Layon ng batas na makamit ang mas mataas na batas ng pagiging epektibo na police force.

Ang PNPA ay direktang mapasasailalim ng administrative at operational supervision at control ng PNP chief.

Nakasaad din sa nasabing batas na pamumunuan ang PNPA ng isang director na may ranggong Police Major General at aasistehan ng one star rank official o ng isang Brigidier General habang required din sa batas ang isang Brigidier General na magsilbi ding Dean of Academics at Commandant.

Kaugnay nito, inoobliga ang Chief PNP na magsumite ng revised table of organization at staffing pattern ng PNPA, 120 araw matapos ang effectivity ng RA 11279.

Ang PNPA ang tinaguriang premier institution na humuhubog ng mga magiging pinuno at mangunguna sa Pambansang Pulisya kabilang na ang  chief PNP.

Please follow and like us:
Read More

LP UMALMA SA BIKOY VIDEO: WALA KAMING ALAM DYAN! 

kikopangilinan21

(NI NOEL ABUEL)

NANINDIGAN ang Liberal Party (LP) na walang kinalaman ang mga ito sa lumabas na Bikoy video kasabay ng pagsabing gawa-gawa lamang ito ng ilang tao.

Giit ni Senador Francis Pangilinan, presidente ng LP, gawa-gawa ng administrasyon ang mga paratang sa LP tulad ng pagdamay ng kasalukuyang pamahalaan sa usapin ng ouster plot para mapagtakpan ang mga kapalpakan at pangungurakot ng ilang opisyales ng pamahalaan.

“Gawa-gawa lang ng administrasyon. Laging dinadamay ang LP sa mga ouster plot na gawa-gawa lang para pagtakpan ang mga palpak at kurakot sa administrasyon,” giit nito.

“Kahit ano sasabihin ng testigo laban sa mga nakaupo sa takot na masaktan. Wala kaming ugnayan sa video at kay Bikoy. Kasinungalingan lahat ang mga paratang na ‘yan,” dagdag pa nito.

Sinabi pa ni Pangilinan na hanggang ngayon wala pa ring mga drug lords at sindikato na nahuhuli o nakukulong sa pagpuslit ng toneladang shabu sa Bureau of Customs (BoC) at posibleng pinagtatakpan lang.

“Ano na naman kaya ang baho na tinatago ng administrasyon kaya inilabas ang mga kasinungalingang ito?” tanong nito

Sinabi naman ni Senate Minority Leader Franklin M. Drilon na ang alegasyon ni Peter Joemel Advincula ay dapat imbestigahan ng Philippine National Police (PNP) upang mahukay ang tunay na usapin ng Bikoy video at sampahan ng kaso ang nasa likod nito.

Nanindigan din ito na walang kinalaman ang LP sa akusasyon ni Advincula laban sa kanilang partido.

“The Liberal Party had nothing to do with the so-called Bikoy video. We deny the accusations. That the Liberal Party connived with an obviously professional con artist to topple the government is most absurd. It is ridiculous on so many levels. It’s excruciating to have listened to all his lies,” aniya pa.

Ayon naman kay Senador Risa Hontiveros produkto lamang ng masamang imahinasyon ng pamahalaan na pakana ng LP ang nasabing kontrobersyal na video.

“I find it odd that when ‘Bikoy’ came out with his videos accusing President Rodrigo Duterte, his family and close political friends of links to illegal drugs, this administration was quick to shoot down his credibility, even going so far as to threaten him with arrest. And now, when he sings a different song and accuses the opposition of outlandish things, all of a sudden his credibility is restored? How absurd,” ani Hontiveros.

 

Please follow and like us:
Read More

BAGONG PARTY-LIST REPS GINAGAPANG SA SPEAKERSHIP 

congress

(NI BERNARD TAGUINOD)

SINIMULAN nang ‘gapangin” ng tatlong nangungunang kandidato sa pagka-Speaker sa 18th Congress ang party-list congressmen na itinuturing na may pinakamalaking puwersa ngayon sa Kongreso.

Nitong Huwebes ay nagkaroon ng pagtitipon ang mga kinatawan ng mga nanalong party-list organizations noong nakaraang eleksyon sa isang hotel sa Pasig City na dinaluhan ng mga kandidato sa speakership.

Kabilang sa mga dumalo sa pulong sina Marindue Rep. Lord Alan Velasco ng PDP-Laban, Taguig-Pateros Rep. Allan Peter Cayetano at Leyte Rep. Ferdinand Martin Romualdez.

