PER STICK NA BENTAHAN NG YOSI, IPABA-BAN NG DOH

yosi12

(NI DAHLIA S. ANIN)

UPANG hindi na mahikayat pa ang mga Pilipino na magsigarilyo, hinihimok ng Department of Health na i-ban ang pagbebenta nito per stick.

Ang nasabing hakbang ng ahensya ay bilang pagtugon sa rekomendasyon ng United Nations Interagency Task Force on Prevention of Non-Communicable Disease.

Ayon kay DoH Spokesperson Eric Domingo, “Sa mga ibang bansa, ginawa na yan. Talagang bawal bumili ng tingi-tingi, kundi dapat isang pakete kasi nga mas mahal ito at mas mahirap pa bilhin ng mga bata.”

Tinitingnan na rin ng ahensya ang pagtataas ng age requirement sa mga bumibili na nito mula 18 itataas ito sa 21, dahil din umano sa pagtaas ng bilang ng mga kabataan na nagsisigarilyo.

Kahit pa meron na tayong mga anti-smoking measures tulad ng Anti-Tobacco Regulation Act, na nagbabawal sa pagbebenta ng sigarilyo sa mga menor de edad, o ang pagbebenta nito sa mga lugar na malapit sa paaralan at ang nationwide smoking ban order, ay may mga nakalulusot pa rin.

Itinaas na rin ang buwis nito noong 2012, ngunit marami pa rin sa matatanda ang naninigarilyo kaya iminungkahi na ng ahensya ang pagban sa pagbebenta nito ng tingi.

Please follow and like us:
Read More

PALASYO DEADMA SA ‘WARNING SHOT’ NG CHINA, INALMAHAN

wps22

(NI BERNARD TAGUINOD)

KINUWESTIYON Kinuwestiyon ng isang mambabatas sa Mababang Kapulungan ng Kongreso ang tila pananahimik ng Palasyo ng Malacanang sa warning shot ng China sa eroplano ng Armed Forces of the Philippines (AFP) sa West Philippine Sea.

Hindi nagustuhan ni Bayan Muna party-list Rep. Carlos Zarate ang hindi pagsasalita ng Malacanang sa nasabing isyu gayong mainit na mainit ang mga ito sa mga progresibong grupo.

“Sinakop na nga ang teritoryo natin at nagpaputok pa laban sa AFP tapos ay hindi man lang kumikibo ang administrasyong Duterte,” pahayag ni Zarate.

Una rito, sinabi ni Maj. Gen. Reuben Basiao, deputy chief of staff for Intelligence ng AFP sa security briefing sa Kamara nakaranas ang mga ito ng warning flares mula sa mga artificial islands na inokupahan ng China habang nagsasagawa ang mga ito ng maritime patrol.

Naniniwala si Basiao na ang ipinutok na flares ng China ay para palayuin ang mga ito sa pinag-aagawang teritoryo bagay na hindi nagustuhan ni Zarate dahil nanahimik ang Palasyo ng Malacanang dito.

Dahil dito, iginiit ng mambabatas sa AFP na ituon ang pansin sa pagbabantay sa teritoryo ng Pilipinas sa West Philippine Sea na unti-unting sinasakop ng China imbes na pag-initan ang mga progresibong grupo.

“Instead of raiding the offices of progressives and bombing peasant communities, the Armed Forces of the Philippines  should concentrate its forces and efforts in guarding and patrolling the West Philippine Seas,” ani Zarate.

Ginawa ng mambabatas ang pahayag dahil sa nararanasang harassment umano ng mga ito sa AFP katulad ng pagre-raid at pagtatanim umano ng ebidensya sa kanilang mga tanggapan.

“It seems that the AFP is only good in planting evidence against activists but apparently becoming inutile against defending our sovereignty,” dagdag pa ng mambabatas.

 

Please follow and like us:
Read More

PAGDAKIP SA MGA AKTIBISTA KINONDENA SA SENADO

SEN PANGILINAN

(NI NOEL ABUEL)

INALMAHAN ni Senador Francis Pangilinan ang pagsalakay na isinagawa ng mga tauhan ng Philippine National Police (PNP) sa mga miyembro ng aktibistang grupo sa lalawigan ng Negros at sa Metro Manila.

Giit ni Senador Kiko Pangilinan, hindi katanggap-tanggap ang ginawang pagsalakay ng mga awtoridad kung saan itinuturing na ordinaryong mamamayan ang mga aktibista na ginagawa lamang ang karapatan ng mga ito.

