PH WRESTLERS DETERMINADO SA GINTO

wrestling44

(NI JEAN MALANUM)

DETERMINADO ang national wrestlers na magpakitang gilas lalo na at dito gagawin ang 30th SEA Games.

Matapos ma-scrap sa SEAG calendar sa 2015 (Singapore) at 2017 (Malaysia), magbabalik ang wrestling sa torneo na lalaruin mula Nobyembre 30 hanggang Disyembre 11.

Ayon kay Wrestling Association of the Philippines (WAP) president Alvin Aguilar, 20 events sa Freestyle, Greco-Roman at Grappling categories ang paglalabanan.

“Only 14 events were approved but we requested for additional events. We now have 20 events and if the extra events are finally confirmed, our athletes will deliver a minimum of 10 golds,” paliwanag ni Aguilar.

Ang mga nakaline-up sa grappling ay sina Justin Ceriola, Vince Ortiz at Franco Rulloda sa men’s team at Maybelline Masuda, Aisa Ratcliff at Tin del Rosario sa women’s team.

Sina Ortiz, Rulloda at Masuda ay gold winners sa SEA Championships.

“These are all sure gold winners for our country as they have competed at Worlds level and won,” pahayag ni Aguilar na nasa US kasama sina Ceriola, Masuda at Ratcliff para sa two-month training at competition.

“Our athletes have trained in so many gyms so they can spar with the world’s best per division. They are currently here in Ribeiro, San Francisco under the supervision of San Francisco State All-American coach Jason Welch,” dagdag niya.

Nakakuha ng 10 golds, 4 silvers at 5 bronzes na ang mga atleta matapos na sumali sa Washington Open, Orlando Open and Seattle Open.

“There are two more competitions to go, the Worlds Masters (Aug. 21) and Vegas Open (Aug. 22-24). Our athletes are training twice daily and then competing almost every weekend,” sabi ni Aguilar. Babalik ang team sa Pilipinas sa Agosto 28.

Ang national champion na si Ceriola ay nakakuha ng gold sa Washington Open at Seattle Open.

Si Masuda ang unang Pilipinong world champion at naging gold medalist sa Asian Games.

Si Ratcliff na nakapag-asawa ng Australian ay taga-San Carlos City, Negros Occidental. Siya ay national at international champion.

Si Ortiz ang tinaguriang best pound-for-pound athlete dahil nanalo siya sa lahat ng competitions na nilahukan niya sa Pilipinas at ibang bansa. Bronze medalist siya sa 2018 World Championships na ginawa sa Kazakhstan.

Please follow and like us:
Read More

KOREAN, CHINESE FUGITIVE SA PYRAMID SCAM IPADEDEPORT

(NI FRANCIS SORIANO)

ANUMANG araw ay nakatakda nang ipadeport ng  Bureau of Immigration (BI) ang dalawang  foreigners na kinabibilangan ng Chinese at Korean matapos itong maaresto sa magkakahiwalay na operasyon ng Fugitive Search Unit (FSU) dahil sa pagkakasangkot sa krimen sa kanilang bansa.

Kinilala ni BI Commissioner Jaime Morente ang mga suspek na si Huang Kun, 36, Chinese national fugitive, at Lee Byungchul, 53, Korean national.

“BI will be deporting the two foreigners for undesirability and for being undocumented aliens as their passports were already cancelled by their respective governments.

They can no longer return to the Philippines because they have been placed in our immigration blacklist,” ani Morente.

Ayon kay Morente, pinangunahan ng intelligence officer at hepe ng FSU na si Bobby Raquepo ang operasyon na nagresulta sa pagkakadakip ng dalawang suspek.

Lumabas din sa imbestigasyon  na si Huang ay sangkot sa economic crimes na kung saan ay may nabiktima itong halos 200 katao na nagkakahalaga ng 100 million yuan o katumbas ng  US$14.2 million sa kanyang pyramiding investment scam habang si Lee ay subject ng Interpol dahil sa maanomalyang US$75,000.

