FORFEITURE CASE SA MARCOSES IBINASURA NG SANDIGAN

sandigan12

(NI ABBY MENDOZA)

DAHIL sa kawalan ng matibay na ebidensya, ibinasura ng Sandiganbayan ang P102 bilyon forfeiture case laban kay dating pangulong Ferdinand Marcos at dating First Lady Imelda Marcos at sa 11 cronies nito.

Sa 67-pahinang desisyon ng Sandiganbayan Second Division, pinuna nito na inabot na ng 30 taon ang  Presidential Commission on Good Government(PCGG) bago iniakyat ang kaso sa graft court subalit nabigong patunayan ang mga akusasyon laban sa mga Marcoses.

“It saddens the Court that it took more than 30 years before this case is submitted for decision and yet, the prosecution failed to present sufficient evidence to sustain any of the causes of action against the remaining defendants,’ nakasaad sa desisyon.

Hindi rin umano napatunayan ng prosekusyon na nagkamal ng yaman at nakinabang ang mag asawang Marcos sa pagpapautang sa Aklan Bulk Carriers, Inc., Fuga Bulk Carriers, Inc., Coron Bulk Carriers, Inc., at Ecija Bulk Carriers, Inc.

Gayundin ay walang ebidensya na ginamit ng mga Marcoses para sa kanilang pansariling interes ang kita mula sa RPN-9, IBC-13 at BBC-2 at nagpartisipa ang mga Marcoses sa pagpapatayo ng  California Overseas Bank.

“It is settled that in civil cases, the party making allegations has the burden of proving them by a preponderance of evidence. In addition, the parties must rely on the strength of their own evidence, not upon the weakness of the defense offered by their opponent,” ayon pa sa desisyon.

Sa usapin ng paggamit ng mga dummy ay hindi rin umano napatunayan na nakinabang ang mga cronies at ginamit ang mga ito bilang dummy sa mga transaksyon.

Kasama sa abswelto sa kaso sina Rafael Sison, Placido Mapa, Jr., Don M. Ferry, Jose Tengco, Jr., Ramon Monzon, Generosa Olazo, Cynthia Cheong, Ma. Luisa Nograles, Leopoldo Vergara, Jose Africa at Rodolfo Arambulo.

Please follow and like us:
Read More

BEERMEN LUSOT SA DOUBLE-OVERTIME WIN

beer66

(NI VT ROMANO, Saksi Ngayon, Sports Editor)

NAILUSOT ng San Miguel Beermen ang 127-125 double overtime win kontra TNT KaTropa, Miyerkoles ng gabi sa Game Two ng PBA Commissioner’s Cup finals sa Smart-Araneta Coliseum.

Sinamantala ng Beermen ang pagkakatalsik ni TNT import Terrence Jones at ang pagkawala ni Troy Rosario sa ikalawang overtime period bunga ng anim na foul, para itabla ang best-of-seven series sa 1-1.

Swak ang dalawang free throws ni June Mar Fajardo sa huling 32.1 segundo sa second overtime tungo sa 124-122 count. Nadulas si Jayson Castro sa sumunod na posesyon na nagresulta ng layup ni Chris Ross, 15 second na lang at nagbigay sa Beermen ng four-point bentahe.

Natawagan si Jones ng ikalawang technical foul, dahilan para ma-eject siya sa unang overtime pa lang. Habang si Rosario nama’y na-foul trouble sa second overtime.

Please follow and like us:
Read More

JULIA BARRETTO’S DAMAGE CONTROL: NAG-BOOMERANG!

julia77

(NI KC GUERRERO)

TAONG  2015 ay may inihain na restraining order si James Reid laban kay Julia Barretto. Dahil sa TRO na-limit lang si Julia sa Star Creatives. Si James Reid ay active sa paggawa ng soaps.

