GAGAYAHIN KO SI ATE MARIAN RIVERA NA IDOL KO – JILLIAN WARD

(NI RONALD RAFER)

JILLIAN Ward reminds us of younger Maricel Soriano and Snooky Serna during their teenage days.

Nakikita naming sisikat ito nang todo at magiging in-demand na leading lady sa TV at pelikula. Nagdadalaga na si Jillian at lalong gumaganda. Super hinhin lang niyang kumilos at matipid magsalita. Hindi gaya nung bata pa siya na madaldal at makulit.

Bibida si Jillian sa bago niyang show sa Kapuso Network, ang “Prima Donnas” na magsisimula nang mapanood sa August 19, 2019. Kasama rin niya sina Sofia Pablo at Althea Ablan bilang mga kapatid niya.

Ang “Prima Donnas” ay kuwento ng tatlong magkakapatid na babae na pinagkaitan ng pagmamahal at karangyaan sa buhay.  Kasama nila rito sina Wendell Ramos, Glaiza de Castro, Katrina Halili, Aiko Melendez, Chanda Romero, at Elijah Alejo.

Aminado si Jillian na marami na ang nagpaparamdam na gustong manligaw, pero sabi niya, not now dahil bata pa siya.

“Gagayahin ko si Ate Yanyan (Marian Rivera) na idol ko na nag-focus muna sa career kesa sa pakikipag-boyfriend. Bata pa ako at sayang ang mga opportunity na dumarating. Habang bata pa ako, dito muna ang focus ko. Makapaghihintay naman ang pakikipag-boyfriend, saka na ‘pag 20 na siguro ako.

“Look at Ate Yanyan, nung dumating si Kuya Dingdong sa buhay niya, nasa right age na sila. Gusto ko, ganun din ang mangyari sa akin. ‘Yung gusto ko, bagay kami at mamahalin ako.

“So, for now, friendship muna ang maio-offer ko sa mga boys. ‘Yun na lang muna. Saka na iyang boyfriend-boyfriend,” sey pa ng magandang dalagita.

AI-AI NA-BULLY NOON NG MGA ARTISTANG FEELING MAGAGANDA

First time na gaganap sa role na artista si Ai-Ai delas Alas sa And Ai Thank You, sa direksyon ni Joven Tan. Masaya siya dahil glamorosa siya sa pelikula, hindi nanay na naka-duster at deglamorized.

Pero inamin ng Comedy Concert Queen na na-bully rin siya noong araw ng mga artista na feeling super ganda nila.

“Siyempre hindi ko na sasabihin kung sino sila, ‘noh! Wala nang rason pa. Move-on!” sabi ni Ai-Ai sa presscon ng movie.

Sinabi rin ni Ai-Ai na tinatapos lang niya ang lahat ng showbiz commitments niya dahil magpapahinga muna siya dahil gusto niyang magbuntis.

“Kaya nga todo-kayod dahil matagal-tagal din akong magpapahinga. Siyempre nasa bed lang ako para maingatan si baby. Alam n’yo naman na sa edad ko, eh, mahirap nang magbuntis. Pero kakayanin ko para may baby kami ni Papi.”

Si Rufa Mae Quinto ang gaganap na karibal niya at riot ang mga kwelang eksena nilang dalawa.

“Grabe ang mga eksena namin ni Peachy (tawag kay Rufa Mae). Nakakatawa talaga. Eh, kami ni Rufa gamay na namin ang isa’t isa kaya tinginan pa lang, nagtatawanan na kami,” sey pa ni Ai-Ai.

Pinaghandaan talaga ang pelikula bago ito mabuo. Sabi ni Direk Joven, pati ang mga makakasamang artista ni Ai-Ai ay piling-pili at swak sa mga karakter nila.

“Malaking artista si Ai-Ai kaya naman ibinigay namin sa kanya ang mga mahuhusay na artista natin pagdating sa comedy. May say rin siya sa mga artistang makakasama niya – para happy family sa set at good vibes lahat,” dagdag pa ni Direk Joven.

