OFW NA AYAW BAYARAN NG SWELDO, NAMATAYAN NG AMA AT WALANG PAMBILI NG KABAONG

0

LUHANG-LUHA akong nahabag sa pinagdaraanan ng isa nating kabayani na si Maribel Manabat na kasalukuyang nasa Khaldiya,Taif, Saudi Arabia.

Siya ay naninilbihan bilang kasambahay at naka­rating sa Saudi Arabia noong Marso 1, 2019 sa pamamagitan ng kanyang ahensya na Pacific Star International.

Sa simula ay naging maayos naman ang kanyang paninilbihan, ngunit tila nitong taon na ito ay tila nagkasunod-sunod ang dagok sa kanyang pamilya.

Noon pa man ay ­inirereklamo nya ang hindi pagbibigay ng regular na sahod ng kanyang employer at lumala pa ito nang ­maging ang kanyang pagkain ay halos ipinagkakait na rin sa kanya.

Dati ay kaya nyang tiisin at palagpasin ang delayed na pagpapasahod, ngunit noong nagkasakit ang kanyang Tatay ay doon na nya hinahanap na maibigay sa kanya ng regular ang kanyang sweldo.

Pero imbes na kusang loob na ibigay dahil kanya naman ipinapaliwanag ang pangangailangan medical ng kanyang Tatay, ay mistulang nagbingi-bingihan lamang ang kanyang employer kung kaya hindi nya mabigyan ng tulong pinansiyal ang kanyang pamilya para sa pagpapagamot ng kanyang Tatay.

Tatlo hangang apat na buwan na siyang hindi binabayaran ng kanyang sweldo kahit na siya ay maki-usap sa kanyang employer.

Imbes na unawain ng kanyang employer ang kanyang sitwasyon, ay tila mas naging mabangis pa ito, dahil maging ang pagkain ay ipinagkakait na rin sa kanya, kung kaya natutunan na lamang niyang kumain ng patago kapag wala sa loob ng kusina ang kanyang employer na babae.

At dahil sa hindi na nakakapadala ng pera si OFW Maribel sa kanyang pamilya, ay hindi na makakabili ang kanyang pamilya ng gamot para sa kanyang Tatay.

Ang pinakamasaklap at talagang bumagabag sa ­aking damdamin ay ang mabalitaan na ang kanyang ama ay pumanaw na dahil sa kakulangan ng pambili ng gamot at ang malungkot ay hindi man lamang mabigyan ng kabaong dahil sa wala silang pera na pambayad sa punerarya.

Panawagan na nga lamang ni OFW Maribel sa kanyang mga kaklase sa kanilang probinsiya ay maambagan sila kahit man lamang pambili ng kandila.

Hindi biro ang ganitong pinagdaraanan ng ating mga kabayani. Likas kasi sa ating mga Pilipino na akuin ang lahat ng pangangailangan ng ating pamilya kung tayo ang naghahanap-buhay.

Si OFW Maribel ay isa lamang sa maraming totoong nakikipagsapalaran para lamang matustusan ang pangangailangan ng kanyang pamilya at malaking dagok ito at lubhang makakaapekto sa kanyang kaisipan ang ganitong sitwasyon.

Pipilitin ng AKOOFW na mabigyan ng kahit konting tulong man lamang ang pagpapalibing ng kanyang Ama.

Gayundin ang aking panawagan sa kanyang ahensya na Pacific Star International na dapat bigyan nila ng pansin ang sumbong na ito ni OFW Maribel.

-oOo-

Ang AKO OFW ay patuloy na nanawagan sa sinumang may mabubuting kalooban na ibig magpa-abot ng tulong pinansiyal para maipambili ng bigas, de lata at mga ­noodles para sa mga taga Rizal at Cagayan Valley. Maaring magpadala sa pamamagitan ng GCASH sa telepono 0956 846 7849 na may account name na Celerino U.

Read More

DAPAT MAKULONG ANG MGA KORAP NA KONGRESISTA

0

MASYADO nang mainit ang paksa hinggil sa mga kongresistang kumikita sa mga proyekto ng Department of Public Works and Highways (DPWH).

Ang pinakabagong isyu rito ay ipinasa ng Presidential Anti-Corruption Commission (PACC) kay Pangulong Rodrigo Duterte ang mga pangalan ng tinatayang labingdalawang mga korap na kongresista.

Hindi ibinunyag ni Duterte ang kanilang mga pangalan dahil sa ibang sangay ng burukrasya kabilang ang mga kongresista.