Fast forward tayo sa taong 2018. Bumango-bango muli si Julia dahil tinangkilik ang loveteam nila ni Joshua Garcia. But not on a LizQuen-JaDine-KathNiel level. So, may mga projects for both without the other. Nag-Between Maybes.

Andaming probabilities. Andaming assumptions. Na-Bea Alonzo. Na-ghosting. Nanahimik sila.

UNTIL UMEPEK ANG REPERCUSSION.

Product endorsements started to cancel or back out. Rattled sila. Kailangan ng drastic measures. Nag-hire ng damage controller a.k.a. ghostwriter. GHOSTWRITING IS THE ANSWER. Pero nag-backlash.

Ang effect kasi ay parang nakalunok ng liquid ecstasy si Julia at nagising ang subconscious mind niya.

May pa-HOWEVER pa! Dinaig ang SAKSI Ngayon editor. [Haha! – Ed. Ben]

Para mapigil ang effect ng negativity. Nawawala ang mga pagkakakitaan. Kailangan bumango ang TEAM JULIA!

‘Pag nagbasa ka, BenThought, sa mga social media reactions, imbes na ma-control, lumala pa ang sitwasyon.

Kailangan na nilang mag-hire ng professional damage controller.

Dapat matuto sila sa nag-handle sa SHARON-GABBY-JANICE ahasan noon.

Buhay pa ang marami sa involved!

                                                                                      ###

Nakaabot ako sa Starmall, Alabang noong Linggo. Inabutan ko ang performance ni Myrtle Sarrosa para Sisters Day event ng MegaSoft Hygienic Products, Inc. Ang schoolmate natin sa UP Diliman na si Myrtle (cum laude sa MassCom kamakailan lang, BenThought!) ang ilang taon nang endorser ng Sisters Sanitary Napkins and Pantyliners na siyang flagship products ng MegaSoft for 19 years.

Kaya naman inihayag na by next year, expect more exciting things to come dahil ika-20th year na ng Sisters. Sa mga hindi nakaaalam, parang ilang taon na nga ba ang MegaSoft ni Ms. Aileen Choi-Go (VP for Sales and Marketing) ay talagang nakatutulong sa napakara­ming tao, lalo na sa iba’t ibang schools sa buong bansa.

Malapit na ring magka-print ad sa SAKSI Ngayon ang products ng MegaSoft, my dear fave editor BenThought!

Since 2016, may 70 schools na ang nabigyan nila ng entertainment, assistance at inspirasyon. Kaya madalas naming naririnig sa mga endorsers ng kompanya gaya ni Myrtle at iba pang ambassadors like Aljun Cayawan, Young JV at Ryle Santiago kung gaano sila ka-grateful na sila ang mga napiling endorsers ng MegaSoft.

Ayon kay Ms. Aileen na masayang-masaya kahit umuulan, ang daming duma­ting sa Sisters Day na, “Every year, sine-celebrate po natin ang Sisters Day. Para itong camaraderie sa ating mga kababaihan na hindi po tayo magpabaya sa ating mga sarili at sa ating mga kaibigan.”

Alam mo, BenThought, bilib ako sa produktong ito dahil ang mga endorsers nila ay hindi mga superstars.

Ang foremost criterion nila ay ang excellent sa acade­mics o pursigido sa pag-aaral.

Kaya number one sa kanila ang “Pinoy Big Brother” Grand winner na kababayan kong Ilonggo na si Myrtle. UP Diliman ang school at grumadweyt with cum laude honor.

Matuk mo!

 

Please follow and like us:
Read More

MULTA SA MWSS DAPAT IBIGAY SA CONSUMERS — SOLONS

mwss55

(NI BERNARD TAGUINOD)

KUNG mayroong dapat makinabang sa P1.8 bilyon na  ipinataw  ng Korte Suprema na multa sa mga water concessionaires dahil sa hindi pagsunod sa Clean Water Act, ay ang mga consumers.