 

Please follow and like us:
Read More

PAGPAPAKABIT NG CCTV SA LAHAT NG GOV’T OFFICES IGINIIT

(NI NOEL ABUEL)

IGINIIT ni Senador Pia Cayetano na panahon nang obligahin ang lahat ng tanggapan ng pamahalaan sa buong bansa na maglagay ng sarili nitong closed circuit television (CCTV).

“Public office is a public trust, and therefore should be transparent and accountable to the people at all times'” aniya.

Sa inihain nitong Senate Bill no. 503 o ‘Surveillance Camera for Government Establishments Act’, layon nito na mabantayan ang lahat ng kilos at galaw ng mga tauhan ng pamahalaan sa bawat transaksyon nito.

Idinagdag pa ng senador na malaki rin umano ang maitutulong ng CCTV para maiwasang masangkot sa korapsyon ang isang opisyal ng pamahalaan.

Patunay rin aniya ito sa pangako ng pamahalaan na abutin ang Goal 16 ng United Nations’ Sustainable Development Goals (SDGs) na magpapatupad ng epektibong pagbibigay nang maayos at magandang serbisyo ng lahat ng ahensya ng pamahalaan.

“Ridding our institutions of corruption means  better quality social services, which would help the country achieve all SDGs by 2030,” sabi ni Cayetano.

“The use of video records shall only be allowed in specific instances where they are needed: for the investigation or prosecution of a punishable offense; for a pending criminal or civil proceeding; for the avoidance of an imminent threat to persons or property; or to ascertain the identity of a criminal perpetrator,” dagdag pa ng senadora.

Please follow and like us:
Read More

MILITANTE PINADADALO SA SENADO VS NAWAWALANG AKTIBISTA

militant44

(NI NOEL ABUEL)

UMAPELA ang ilang senador sa mga militanteng grupo na dumalo sa pagdinig ng Senado upang sagutin ang dahilan ng paglaho ng mga estudyanteng aktibista.

Ayon kay Senador Ronald Dela Rosa, umaasa itong dadalo sa ikalawang pagdinig ng Senate committe on dangerous drugs ang nasabing grupo.

Nais ng senador na magpaliwanag ang naturang mga makakaliwang grupo kaugnay ng pagkawala ng ilang mag-aaral ng Polytechnic University of the Philippines (PUP), Far Eastern University (FEU), University of the Philippines (UE) na sinasabing umakyat ng bundok at sumailalim sa immersion.

Magugunitang sa unang pagdinig ay bigong lumutang sa nasabing komite ang militanteng grupo kung kaya’t umapela si Dela Rosa na dumating ang mga ito sa imbitasyon.

Sa unang pagdinig ay dumalo ang mga magulang ng nawawalang kabataang estudyante na sinasabing ni-recruit ng makakaliwang grupo.

Ang mga estudyante ay kinabibilangan ng tatlong menor de edad na babae na sinasabing ni-recruit ng Anakbayan at LFS.

 

 

Please follow and like us:
Read More

ANTI-CORRUPTION ITUTURO SA MGA SCHOOL

corrupt55

(NI BERNARD TAGUINOD)

DAHIL wala pa ring nangyayari sa kampanya laban sa katiwalian kahit ilang dekada na itong nilalabanan, iminungkahi ng dalawang mambabatas sa Mababang Kapulungan ng Kongreso na ituro na sa mga bata ang anti-corruption.

Ito ang nakasaad sa House Bill 581  o “Anti-Graft and Corrupt Practices Information and Education Act,” na iniakda nina House deputy speaker Bro. Eddie Villanueva at Rep. Domingo Rivera ng CIBAC party-list.

“While many have tried to eradicate corruption by furthering the stringency of laws on governance and intensifying punishment, no significant improvement has been seen so far,” ani Rivera kaya nais ng mga ito na isama na sa curriculum ng basic education ang anti-corruption at government education.

Sa ilalim ng nasabing panukala, tuturuan ang mga kabataang estudyante ukol sa kademonyohan ng katiwalian at kung paano labanan ang mga  pagnananak sa kaban ng bayan.

Dahil dito, bibigyan ang mga estudyante ng sapat na kaalaman kung papaano nagsisimula ang katiwalian at itanim sa isip ng mga ito ang kanilang karapatan at responsibilidad sa lipunan at bansa sa kabuuan.