“Activists are ordinary citizens who actively engage the state to fulfill its duty to the people. They actively exercise their right to demand public service and accountability. A responsible government does not respond to these engagements and demands with force, violence, or even criminal acts,” aniya.

Nababahala si Pangilinan na basta na lamang ang ginagawang pagdakip ng mga awtoridad sa mga aktibista sa Negros at Metro Manila na ang ilan ay pawang mga menor de edad.

“We condemn these arrests and raids, an appalling continuation of the apparent state policy to decimate any opposition to its wrong-headed policies like the fake but nonetheless deadly drug war,” giit ng senador.

Paliwanag pa nito na kabaligtaran ang ginagawa ng PNP sa tunay na obligasyon ng estado na protektahan ang karapatan ng mamamayan at hindi wasakin ang mga ito.

 

Please follow and like us:
Read More

KABATAAN MAKIKINABANG SA SIN TAX 

sin tax law12

(NI NOEL ABUEL)

NANINDIGAN si Senador Pia Cayetano na higit na makikinabang ang mga kabataan sa bansa sa panukalang dagdag-buwis sa mga alak at sigarilyo.

Ayon sa senador, pangunahing layunin ng Senate Bill No. 1074 na iiwas ang mga kabataan na malulong sa masamang epekto ng alak at sigarilyo sa pamamagitan ng pagdagdag sa buwis sa sin tax.

Sinabi ni Cayetano, chair ng Senate Ways and Means committee, ang dagdag na excise taxes sa lahat ng alcoholic beverages at e-cigarettes kabilang din ang tobacco products at ng vapes.

“What we want to achieve is [to significantly raise our alcohol prices] so that these are not so accessible to the most vulnerable: the children and youth,” ayon kay Cayetano sa interpelasyon ni Senador Manny Pacquiao, na co-author din ng SB 1074.

“Hindi po tayo naniniwala na kailangan affordable ang alak sa ating mga kabataan. For example, sa isang bote ng gin, ang karagdagang presyo lang dito ay P2.00 per shot [under SB 1074]. Nasa P6.00 ang isang shot [based on the current price of gin],” paliwanag ng senadora.

Nakasaad din sa nasabing panukala na mas mataas ang ipapataw na buwis sa sin tax kung ikukumpara sa inaprubahan ng Mababang Kapulungan ng Kongreso at ng Department of Finance (DOF).

“What I have proposed is a rate that is higher than that proposed and passed in the House of Representatives. In fact, it is also higher than that initially showed to me by DOF. But both the DOF and DOH [Department of Health] now support my version,” sabi ni Cayetano.

Sa pamamagitan umano ng SB 1074 ay makakakolekta ng  P47.9 bilyong dagdag na kita ang pamahalaan subalit kulang pa rin ito sa kinakailangan ng Universal Health Care (UHC) program.

 

Please follow and like us:
Read More

SUBJECT NA GMRC IBABALIK SA SCHOOL

(NI BERNARD TAGUINOD)

IBABALIK na sa eskuwelahan ang subject o aralin sa Good Manners and Right Conduct (GMRC) makaraang aprubahan ang panukala sa House committee on basic education.

Walang tumutol nang isalang sa botohan sa committee level ang 5 panukalang batas na iniakda nina House Speaker Alan Peter Cayetano, Antipolo City Rep. Resureccion Acop, Leyte Rep. Lucy Torres-Gomez, Bulacan Rep. Antonio Sy-Alvarado at Bulacan Rep. Lorna Silverio na tinawag na “Good Manners and Right Conduct (GMRC) Act of 2019”.

Base inaprubahan panukala, ituturo ang GMRC subject mula sa Kinder hanggang Grade 3 at gagawin na umano itong isang institusyon upang maturuan ang mga bata ng tamang asal.

“It pursues  the State policy to develop the character of the youth by making them recognize their intrinsic human value, enabling them to cultivate their ability to make excellent choices for themselves in relation to the greater community, thereby creating a culture of respect and love for oneself, for others, and the country,” ayon sa inaprubahang panukala.

Sinabi naman ni Cayetano na napahalaga ang nasabing subject lalo na nagbago na ang pa nahon dahil sa social media kung saan nae-exposed ang mga kabataan sa lahat ng uri ng impormasyon at hindi tamang impormasyon.

“In the advent of social media and how it has evolved to be indispensable in our daily lives, it is important that Etiquette and Moral Uprightness is also introduced and taught for all of us to keep up with the modern era and act accordingly to a customary set of behaviour,” ani Cayetano.

