U-TURN SLOTS SA EDSA IPINANUKALANG ISARA

(NI ABBY MENDOZA)

PARA lumuwag ang daloy ng trapiko, ipinapanukala ni House Minority leader at Manila Rep. Bienvenido  Abante  ang pagsasarado sa lahat ng U-turn slots sa kahabaan ng Edsa.

Ayon kay Abante nakadaragdag sa pagsisikip ng daloy ng trapiko ang mga U turn slots sa Edsa, sa oras na tanggalin ito ay magiging tuluy-tuloy ang byahe.

“I was thinking na tanggalin na ‘yung mga U-turn na ‘yan, and then ‘yung fast lane should be dedicated to carpools,” paliwanag ni Abante.

Aniya, ang mga U turn slot sa Edsa na inilagay noon ni dating MMDA Chairman at ngayon ay Marikina Rep Bayani Fernando ay maaari pa noong araw dahil kakaunti pa lamang ang mga sasakyan subalit ngayon na triple na ang bilang ng mga sasakyan na dumadaan sa Edsa ay hindi na magandang ideya na panatilihin ang ganitong mga U turn slots.

Si Abante rin ang nagpapanukala ng 4-day work week sa layunin din na mapaluwag ang daloy ng trapiko.

 

Please follow and like us:
Read More

MALASAKIT CENTER APRUB NA SA KAMARA

(NI BERNARD TAGUINOD)

INAPRUBAHAN na sa ikatlo at huling pagbasa sa Mababang Kapulungan ng Kongreso  ang panukalang batas na magtayo ng Malasakit Center sa lahat ng pampublikong hospital sa buong bansa.

Sa botong 185 pabor, isang kumontra at 7 ang hindi bumoto o nag-abstain, lumusot na ang House Bill (HB) 5547 ang nasabing panukalang batas na magsisilbing one-stop-shop sa pagtulong sa mga mahihirap na pasyente.

Layon ng nasabing batas na hindi na mahirapan ang mga mahihirap na pasyente na makakuha ng medical assistance sa mga ahensya ng gobyerno tulad ng Department of Health (DOH), Department of Social Welfare and Development (DSWD), Philippine Charity Sweepstakes Office (PCSO) at  Office of the President.

Sa ngayon ay hiwa-hiwalay ang mga tanggapan ng mga nabanggit na ahensya na nilalapitan ng mga mahihirap na pasyente para sa kanilang mga bayarin sa pagpapagamot sa kanilang sakit.

Subalit sa ilalim ng nasabing panukala, lahat ng mga ahensyang ito ay magkakaroon na ng tanggapan sa lahat ng mga public hospital na obligadong tumulong sa mga mahihirap na pasyente.

Ang Malasakit Center ay unang ipinakilala ni Sen. Lawrence “Bong” Go bago ito tumakbo sa Senado.

Tulad ng inaasahan, bumoto ng kontra si Albay Rep. Edcel Lagman sa nasabing panukala dahil kinopya lang umano ng Kamara sa Senate Bill (SB) 1076 na iniakda ni Go.

 

Please follow and like us:
Read More

BUHAY NG 2019 BUDGET EXTENDED NA

congress12

(NI BERNARD TAGUINOD)

EXTENDED hanggang Disyembre 31, 2020 ang maintenance and other operating expenses (MOOE) at capital outlay (CO)  ng  2019 national budget.

Sa botong 192 at walang kumontra, lumusot na sa ikatlo at huling pagbasa ang House Bill (BH) 5438 na naglalayong puwedeng gamitin ang MOEE at CO ng pambansang pondo ngayong 2019 hanggang Disyembre 31, 2020,.

Hindi sinabi ng Kamara kung magkano ang MOEE at CO sa 2019 national budget na nagkakahalaga ng P3.757 Trillion, ang hindi pa nagagastos.

Gayunpaman, nagkaroon umano ng delay sa implementasyon ng mga infrastructure projects at social services dahil sa election ban sa katatapos ng senatorial at local election.