“Thus, this bill seeks to mandate the inclusion of anti-corruption materials in the basic education curriculum to emphasize the important role of the students in the fight against graft and corruption and in nation-building. By educating the youth on the evils of corruption, the problem of corruption in the government is minimized, if not eliminated,” paliwanag ni Villanueva.

Naniniwala ang mambabatas na isa ito sa paraan upang mapagtagumpayan ang kampanya sa katiwalian sa paglaki ng mga kabataang ito na hinubog sa paglaban sa mga magnanakaw sa gobyerno.

Ginawa ng dalawang nabanggit na mambabatas ang nasabing panukala dahil hanggang ngayon ay malala umano ang bribery o panunuhol, backdoor deals at iba uri ng katiwalian, hindi lamang sa gobyerno kundi sa pribadong sektor.

Dahil dito, nakokontrol umano ang hustisya sa bansa ng iilan, hindi umaangat ang ekonomiya, lumalala ang kahirapan sa mga ordinaryong mamamayan at nawawala ang tiwala ng publiko sa gobyerno.

 

Please follow and like us:
Read More

RECRUITMENT NG NPA KINUMPIRMA NG MILITAR

cpp npa12

(NI BONG PAULO)

KINUMPIRMA ng militar na may mga ginagawang recruitment activity pa rin ang rebeldeng grupo sa ilang mga lugar sa North Cotabato.

Ito ang ipinahayag ni 72nd Infantry Battalion commander Lt. Col Rey Alvarado ng Philippine army na nakabase sa Magpet, North Cotabato.

Ayon sa kanya, sa pamamagitan ng Community Support Program na direktiba ng higher headquarters target ang mga kabataan upang hindi umanib sa kaliwang grupo.

Dagdag pa ng opisyal, may mga namonitor pa rin ngayon sa ilang lugar sa lalawigan na mga kabataan na sumasali sa grupo.

Ang mga pangako at pagbibigay ng pera ang dahilan na nahihikayat ang mga menor de edad. Sinabi rin nitong target ng grupo ang nasa IP (Indigenous People) community lalo na ang kulang sa edukasyon at kulang sa impormasyon.

Kaugnay nito, muling nagpa-alala ang militar na handa ang gobyerno na sila ay protektahan ang mga nais na bumalik sa pamahalaan.

 

Please follow and like us:
Read More

MUSLIM DUMAGSA SA LUNETA SA EID’L ADHA

eid55

(NI HARVEY PEREZ/PHOTO BY KIER CRUZ)

LIBU-LIBONG  Muslim ang dumagsa  sa Quirino Grandstand sa Ermita, Maynila, Linggo ng umaga para ipagdiwang  ang  Eid’l Adha o Festival of the Sacrifice.

Alas 4:00 ng umaga ay dagsa na ang mga Muslim  para sama-sama na manalangin sa Quirino Grandstand bilang paggunita  ang kahandaan ni Propeta Ibrahim na isakripisyo ang kanyang anak na si Ishmael.

Sa ulat ng Manila Police District (MPD), kasunod nito ay  sama-sama silang nauupo at naghintay para sa muling pagdarasal ganap na alas  7 ng umaga, na sinundan ng sermon ng kanilang Imam.

Nagkaroon din ng isang masaganang almusal  matapos naman ang sermon ng kanilang Imam

Ang Eid’l Adha ay isa sa dalawang pinakamahalagang Islamic holiday, alinsunod sa Muslim calendar.

Ito ag ginugunita  pagkatapos ng Eid’l Fitr, na hudyat naman nang pagsisimula ng banal na buwan ng Ramadan.
Idineklara ni Pangulong Rodrigo Duterte ang araw ng Lunes, Agosto 12, bilang isang regular holiday, bilang pakikiisa sa naturang mahalagang okasyon.

 

Please follow and like us:
Read More

SHOEMAKING BAGONG COURSE SA TESDA

tesda44

(NI KEVIN COLLANTES)

ISASAMA na ng Technical Education and Skills Development Authority (TESDA) sa kanilang mga programa ang kursong shoemaking o paggawa ng sapatos at pagkakalooban pa ng National Certification.

