PANIBAGONG MOLECULAR LAB SA BATANGAS, BINUKSAN

KAYA nang sumuri ng 32,000 samples kada araw ang Philippine Red Cross sa Batangas City dahil binuksan na ang pinakahuling molecular laboratory nito sa nasabing siyudad matapos aprubahan ang accreditation nito bilang

coronavirus disease 2019 or COVID-19 testing center ng  Research Institute for Tropical Medicine (RITM).

Ayon kay Senador Richard Gordon, ang pasilidad ay mayroong apat na RT-polymerase chain reaction (RT-PCR) machines na maaaring sumuri ng pinagsanib na 4,000 tests isang araw, ang pinakamalaking testing capability sa CALABARZON (Cavite, Laguna, Batangas, Rizal and Quezon) region at maaaring sakupin ang kalapit lalawigan.

“We are glad to have this laboratory up and running because more people should get tested. Testing is the key to get our economy going again and this is more so, here in Batagas and in the whole region, with its different economic zones, techno-parks, industrial zones and others,” aniya.

Ipinaliwanag ni Gordon na sa pamamagitan ng testing, maihihiwalay ang carriers ng virus mula sa negatibo at tuluyang mapigilan ang pagkahawa. Makababalik din ang mga tao sa kanilang trabaho pagkatapos ng testing.

Bukod sa Batangas City, binuksan din ng PRC ang molecular laboratories nito sa dating national headquarters sa Port Area, Manila, na maaaring sumuri ng 14,000 test isang araw; Subic at Clark, 6,000 tests at dalawa sa headquarters

sa Mandaluyong, na maaaring gumawa ng 8,000 tests isang araw. (ESTONG REYES)

Read More

SOLONS SA LTFRB: JEEPNEY DRIVERS HUWAG PAHIRAPAN

NANAWAGAN sina Senador Nancy Binay at Senador Grace Poe sa Land Transportation Franchising and Regulatory Board (LTFRB) na huwag nang pahirapan ang mga jeepney driver na nais bumalik sa pagpasada.

Tinukoy ng dalawang senador ang mga requirement na kailangang tugunan ng mga driver bago makabalik sa paghahanapbuhay.

Pinuna nina Binay at Poe ang sistema ng LTFRB sa pagkuha ng QR code ng mga driver sa pamamagitan ng website na nag-crash sa dami na rin ng backlog.

Binigyang-diin pa ni Binay na ilan sa mga driver ang nagsanla o nagbenta na ng mga cellphone kaya’t wala na rin silang paraan para magkaroon pa ng QR code.

“Ang nakalulungkot malaki ang problema natin, marami nawawalan ng trabaho, itong jeepney drivers natin kung sino pa ang kailangang kumita sila pa ang pinipigilan,” saad ni Binay.

Nais namang malaman ni Poe ang mga hakbangin ng gobyerno kung paano pupunan ang kakulangan din ng kita ng mga papayagang bumiyahe dahil sa protocol na 50% lamang ang dapat na maging pasahero nito.

Ipinaalala pa ni Poe na ang tulong sa mga driver sa ilalim ng Bayanihan 1 ay hindi pa lubos na naipamamahagi kaya’t dapat anya itong madaliin na ng gobyerno. (DANG SAMSON-GARCIA)

Read More

UTANG NG PHILHEALTH SA MGA OSPITAL, PINABUBUSISI

NAIS ni Senador Leila de Lima na imbestigahan ng Senado ang hindi pa rin pagbabayad ng PhilHealth ng insurance claims ng mga accredited hospital.

Sa kanyang Senate Resolution 461, iginiit ni De Lima na dahil sa kabiguan ng PhilHealth na bayaran ang kanilang obligasyon, nalalagay sa alanganin ang financial viability ng mga pagamutan na sa kabuuan ay mararamdaman sa serbisyo nito partikular ngayong panahon ng pandemya.

Sinabi ni De Lima na sa ngayon ay may mga kwestyon na sa kapasidad ng PhilHealth bilang primary health insurer ng gobyerno at lead implementer ng Universal Health Care Act.

Ipinaalala ng senador ang mga alegasyon ng mismanagement at fraud laban sa PhilHealth na isa rin anyang banta sa kapasidad nito na tugunan ang pangangailangang health services ngayong panahon ng COVID-19 pandemic.

Una nang nagbabala ang Private Hospitals Association of the Philippines, Inc. (PHAP) na nasa 300 maliliit na private hospitals ang posibleng magsara dahil sa dami ng mga hindi nakakabayad na pasyente at ang delay sa reimbursements mula sa PhilHealth.

Subalit noong June 19, inamin ni PhilHealth President at CEO Ricardo Morales na umabot na sa P154 billion ang kanilang operational losses dahil sa overpayments at iba pang fraudulent schemes simula noong 2013.

