KAHIT SABLAY SA ‘2ND WAVE’, DUQUE HINDI SISIBAKIN

MANANATILI sa puwesto si Health Secretary Francisco Duque III sa kabila ng kontrobersiyal na pahayag nito na kasalukuyan nang nasa 2nd wave ng COVID-19 ang bansa na pinalagan naman at ikinagulat ng mga eksperto.

Sinabi ni Presidential spokesperson Harry Roque na sasagutin ng Kalihim ang mga alegasyon laban sa kanya sa tamang forum.

Sa ngayon ay hayaan na munang gawin nito ang kanyang trabaho habamg nahaharap sa global health emergency ang bansa.

“Secretary Francisco Duque III serves at the pleasure of the appointing authority, President Rodrigo Roa Duterte, in this challenging time.”

“Secretary Duque will answer allegations in the proper forum but for now let us allow him to do his job during this global health emergency,” ayon kay Sec. Roque.

Nauna rito, sinabi ni Sec. Roque na kailangang may managot para sa pagbibigay kalituhan sa ulat na ang bansa ay nasa second wave na ng COVID-19 infections.

Iyon nga lamang, ang desisyon na parusahan ang taong ito ay nakasalalay sa senior officials ng pamahalaan.

“Hinahayaan ko na muna po iyan sa liderato ng ating pamahalaan. Tagapagsalita lamang ako,” ayon kay Sec. Roque.

wave ng infections.

Inamin ni Sec. Roque na ang pahayag ni Sec. Duque ay nagdulot ng “fear and panic” sa mamamayan na nag-aalala lalo pa’t nahaharap ngayon sa COVID-19 pandemic.

“Sa ngayon busy ako magbigay linaw na nasa first wave pa lang tayo dahil matindi yung takot at panic na dinulot ng ganyang statement na diumano ay nasa second wave na tayo,” ayon kay Sec. Roque. CHRISTIAN DALE

Read More

PDU30 PANGUNGUNAHAN ANG PMA AT PNPA GRAD RITES

PANGUNGUNAHAN ni Pangulong Rodrigo Roa Duterte ang graduation rites ng Philippine Military Academy (PMA) at Philippine National Police Academy (PNPA) via Zoom sa gitna ng COVID-19 pandemic.

Sinabi ni Presidential spokesperson Harry Roque na ito ang kauna-unahang pagkakataon na pangungunahan ng Chief Executive ang graduation rites ng dalawang institusyon na wala ang kanyang pisikal na presensiya bunsod na rin ng marahas na pagbabago na nag-ugat mula sa health crisis.

Noong nakaraang taon ay pinangunahan ni Pangulong Duterte ang pagtatapos ng may 243 kadete ng Philippine Military Academy (PMA) sa Baguio City.

Sinalubong ang Pangulo nina Defense Secretary Delfin Lorenzana at Armed Forces of the Philippines Chief of Staff Gen. Benjamin Madrigal at iba pang mga opisyal ng AFP.

Dumalo rin sa naturang okasyon si Vice President Leni Robredo, ilang miyembro ng gabinete at ang mga kasalukuyang opisyal ng pamahalaan na alumni din ng PMA.

Ang mga nagsipagtapos ay kabilang sa PMA “Mabalasik” Class of 2019 na pinangungunahan ng ika-5 babaeng valedictorian na si Dionne Mae Umalla na tumanggap ng Presidential Saber Award habang tumanggap ng Vice Presidential Saber Award ang class salutatorian na si Jonathan Mendoza.

Si Umalla ang ikalimang babaeng valedictorian sa PMA makalipas ang isang dekada mula kina Arlene Dela Cruz noong 1999, Tara Velasco noong 2003, Andrelee Mojica noong 2007 at Rovi Mariel Martinez noong 2017. CHRISTIAN DALE

Read More

DIGOS PNP, ITINANGGING INARESTO ANG NURSE NA WALANG ID

pnp1

DIGOS City – Mariing itinanggi ng Digos City Police Station (DCPS) na kanilang inaresto ang isang nurse na hindi pinalusot sa Inter-agency Task Force on COVID-19 checkpoint nang hindi ito makapagpakita ng kanyang identification card.

Sa ipinalabas na pahayag ng DCPS, mahigpit umanong ipinatupad ng mga awtoridad ang mga polisiya sa ilalim ng general community quarantine (GCQ) ngunit isang beripikasyon lang ang kanilang ginawa at hindi totoo ang mga lumabas na akusasyon.

Sa panayam sa kanyang telepono nitong Biyernes ng umaga, sinabi ni Lt. Col. Vici Anthony Tababa, hepe ng DCPS, naayos na ang problema matapos mangyari ang insidente, tatlong linggo na ang nakalilipas.

