DAGDAG-SINGIL NG MERALCO NGAYONG NOBYEMBRE

meralco121

(NI KEVIN COLLANTES)

INIANUNSIYO ng Manila Electric Company (Meralco) na magpapatupad sila ng 47 sentimo kada kilowatt hour (kwh) na dagdag-singil sa kuryente ngayong buwan ng Nobyembre.

Ayon kay Meralco Spokesperson Joe Zaldarriaga, ito ang ikalawang buwan na nagtaas ng power rates ang naturang power distributor matapos na magtaas din ng singil noong Oktubre.

Aniya, dahil sa taas-singil sa kuryente na P0.4717/kwh ngayong November bill ay magkakaroon ng upward adjustment sa overall household rate ngayong buwan ng P9.5579/kwh mula sa dating P9.0862/kwh lamang.

Ipinaliwanag naman ni Zaldarriaga na ang pagtaas ng singil sa November bill ay dulot ng pagmahal ng halaga ng kuryente sa spot market.

Nakaambag din umano sa pagtataas ng singil ang dalawang yellow alert at ilang plant outages sa Luzon grid na natapat sa naturang billing period.

Bukod pa aniya sa mas mababa na rin ang naturang refund na iniutos ng Energy Regulatory Commission (ERC) na ipatupad.

Nabatid na ang naturang dagdag-singil ay katumbas ng P94.34 na dagdag sa bayarin ng mga tahanang kumukonsumo ng kuryente na 200 kwh kada buwan; P141.51 naman sa mga nakakagamit ng 300 kwh; P188.68 sa mga gumagamit ng 400 kwh na elektrisidad at P235.85 para sa mga kumukonsumo ng 500 kwh na kuryente kada buwan.

Samantala, sinabi naman ng Meralco na kahit na may dagdag singil ay mas mababa pa rin ang electricity rates ng piso ngayong Nobyembre, na nasa P9.56/kwh lamang, kumpara sa Abril 2019, na mayroong P10.56/kwh.

 

Please follow and like us:
Read More

OFWs BIKTIMA NG LINDOL, AAYUDAHAN NG OWWA

(NI ROSE PULGAR)

MAKATATANGGAP ng tulong pinansyal ang lahat ng mga overseas Filipino workers (OFW’s) na naapektuhan ng lindol mula sa pamunuan ng Overseas Workers Welfare Administration (OWWA).

Ayon sa OWWA, ang ibibigay na tulong pinansyal ay bunsod ng napagkasuduan ng board para mapabilis at  maipang-ayuda sa mga kababayang OFWs na napinsala ang mga ari-arian dulot ng lindol.

Ang financial assistance ng OWWA ay makukuha ng mga aktibong miyembro nito.

Panawagan ng ahensya  na agad makipag- ugnayan  ang OWWA members  na OFW sa pinakamalapit na tanggapan o sangay ng OWWA.

Sinabi ng OWWA, mayroon silang itinalagang mga empleyado na mag-aasikaso sa mga OFW na magbibigay ng tulong pinansyal sa nabiktima ng lindol.

 

Please follow and like us:
Read More

15 BAGONG JEEPNEY INILIPAT NG DOTr  SA TRANSPORT GROUP

(NI KEVIN COLLANTES/PHOTO BY RAFAEL TABOY)

MAY 15 bago at modernong jeepney units ang itinurn-over nitong Huwebes ang Department of Transportation (DOTr) sa transport group na Pasang Masda.

Pinangunahan mismo ni Transportation (DOTr) Secretary Arthur Tugade ang ceremonial turnover ng mga naturang modern jeepney units kay Pasang Masda President Ka Obet Martin, na bahagi ng Public Utility Vehicle Modernization Program (PUVMP) ng pamahalaan.

Magkatuwang pa sina Tugade at Martin sa pag-i-inspeksiyon sa mga makabago, komportable at environment-friendly na jeepneys, na ilulunsad sa publiko.

Ilan umano sa mga features ng mga ito ay ang global positioning system (GPS), closed-circuit television (CCTV), libreng internet connection, automated fare collection system, at side entrance.

Nabatid na ang mga nasabing modern jeeps ay tatakbo sa rutang Nichols-Magallanes-Mall of Asia- PITX at pabalik.

Samantala, muli namang nilinaw ng DOTr na layunin ng programa ng pamahalaan na ayusin ang sistema ng pampublikong transportasyon, palitan ang mga lumang jeep ng mga makabago at roadworthy na unit, tumulong makabawas sa polusyon sa ating kapaligiran, iangat ang antas ng kabuhayan ng mga PUV operator at driver, at gawing mas ligtas at maginhawa ang biyahe ng mga commuter.