Confident si Ai-Ai na magugustuhan ng mga tao ang pelikula nila.

“Alam natin na namimili na ang mga tao ngayon kung saan sila mag-e-enjoy. I can say na magugustuhan nila ang pelikula namin dahil lahat ng hinahanap nila ay nandito na. Hindi ka lang matatawa, iiyak ka rin at mai-inlove,” hirit pa ni Ai-Ai.

Kasama rin sa pelikula sina Dennis Padilla, Anjo Yllana, Joross Gamboa, Juliana Parizcova Segovia at ang estudyante namin noong Grade 3 pa lang siya sa San Pedro Laguna na si Kakai Bautista na sobrang nakaka-proud dahil napakatalentado at hindi nawawalan ng trabaho.

Ang And Ai Thank You ay handog ng Reality Entertainment at Horseshoe Studios. Makipila na po tayo today, August 14, sa lahat ng sinehan nationwide

Please follow and like us:
Read More

PINOY PINAIIWAS SA HK

calcelled55

(NI BETH JULIAN)

PINAIIWAS ng Malacanang ang mga Filipino na magtungo sa Hong Kong dahil hindi ito ang tamang panahon.

Ayon kay Presidential Spokesperson Salvador Panelo, hindi na dapat munang magtungo sa HK ang mga Pinoy para makaiwas sa gulo sa aiport.

Dito ay makatitiyak din na hindi maaaberya pagpunta sa nasabing bansa lalo pa’t walang  kasiguruhan kung makapupunta nga sa Hong Kong o hindi.

“Avoid muna going there, that’s the advice. Kasi you’re not sure whether you’re going to reach Hong Kong in the first place. Nagkakagulo sa airport. Airport lang naman, limited naman ang gulo sa airport eh. Kaya ‘yung travel ban siguro with respect to kung gusto mong pumunta ngayon sa Hong Kong, this is not the right time to go there kasi ‘yung flight mo biglang naka-cancel, o ‘di ba? wika ni Panelo.

Kinansela ng Hong Kong Airport Authority ang mga flight nitong Lunes ng hapon dahil sa pagpapatuloy ng mga payapang protesta sa paliparan doon.

Bukod sa mga departure flight na nakapag-check in na at mga arrival flight na papunta sa Hong Kong, kanselado ang iba pang flights simula hapon ng Lunes, base sa abiso ng airport authority.

Nag-ugat ang mga protesta sa pagtutol sa isang panukalang batas pero ngayon ay naging mga panawagan na para sa demokrasya sa Hong Kong na sakop ng China.

 

Please follow and like us:
Read More

SOTTO SA MMDA: ‘WAG LANG EDSA ANG LINISIN SA TRAPIK

edsabus12

(NI NOEL ABUEL)

KUNG seryoso ang Metropolitan Manila Development Authority (MMDA) na mabawasan ang lumalalang sikip sa daloy ng trapiko sa kahabaan ng Epifanio delos Santos Avenue (EDSA) ay dapat na linisin ang lahat ng obstruction sa lansangan.

Sa ginanap na pagdinig ng Senate Public Services Committee sa pamumuno ni Senador Grace Poe, hiniling ni Senate President Vicente Sotto III sa MMDA na unahing linisin ang mga nakahambalang na illegal parking at iba pang obstruction na nakakadagdag sa pagsisikip ng daloy na trapiko.

Inihalimbawa pa ni Sotto ang dinaranas nitong pasakit tuwing umuuwi ng bahay sa Whiteplains mula sa Senado ay halos dalawang oras na kinakain nito dahil na rin sa mga illegal parking.

Kung seryoso aniya ang MMDA na mabawasan ang pagsisikip ng trapiko hindi lang sa EDSA kung hindi sa iba pang lugar sa Metro Manila ay suyurin ang mga lugar kung saan maraming kalsada ang hindi na  madaanan dahil sa mga nakahambalang na sasakyan.

Hamon pa ni Sotto sa MMDA na puntahan ang mga lugar ng Zobel Roxas sa Maynila at Makati, gayundin sa Araullo kung kayang linisin mula sa obstruction at mga illegal parking.