Hindi rin ibinunyag ni PACC Commissioner Greco Belgica ang kanilang mga pangalan.

Hindi rin iimbestigahan ng PACC ang iginiit niyang mga korap na kongresista dahil ipinaalala ni Belgica na ang papel at kapangyarihan ng PACC ay imbestigahan at sampahan ng kaso ang mga opisyal lamang ng pamahalaan na itinalaga ng pangulo.

Ayon kay Secretary Menardo Guevarra, ang Department of Justice (DOJ) ang mag-iimbestiga sa mga mambabatas.

Kung mayroong nakitang sapat at matibay na mga batayan laban sa mga ­kongresista ay maghahain ng mga kaso ang DOJ sa Office of the Ombudsman, banggit.

Wasto lang na imbestigahan ng DOJ ang mga korap na mambabatas.

At syempre, dapat ­paghusayan ng DOJ upang mayroon namang maihabla ang Office of the Ombudsman sa Sandiganbayan.

Ang nabalitaan ko lang kasing nagawa ng Ombudsman simula nang pamunuan ito ni Manuel Martires ay panay “anim na buwang suspensiyon” ang hatol niya.

Pokaragat na ‘yan!

Ayon kay Belgica, isa sa mga korap na kongresista ay kumita ng P10 milyon sa isang proyekto pa lang ng DPWH.

Kaya, posibleng higit pa sa sampung milyon ang ­komisyon ng nasabing ­kongresista dahil maraming proyekto ang DPWH.

Kung tinatayang labing­dalawa ang mga ­kongresistang kumita sa mga proyekto ng DPWH, nangangahulugang milyun-milyon ang nakurakot nila sa pamahalaan.

Kung bawat isa sa 12 ay nakakuha ng P10 milyon kada isang proyekto sa nasasakupan nilang distrito, P120 milyon ang nawala sa pamahalaan.

Kung bawat isa sa 12 kongresista ay tatlong proyekto ang nahuthutan ng komisyon, lalabas na P360 milyon ang nawalang pera mula sa pamahalaan.

Pokaragat na ‘yan!

Mahigit 300 ang kasapi ng Kamara de Representantes, kabilang ang speaker.

Labingdalawa lang ang natumbok ng PACC na mga kongresistang korap dahil sila lang ang itinuro ng mga testigo.

Syempre, mas mainam kung mayroon pang lalapit sa PACC, o didiretso na sa DOJ, upang ituro ang iba pang ­kongresistang magnanakaw ng pera ng pamahalaan.

Tamang-tama, tiniyak ni Guevarra sa media na kasamang iimbestigahan ang mga kongresistang nakasulat sa listahan ng PACC kahit sinabi pa ni Duterte na hindi trabaho ng ehekutibong sangay ng burukrasya na imbestigahan ang mga kongresista dahil kabilang sila sa lehislaturang sangay.

Masusubok natin ngayon kung talagang ‘palaban’ hanggang ngayon ang administrasyong Duterte laban sa mga korap sa pamahalaan.

Kung nagawa ni Duterte na paimbestigahan, pakasuhan at ipakulong si Senadora Leila de Lima dahil sa droga sa New Bilibid Prison (NBP), dapat maging ang mga korap na kongresista ay makasuhan at makulong din.

Tandaan, parehong masahol na krimen ang korapsyon at pagbebenta ng ilegal na droga.

Tandaan din, parehong kawawa ang masang Filipino sa dalawang krimeng ito.

At kung sakaling maisampa ng DOJ ang mga kaso sa Office of the Ombudsman laban sa mga kongresista at tuluyang ihain naman ng huli sa Sandiganbayan, siguraduhin namang walang lusot ang mga kongresista gamit ang anumang teknikalidad sa mga kaso upang hindi ­maabsuwelto, o pansamantalang makalaya.

Napakahalaga ng puntong ito upang hindi maulit ang nangyari sa tatlong senador.

Lahat sila ay pansamantalang nakalaya dahil sa mga termino ng mga kaso laban sa kanila, samantalang may kinalaman ang kanilang kaso sa nakurakot na mahigit P10 bilyong pork barrel.

Iyong isang senador, abswelto sa isang kasong isinampa laban sa kanya, samantalang ang kanyang ‘pinagkakatiwalaang’ tauhan ay nakulong.

Huwag na sanang maulit ang ganitong pangyayari.