 

Please follow and like us:
Read More

NET SATISFACTION RATING NG DUTERTE GOV’T BUMABA

duterte32

(NI JESSE KABEL)

MAS bumaba ngayon ang net satisfaction rating ng national government para sa ikatlong bahagi ng taong kasalukuyan, batay sa resulta ng ginawang pag aaral ng  Social Weather Stations (SWS) na kanilang inialbas Miyerkoles ng gabi.

Base sa sinagawang SWS survey, mula sa ‘excellent’ na +73 nitong June o second quarter ay  bumagsak sa +67 ang net satisfaction rating o nasa kategoryang ‘good’ ang net satisfaction sa Duterte admin.

Batay sa pag-aaral, 3 sa bawat apat na Filipino ang nasisiyasahan sa pagpapatakbo ng gobyerno. Sa SWS survey, 77% ng adult Filipinos ang nasisiyahan sa pamamalakad ng administrasyon, 11% ang hindi tiyak kung nasisiyahan o hindi at 10% ang hindi nasisiyahan.

Ayon sa survey, bumaba ang overall net satisfaction sa Duterte admin ng 10 puntos sa Mindanao, 10 puntos sa Balance Luzon at 1 punto sa Visayas, subalit impressive naman umano ang itinaaas na 12 puntos na  net satisfaction sa Duterte admin sa Metro Manila na mula sa “very good” plus-59 nuong Hunyo ay umakyat ito sa “excellent” plus-71 nitong Setyembre.

Pinakamataas na grado ang nakuha ng administrasyon sa pagtulong sa mahihirap, pagbibigay ng impormasyon na kailangan ng mga mamamayan para suriin nang mabuti ang ginagawa ng gobyerno, at pagkakaroon ng malinaw na patakaran.

Isinagawa ang survey noong September 27 hanggang 30 sa pamamagitan ng face-to-face interview sa 1,800 Filipino adults sa buong bansa.

Narito ang net satisfaction rating ng mga Filipino sa pamamalakad ng Duterte admin sa mahahalagang isyu.

  • +49 (Good) Paglaban sa terorismo
    • +40 (Good) Pakikipag-ugnayan sa mga rebeldeng Muslim upang ang mga ito ay magbalik-loob sa pamahalaan
    • +38 (Good) Pakikipag-ugnayan sa mga rebeldeng komunista upang ang mga ito ay magbalik-loob sa pamahalaan
    • +62 (Very Good) Pagtutulong sa mga mahihirap
    • +5 (Neutral) Paglalaban sa pagtaas ng presyo
    • +28 (Moderate) Paniniguro na walang pamilyang kailanman ay magugutom at walang makain
    • +48 (Good) Pagpapaunlad ng isang masiglang ekonomiya
    • +39 (Good) Pakikipag-ugnayan sa ibang bansa
    • +32 (Good) Pagpupuksa ng katiwalian at pangungurakot sa gobyerno
    • +30 (Good) Pagtatanggol sa kasarinlan ng Pilipinas sa West Philippine Sea
    • +30 (Good) Pagbabawi ng mga yamang kinurakot ng dating Pangulong Marcos at ng kanyang mga kroni
    • +47 (Good) Pangangalaga sa karapatan ng pamamahayag
    • +44 (Good) Pagkilos batay sa kagustuhan ng mga tao
    • +53 (Very Good) Pagkakaroon ng malinaw na patakaran
    • +54 (Very Good) Pagbibigay ng impormasyon na kailangan ng mga mamamayan para suriin ng mabuti ang ginagawa ng gobyerno
    • +43 (good) Paglalaban sa mga krimeng bumibiktima sa ordinaryong mamamayan tulad ng pagpatay, holdap, pagnanakaw, pananakit na pisikal, atbp.

Samantala, bumaba ng pitong punto ang kasiyahan ng mga taong itinuturing na masa o class D sa pamamalakad ng gobyerno , Mula  sa plus-73 noong Hunyo ay bumaba sa plus-66 nitong Setyembre. Habang ilang punto naman ang ibinba mula sa hanay ng Class e o mga naghihikahos.

Subalit umakyat naman ang satisfaction sa Duterte government mula sa ‘very good’ plus-60 noong Hunyo na naging ‘excellent’ plus-78 nitong September sa hanay ng  Class A, B and C.

 

Please follow and like us:
Read More

SINDIKATO NG PASSPORT SA DFA COTABATO PINASISILIP KAY LOCSIN

dfa123

(NI BERNARD TAGUINOD)

HINILING sa Kamara kay Foreign Affairs Secretary Teddyboy Locsin na silipin ang sinasabing sindikato ng pag-iisyu ng pasaporte sa kabila ng mga isinumiteng  pekeng dokumento.