Ito ang iginiit ng mga mambabatas sa Mababang Kapulungan ng Kongreso dahil galing sa mga consumers ang kanilang gastos sa pagpapatayo ng sewerage system na hindi nila ginawa kaya pinagmulta ng Korte Suprema.

“The P1.843 billion fine should also go to consumers because it is them who are shouldering the expenses of the water concessionaires thru the sewerage and sanitation fees but obviously Maynilad and Manila Water are not using these fees for their intended purpose,” ayon kina  Bayan Muna party-list Rep. Carlos Zarate at Neri Colmenares.

Ganito rin ang nais mangyari ni Buhay party-list Rep. Lito Atienza dahil buwan-buwan ay naniningil ng 20% sa kabuang bill ng mga consumers ang Manila Water at Maynilad para pagpapatayo ng sewerage system.

“Niloloko nila tayo, bayad tayo ng bayad, pero wala namang serbisyong nabibigay. Hindi nila tinutupad ang kanilang obligasyon kay Juan dela Cruz,” ani Atienza na ikinatuwa ang desisyon ng Kataas-taasang Hukuman.

Kasabay nito, sinabi ni Colmenares na bababala rin ang nasabing desisyon ng Korte Suprema sa mga kumpanyang nagtatapon ng kanilang dumi sa Manila Bay kaya dapat umayos na umano ang mga ito.

Ayon kay Colmenares, darating ang araw na pagmumultahin ang mga kumpanyang dumudumi sa Manila Bay tulad ng nangyari sa Manila Water at Maynilad dahil binababalewala ng mga ito ang batas.

Please follow and like us:
Read More

ESTUDYANTENG NAWAWALA NIRE-RECRUIT NG REBELDE? 

bato100

(NI NOEL ABUEL/PHOTO BY DANNY BACOLOD)

KINALAMPAG ng ilang senador ang Armed Forces of the Philippines (AFP) at Philippine National Police (PNP) para mahanap ang ilang mga estudyanteng nawawala na pinaniniwalaang na-recruit ng makakaliwang grupo.

Ayon kina Senador Ronald Dela Rosa at Senador Francis Tolentino, dapat na kumilos ang mga government agencies para tumulong na mabawi ang mga kababaihang menor de edad na patuloy na hinahanap ng kanilang mga pamilya.

“Pakilusin natin ang intelligence community ng AFP para ma-locate ang mga bata na ‘yan. AFP at PNP, at ‘yun namang mga recruiter kasuhan kapag lumabas ang warrant nu’n talagang ipa-locate natin sa kanila, kunan natin ng information kung nasaan ang mga bata na ni-recruit nila,” sabi ni Dela Rosa.

Handa aniya itong maging bahagi ng pagbawi sa mga nasabing kabataan sa kamay ng mga makakaliwang grupo upang maibalik sa kanilang mga magulang.

“Yes, hopefully not for any  reason, not for anything, only for humanitarian consideration, tulungan natin na mabawasan ang paghihinagpis ng mga parents na nag-aalala sa kanilang mga anak, tao rin naman sila, siguro maramdaman nila ‘yun,” aniya pa.

Sinabi naman ni Tolentino na dapat kumilos ang pamahalaan at mahigpit na bantayan ang ginagawang pag-recruit sa mga estudyante ng mga organisasyon na may kaugnayan sa Communist Party of the Philippines-New People’s Army – National Democratic Front (CPP-NPA-NDF).

Sa ginanap na Senate Committee hearing ng Public Order and Dangerous Drugs with National Defense and Security, naging emosyunal ang mga magulang ng limang babaeng estudyante na pawang na-recruit ang kanilang mga anak ng grupo ng Anakbayan, League of Filipino Students (LFS) at Gabriela.

Ang mga nasabing mag-aaral ay pawang estudyante ng Polytechnic University of the Philippines (PUP), Far Eastern University (FEU) at University of the East (UE) na sinasabing hindi na umuwi ng kanilang bahay matapos ang makumbinse umanong umanib sa makakaliwang grupo.