Sa susunod, dapat makulong ang mga korap na ­kongresista!

Read More

DAVAO CITY 10 BESES NANGUNA SA COVID CASES

0

DAVAO CITY – Sampung beses nang nanguna ang lungsod na ito sa may pinakamaraming kaso ng COVID-19 sa bansa.

Ang ika-10 beses ay naitala nitong Huwebes, Nobyembre 26, ayon sa ulat ng Department of Health.

Naitala rin ang pinakamaraming bilang ng mga namatay sa araw na ito, na umabot sa 11.

Ayon sa DOH, may 137 bagong kaso ng COVID-19 ang lungsod.

Nasa pangalawa naman ang Quezon City na may 68 kaso; pangatlo ang Batangas, 59; pang-apat ang Laguna, 54, at panglima ang Cavite na may 47 bagong kaso.

Sa kasalukuyan, ang total active cases ng lungsod ay 1,988 habang 5,994 ang kabuuang kaso.

Nakapagtala naman ng 71 na bagong recoveries kaya may kabuuang 3,729 na ang gumaling sa COVID-19 sa lungsod.

Ngunit umabot na sa 277 ang kabuuang bilang ng mga namatay.

Sa kabila nito, naitala naman ng DOH ang 5,773 na gumaling sa sakit sa petsang iyon sa buong Davao Region. (DONDON DINOY)

Read More

Nakaw na cp, ibinenta sa may-ari ‘SELLER’ SYUT SA SELDA

0

CAVITE – Arestado ang isang lalaki makaraang ibenta nito ang isang nakaw na cellphone sa mismong may-ari ng gadget sa Bacoor City sa lalawigang ito.

Nakapiit sa Bacoor City Police ang suspek na si Reymart Quimat, walang trabaho, ng Sitio Tibag, Brgy. Panapaan 3, Bacoor City, makaraang ireklamo ng biktimang si Ronalyn Berbon, 25, ng nasabi ring barangay.

Ayon sa reklamo ni Berbon kay Corporal Marvin Rae Caalor ng Bacoor CPS, nabalitaan niyang may ibinibentang cellphone sa kanilang lugar kaya nagbakasakali siyang ang cellphone niya ang ibinebenta.

Ngunit bago nagtungo sa lugar ay nakipag-ugnayan muna siya sa barangay officials sa Sitio Tibag, Brgy. Panapaan 3 ng naturang Lungsod.

“Nagbakasakali lamang siya. Nagkunwari siyang bibili ng cellphone at kinausap niya ang suspek na gusto muna niyang makita ito bago niya bilhin pero nang nahawakan na ay nakitang hindi pa nabura ang kanyang wallpaper at ilang mensahe dito,” ayon kay Cpl. Caalor.

Bunsod nito, inaresto ng mga barangay tanod ang suspek na sinabing ipinabenta lamang ito sa kanya at namomorsiyento lamang siya.

Nabatid na ninakaw ang cellphone dakong alas-8:00 ng umaga noong Miyerkoles.

Nahaharap ang suspek kasong paglabag sa PD 1612 (Anti-Fencing Law) (SIGFRED ADSUARA)

Read More

NP-AKG no. 2 most wanted LAPPAY KFRG MEMBER ARESTADO

0

ISANG kilabot na miyembro ng Lappay kidnap for ransom group ang nadakip ng mga tauhan ni BGen. Jonnel C. Estomo, pinuno ng Philippine National Police – Anti-Kidnapping Group, sa isinagawang law enforcement operation sa Las Piñas City.

Ayon kay BGen. Estomo, bandang alas-3:50 ng hapon noong Miyerkoles nang nadakip ng kanyang mga tauhan, sa pamumuno ni PNP-AKG Luzon Field Unit chief, P/Col. Villaflor Bannawagan, ang suspek na si Elpidio Escubido Edusma sa Saint Vincent St., Saint Joseph Subdivision, Pulang Lupa, Las Piñas City.

Si Edusma alyas “Edwin” ay pakay ng warrant of arrest sa kasong kidnapping for ramsom, na inisyu ni Hon. Ethelwolda Ajaravata, Presiding Judge ng RTC Branch 32 ng 1st Judicial Region sa Agoo, La Union at walang piyansang inirekomenda.

Ayon kay Major Ronald Lumactod, tagapagsalita ng PNP-AKG, ang akusado ay hardcore member ng kilabot na Lappay KFRG na kumikilos sa Region 1, simula noong 2014.