Kasabay nito, nagbanta na sa Mababang Kapulungan ng Kongreso sa Department of Foreign Affairs (DFA) sa Cotabato matapos mabuko ang paglalabas ng pasaporte kahit peke ang mga dokumento isinusumite sa ahensiya.

Sa press conference sa Kamara nitong Huwebes, ihinarap ni ACT-CIS party-list Rep. Eric Yap ang isang Overseas Filipino Worker (OFW) na inisyuhan ng passport ng DFA-Cotabato kahit peke ang mga dokumento.

Sa pahayag ng OFW na si Rizelyn Andoy ng Compostela Valley, nirecruit umano ito ng Jimbel para magtrabaho sa Saudi Arabia subalit dahil 20-anyos ito ay pineke ang kanyang birth certificate at ginawang 24 anyos kaya nagkaroon ng passport na inisyu ng DFA-Cotabato.

Dahil dito, nakaalis si Andoy noong Nobyembre 2018 sa edad na 24 anyos kahit sa katotohanan ay 20 anyos lamang ito at hindi pa puwedeng magtrabaho sa ibang bansa.

Nasa 21 anyos ang edad na tinatanggap bilang kasambahay sa naturang bansa.

Napilitan si Andoy na magpasaklolo sa grupo ni Yap dahil sa loob umano ng isang taon ay nakaapat na amo ito dahil pinagpasa-pasahan ito at pinagtrabaho ng mahabang oras at kahit wala sa kanyang kontrata.

Nagtataka si Yap kung bakit hindi natunugan ng DFA-Cotabato na peke ang birth certificate ni Andoy kaya umapela ito kay Locsin na imbestigahan ito.

“Ayaw ko silang (DFA-Cotabato) pagbintangan pero kung maalala niyo may mga Indonesian na nakakuha ng Filipino passport di ba? Sa Cotabato po yun,” pahayag ni Yap.

Dahil dito, panahon na aniya para kay Locson na “silipinin kung ano ang nangyayari” sa DFA-Cotabato dahil kung hindi ay marami pang menor de edad ang magbibigyan ng passport kahit peke ang kanilang mga dokumento.

“Sa akin po, ang passport po, hindi ito basta-basta papel lang. Nandirito nakasalalay ang kaligtasan at buhay ng isang tao, Kung ito ay pepekehin lamang, ano ang kinabukasan ang nag-aantay sa isang menor de edad sa ibang bansa,” ani Yap.

 

Please follow and like us:
Read More

SINO’NG TATAPAT SA SAN BEDA?

ISKEDYUL BUKAS:

(CUNETA ASTRODOME, PASAY CITY)

1:00 P.M. – SSC-R VS LYCEUM (JRS)

4:00 P.M. – LYCEUM VS LETRAN (SRS)

 

SINO’NG makakasagupa ng defending champion San Beda Red Lions sa best-of-three series?

Sasagutin ng Lyceum of the Philippine University Pirates at Letran Knights na magbabalyahan para sa huling Finals berth ng NCAA men’s basketball tournament.

Sasalang sa step-ladder semifinals ang dalawang koponan sa alas-4:00 ng hapon.

At ang survivor ang siyang makakasagupa ng San Beda simula sa Martes.

Ang second-ranked Pirates ay umaasang makaharap ang Red Lions sa ikatlong sunod na taon, habang ang No. 3 Knights ay tatangkaing muling makasagupa ang karibal sa finals.

Huling nagharap ang Letran at San Beda sa championship noong 2015.

Hindi pa tinatalo ng Letran ni coach Bonnie Tan ang Lyceum ngayong season, pero naniniwalang kaya itong gawin ngayon ng Knights.

“We will do our best. It’s a big challenge for my team. I hope we can pull through because one game na lang. May kasabihan, may tira, may tsamba. Eh nandito na kami,” komento ni Tan.

Noong Martes sa 85-80 panalo laban sa Stags, ang Knights ay tinalo ng Stags sa rebounding department, 36-48, na malaking problema para kay coach Tan, dahil na rin sa presensya ni Pirates big man Mike Nzeusseu.

“We have to check on that. We were always winning sa rebounding, pero ngayon (against San Sebastian), we were outrebounded,” dagdag ni Tan.

Ang concern naman ng Lyceum ay ang ‘bench depth’ ng Letran.

Laban sa Stags, ang Knights ay may anim na player na nagsumite ng double-digit bumbers sa pangunguna ni graduating forward Jerrick Balanza na may 15 markers.

“I prefer a team with a balanced scoring,” wakas ni Tan. (PHOTO BY MJ ROMERO)

Please follow and like us:
Read More

WATER INTERRUPTION AABOT NG SUMMER

(NI DAHLIA S. ANIN)

MAAARING abutin hanggang summer ang problema sa suplay ng tubig sa National Capital Region, ayon sa Pagasa.