Ayon kay Marikina City Mayor Marcelino “Marcy” Teodoro, nakausap na niya si TESDA Chief Isidro Lapeña at pumayag ito sa kanyang panukalang isama ang shoemaking sa kanilang mga iniaalok na programa.

“I recently talked to TESDA Chief Lapeña and asked him to give shoemaking a national certification or NC. Happy to announce that TESDA will have a shoemaking accreditation in the next six months,” pahayag ng alkalde.

Paliwanag niya, ang approach nila ay institutional, kung saan isinasama sa curriculum ang naturang kurso dahil nangangailangan sila ng mga skilled workers.

Layunin rin aniya ng naturang hakbang na solusyunan ang problema ng bansa sa kakulangan ng skilled shoemakers, upang makagawa ng mga de kalidad at fashionable na mga sapatos para sa publiko.

Sinabi ni Teodoro na sa halip na makipag-kumpetisyon sa isa’t isa ay nagsama-sama na ang mga manggagawa ng sapatos sa Marikina upang higit na maging organisado at magkaroon ng iisang layunin na palaguing muli ang lokal na industriya ng sapatos.

Nakatakda na rin aniya silang magbukas ng ‘One Stop Shop’, kung saan maaaring i-display at maipagbili ang lahat ng mga sapatos na gawa sa Marikina.

“This move of creating a One Stop Shop is to help our businessmen and shoemakers. If before, people have a hard time looking for shops, they can just go to this shop where all designs from various shops will be displayed and sold,” anang alkalde.

“They can buy in bulk, or we could just directly connect them with the owners. Gusto naming maging experiential ang pagbili ng sapatos sa kanila,” aniya pa.

Ipinagmalaki ng alkalde na batay sa shoe test na kanilang isinagawa, ang mga sapatos na gawang Marikina ay maaaring magtagal ng isang taon, kumpara sa ibang mga imported na sapatos sa merkado na nagtatagal lamang ng hanggang tatlong buwan.

Una na ring sinabi ni Teodoro na magtatayo ang Marikina local government ng Shoe Tech school sa loob ng Pamantasan ng Lungsod ng Marikina (PLMAR), na popondohan ng P60 milyon.

Target aniya nilang masimulan ang konstruksiyon ng Shoe Tech building sa loob ng dalawa hanggang tatlong buwan, at inaasahang magiging operational na ito sa ikatlong bahagi ng taong 2020.

 

 

Please follow and like us:
Read More

NCC AQUATICS CENTER BIBINYAGAN

clark66

(NI JEAN MALANUM)

MABIBINYAGAN ang papatapos nang Aquatics Center sa loob ng New Clark City Sports Complex sa pagdaraos ng National Open sa Agosto 31 hanggang Setyembre 2.

Ito ang magsisilbing final qualifying event ng mga Pinoy swimmer na sasabak sa 30th SEA Games, kung saan umaasa ang Pilipinas hahakot ng medalya ang mga pambato rito.

Ayon kay Philippine Swimming, Inc. (PSI) president Lailani Velasco, kasalukuyang abala ang mga atleta sa training para masiguro na maganda ang magiging performance nila sa harap ng mga kababayan.

“Malaki ang expectation sa mga swimmers natin kaya todo ensayo sila,” sabi ni Velasco.

“Our swimmers have been competing in various tournaments abroad to improve their times and they are looking forward to competing in the SEA Games,” pahayag ni Velasco.

Ang resulta ng National Open ang pagbabatayan sa pagpili ng mga sasabak sa SEA Games.

“The National Open will serve as the final tryouts for our athletes. We want the best to represent the country in the SEA Games,” dagdag ni Velasco.

Ang 30th SEA Games ay isa sa mga qualifying tournaments para sa 2020 Tokyo Olympics kaya inaasahan na matinding challenge ang haharapin ng ating swimmers.

“We are thankful that FINA (International Swimming Federation) has approved that the SEA Games is one of the qualifying tournaments for the 2020 Tokyo Olympics. I know that our athletes will do their best to win medals for the country and hopefully, we will also have more Filipinos earning Olympic berths,” paliwanag ni Velasco.

 

 

Please follow and like us:
Read More