Unang nag-post sa social media ang Philippine Nurses Association (PNA) Davao del Sur ng pagkondena sa ginawang aksyon ng law enforcers sa checkpoints dahil sa hindi umano pagrespeto sa Professional Regulation Commission (PRC) ID at employment ID ng isang nurse at hinanapan pa ng quarantine pass.

Ito ay makaraang makarating sa PNA ang impormasyon na isang nurse ang inaresto malapit sa LYR Building sa Rizal Avenue, ng mga pulis na nagpapatrolya sa ipinatutupad na city-wide “Oplan Patagam”.

Ayon sa post, sakay ang nurse sa isang tricycle kasama ang kanyang kapatid nang ma-hold ito sa random checking.

Nang hingin ng mga pulis ang quarantine pass ng mga ito, ang kapatid lamang ng nurse ang meron nito at tanging PRC license at company ID ang ipinakita nito sa mga awtoridad.

Hindi umano ito tinanggap ng mga awtoridad at sa halip ay hiningian pa ito ng certificate of employment (COE).

Matapos umanong ‘di maipakita ng nurse ang kaukulang dokumento ay isinakay ito sa patrol car at dinala sa Digos City gymnasium kung saan isinailalim sa dalawang oras na community service dahil sa paglabag sa ordinansa ng lungsod.

Iginiit ng DCPS na tanging PRC license lang at walang dalang company ID ang nurse upang makapagtunay na nagtatrabaho nga ito.

Ngunit ayon kay Tababa, naisaayos na ito at wala na umanong problema ang mismong concerned kung kaya’t hinakaya’t nito na tapusin na ang naturang isyo.

Nilinaw naman ni Tababa na dapat magtulungan ang lahat ng frontliners sa pagsugpo sa COVID-19 at inabisohan ang publiko na ‘wag agad mag-post sa social media ng hindi malinaw na impormasyon upang maiwasan ang pagkalat ng mga maling balita.

“Sa ilalaim ng GCQ, kailangan talaga magpakita tayo ng ID, kahit nga mga pulis, sundalo at ibang nasa gobyerno ay hindi exempted sa guidelines,” ani ng opisyal. (DONDON DINOY)

Read More

2 CHINESE ARESTADO SA ‘DI REHISTRADONG COVID MEDICINES

CAVITE – Arestado ng mga tauhan ng Cavite police ang dalawang Chinese national matapos salakayin ang isang warehouse at nakumpiskang ang sari-saring mga gamot umano sa COVID-19 sa Bacoor City sa lalawigang ito.

Sinampahan ng kasong paglabag sa RA 9711 (Food and Drug Administration Act of 2009) as amended by RA 3720 in relation to RA 11469 (Bayanihan to Heal as One) ang mga suspek na sina Zhixing Chen at Lingjie Zhao alyas Kira, kapwa nasa hustong gulang, residente ng nasabing lugar, habang pinaghahanap ang kasamahan nilang nakatakas na si Achinglee Payoran Xu, nasa hustong gulang.

Sa ulat ni P/SMSgt. Christian Rosales ng Bacoor City Police Station, kay Cavite Provincial Director, P/Col. Marlon Santos, dakong alas-9:00 nitong Biyernes ng umaga nang salakayin sa bisa ng search warrant, sa pangunguna ni P/Col. Vicente Cabatingan, hepe ng Bacoor CPS, at mga tauhan ng RSOU41 at PDEA Cavite, ang warehouse ng 9 APX Liquid Dishwashing Products Trading sa loob ng compound ng Prime Pacific United Consortium, Inc. sa  Ilaya St., Niog Road, Brgy. Niog 2, Bacoor City.

Armado ng search warrant, pinasok ng mga awtoridad, kasama si Hon. Alexander D. Felizardo, ang warehouse na kung saan naabutan ang dalawang Chinese national habang inaayos ang mga kahon ng gamot.

Nakumpiska mula sa warehouse ang 27 malalaking kahon ng gamot na ang bawat isa ay naglalaman ng may 10,800 maliliit na kahon na naglalaman ng mga kapsula.

May mga label na Lianhua Qingwen Jiaonang ang mga gamot na Chinese medicine na umano’y para sa COVID-19.

Ang nakumpiskang mga gamot ay ilegal at hindi umano nakarehistro sa Bureau of Food and Drugs Administration (BFAD).