Dahil dito, noong Nobyembre 4, ay inihain sa Kamara ang House Joint Resolution No.19 para sa ekstensyon ng MOEE at CO ng 2019 national budget kung saan 199 Congressmen ang pumasok,

Gayunpaman, dahil sa ruling ng Korte Suprema na hindi maaaring palitan ng isang resolusyon ang isang batas, ay nagpasya sina House deputy speaker Loren Legarda at House Appropriation committee chairman Isidro Ungab na palitan ito ng House Bill.

Wala naman itong kahirap-hirap na lumusot sa plenaryo ng Kamara at bersyon na lamang ng Senado at lagda na lamang ni Pangulong Rodrigo Duterte ang kailangang para maipatupad.

Base sa kasalukuyang batas, lahat ng pondo na hindi magagastos hanggang sa katapusan ng taon ay hindi na maaaring magamit sa susunod na taon.

Please follow and like us:
Read More

ANGELICA, BEA AT RICHARD NANGANGAMOY BLOCKBUSTER

olea(NI JERRY OLEA)

ANG ganda-ganda ng official teaser ng pelikulang Unbreakable na pinagbibidahan nina Angelica Panganiban, Bea Alonzo Alonzo at Richard Gutierrez.

Mas maganda at mas maigting ang full trailer. Mas kapana-panabik tuloy na panoorin sa Nobyembre 27. Pakiwari ko, sa 18 Pinoy movies na palabas this November ay ito lang ang blockbuster.

Kuda nang kuda, andaming hanash ng mga chuwariwap ng ibang local movies na showing this month, pero hindi nila masabi kung magkano ba ang kinikita ng mga ipinagmamalaki nilang palabas. Magpakatotoo tayo! The truth will set us free.

May mga matututunan tayo sa katotohanan — gaano man iyon kapait, o kasaklap. Huwag tayong magtanga-tangahan.

PINIPILI NILANG MAHALIN ANG KASALANAN

Mabenta sa indie movies ang dakilang bikini hunk na walang kyeme sa buyangyangan at umaatikabong lampungan.

Nakikipag-espadahan siya ng dila sa kapwa lalaki, at sumirku-sirko sa romansahan as if it’s something he normally does everyday.

Aminado siyang pahada sa mga badidang, lalo pa’t may mag-ina siyang sinusuportahan.

Isinusumpa ni indie actor na hindi siya tumitira sa wetpax ng bakla. Katwiran niya, sa ganoon ay hindi siya tinitigasan. Ang batuta ni Dracula, nanghihina… naglulupasay.

Ayaw na ayaw niyang binabastos siya sa social media. Hubadero man si kuya ay umaamot siya ng pang-unawa, at pagrespeto sa kanyang pagkatao.

Himutok ng indie actor, “Iiwasan ka ng taong nag-aalok ng kasalanan oras na nagbahagi ka ng mga Salita ng Diyos.

“Ayaw nilang malaman ang kanilang pagkakamali. Mas gusto nilang magpakasasa sa laman.

“Nakalulungkot na mas pinipinili nilang mahalin ang kasalanan, kesa sa tagapagligtas ng sanlibutan.”

 

Please follow and like us:
Read More

P50-M PARA SA ‘KALDERO’ SA SEA GAMES, KINUWESTYON

(NI DANG SAMSON-GARCIA)

KINUWESTYON ni Senate Minority Leader Franklin Drilon ang paglalaan ng Bases Conversion and Development Authority (BCDA) ng P50 milyon para sa disenyo at konstruksyon ng stadium cauldron para sa Southeast Asian Games.

Ginawa ito ni Drilon sa deliberasyon ng Senado sa budget ng BCDA para sa taong 2020.

“A P50-million kaldero. Do you realize that at P1 million per classroom this can construct 50 classrooms? In other words, we did away with 50 classrooms in exchange for one kaldero, is this a correct conclusion?,” saad ni Drilon.

“Is that reasonable? Is that a correct prioritization? Each classroom will cost P1 million and just for the kaldero, which should be used only once, we will spend P50 million,” dagdag pa ng senador.

Sa pagpapaliwanag ni Senador Sonny Angara, chair ng Senate Finance Committee at sponsor ng BCDA 2020 budget, ang design cost ng cauldron ay umaabot sa P4.4 milyon habang ang foundation nito ay nasa P13.4 milyon.