“Sige nga kung kaya ng MMDA na linisin ang Zobel Roxas, bilib na ako sa inyo,” sabi ni Sotto.

Samantala, hindi naman naitago ni Senador Poe ang galit kay MMDA Chair Danilo Lim dahil sa hindi nito pagdalo sa nasabing pagdinig hinggil sa ipinatutupad na provincial bus ban sa Edsa.

“Sentro ng ating pag-uusap ngayong araw ang MMDA sapagkat kayo’y nagpapatupad nito, pero ako’y medyo nalulungkot na ang chair ninyo ay hindi dumalo samantalang sinabi niya, dadalo siya,” giit ni Poe.

“Siguro merong mabigat na dahilan, nais kong marinig bakit wala siya rito, hindi ba niya pinapahalagahan ang pagdinig na ito? O hindi niya pinapahalagahan ang mga pasaherong apektado dito?” sabi nito.

Agad namang tumugon si MMDA General Manager Jojo Garcia sa pagsasabing hindi nakarating si Lim dahilan sa may dinaluhan itong memorandum of agreement signing (MOA).

Kinuwestiyon naman ito ni Poe sa pagsasabing, isang seremonya lamang ang nasabing MOA at 5 minuto lang ang kailangan para matapos ito.

 

Please follow and like us:
Read More

TEACHERS NA RECRUITER NG STUDENTS NASA WATCHLIST

cpp npa12

(NI AMIHAN SABILLO)

PASOK sa listahan ng intelligence watchlist ng Philippine National Police (PNP) at Armed Forces of the Philippines (AFP) ang mga guro na nagre-recruit ng mga estudyante para maging miyembro ng komunistang grupo.

Ito ang inihayag ni Interior and Local Government (DILG) Secretary  Eduardo Año, at nasa radar na umano ng intelligence group ng PNP at AFP ang mga nasabing guro na miyembro ng Legal Front Organizations ng CPP-NPA na recruiters ng mga kabataan.

Kaugnay sa pag-amin ng kalihim na may mga guro na nang re-recuit “Yes, oo, they know it, they are playing around with our democratic spaces,”

Sinabi pa ni Año, may hakbang na silang ginagawa na sa katunayan umano ay katuwang nila ang mga dating cadres na nagbalik-loob ngayon sa gobyerno na siyang nagbibigay ng impormasyon kaugnay sa mga modus operandi na ginagawa ng mga legal front organizations ng CPP-NPA lalo na sa recruitment.

Malaking bagay aniya ang hakbang na ito para matuldukan na ang pangre-recruit ng mga inosenteng kabataan sa mga eskwelahan ng mga makakaliwang grupo kaya nais ng DILG at PNP na rebyuhin ang pinirmahang memorandum of agreement sa pagitan ng UP at DND.

Please follow and like us:
Read More

POGO NAKAPALIGID SA MILITARY FACILITIES PINAGDUDAHAN

(NI BERNARD TAGUINOD)

HINDI maiwasan ng isang mambabatas sa Kamara na pagdudahan ang Philippine Offshore Gaming Operations (POGO) dahil ang pinipiling hubs o lugar ng operation ng mga ito ay malapit sa mga military facilities sa bansa.

Nangangamba si PBA party-list Rep. Jericho Nograles sa seguridad ng mga military facilities dahil kung susuriin aniya ang mga lugar na pinagtayuan ng mga POGO hubs ay pawang malapit sa mga military areas.

“Primarily, we (POGOs) should stay away from sensitive areas like AFP and our security-risk areas. We must be more sensitive to that,” ani Nograles kaya nais niyang paimbestigahan ito sa House committee on national defense and security.

Nagpakita si Nograles ng mga aerial photos ng mga POGO hubs na nakatayo  sa mga strategic areas sa Metro Manila, Cavite at Subic na lubha niyang ikinabahala dahil pawang malapit ito sa mga military facilities.

Kabilang na dito ang Camp Aguinaldo at Camp Crame sa Quezon Ciyt na napapaligiran umano ng POGO Hubs sa Araneta Complex sa Cubao, Eastwood sa Libis at Ortigas Center sa Pasig City.