Isa sa mga biktima ng grupo ang isang prominenteng negosyante na si Eng. Ricky C. Accay na dinukot noong Hunyo 30, 2014.

Pinalaya lamang ang biktima matapos magbayad ng P700,000 mula sa sa hinihinging P5 milyon.

Kasalukuyang nasa AKG Headquarters ang suspek para sa booking procedures and tactical interrogation. (JESSE KABEL)

Read More

Sino maghaharap sa 2020 PBA All-Filipino Finals?

0

PAGPAPASIYAHAN ngayong araw ng apat na koponang semifinalists – Barangay Ginebra, Talk ‘N Text, ­Meralco at Phoenix Super LPG – kung alin sa kanila ang maiiwan para magharap sa ­kampeonato ng 2020 PBA Philippine Cup bubble.

Nangyari ito matapos malusutan ng Tropang Giga ang Fuel Masters, 102-101 at ng Bolts ang Gin Kings, 83-80, noong Miyerkoles sa Game 4 ng kani-kanilang best-of-five Final Four series para maitabla at palawigin ang serye sa sukdulang limang laro.

Tabla na ang Tropang Giga at Fuel Masters at ang Gin Kings at Bolts, 2-2, tungo sa pagpapatuloy ng semis mamayang gabi sa Clark bubble.

Ang pagwawagi ng Tropang Giga laban sa Fuel Masters ay nagsilbing hudyat na ang mga bata ni coach Bong Ravena ay wala pang intensiyong tapusin ang siyam na taong paghihintay para malasap muli ang tamis ng tagumpay sa All-Filipino ­Conference, na huli nilang natikman noon pang 2011.

Ito ay sa dulo ng kanilang tatlong sunod na panalo ng korona ng All-Filipino para magawaran sila ng permananteng pagmamay-ari ng June Bernardino Trophy bilang paggunita sa alaala ng ngayo’y namayapa nang PBA Coimmissioner.

Ang TNT ang una sa dalawa pa lamang na koponang nagawaran ng nasabing parangal matapos maibigay ito sa San Miguel Beermen ng dalawang pagkakataon mula Season 2017-18 hanggang Season 2019.

Hudyat din ito ng Grupo ni businessman-sportsman Many V. Pangilinan (MVP) na ituloy ang misyon na maagaw sa Grupo ni Ramon S. Ang (RSA) ng SMC ang dominasyon nito sa Philippine Cup sa loob ng nakaraang walong taon. At ang paghahari ng tatlong koponang pag-aari ng SMC – Beermen, Gin Kings at ngayo’y Magnolia Hotshots Pambansang Manok – sa lahat halos ng torneong ginanap mula noong dekada 2000 hanggang noong nakaraang taon.

Sa kabilang dako, masamang balita naman ang ipinahatid ng Gin Kings sa tangka ng MVP Group na agawin ang dinastiyang naitayo ng RSA Group. Layon din kasi nito na manatili sa paghahari ng ­kumpanya sa kauna-unahang liga propessyonal sa bansa at maging sa Asya.

Kung magwawaging muli ang TNT at Meralco mamaya sa huling kabanata ng PH Cup Final Four, ito ang magsisilbing katuparan ng pangarap ni Boss MVP na makopo ng dalawa niyang koponan ang Finals. Kapag nagkaganoon ay tiyak wala nang kawala ang korona kahit sino man sa Tropang Giga o Bolts ang tanghaling bagong kampeon.

Ang tanong: Papayagan naman kaya ito ng Gin Kings na mangyari?

ABANGAN!

Read More

Walang nasasapol na ‘big fish’ sa anti-corruption campaign DILIS LANG ANG KAYA NI DUTERTE – SOLON

0

INIHALINTULAD ng isang mambabatas sa dilis ang mga tatamaan ng ikinasang anti-corruption campaign ni Pangulong Rodrigo Duterte.

Naniniwala si Bayan Muna party-list Rep. Ferdinand Gaite na mabibigo ang kampanya ng pamahalaan dahil maliliit na tao lang umano na sangkot sa katiwalian ang sinibak sa puwesto habang malaya ang mga tinaguriang ‘big fish”.

“Failure…kung bibigyan ng grado si Pangulong Duterte sa usapin ng pagsugpo sa graft and corruption…failed,” ani Gaite sa virtual press conference ng Makabayan bloc kahapon.