Sinabi ni Angara na ang pagpapagawa ng naturang gamit ay sa ilalim ng Philippine Sports Commission(PSC) at dinisenyo ng yumaong Filipino architect na si Bobby Mañosa.

Sa pagtatanong din ni Drilon, kinumpirma ni Angara na aabot sa P32 milyon ang pagpapagawa ng cauldron.

“Construction of SEA Games stadium cauldron design and installation (is) P32 million,” diin ni Angara na nagtangka pang dipensahan ang halaga.

“I think what the government is really envisioning was to do a really impressive hosting of the games and showcase the Philippine ingenuity by using Philippine creative designers and performers. I think this is what other Southeast Asian countries have also done when it was their turn to host,” paliwanag ni Angara.

Sinagot naman ito ni Drilon na “I think in his hearts of hearts, the good sponsor, good intention as he is, finds difficulty justifying a P50-million kaldero.”

Please follow and like us:
Read More

DAGDAG-BUWIS SA POGO, APRUB NA SA HOUSE PANEL

(NI ABBY MENDOZA)

MATAPOS ang dalawang pagdinig, inaprubahan na ng House Committee on Ways and Means ang panukalang karagdagang pagbubuwis sa Philippine Offshore Gaming Operators (POGO).

Sa ilalim ng House Bill 5257 na iniakda ni Albay Rep. Joey Salceda, papatawan ng 5 porsyento ang franchise tax sa gross winnings ng POGO na lisensyado ng Philippine Amusement and Gaming Corporation (PAGCOR) habang 25 % withholding tax sa mga manggagawa sa POGO na ang minimum na kita ay nasa P600,000 kada taon.

Ayon kay Salceda, hamak na mas maganda ang POGO tax kumpara sa ASIN tax n isinusulong ng Department of Health(DOH) dahil hindi masasagasaan ang ordinaryong mamamayan kung ang operasyon ng POGO ang bubuwisan.

Nakasaad din sa panukala na ang Philippine Amusement and Gaming Corporation (PAGCOR) ang mag-i-isyu ng lisensya sa mga POGO hubs na nakaregister sa Bureau of Internal Revenue (BIR).

Sa kasalukuyan ay P2.2 Billion lamang ang kinikita ng gobyerno kada taon mula sa mga POGO dahil sa regulatory fee na sinisingil ng PAGCOR ngunit kung maisasabatas ang panukala ay kikita ang gobyerno ng P20B sa loob ng isang taon dahil sa franchise tax at P24B naman kung makakasingil ng income tax.

Sa panukala ni Salceda ay direktang mapupunta sa BIR ang ibabayad na buwis sa operasyon ng POGO at hindi lamang sa PAGCOR.

Aminado si Salceda na sa kasalukuyang setup ay nakapaliit ng nakukuha ng gobyerno sa operasyon ng POGO, nabatid na noong 2017, P175 million lamang ang nokolekta ng BIR mula sa mga POGO, P579 million noong 2018, at mula nitong Enero hanggang Setyembre naman ay nasa P1.8 billion.

 

Please follow and like us:
Read More

E-POWER ITSAPWERA NA; PROYEKTO NI DU30 TUTUTUKAN

duterte12

(NI BERNARD TAGUINOD)

HINDI na itutuloy ng liderato ng Mababang Kapulungan ng Kongreso ang pagbibigay ng emergency power kay Pangulong Rodrigo Duterte para mapabilis ang flagship projects ng kanyang administrasyon.

“Message sent, message received,” ani House committee on ways and means chair Joey Salceda sa ambush interview ukol sa pahayag ni Duterte na hindi niya tatanggapin ang e-power.

Nangangahulugan na inaabandona na ng Kamara ang nasabing panukala subalit bubuo umano ang mga ito ng oversight committee upang tutukan ang mga proyekto ng gobyerno.

“Nakausap ko na ang Speaker, magtatatag tayo ng committee on oversight, government accountability para po matutukan lahat po (ng projects),” ayon pa kay Salceda.

Unang naghain ng panukala si Salceda na bigyan ng e-power si Duterte matapos mabuko na siyam pa lamang umano sa 75 flagship projects ng Duterte administration sa ilalim ng Build-Build-Build program ay nasisimulan.