Hindi pinalagpas ng mga nabanggit ang pagkakataon dahil bukod sa 61 ang bilang ng mga party-list group ay itinuturing ang mga ito na ‘block vote”.

Ang PDP-Laban ang partidong may pinakamaraming naipanalong kandidato sa katatapos na congressional election dahil umaabot ang mga ito  83 subalit mas malaki pa rin ang party-list group.

“Malaking bagay yan (block vote). You have to remember that party-list group represents many sector and marginalized sectors. Ang sektor na kung minsan naiiwanan kaya masyadong importante ito kaya I took time to go here,” ani Romualdez na nagpaalam na umano kay Pangulong Rodrigo Duterte para sa kanyang intensyong pamunuan ang Kamara sa 18th Congress.

Ganito rin ang opinyon ni Velasco kaya hindi nito pinalagpas ang pagkakataon na makaharap ang mga magiging kinatawan ng 51 party-list group na nanalo noong nakaraang eleksyon.

“Personally, I am excited to be working with our newly elected legislators, not just those from  party list groups, so we can expedite the process and ensure that PRRD’s legislative agenda will be prioritized,” ani Velasco.

Hindi naman nakipag-usap sa media si Cayetano matapos makipagpulong sa mga party-list group.

Please follow and like us:
Read More

BASURA MULA AUSTRALIA IKINAPIKON NA NG PALASYO

mindanao12

(NI BETH JULIAN)

HINDI pa man nareresolba ang problema sa basura na itinambak ng Canada sa bansa, isa na namang insidente ng pagharang sa shipment ng basura mula sa Australia sa Tagoloan, Misamis Oriental.

Bunsod nito, tahasang inihayag ng Malacanang na hindi  papayagan ng Pilipinas na manatili sa bansa ang naharang na shipment ng basura.

Sinabi ni Presidential Spokesperson Salvador Panelo, na hindi tambakan ng basura ang Pilipinas at gaya ng Canada ay hindi hahayaan ng pamahalaan na may panibagong bansa na magtangkang magtapon ng basura.

Sa ulat, sinabi ni Bureau of Customs collector John Simon, galing sa Australia ang mga basura na nakuha mula sa pitong container vans.

Naka-hold ngayon ang mga basura sa Mindanao Container Terminal.

Sinabi ni Simon na maraming katanungan na dapat sagutin ang broker ng shipment dahil maraming nakitang mali sa deklarasyon nito.

Idineklara ang naharang na shipment bilang processed engineered fuel at municipal waste at ang consignee nito ay ang Holcim Philippines Inc. na naroon habang nagsasagawa ng inspeksyon.

Ipinaliwanag ng Holcim na ang PEF, na gawa sa na-process na basura, ay nagsisilbi bilang alternatibong fuel sa pag-produce ng semento.

 

Please follow and like us:
Read More

‘BIKOY’ SUMAILALIM NA SA BOOKING PROCESS

bikoy500

(NI JG TUMBADO)

ISINAILALIM sa booking procedure si Peter Joemel Advincula, alyas “Bikoy” matapos itong sumuko sa PNP kasabay ng kanyang pagharap sa press conference kaugnay ng pagsisiwalat nito sa ilang liderato ng Liberal Party na nasa likod umano ng pagpapakalat ng “Ang totoong Narcolist” video.

Kinuhanan ng fingerprint at mugshot si Advincula sa PNP-Criminal Investigation and Detection Group (CIDG) sa Camp Crame.

Si Advincula ay nahaharap sa kasong estafa at illegal recruitment.
Bago ito sinabi ni PNP chief Police Gen. Oscar Albayalde na sumuko nang kusa sa mga pulis si Advincula.

Ang mga kaso ni Advincula ay nakasampa sa mga korte sa Baguio at Bicol.

Please follow and like us:
Read More

‘BIKOY’ KAILANGANG IMBESTIGAHAN – REP. DUTERTE

dutert12

(NI BETH JULIAN)

NANINIWALA  si Congressman-elect Paolo Duterte na kailangan nang magkaroon ng proper investigation kaugnay sa panibagong rebelasyon ni Peter Joemel Advincula, alyas Bikoy.

Ito, ayon kay Paolo, ay bunsod na rin ng mas maraming pangalan na lumalabas ngayon kung saan isinasangkot na rin si Senator Risa Hontiveros at ilan pang mga abogado.

Sa isang statement, sinabi ni Duterte na sa simula pa lamang ay wala siyang pag aalinlangan sa paniniwala na si Senator Antonio Trillanes IV ang may gawa ng lahat ng ito.

Sinabi ng kongresista na lahat ng kasinungalingan na inilantad ay naglalayong sirain ang tiwala ng mga Filipino sa mga awtoridad, maging ng mismong Pangulong ng bansa.