Inaalam ng pulisya kung posibleng ang nasabing mga gamot ay kabilang sa ipinadalang mga gamot sa isang sinalakay na ilegal na ospital sa isa sa villas sa Fontana Leisure Park sa Pampanga na ginawang makeshift medical facility para sa mga Chinese na hinihinalang COVID patients noong Mayo 19, 2020. (SIGFRED ADSUARA)

Read More

NAVOTAS LGU IPINAMAHAGI NA ANG P22.7-M MID-YEAR BONUS

IPINAMAHAGI na ng pamahalaang lungsod ng Navotas ang P22.7 milyon para sa mid-year bonus at cash gifts ng mga kawani nito.

Nasa 534 regular na empleyado ang nakatanggap ng bonus na katumbas ng isang buwang sweldo habang 1,175 naman na mga nasa ilalim ng contract of service at job order ang nakakuha ng P6,000 cash.

Ang P6,000 ay doble ng kanilang regular na quarterly benefit.

“Sa gitna ng pandemya ng Coronavirus disease 2019 (COVID-19), hangad nating matulungan ang ating mga empleyado at ang kanilang mga pamilya para magkaroon sila ng pinansyal na seguridad at matugunan ang mga ‘di kanais-nais na epekto ng ipinatutupad na community quarantine,” sabi ni Mayor Toby Tiangco.

“Lubos na naapektuhan ng COVID-19 ang kabuhayan ng maraming pamilya na nakatira sa mga lugar na nasa ilalim ng quarantine. Bagaman nakatatanggap pa rin ng buwanang sweldo ang mga kawani ng city hall, maaaring hindi ganun ang nangyayari sa ibang miyembro ng kanilang pamilya. Umaasa tayong makatutulong ang bonus na kanilang natanggap sa pagharap nila sa krisis na ito,” dagdag niya.

Namahagi rin ang pamahalaang lungsod noong Marso ng P6.4 milyon na karagdagang benepisyo para sa mga non-plantilla na mga empleyado.

Namigay rin ito ng P500 arawang hazard pay para sa mga pisikal na pumapasok sa trabaho habang may pandemya tulad ng mga basurero, street sweepers, barangay nutrition scholars at barangay health workers.

Dagdag pa rito, nagkaloob din ito ng isahang special risk allowance (SRA) para sa public health workers ng lungsod na direktang kumakalinga sa mga pasyente ng COVID-19. Ang SRA ay katumbas ng 25 porsiyento ng kanilang buwanang sweldo. (ALAIN AJERO)

Read More

114K ‘MAKATIZEN’, TUMANGGAP NA NG P5K CASH AID  

UMAABOT sa 114,828 residente ang tumanggap ng P5,000 ayuda mula sa lungsod ng Makati sa loob lamang ng isang linggo makaraang ipatupad ang Makatizen Economic Relief Program (MERP), bilang tulong sa mga apektado ng may COVID-19 pandemic.

Ayon kay Mayor Abby Binay, gumamit sila ng digital platforms na GCash sa pagsasagawa ng contactless cash assistance delivery upang maipaabot ang tulong pinansyal sa mga residente kaya naging mabilis ang pamamahagi ng ayuda.

Kwalipkado sa MERP ang 18 anyos at pataas na mga residente ng Makati City o residente ng relocation sites sa pamamahala ng San Jose del Monte City, Bulacan at Calauan, Laguna, na may Makatizen Card, o Yellow Card, o botante ng Makati.

Umaabot naman sa mahigit 250,000 applications ang natanggap ng City Hall, 142,267 dito ang naaprubahan simula nang ianunsyo ni Mayor Binay ang naturang programa.

Dahil naman sa kulang at maling impormasyon na isinumite ng mga aplikante, nasa 10,000 application ang na-reject ng GCash. (DAVE MEDINA)

Read More

NO. 1 MOST WANTED ARESTADO

ARMADO ng warrant of arrest, inaresto ng mga awtoridad ang isang 20-anyos na lalaki dahil sa kasong pagpatay sa Tondo, Manila, iniulat ng pulisya nitong Biyernes.

Walang inirekomendang piyansa ang korte para sa suspek na kinilalang si Gerald Maningo y Sabili, binata, ng #1381 Batangas St., Tondo.

Base sa ulat ni P/Lt. Col. Magno Gallora Jr., station commander ng Manila Police District-Station 2, bandang alas-5:00 ng hapon noong Mayo 21 nang arestuhin ang suspek sa Blk.15, Baseco Compound, Port Area.

Inaresto ng mga awtoridad ang suspek sa bisa ng arrest warrant na inisyu ni Hon. Judge Phrincess Mabajarias-Hermogeno ng Manila Regional Trial Court Branch 48, sa pangunguna ni P/Capt. Loreto Tigno, hepe ng Station Intelligence Branch, at P/Capt. Joselito Delos Reyes ng Warrant & Subpoena Section ng nasabing himpilan ng pulisya.