Iginiit ni De Lima na dapat matukoy kung saan at paano ginastos ng PhilHealth ang kanilang pondo at alamin ang mga hakbangin nila sa pagharap sa corruption issues.

Kailanga anyang malaman ang financial standing ng PhilHealth upang makapagbalangkas ng hakbangin laban sa pandemya. (DANG SAMSON-GARCIA)

Read More

LAW ABIDING CITIZENS, WALANG DAPAT IKATAKOT SA ATL – PDUTERTE

WALANG dapat ikatakot ang mga law-abiding citizen ng bansa sa anti-terrorism law.

“For the law abiding citizen of this country, I am addressing you with all sincerity. ‘Wag ho kayong matakot kung hindi ka terorista,” ayon kay Pangulong Rodrigo Roa Duterte sa kanyang public address kahapon ng madaling araw.

“Kung hindi mo sisirain ang gobyerno, pasabugin mo ang simbahan, pasabugin mo ‘yong public utilities just to derail, matumba tuloy ang bayan,” aniya pa rin.

“Once you blow up yung simbahan, blow up mo ‘yong market place… the right to defend itself accrues to the government heavily,” dagdag na pahayag nito.

Inaasahan na umano ng Pangulo na ang bagong lagdang batas, na naglalayong mas palakasin pa ang anti-terrorism campaign ng bansa ay hahamunin ng kanyang mga kritiko sa Korte Suprema.

Binigyang-diin nito na kailangan ng bansa ng legal na sandata para labanan ang terorismo.

Pinasaringan naman ni Pangulong Duterte ang kanyang mga kritiko mula sa komunistang grupo.

“They think they are a different breed, they would like to be treated with another set of law when as a matter of fact, they are terrorists,” anito. (CHRISTIAN DALE)

Read More

12M TINAMAAN NG COVID-19

HALOS 12 milyon na ang naitatalang kumpirmadong kaso ng COVID-19 sa buong mundo.

Base sa pinakahuling datos, pumalo na sa 11,941,783 ang global cases ng COVID-19.

Kasunod ito ng mahigit 200,000 na bagong kasong naitala sa magdamag.

Amerika pa rin ang may pinakamaraming bilang ng kaso na sumampa na sa mahigit 3,097,000.

Sa magdamag ay mahigit 55,000 ang naitalang bagong kaso sa US habang sa Brazil ay nakapagtala ng mahigit 48,000. Ang India na pumapangatlo sa may pinakamaraming kaso sa mundo ay nakapagtala naman ng mahigit 23,000 bagong kaso.

120 BAGONG KASO SA TAGUIG

NAGTALA ng 120 panibagong kaso ng COVID-19 sa Taguig City.

Hanggang noong Martes ng gabi (July 7), may kabuuang 1,347 na ang confirmed COVID-19 cases sa lungsod.

Naitala ang mga bagong kaso sa mga barangay Bambang, Calzada, Central Signal, Fort Bonifacio, Hagonoy, Lower Bicutan, Pinagsama, San Miguel, South Signal, Sta Ana, Tanyag, Wawa at Western Bicutan.

Mayorya ng bagong kasong naitala ay sa Barangay Fort Bonifacio na umanot sa bilang na 104 kaya mayroon nang 378 na kaso sa naturang barangay. (DAVE MEDINA)

MMDA OFFICES SARADO HANGGANG LINGGO

SUSPENDIDO ang operasyon ng tanggapan ng Metro Manila Development Development Authority (MMDA) sa Guadalupe, Makati dahil sa isasagawang disinfection at sanitation protocol sa mga silid nito.

Ito ay matapos na apat na empleyado ng MMDA ang nagpositibo sa COVID-19 sa ginawang mass rapid test at confirmatory swab test.

Ayon kay MMDA Chairman Danny Lim, nagdesisyon silang suspindehin ang operasyon ng lahat ng unit ng ahensya para maprotektahan ang kanilang mga personnel at higit sa lahat ang publikong araw-araw ay may transaksyon sa MMDA.

Sinabi pa ni Lim na walang empleyadong papayagang pumasok sa naturang gusali habang patuloy ang disinfection at sanitation proceeding.

Alas dos ng hapon ng Miyerkoles ay pinauwi ang mga empleyado ng MMDA sa pagsisimula ng disinfection at sanitation work sa lahat ng tanggapan na tatagal hanggang July 12.

Tiniyak ni Lim na ibabalik ang kanilang operasyon sa Lunes. (DAVE MEDINA)

1 PATAY, 16 KASO NADAGDAG SA NAVOTAS

NAKAPAGTALA na naman ng isang patay sa COVID-19 sa Navotas City sa ikatlong sunod na araw.