Giit pa ng kongresista na isa itong malinaw na alegasyon lang ng mga personalidad na gustong wasakin ang administrasyong Duterte.

Dagdag pa ng kongresista na makikita na sa mga una pa lamang na mga Bikoy video ay fabricated na o peke na kinuha sa tinatawag na ‘playbook’ ng mga tao na ang tanging layunin lamang ay siraan ang kanilang pangalan at reputasyon.

SI LORD NA ANG BAHALA – HONEYLET

“Si Lord na ang bahala sa kanya.”

Ito ang pahayag ng common law wife ni Pangulong Duterte na si Honeylet Avancena kaugnay ng apela ni Advincula na sana ay patawarin siya ng Pangulo at pamilya nito sa nagawa niyang pagkakamali.

Tugon ni Avancena na ipinasasa-Diyos na lamang niya ang paghingi ng tawad ni Bikoy.

Nauna nang hiningi ni Bikoy sa kanyang paglutang na mabigyan siya ng kahit kaunting sandali ni Duterte at pamilya nito para makahingi siya ng sorry dahil sa pagdawit niya sa mga ito sa ilegal na droga lalo na ang bunsong anak ng Pangulo na si Veronica ‘Kitty’ Duterte.

DRAMA NI BIKOY UMIINIT – PCOO

Sinabi naman ni PCOO Martin Andanar na lalo pang umiinit at nagiging interesting ang mga development sa dramang nangyayari ngayon.

Giit ni Andanar na labanan na ngayon ng mga salita ni Bikoy at ni Senator Antonio Trillanes IV at ng mga Liberal Party.

Pabiro pang sinabi ni Andanar na pupunta muna siya sa grocery para bumili ng popcorn.

REBELASYON NI BIKOY, SCAM –MAYOR SARA

Sa panig naman ni Davao City Mayor Sara Duterte Carpio, sinabi nito na si Bikoy ay isang malinaw na ‘scam’ na nilikha ng mga taong tutol sa administrasyong Duterte para i-discredit ang Pangulo at ilang miyembro ng kanyang pamilya.

Ayon pa kay Mayor Duterte, ang grupong ito ay dis-organise dahil sa simula pa lamang ay hindi na maka-first base sa tinatangka nilang direksyon para sa layuning manggulo.

Pahayag pa ni Mayor Sara, kung siya ang lider ng nasabing grupo ay babarilin na lang niya ang sarili partikular sa bahagi ng ulo para mawala na ang utak na hindi naman nakatutulong o walang silbi.

Sa pahayag ni Bikoy na lumalabas na scripted lang o walang laman ang sinabi nang lumutang siya sa Integrated Bar of the Philippines (IBP) gawa umano ng ilang personalidad na kabilang sa oposisyon at ilang religious group.

Please follow and like us:
Read More

SA P10-B PONDO PALPAK; REPORMA SA ELEKSIYON INIHIRIT

comelec123

(NI ABBY MENDOZA)

SA rami ng aberya sa nagdaang 2019 midterm elections, hiniling ni Senior Deputy Minority Leader Lito Atienza sa Commission on Election na magsagawa ng reporma sa sistema ng halalan sa bansa.

Ayon kay Atienza, hindi maitatanggi ang mga problemang kinaharap ng bansa nitong nagdaang eleksyon mula sa pagpalya ng transparency server, palpak na vote counting machines, sd cards, hanggang sa pagboto ng mga botante.

Inirerekomenda ni Atienza na kung ganito lamang din ang automation ay mainam na ibalik na lamang ang manual na botohan kung saan may transparent system, ani Atienza, dapat gawin na lamang na manual ang botohan at bilangan para masaksihan ng publiko ngunit ang pagtransmit sa Commission on Elections ay electronic.

Pagtatanggol pa nito na kung manual ang botohan at bilangan kung magkaroon man ng aberya tulad ng biglaang brownout at pagloloko ng signal ay naiiwasan ang dayaan.

Iminumungkahi rin ng mambabatas na huwag nang kunin ang Smartmatic at kumuha na lamang ng electronic voting system partner na lokal.

Sinang ayunan din ito na House Minority Leader Danilo Suarez kung saan saan dapat umanong baguhin ng Comelec ang polisiya sa procurement process upang masiguro na dekalidad ang makukuha na supply, dapat umano na tutukan ito agad ng komisyon lalo at may sapat na panahon para paghandaan ang 2022 national elections.