Ayon sa ulat, sa pamamagitan ng impormante at ilang kaanak ng biktima ay natunton ang kinaroroonan ng suspek.

Hindi na nakapalag ang suspek nang ipakita ang kanya warrant of arrest mula sa korte. (RENE CRISOSTOMO)

Read More

OBRERO ITINUMBA NG DRUG PERSONALITY

PATAY ang isang construction worker na makikipagkita sa kanyang kaibigan matapos pagbabarilin ng isang hinihinalang drug personality sa Malabon City, nitong Biyernes ng madaling araw.

Dead on the spot si Joben Ortega, 29, ng Gozon Compound, Phase 5, Brgy. Tonsuya, Malabon City sanhi ng tama ng bala sa katawan habang mabilis namang tumakas sa hindi matukoy na direksyon ang suspek na kinilalang si Robert Andilab ng #272 Phase 2 Lupa, Gozon Compound makaraan ang insidente.

Sa imbestigasyon nina P/MSgt. Julius Mabasa at P/SSgt. Ernie Baroy, dakong alas-3:35 ng madaling araw, naglalakad ang biktima sa kahabaan ng Gozon Compound para makipagkita sa kaibigan na si alyas “Titang” nang bigla na lamang sumulpot sa kanyang likuran ang suspek at dalawang beses itong pinaputukan sa katawan.

Ayon kay Malabon police chief, P/Col. Jessie Tamayao, ang insidente ay nasaksihan nina Renante Alvarez, 45, at Jeramie Redira, 34, kapwa pedicab driver, ng Gozon Compound, na kinilala si Andilab bilang nag-iisang gunman na pumatay sa biktima.

Patuloy ang follow-up operation ng Malabon Police Community Precinct (PCP) 8, sa pangunguna ni P/Capt. Carlos Cosme, Jr., para maaresto ang suspek na kilala umanong drug personality habang inaalam pa ang motibo sa krimen . (FRANCIS SORIANO)

Read More

OVERPRICING SA COVID TEST KITS, BAHALA NA ANG OSAP – MALAKANYANG

IPAUUBAYA na ni Presidential Spokesperson Harry Roque sa Office of the Special Assistant to the President (OSAP) ang alegasyon ng overpricing sa presyo ng Philippine Health Insurance Corporation’s (PhilHealth) coronavirus disease 2019 (Covid-19) testing packages.

Naging madamot si Sec. Roque sa pag-komento ss isyu lalo pa’t nagsilbi siyang legal counsel ng dalawang complainants na siyang nagbunyag ng anomalya sa PhilHealth noong nakaraang taon.

“May conflict of interest na po ako diyan dahil ako mismo nagsampa ng kasong kriminal laban sa mga kurakot sa PhilHealth,” ayon kay Sec. Roque.

Noong Pebrero, naghain Sec. Roque sa Office of the Ombudsman ng graft complaint laban sa PhilHealth officials hinggil sa di umano’y non-remittance ng milyong halaga ng kontribusyon ng overseas Filipino workers (OFWs).

Kaya nga, sa halip ay ire- refer niya ang alegasyon ng overpriced na PhilHealth testing packages kay Undersecretary Jesus Melchor Quitain, na siyang pinuno ng OSAP sa ilalim ng Office of the President (OP).

“Ifo-forward ko po itong bagong akusasyon sa office po ni Sec. Quitain dahil si Sec. Quitain din po, siya yung gumawa ng naunang imbestigasyon sa PhilHealth na nagresulta sa pagtanggal ng ilang mga miyembro ng board of directors ng PhilHealth,” ang pahayag ni Sec. Roque.

Sa ulat, kuwestiyonable ang binabayaran ng PhilHealth para sa gastusin ng mga pasyenteng may coronavirus disease 2019 (COVID-19).

Ito ang isiniwalat ni Senador Franklin Drilon kung saan may potensiyal aniya na nagkakaroon ng ‘overpricing’ sa testing kits at packages.

Ayon kay Drilon, posibleng doble kasi ang binabayaran ng PhilHealth sa mga pribadong klinika kung saan umaabot ang COVID-19 test sa halagang P8,150 kada test.

Aniya, papalo ito sa P8.3-bilyon para lamang maitest ang nasa 2-milyong mga Pilipino.

Sinabi ni Drilon, kung susumahin kasi, dapat ay nasa P4,000 lamang ang singil ng mga klinika para sa COVID-19 test dahil nasa P1,500 lamang ang halaga ng testing kits, P2,000 para sa screening nito, at P500 charge ng mga klinika.

Giit ng senador, maliwanag na mayroong overpricing na nagaganap sa panig ng mga klinika na nagpoproseso ng COVID-19 tests.

Read More