Ito ay sa kabila ng nasa huling tatlong taon na lamang ng Duterte administration kaya nais ni Salceda na magkaroon ng e-power ang Pangulo para mapabilis ang mga proyektong ito.

“Very clear kung ano ang gusto ng kongreso. Tapusin nyo po. Sana matapos po ni (Flagship Programs and Projects Secretary) Vince Dizon ang flagship na walang special power,” ani Salceda.

Please follow and like us:
Read More

SOLON: HVT INFO ‘WAG IPAGKATIWALA KAY LENI 

(NI BERNARD TAGUINOD)

Nanganganib na mapunta sa ibang kamay ang impormasyon hinggil sa High Value Target (HVTs) sa ilegal na droga kapag ibinigay ito kay Inter-agency committee on illegal drugs (ICAD) co-chairperson  Leni Robredo.

Ito ang pinangangambahan ng liderato ng Mababang Kapulungan ng Kongreso sa pamamagitan ni House committee on dangerous drugs chair Robert Ace Barbers kaya suportado ng mga ito na huwag i-release ng listahan ng HVTs kay Robredo.

“Should the HVT list fall on the wrong hands, it might compromise the investigation done on these people and jeopardize the success of the anti-drug campaign, or worse, pose a threat to national security,” ani Barbers.

Ito aniya ang iniiwasan kaya hindi na kailangan aniyang magkaroon ng listahan si Robredo dahil ang mga ganitong impormasyon ay highly classified at dapat umanong unawain ito ng ICAD co-chairperson.

Gayunpaman, sinabi ng mambabatas na hindi dapat ituring na hindi pagrespeto kay Robredo na huwag ibigay dito ang listahan ng HVTs dahil mayroong sinusunod aniya na SOP o standard operating procedure sa law enforcement operations.

Una rito ay humihingi umano ng listahan ng HVTs si Robredo kaya nagbanta si Pangulong Rodrigo Duterte na sisibakin niya ito kapag nalabas sa publiko ang impormasyong ito.

“While we all share the goal of  eradicating narcotics and its sources here in the country, we should exercise due diligence and  keep in mind that our  national security should always be our paramount concern,” ayon pa kay Barbers.

 

Please follow and like us:
Read More

ILANG LALAWIGAN SIGNAL NO. 2 KAY ‘RAMON’

ulan55

(NI ABBY MENDOZA)

KASUNOD ng inaasahang landfall ng bagyong Ramon, ilang lugar ang isinailalim na sa Storm Warning Signal No 2 ng Philippine Atmospheric and Geophysical and Astronomical Services Administration (Pagasa).

Ayon sa Pagasa, napanatili ng bagyong Ramon ang lakas nito.

Itinaas na ang Storm Signal No 2 sa Cagayan, Northern portion ng Isabela, Apayao, Kalinga at Northern portion ng Ilocos Norte.

Ayon sa PAGASA ang mga nasa signal No 2 ay makakaranas ng lakas ng hangin na aabot sa 61kph hanggang 120kph sa loob ng 24 oras.

Nasa Signal No 1 naman ang nalalabing lugar sa Ilocos Norte, Ilocos Sur, Abra, Mountain province, Ifugao, Northern Aurora at nalalabing bahagi ng Isabela.

Sa monitoring ng Pagasa, ang sentro ng bagyo ay namataan 160 km sa silangan hilagang-silangan ng Tuguegarao City, Cagayan, taglay nito ang lakas ng hangin na 85 kph, bugso na 105kph at kumikilos sa bilis na 10kph.

Nagbabala ang Pagasa sa mga daraanan ng bagyo na maging alerto dahil lalakas pa ang bagyong Ramon habang papalapit ang pagtama sa lupa.

Sa araw ng Miyerkoles lalabas ng bansa ang bagyong Ramon.

Nakataas din ang gale warning signal at ipinagbabawal ang paglalayag sa seaboards sa mga lugar na nasa ilalim ng storm warning signal gayundin sa Southern Luzon.

Samantala, sinabi ng Pagasa na isa pang sama ng panahon ang papasok sa PAR sa loob ng 24 oras,huli itong namataan 1,605 km sa silangan ng silangang-Visayas.

 

 

Please follow and like us:
Read More