Mayroon din aniyang POGO hubs sa paligid ng Fort Bonifacio sa Taguig City na malapit sa Philippine Army headquarters tulad ng nakatayo sa McKinley Hills Mckinley West.

Mayroon din aniyang Chinese gaming operation sa Resorts World Casino complex na malapit naman sa Villamor airbase o headquarter ng Philippine Air Force habang sa Cavite ay mayroon din umanong POGO hubs na hindi kalayuan naman sa Philippine Navy, Sangley Point, Senado at maging sa dating American Naval Base sa Subic Zambales.

Lalong kaduda-duda na target umano ng POGO operators ang Grande Island  sa Subic gayung walang internet sa lugar na ito na mahalaga sa operasyon ng nasabing online gaming.

“Grande island is right at the mouth of Subic Bay and that is an island that is not developed, it makes you wonder why you would develop that areas specifically for POGOs when there’s no internet infrastructure there in place,” ani Nograles.

“That puts into question again, why there? Why do you want to go there and of course, the suspicious mind would easily go to, the alarmist thought that it is a problem for national security,” dagdag pa ng mambabatas.

Please follow and like us:
Read More

MURANG KURYENTE MARARAMDAMAN NA

meralco12

(NI NOEL ABUEL)

IKINAGALAK ng ilang senador ang paglagda ni Pangulong Rodrigo Duterte sa panukalang Murang Kuryente Act na inaasahang magbibigay ginhawa sa taumbayan.

Ayon kay Senador Sherwin Gatchalian, malaking tulong sa taumbayan ang paglagda sa nasabing batas ng Pangulo lalo at mataas ang presyo ng mga pangunahing bilihin.

“Magiging abot-kamay na ng bawat Pilipino ang mas mababang kuryente na kay tagal nang pinapangarap ng bawat isa sa atin ngayong nilagdaan na ang Murang Kuryente Act,” aniya.

“Nagpapasalamat ako kay Pangulong Rodrigo Duterte dahil sa wakas ay matutuldukan na rin ang paghihirap ng bawat power consumer sa pagpasan ng utang ng Napocor na siyang ipinapasa sa tao sa pamamagitan ng universal charge sa stranded debts (UC-SD) at stranded contract costs (UC-SCC) na bahagi ng singil sa atin sa kuryente,” sabi pa ni Gatchalian.

Sinasabing sa mga susunod na buwan ay makakaaasa nang matatanggal ang UC-SCC at UC-SD sa mga electric bill ng bawat pamilya.

Ang mga pamilyang kumukonsumo ng 200kWh kada buwan ay makakaasa na magkakaroon ng ₱172 na kaltas sa electric bill kada buwan na katumbas ng dagdag na 3 o 4 kilo ng bigas kada buwan o isang kaban kada taon.

“Ang pagpasa ng batas nito ay isang malaking tagumpay ng bawat Pilipino consumers tungo sa mas abot-kayang kuryente para sa lahat,” ayon pa sa senador.

 

Please follow and like us:
Read More

ALESSANDRA DE ROSSI NA-SATISFY ANG GIGIL KAY PIOLO

rey pumaloy (NI REY PUMALOY)

NATUPAD ang pangarap ni Alessandra de Rossi na makatambal si Piolo Pascual, sa tagal na rin nitong panggigigil sa hunk actor.

Magkasama sa isang romantic-comedy film na Fuffy And Fream, na prinodyus mismo ni Piolo sa ilalim ng kanyang film outfit, ang “Spring Films”.

Naka-poste sa Instagram wall nina Piolo at Alessandra ang mga larawan nila na kuha sa shooting ng nasabing movie.

Base sa pinosteng larawan ni Alex (palayaw ni Alessandra), nakakaapat na araw na ang shoot nila ni Piolo sa nabanggit na project.

Umaapaw sa galak ang puso ni Alessandra dahil ilang beses niyang pinoste sa IG wall niya ang mala­king crush nito kay Piolo at kung paano siya kiligin nang minsang nakawan siya ng halik nito sa labi.