Inaasahan na iaakyat na sa plenaryo ng Kamara ang inaprubahang panukala upang isalang sa ikalawa at ikatlong pagbasa at hihintayin ang bersyon ng Senado bago tuluyang maging batas at ipatupad ng Department of Education (DepEd).

 

Please follow and like us:
Read More

14th MONTH PAY NG DOTr OFFICIALS IBIBIGAY SA QUAKE VICTIMS

dotr

(NI KEVIN COLLANTES)

NAGKAISA ang mga opisyal ng Department of Transportation (DOTr), sa pangunguna mismo ni Secretary Arthur Tugade, na i-donate na lamang sa mga biktima ng lindol sa Mindanao ang kanilang matatanggap na 14th month pay ngayong taon.

Nabatid na bukod sa kalihim, kabilang rin sa mga nangakong magdu-donate ng kanilang bonus ay ang lahat ng undersecretaries, assistant secretaries at mga heads ng attached agencies ng DOTr.

Ayon kay Tugade, mas makabuluhan ang pagdu-donate kung ito’y mula sa sarili mong pera.

Hindi rin aniya mahalaga kung gaano kalaki ang maiambag dahil ang importante ay nakatulong tayo sa kapwa.

Sa kanyang pagsuma, ang inisyal na halaga ng donasyon na kanilang natipon ay aabot sa P1.2 milyon.

Inaasahan naman niyang madodoble pa ito dahil marami pang mga opisyal at tauhan ng DOTr ang inaasahang magbibigay rin ng donasyon para sa biktima ng lindol.

“An initial amount of P1.2M has already been raised with the said pledge, and it is expected to be doubled by tomorrow with more donations from DOTr employees,” anang kalihim.

“Napakaraming suhestyon, napakaraming ideya. Talagang madaling magbigay kapag pera ng iba. Dapat matuto tayong magbigay ng sarili nating pera,” ani Tugade, nang pangunahan ang voluntary donation ng kanilang 14th month bonus nitong Martes.  “It will be more meaningful that way. We have to give until it hurts.”

“Hindi importante kung gaano kalaki ang maiambag. Ang mahalaga ay ma-develop natin ang psyche ng pagtulong sa kapwa,” aniya pa.

 

Please follow and like us:
Read More

PANUKALANG 3K BODYGUARDS SA JUDGES, BINUHAY SA KAMARA

(NI BERNARD TAGUINOD)

MULING iginiit ng isang mambabatas sa Mababang Kapulungan ng Kongreso ang pagbuo ng puwersa na magbabantay sa seguridad ng judges sa buong

bansa.

Ginawa ni Deputy Speaker Johnny Pimentel ang panawagan matapos patayin si Tagudin, Ilocos Sur Regional Trial Court Branch 25 Judge Mario Anacleto Bañez noong Martes.

Ang 54-anyos na si Judge Bañez, ay pauwi na sakay ng kanyang kotse nang  tambangan at mapatay sa Barangay Mameltac, San Fernando City, La Union.

“We cannot allow these brazen attacks on judges to go on without a forceful answer,” ani Pimentel kaya dapat aniyang kailangang bagong posisyon upang magbantay sa mga judges.

Nais ni Pimentel na ang bubuing puwersa ay tatawaging “judicial protection officers” na binubuo ng 3,000 armadong security officers na ang taning misyon ay bantayan ang seguridad ng mga huwes.

“Our judges deserve strong protection, considering that they have become increasingly vulnerable to aggression and violence, presumably from disgruntled and hateful litigants,” ayon pa sa kongresista.

Una nang iminungkahi ni Chief Justice Diosdado Peralta na pagbuo ng bagong  ‘protective service” katulad ng United States Marshals Service’s (USMS) Judicial Security Division (JSD).

“In America, the USMS’s JSD protects judges and justices, guards court proceedings and conferences, and secures buildings and properties used by members of the judiciary. The division also conducts ‘protective investigations’ of potential security threats to members of the judiciary,” ayon pa kay Pimentel.

 

Please follow and like us:
Read More

NATIONAL BUDGET, LAGPAS SA P4.1-T

recto33

(NI DANG SAMSON-GARCIA)

IBINULGAR ni Senate President Pro Tempore Ralph Recto na lagpas sa sinasabing P4.1 trilyon ang national budget para sa 2020.