Aminado ang Minority Group sa Kamara na nakapaghihinayang ang P10 billion na inilaan ng Comelec para sa eleksyon na sa bandang huli ay bigo pa rin ito na magawa ang kanilang mandato.

Please follow and like us:
Read More

IMPEACHMENT SA COMELEC OFFICIALS NAKAAMBA

comelec

(NI BERNARD TAGUINOD)

HINDI isinaisantabi ng oposisyon sa Kamara ang posibilidad na mahaharap sa impeachment case ang mga opisyales ng Commission on Elections (Comelec) kapag napatunayan sa imbestigasyon ng Kongreso na nabahiran ng katiwalian ang resulta ng katatapos na halalan.

“I won’t be surprise,” pahayag ni House minority leader Danilo Suarez nang tanungin kung may posibilidad na masampahan ng impeachment complaint ang mga opisyales ng Comelec kapag napatunayan sa imbestigasyon na hindi naging malinis ang katatapos na halalan.

Bukod sa mga militanteng grupo, nakiisa na rin ang minority bloc ni Suarez sa panawagan na imbestigahan ang katatapos na halalan lalo na ang nangyari sa loob ng 7 oras na nagkaroon ng “black out” sa tranmission ng boto.

Unang nanawagan at naghain ng resolusyon ang Makabayan bloc sa Kamara para mag-imbestiga sa katatapos na halalan dahil sa malawakang vote-shaving o binawasan ang boto ng mga ito.

Tinataya ng Makabayan bloc na kinabibilangan ng Bayan Muna, Gabriela, Anakpawis, ACT Teachers at Kabataan party-list na umaabot sa 1.6 million ang botong nawala sa mga ito dahil sa ‘vote shaving”.

Maging si Buhay party-list Rep. Lito Atienza na sa unang pagkakataon ay isang silya lamang ang nakuha sa 18th Congress, ay nagsabi na “hindi masaya” dahil sa mga problemang nangyari tulad ng aberya sa 961 vote-counting-machines (VCMs) at na-corrupt na 1,665 SD cards.

Kasama rin sa paiimbestigahan ng grupo ni Suarez ay ang pagtitipid na ginawa ng Comelec dahil P29 million lamang sa P80 million na pondo ang kanilang ginagamit para sa SD Cards.

“The budget for the supply of SD Cards was approved at P80 million. However, the winning bid was only P29 Million. That  is considerably less than 40 percent of the approved budget. We way ask, what happened to the remaining budget? With all the mishaps in the recent election, we got what we paid for,” ani Suarez.

Maliban sa pondong ito ay bubusiin umano ng Kongreso ang Comelec kung paano ginastos ng mga ito ang P9 billion na pondo sa natatapos na halalan.

Kasabay nito, isinusulong din ng minorya sa Kamara na amyendahan ang Election Law para bumalik sa mano-manong bilangan sa mga presinto upang masiguro ng mamamayan na nabibilang ang kanilang boto subalit electronic ang gagawing transmission sa Comelec main office.

Please follow and like us:
Read More

POSISYON NI GORDON, TARGET NI POE

gordon poe12

(NI NOEL ABUEL)

TARGET ni reelected Senator Grace Poe na pamunuan ang makapangyarihang Senate Blue Ribbon Committee sa pagbubukas ng 18th Congress.

Ayon kay Poe, bagama’t may kasalukuyang namumuno sa nasabing komite ay maaari namang ibigay ito sa iba pang senador na uupo sa susunod na Kongreso at kung papayag si Senador Richard Gordon na siyang namumuno sa Komite.

“Alam mo, mayroong equity of the incumbent.  So ‘yan ay mangyayari lamang kung papayag si Senador Gordon,” ani Poe sa isang ambush interview bago ang proklamasyon nito bilang ikalawang winning senatorial candidates sa pagtatapos ng May 2019 midterm elections sa Philippine International Convention Center (PICC).

Si Poe ay nakakuha ng 22,029,788 boto para makuha ang ikalawang puwesto kasunod ni incumbent Senator Cynthia Villar na nakakuha ng 25,283,727 kabuuang boto.

“Maganda sana. Gusto ko rin ‘yun pero nasa kanya ‘yun. Sa tingin ko hindi pa malalaman ngayon,” dagdag pa nito.

Paliwanag pa nito na pinili nito ang nasabing komite dahil sa “oversight powers” nito sa bawat aspeto ng pamahalaan.

“Kasi blue ribbon ang mayroong oversight powers pagdating sa lahat ng mga nangyayari sa gobyerno, pagdating sa paggawa ng kanilang trabaho, kung may korapsiyon,” giit nito.

 

Please follow and like us:
Read More