Please follow and like us:
Read More

SENADO KIKILOS SA POGOs VS TAMANG TAX

pogohub33

(NI NOEL ABUEL)

PINAIIMBESTIGAHAN na ng ilang senador ang operasyon ng Philippine Offshore Gaming Operations (POGO) kung nakasusunod ang mga Chinese nationals sa itinatakda ng batas at tama ang binabayaran ng mga itong buwis na dapat makolekta ng bansa.

Sa inihaing Senate Resolution no. 85 ni Senate Pro-Tempore Ralph Recto hiniling nito sa Senado na magsagawa ng imbestigasyon kung nakakasunod sa rules and regulations ng bansa sa security, immigration, labor and gaming operations at tax collections.

“As of June 2019, the Philippine Amusement and Gaming Corporation (Pagcor) reported a total of 56 licensed POGO’s contributing around 11 % to Pagcor’s income and employing around 100,000 to 250,000 Chinese nationals,” ayon pa sa resolusyon.

Nais din ni Recto na imbestigahan ang mga illegal POGOs na nag-o-operate sa bansa na nagbibigay din ng trabaho sa ilang illegal Chinese workers.

Maliban dito, hindi rin aniya katanggap-tanggap na ilang Chinese nationals ang abusado at nagpapakita ng masamang imahe na nangyayari hanggang sa kasalukuyan.

“Since last year, Filipinos were complaining about the reported unruly behaviour of some Chinese workers which has allegedly persisted up to the present,” ayon pa sa resolusyon.

Kasama rin sa nais imbestigahan ni Recto ang plano ng Pagcor na ilipat sa isang hub sa lalawigan ng Cavite at Pampanga ang mga POGOs na ikinabahala naman ng Department of National Defense (DND) sa pagsasabing security threat ang lokasyon ng mga ito.

Please follow and like us:
Read More

ALCOHOL TAX BILL APRUB NA

(NI BERNARD TAGUINOD)

INAPRUBAHAN sa isang upuan lang ng House committee on ways and means ang panukalang batas na magtataas ng buwis ng alak at lahat ng mga  inuming nakalalasing.

Sa botong 43 pabor at walang tumutol, inaprubahan ng komite na pinamumunuan ni Albay Rep. Joey Salceda ang panukalang batas ng lahat ng uri ng alak kung saan balak itong ipatupad sa 2020.

Gamit ang Rule X, Section 48 ng House Rules, hindi na pinatagal ng komite ang pagdinig dahil ang nasabing panukala ay una nang pinagtibay noong 17th Congress subalit hindi inaksyunan ng mga senador kaya hindi naging batas.

Kabilang ang nasabing panukala sa mga economic measures na nais ni Pangulong Rodrigo Duterte na maipasa ng dalawang Kapulungan ng Kongreso upang makalikom ng sapat na buwis na gagamitin sa iba’t ibang proyekto at programa ng pamahalaan.

Sa ilalim ng nasabing panukala, ang mga alak na nabibilang sa tinatawag na “distilled spirits” tulad ng gin bilog na P47.80 ang SRP sa kasalukuyan ay magiging P51.70 sa 2020.

Ang 1000 ml na Red Horse na nabibilang sa fermented liquors na P86.90 ang SRP sa kasalukuyan ay magiging P93.10 naman sa 2020 habang ang isang pale pilsen na 320 ml na P34.40 ngayon ay magiging P36.40.

Layon ng nasabing panukala na madagdag ng P10.3 Billion sa mga mg fermented liquors sa 2020; P5.2 Billion sa Distilled Spirits at P0.1 Billion sa mga wines o P15.6 Billion at patuloy na itataas ang buwis sa mga ito hanggang 2024 kung saan P110.3 Billion ang inaasahang makolektang buwis sa loob ng 4 na taon.

Una nang ipinasa ang dagdag na buwis sa sigarilyo noong 17th Congress at nakatakdang ipatupad ito sa susunod na taon.

 

 

Please follow and like us:
Read More