“Kailangan nating paigtingin ang seguridad maging sa mga paaralan at unibersidad upang matiyak na ang mga kabataan ay nasusubaybayan nang mabuti lalo na sa mga pagkakataong hindi sila nakikita ng kanilang mga magulang,” sabi ni Tolentino.

Please follow and like us:
Read More

DOH NAG-IINGAT SA DENGVAXIA VACCINE

deng1

(NI DAHLIA S. ANIN)

HINDI mamadaliin ng Department of Health (DoH) ang pagre-review sa posibleng muling paggamit ng dengvaxia vaccine kahit pa nagdeklara na ng national epidemic ang ahensya dahil sa nakaaalarmang pagtaas ng kaso ng dengue sa bansa.

Matatandaan na ipinatigil ng kagawaran ang pagbibigay ng dengvaxia vaccine sa mga estudyante bago matapos ang 2017, matapos magpahayag ang Sanofi, na siyang manufacturer ng nasabing vaccine na maaaring magkaroon ng mas malalang sintomas sa mga pasyente ang bakuna kung ang naturukan nito ay hindi pa nagkakaroon ng dengue.

Noong nakaraang buwan lang ay umaapela ang French firm na bawiin ang certificate ng product registration ng dengvaxia.

“Kailangan natin ng complete documentation saka final result ng mga study para masuri natin tlaga bago natin gamitin ulit. Hindi po siya minamadali,” ayon kay Health Undersecretary and spokeperson Eric Domingo.

“We should not connect this to the current dengue outbreak dahil hindi naman po siya magiging sagot sa outbreak na ito,” ayon pa kay Domingo.

Karamihan sa mga may dengue ngayon ay nasa edad 5-9, habang ang dengvaxia ay ibinibigay sa mga bata na may edad na 10-16 anyos sa ibang bansa pagdidiin ni Domingo.

Ayon pa sa kanya, ang bakuna ay dapat na ibinibigay lamang sa nga nagka-dengue na.

Kailangan pa umanong magbigay ng Sanofi ng kanilang 60 month follow up study sa pagiging epektibo ng dengvaxia.

Hindi sumang-ayon ang ilan sa dengvaxia matapos na maiugnay ito sa pagkamatay ng ilang bata na naturukan ng nasabing bakuna.

Ilang reports ang lumitaw noon na nagsasangkot sa dengvaxia sa pagkamatay ng ilang bata na gumawa ng vaccine scare, na siyang nagpababa sa immunization coverage ng bansa sa 40% mula sa 70% noong mga nakaraang taon.

Nakapagtala na ang DoH ng 146,062 kaso ng dengue sa buong bansa at 622 deaths na mas mataas ng doble sa naman ang naiulat 73,818  noong nakaraang taon.

Please follow and like us:
Read More

SWS SURVEY SAMPAL SA KRITIKO – PANELO

panelo44

(NI BETH JULIAN)

ITINUTURING na sampal sa mga kritiko ang panibagong survey ng Social Weather Stations (SWS) na nagsasabing apat sa limang Filipino ang kuntento sa resulta ng katatapos na midterm elections.

Gayunman, ang resulta ng survey ay ikinagalak naman ng Malacanang at malaking dagok sa mga kritiko ng Duterte administration.

Ayon kay Presidential Spokesperson Salvador Panelo, dahil sa survey, ito ang basehan na nagsalita na ang taumbayan kaya dapat nang itigil ang pang-iinsulto sa mga botante.

“Kaya sa mga kritiko at sa hanay ng minorya na duda sa resulta ng halalan, ito na ang basehan, nagsalita na ang taumbayan,” pahayag ni Panelo.

Bunsod nito, sinabi ni Panelo na patuloy na pagsusumikapan ni Pangulong Duterte na hikayatin ang Commission on Elections (Comelec) na tiyakin na magiging fraud free technology provider ang gagamiting makina sa 2022 elections.