Ito ay sa kabila ng mga pag-ulan na posibleng makapuno ng dam hanggang matapos ang taon.

Sa pinakahuling tala ng ahensya, nasa 188.37 meters ang antas ng tubig sa Angat dam mula sa 188.34 noong Miyerkoles na malayo pa sa 210 meters na target bago matapos ang taon.

Kaya tinitipid ng mga water concessionaire ang tubig upang umabot hanggang summer ang suplay nito.

Gayunman, nangangamba ang ahensya na bumaba pa sa below normal operating level ang tubig sa dam bago matapos ang Enero sa susunod na taon.

Patuloy naman nagsasagawa ng mga water treatment facilities ang mga water concessionaire at iba pang concerned government agency upang maibsan ang kakulangan sa suplay ng tubig.

Please follow and like us:
Read More

SEVERE TROPICAL STORM NA SI ‘QUIEL’

ulan55

(NI ABBY MENDOZA)

ITINUTURING nang isang severe tropical storm ang bagyong Quiel na maghahatid ng pag-uulan subalit hindi magla-landfall.

Ayon sa Philippine Atmospheric Geophysical Astronomical Services Administration (Pagasa) huling namataan ang bagyo sa Coron, Palawan, kumikilos ang bagyo sa bilis na 15kph, taglay ang lakas ng hangin na 95kph at bugsong 115kph.

Nakararanas ng katamtaman hanggang malakas na pag-uulan sa Cagayan kabilang ang Babuyan Islands at Kalinga, Apayao, Ilocos Norte, Zambales, Bataan, Palawan, Mindoro provinces, Antique, Iloilo at Guimaras.

Nagbabala ang PAGASA ng pagbaha at landslide sa lugar dahil sa magiging tuloy tuloy na pag-uulan sa buong araw ng Biyernes.

Itinaas din ng Pagasa ang travel warning sa northern at western seaboards dahil sa malalakas na alon.

Inaasahang sa Sabado ng umaga ay lalabas na ng Philippine Area of Responsibility (PAR) ang bagyo.

 

Please follow and like us:
Read More

PASA LOAD PROCUREMENT SA GOV’T PROJECTS HILING IPAGBAWAL

(NI NOEL ABUEL)

DAPAT nang tapusin ng gobyerno ang salot na artipisyal na paggastos sa pamamagitan ng pagpigil sa paglilipat ng mga proyekto sa ibang ahensya ng pamahalaan para lamang maitago ang kabiguan na hindi paggastos sa pondo.

“Ang nangyayari kasi ngayon, para lang masabi na ‘obligated’ na ang allotment ay pinapasa ito sa ibang ahensya. Ginagawa ito upang maipagmalaki na obligated na ang isang pondo, at hindi na ma-revert back sa Treasury,” sabi ni Senate Pro-Tempore Ralph Recto.

Ngunit sa katotohanan ay hindi nagagastos ang pondo at sa halip ay inilipat lamang sa ibang ahensya.

“This subverts the very essence of cash budgeting, which seeks to accelerate disbursement. This creates the illusion of money spent when what happened was the budgetary equivalent of passing the buck,” sabi nito.

Inihalimbawa nito ang kaso ng Armed Forces of the Philippines (AFP) o ng Philippine National Police (PNP) na bibili ng kagamitan na sa halip na mag-bid ay ipapasa na lamang ito sa Procurement Service ng DBM (PS-DBM) ang responsibilidad sa procurement.

“In the books of the AFP or PNP, the funds have been obligated, when in reality, they have not been. Ganoon din ang mga pondong inilaan sa DOTR. Ipapa-subcontract ang procurement. And in the report card, that money has been marked as obligated,” paliwanag ng senador.

Isa ang Philippine International Trading Corp. na paboritong imbakan umano ng mga naka-park na pondo.

“Ang tanong: Ano ang competence ng mga ahensyang ito to, say, conduct a due diligence-compliant procurement of highly-specialized goods like trains, ships, planes and automobiles?” pag-uusisa nito.

Isa pang halimbawa nito ang Department of Social Welfare and Development (DSWD) na nakararanas ng paghihirap sa paggastos ng pondo at naglilipat ng pondo sa ibang ahensya ng pamahalaan.

“Dapat matigil na ang ganitong “lateral transfer” of funds whose intent is to beat the clock, a pasa-load scheme to extend the life of an appropriation about to expire. Dapat gamitin ng parehong kapulungan ng Kongreso ang oversight powers nito during the budget implementation to determine the real status of an appropriation,” panawagan pa ni Recto.

 

Please follow and like us:
Read More