Nauna rito, inanunsyo ni Duterte na humigit kumulang sa 800 government personnel ang kanyang sinibak sa puwesto dahil sangkot umano ang mga ito sa katiwalian at iba pang kaso. Kabilang sa mga ito ang 26 mula sa Bureau of Internal Revenue (BIR).

“Yung 800 na sinibak niyang empleyado, karamihan niyan kung hindi ako nagkakamali ay nasa customs, Bureau of Immigration at iba pa ay ano lang ito, maliliit na isda,” ani Gaite.

“Yung malalaking isda, lalo na yung mga appointee ni Pangulong Duterte wala pa tayong naririnig na talagang tinugis. Yung iba, sinuspinde lang,” ayon pa sa mambabatas tulad aniya nina dating PhilHealth President Ricardo Morales.

Sinusugan din ni ACT party-list Rep. France Castro ang pahayag ni Gaite kaya naniniwala ang mga ito ito na walang mangyayari sa anti-corruption campaign ni Duterte sa natitirang dalawang taon nito sa kapangyarihan. (BERNARD TAGUINOD)

Read More

Defensor kay Belgica “PUT UP OR SHUT UP!”

0

“HE should put up or shut up.”

Ito ang mensahe ni House committee on public account chairman at Anakalusugan party-list Rep. Mike Defensor kay Presidential Anti-Corruption Commission (PACC) Commissioner Grego

Belgica matapos bigong pangalanan ang 12 congressmen na isinangkot niya sa corruption sa public works projects.

Ayon kay Defensor, ito ang ikalawang pagkakataon na ginawa ni Belgica ang alegasyon laban sa mga mambabatas subalit hanggang ngayon ay ayaw niyang pangalanan ang mga ito at wala pang isinampang kaso.

“If that is so, then he should just shut up. If he has evidence that can stand in court, he should file cases against the lawmakers he claims are involved in corruption,” ani Defensor.

Sinabi ng mambabatas na hindi makatarungan ang pagtanggi ni Belgica na pangalanan ang mga mambabatas na ito na dahil lahat ngayon ng 300 miyembro ng Kapulungan ay pinagdududahan.

Bukod dito, dinudungisan aniya ni Belgica ang institusyon na pilit ibinabangon sa mga alegasyon nito na walang inilalatag na matibay na ebidensya sa halos 12 congressmen na inaakusahan nito na sangkot sa katiwalian.

“If he cannot support what he is saying, then what is his purpose? To taint all House members and their institution and put them under a cloud of suspicion? We have been trying to improve the image of the House and he is tarnishing it,” ani Defensor.

“Belgica’s job” is not to engage in trial by publicity but to gather evidence and build cases against corrupt officials and file them before the proper forum like the Department of Justice (DOJ) or Office of the Ombudsman,” ayon pa kay Defensor.

Ganito rin ang hamon ni AKO Bicol party-list Rep. Alfredo Garbin kay Belgica.

“Mahirap pag puro chismis lang. The PACC should walk the talk,” ayon pa kay Garbin. (BERNARD TAGUINOD)

Read More

P4.5-T 2021 BUDGET BILL INAPRUBAHAN NG SENADO

0

INAPRUBAHAN ng Senado ang House Bill No. 7727 o ang panukalang P4.5 trilyong pambansang badyet para sa 2021 sa botong 22 pabor at walang negatibo at abstention sa ginanap na hybrid session nitong Huwebes.

Sa pahayag, nagpasalamat si Senador Sonny Angara, chairman ng Senate committee on finance, sa lider at kasamahan sa Senado sa paghimay sa budget bill at nananatili sa schedule upang maipasa ang panukala sa tamang panahon sa kabila ng mga hamon tulad ng bagyo, baha, power outages at pandemya.

Kinilala naman ni Angara ang amendments na inihain ng kasamahan upang mapatibay ang pagtugon sa COVID-19.

“We acknowledged the amendments introduced by his colleagues to the budget bill, which will, among others, strengthen the COVID-19 response, provide assistance to victims of calamities and resuscitate the economy,”ayon kay Angara.

Pinasalamatan din ni Senate Majority Leader Juan Miguel Zubiri si Senate President Vicente Sotto III sa pagpasa ng panukalang national badyet sa kasipagan nito dahil palaging nasa Senado anomang oras ang simula ang deliberasyon.

Sa kanyang panig, pinapurihan naman ni Senador Joel Villanueva si Senador Sonny Angara sa kasipagan at pagkilos upang tuloy-tuloy ang deliberasyon sa national budget. (ESTONG REYES)

Read More