Bukod dito, 16 ang nadagdag sa nagpositibo sa nasabing sakit noong Martes, Hulyo 7, ayon kay Mayor Toby Tiangco.

Samantala, isa naman ang gumaling at nakauwi sa kanyang tahanan.

Noong Hulyo 5 ay may isang nasawi at 38 ang nagpositibo, habang may namatay ding isa noong Hulyo 6 at 18 ang kumpirmadong nagkasakit.

“Hindi natin maiiwasang malungkot, mangamba o magalit kapag nababasa natin ang update ng ating lungsod tungkol sa mga kaso ng COVID-19. Natural lamang ang ganitong pakiramdam pero nawa’y sa pamamagitan nito, mas sikapin nating mapangalagaan ang ating sarili at mga mahal sa buhay,” anang alkalde.

“Matagal pa ang labanang ito at malaki ang posibilidad na dadami pa ang mga magpopositibo. Sa halip na mawalan ng loob, tatagan natin ang ating sarili at gawin ang lahat ng makakaya para manatiling ligtas sa sakit,” patuloy ng alkalde. (ALAIN AJERO)

Read More

Pamamaslang kinondena ng IBP-QC PULISYA BLANGKO SA KILLER NG PISKAL

BLANGKO pa ang pulisya hinggil sa pagkakakilanlan ng may-ari ng Mitsubishi Montero na ginamit sa pagpaslang kay Manila Chief Inquest Prosecutor Jovencio Senados sa panulukan ng Quirino Highway at Anakbayan St. sa Paco, Manila noong Martes ng umaga.

Ayon kay P/Capt. Henry Navarro, hepe ng Manila Police District-Homicide Section, ang plate number ABG #8133 na nakakabit sa nasabing SUV ay orihinal na nakarehistro sa isang Honda City, ayon sa isinagawa nilang beripikasyon sa Land Transportation Office (LTO).

Dahil dito, patuloy ang pangangalap nila ng impormasyon sa mga nakasaksi sa krimen at pinag-aaralan ang footage ng mga CCTV sa lugar.

Nauna nang sinabi ni MPD Director P/Brigadier General Rolando Miranda, na tinitingnan nila ang mga hinawakang kaso ni Senados dahil maaaring may sumama ang loob sa kanyang naging desisyon.

Nabatid na nagsasagawa na rin ng sariling imbestigasyon ang National Bureau of Investigation (NBI) hinggil sa insidente sa utos ni Justice Secretary Menardo Guevarra.

Matatandaang si Senados ay tinambangan bandang alas-10:50 ng umaga ng Martes sa nabanggit na lugar.

Hindi naman idinamay ng mga suspek ang driver at pamangkin ng biktima na si Feljie Bagares.

Ayon sa salaysay ni Bagares, binabagtas nila ang Quirino Avenue sakay ng Toyota Yaris na may virtual plate na 05010, nang biglang mag-swerve ang isang pulang Toyota Innova.

Kasunod nito, nag-overtake sa kanang bahagi ang Montero, bahagyang ibinaba ang bintana saka sunod-sunod na pinaputukan ang biktima.

Sa pagsisiyasat ni Det. Donald Panaligan, nakatalaga sa MPD-Homicide Section, si Senados ang ika-50 sa mga prosecutor at hukom na pinatay habang nasa tungkulin.

Isa sa mga kontrobersiyal na kaso na huling na-inquest kay Senados ay noong Oktubre 2019 na may kaugnayan sa pamamaslang kay Batuan Masbate Vice Mayor Charlie Yuson III sa Vito Cruz, Maynila.

Nabatid na iniutos ni Senados ang pagpapalaya sa mga suspek na sina Bradford Solis, Juanito de Luna, Junel Gomez at Rigor de la Cruz at “referred for further investigation” ang resolusyon sa kaso.

Samantala, kinondena ng Integrated Bar of the Philippines – Quezon City Chapter, ang brutal na pagpaslang kay Senados, na isang respetadong chapter member.

“The brazen attack on broad daylight against SACP Senados is a clear indication of impunity with which the perpetrators acted. It is an audacious display of disregard for the rule of law. This vileness and atrocities against officers of the court should stop,” ayon sa IBP-Quezon City.

Ayon pa sa grupo, sa kabila ng pandemic lockdown, nanatili sa pagpapatupad ng kanyang tungkulin bilang chief inquest prosecutor si Senados.“We share our deepest sense of condolences and bereavement with his family, loved ones, and colleagues. SACP

Senados is a devoted family man, a religious and soft-spoken person and is an advocate of peace and justice,” ayon pa sa grupo.