“While every literature states that P4.1 trillion is the national budget for 2020, in reality, it is not,” saad ni Recto.

Sinabi ni Recto na ang tunay na halaga ng proposed 2020 national budget ay P4.316.3 trillion o mas mataas ng P216.3 billion na mas mataas sa sinasabi ng Malacanang.

Ipinaliwanag ng senador na ang naturang halaga ay nakalaan sa Unprogrammed Appropriations (UA).

Bagama’t nakadepende pa rin anya sa ilang kondisyon ang pagpapalabas ng pondong ito, malaki pa rin ang papel ng pagpapasa nito para sa paggastos ng pera.

Napuna rin ng senador ang mabilis na pagtaas ng unprogrammed appropriations na tinawag nitong ‘incredible hulk-like’.

“In just two years, it has grown in Incredible Hulk-like proportions and speed,” saad ni Recto.

Noong 2016 at 2017 aniya, ang UA ay P67.5 billion na tumaas sa P75.3 billion noong 2018 at lumobo sa P197.1 billion ngayong taon.

Sa ngayon aniya ang proposed national budget ay mahahati sa dalawa, ang programmed part na P4.1 trillion at ang ‘unprogrammed’ na P216.3 billion na kulang umano sa transparency.

Pinakamalaking unprogrammed ay ang P90.4 billion na ‘Support to Foreign Assisted Projects.’

“Kung para sa ano ito, hindi idinetalye sa National Expenditure Program (NEP). Parang cheke na may amount, pero walang particulars,” saad ni Recto.

Ang sumunod ay ang P61.9 billion sa ‘Budgetary Support to GOCCs’ na wala ring itemization at ang ikatlo ay ang P30 billion para sa Risk Management Program.

“But it will be wrong to say that all projects under UA are devoid of merit. In fact some are good, like the P5.4 billion for the Health Facilities Enhancement Program, the P5 billion for the Bangsamoro Normalization Program, the P5 billion for AFP Modernization,” paglilinaw ni Recto.

“Mayroon ding P2.4 billion para sa National ID Project. At P1.2 billion na bayad-utang sa ilang mga LGUs. Isang pang bayad-utang ay P2 billion sa previous IT contractor ng LTO,”dagdag nito.

 

Please follow and like us:
Read More

LENI BAGONG DRUG CZAR

leni55

(NI ABBY MENDOZA)

TINANGGAP na ni Vice President Leni Robredo ang alok na posisyon ni Pangulong Rodrigo Duterte bilang Co Chairperson ng Inter-Agency Committee on Anti-Illegal Drugs (ICAD).

Sa isang press conference, inianunsyo ni Robredo na tinatanggap na niya ang posisyon at handa siyang makipagtulungan sa administrasyon sa laban kontra illegal drugs.

“Ang sinasabi ng prinsipyo at puso ko ay dapat ko itong subukan. Kung ito ang pagkakataon para matigil ang patayan ng mga inosente at mapanagot ang kailangang managot, papasanin ko ito. Kaya tinatanggap ko ang trabaho na ibinibigay sa akin ng Pangulo,” pahayag ni Robredo

“Tinatanong nila ako kung handa ba ako sa trabahong ito. Ang tanong ko, handa na ba kayo sa akin? Mr President, 2 taon na lang ang natitira sa iyong administrasyon, hindi pa huli ang lahat, pwede pa nating pagtulungan ito,” dagdag pa nito.

Inamin ni Atty Barry Gutierrez, tagapagsalita ni Robredo, na natagalan ang pag-anunsyo ni Robredo dahil na rin sa dumaan pa ito sa tamang proseso kabilang na ang pagpaalam muna ng desisyon nito sa Malacanang.

Ayon kay Gutierrez kasunod ng pagtanggap ni Robredo ng posisyon ay hindi pa nila alam kung kailan ito dadalo sa Cabinet meeting.

“Wala pa kaming opisyal na natatanggap na invitation sa Cabinet meeting. Ang hirap pangunahan eh,”ani Gutierrez.

Sa ngayon ang aatupagin muna sa mga susunod na araw ni Robredo ay pagkuha ng mga detalye sa bago nitong posisyon.

Sa mga naunang bumatikos kay Robredo bilang drug czar kabilang ang naunang pahayag ni PDEA Chief Aaron Aquino na mabibigo si Robredo kung pamumunuan ang anti drug campaign, sinabi ni Gutierrez na hindi naman umaatras sa kanyang mandato si Robredo.

 

 

Please follow and like us:
Read More