Target din ni Pangulong Duterte na mag-iwan ng magandang electoral reform legacy sa bansa.

Please follow and like us:
Read More

BAGYONG HANNA LALABAS NG PAR SA BIYERNES

BAGYONG USMAN-2

(NI ABBY MENDOZA)

LUMAKAS at bumagal ang bagyong Hanna na magdudulot pa rin ng pag-uulan sa Batanes at Babuyan Island, ayon sa   Philippine Atmospheric Geophysical, Astronomical, Services Administration (Pagasa).

Ayon sa Pagasa nasa 130 kph ang bilis ng bagyong Hanna at may bugso na 160kph , huli itong namataan 630 km ng Basco, Batanes, hindi pa rin inaasahang maglalandfall at lalabas ng Philippine Area of Responsibility (PAR) sa Biyernes.

Dala ng paglakas ng bagyo ay patuloy na makararanas ng katamtaman hanggang malalakas na paguulan ang Batanes at Babuyan Group of Islands na ngayon ay nasa ilalim ng Storm Signal No 1.

Ang bagyong Hanna umano ay pinalalakas pa ng hanging habagat kaya nakararanas ng pag-uulan ang  Calamian at Cuyo islands, Occidental Mindoro, Oriental Mindoro, Romblon, Zambales, Bataan, Aklan , Antique, Iloilo, Guimaras, Metro Manila, Ilocos Region,Cordillera Administrative Region, Zambales, Bataan, Rizal, Cavite, Laguna, Batangas, Occidental Mindoro at Oriental Mindoro.

Sinabi ni Pagasa kay Senior Weather Specialist Chris Perez na maliban sa bagyong Hanna ay dalawa pang weather system ang binabantayan ng Pagasa.

Isang Low Pressure area (LPA) na namataan sa Dagupan City at ang bagyong may international name na Krosa na nasa labas ng PAR.

 

Please follow and like us:
Read More

KULONG, MULTA SA PRANK CALLERS 

prank44

(NI NOEL ABUEL)

NABUBUWISIT na si Senador Christopher Lawrence ‘Bong’ Go sa mga prank callers kung kaya’t nais nitong parusahan at pagmultahin ang sinumang mapatutunayang sangkot sa naturang iligal na gawain.

Giit ni Go, panahon nang seryosohin ng pamahalaan na patawan ng parusa at multa ang mga prank callers partikular sa mga emergency hotlines.

Paliwanag pa ng senador na ang emergency hotlines ay ginagamit upang mapahusay ang pagtugon sa mga emergency situation at hindi dapat abusuhin.

Sa kanyang inihaing Senate Bill 400, o ang “Anti-Prank Callers Act of 2019,” nais nitong makulong ng 1-buwan at multang aabot sa P5,000 sa first offense; 6-buwang kulong at P10,000 multa sa ikalawang paglabag at sa ikatlong paglabag ay 6-taong kulong at multang P20,000.

“A prank call is a mischievous or malicious telephone call made to trick or fool someone with the intention to annoy, abuse, threaten, harass, or solicit any comment, request, suggestion or sound which is obscene, lewd, lascivious, filthy or indecent, or a call intending to make false requests or false alarm of an emergency, knowing the report or information or alarm to be false,” paliwanag sa SB 400.

Idinagdag pa ng neophyte senator na inilabas ni Pangulong Rodrigo Duterte ang Executive Order No. 56 na nagtatag ng Emergency 911 Hotline bilang nationwide emergency hotline number na magagamit ng taumbayan sa panahon ng during emergency situations.

Subalit noong 2018 aniya ay nakatanggap ang mga dispatchers ng 2,475 tawag sa telepono subalit 75 lamang ang lehitimo habang mahigit sa 1,000 naman ay dropped calls at nasa 300 naman ay  pranked calls.

Please follow and like us:
Read More