Kaugnay nito, pinuri ng grupo ang mabilis na aksyon ng DOJ secretary sa pag-uutos sa NBI na imbestigahan ang nasabing krimen upang mausig ang mga suspek at mapagkalooban ng hustisya ang biktima. (RENE CRISOSTOMO)

Read More

MAG-AMA ARESTADO SA PAGPATAY

ARESTADO ng mga tauhan ng Manila Police District sa bisa ng warrant of arrest, ang isang mag-ama na sangkot sa pagpatay, sa Las Piñas City nitong Miyerkoles ng umaga.

Nabibilang sa top 1 at top 2 most wanted personality ang mag-amang sina Michael Poche, 30, jobless, at Nolie Poche, 57, foreman, kapwa nanunuluyan sa Christian Executive Village, Barangay Talon Singko sa nabanggit na lungsod.

Batay sa ulat na nakarating na kay P/Lt. Col. Michael Garcia, station commander ng MPD-Malate Police Station 9, bandang alas-8:30 ng umaga nang maaresto ang mag-ama sa panulukan ng Bayabas St. at Duhat St., sa Las Piñas.

Ayon kay P/Capt. Gil John Lobaton, sa pamamagitan ng warrant of arrest na inisyu nina Judge Alfredo Ampuan ng RTC Branch 40, at Judge Aida Layug ng RTC Branch 46, ay nadakip ang mga suspek sa nabanggit na lugar.

Walang inilaang piyansa ang korte para sa nasabing kaso ng mag-ama. (RENE CRISOSTOMO)

Read More

Hindi sumunod sa anti-COVID policies 886 PALPAK NA LOCAL OFFICIALS KINASUHAN

UMABOT na sa 886 local government officials ang nahaharap ngayon sa iba’t ibang reklamo mula administrative hanggang criminal cases, kaugnay sa diumano’y maling gawain at hindi pagsunod sa mga regulasyon para labanan ang coronavirus pandemic.

Sinabi ni Interior Secretary Eduardo Año sa public address ni Pangulong Rodrigo Roa Duterte kahapon ng madaling araw, may 886 local officials ang nahaharap sa criminal complaints kabilang na rito ang diumano’y maling paghawak ng cash aid distribution sa ilalim ng Social Amelioration Program ng pamahalaan.

Mula sa 886 ay may 364 ang politiko habang ang iba naman ay appointed.

Mayroon aniyang 182 barangay officials ang nahaharap sa 182 administrative cases habang 19 na alkalde ang nabigyan ng show-cause orders dahil sa paglabag sa polisiya ng COVID-19 gaya ng pagdaraos ng public gatherings at illegal gambling sa gitna ng pandemya.

Kaya hinikayat ni Año ang local government officials na mahigpit na ipatupad ang anti-coronavirus policies sa kani-kanilang hurisdiksyon para epektibong mapabagal ang tinaguriang fast-spreading pathogen.

Sa huling ulat, ang Pilipinas ay nakapagtala ng mahigit 47,000 kaso ng COVID-19 na mayroong 1,309 namatay base sa official tally. (CHRISTIAN DALE)

Read More

Border security hinigpitan LSIs PUMUPUSLIT SA EASTERN VISAYAS

PINAIGTING ng Joint Task Force COVID Shield ang border control at pagbabantay sa mga pantalan at paliparan kasunod ng ulat na pagpuslit ng mga Locally Stranded Individual (LSI) sa mga lugar na umiiral ang travel ban partikular sa Eastern Visayas.

Ayon kay P/Ltgen Guillermo Eleazar, commander ng JTF COVID Shield, inatasan niya ang lahat ng field and unit commanders na manmanan mabuti ang mga border papasok sa iba’t ibang lalawigan na maaring lusutan ng mga LSI.

Inihayag pa ni Eleazar na nakipag-ugnayan na siya kay Philippine Coast Guard Commandant, Vice Admiral George Ursabia para sa pagsasagawa ng intensified sea and border patrol, harangin ang mga LSI na gumagamit ng bangka o ibang uri ng seacraft para makapasok sa iba’t ibang lalawigan kung saan pansamantalang suspendido ang pagpapabalik lalo na sa Eastern Visayas.

Sinabi pa ng heneral na ang intensified security measures na ginagawa sa Eastern Visayas ay ipatutupad din sa Western Visayas at Cebu gayundin sa Mactan Islands para masawata ang pagpuslit ng LSIs.

Nabatid na ang repatriation ng LSIs sa Western Visayas, Eastern Visayas, Cebu at Mactan Islands ay sinuspinde sa loob ng 15 days base na rin sa kahilingan ng Local Chief Executives.

Ito ay para mabigyan sila ng sapat na oras para mapaluwag ang punuang mga ospital at para ma-decongest and disinfect ang kanilang mga quarantine facility at maiwasan ang pagkalat ng COVID-19. (JESSE KABEL)

Read More