OFW NA-MILD STROKE, NAKIKIUSAP NA MAKA-UWI NA SA PILIPINAS

0

ISANG liham ang aking natanggap mula sa isang OFW na nagmamalasakit sa isang kapwa OFW mula sa bansang Kuwait.

Humihingi siya ng tulong para kay Nanay Arsenia Tungol, 66 taon gulang na isang Household service workers sa loob ng mahigit 22 taon.

Masasabing hindi na maganda ang kalusugan ni Nanay Arsenia simula ng ito ay na-mild stroke noong Nobyembre 2020.

Ngunit kahit na anong kagustuhan ni Nanay Arsenia na makauwi sa Pilipinas, ay hindi niya magawa dahil sa kanyang kinakaharap na travel ban.

Diumano ay humiram ng halagang 500 Kuwait Dinar si Nanany Arsenia mula sa Future Lending na pag-aari ng isang Indian National na taga-Fahaheel.

Ayon kay Nanay Arsenia ay nakapag bayad naman sya ng kanyang pagkakautang, ngunit noong siya ay pauwi na sa Pilipinas ay hinarang siya ng Kuwait Immigration police at doon lamang niya nalaman na siya pala ay kinasuhan ng Future Lending kung kaya siya ay nagkaroon ng travel ban.

Base sa impormasyon na kanyang nakuha, umabot na sa halagang KD 1,500 ang ­kayang pagkakautang sa Future ­Lending dahil sa interest.

Kung saan-saan opisina ng gobyerno na humihingi ng tulong ang anak ni Nanay Arsenia na si Angelito Galvez ngunit walang makatugon sa kanyang ­kahilingan.

Kung kaya, humantong na ito sa pagpapaskil ng panawagan sa pamamagitan ng Facebook.

Labis akong nalulungkot sa naging sitwasyon ni Nanay Arsenia, ngunit ang kamay ng Overseas Workers Welfare Administration (OWWA) ay mistulang nakatali na hindi maaring makapagbigay ng tulong pinansiyal upang bayaran ag kanyang pagkakautang.

Hindi kasi sakop ng mandato ng OWWA na maglabas ng malaking halaga upang bayaran ang pagkakautang ng isang pribadong individual.

Marami na ang OFW ang nakiusap sa akin na may kaparehong sitwasyon. Sa bansang Kuwait pa lamang ay mayroong mahigit isandaan OFW ang hindi makauwi sa Pilipinas dahil sa travel ban dahil sa kanilang pagkakautang sa Telecom companies, banko at sa mga usurero.

Gayundin ang panawagan ng grupo mula sa Bansang Saudi Arabia, Dubai at sa Qatar na kung saan ay maaring umabot sa 500 katao ang may ka parehong kaso o sitwasyon.

Kung pagbibigayan ng OWWA ang isa sa mga ito, ay malamang na ikasama ng loob ng mas maraming OFW. Gayundin, kung aakuin ng OWWA ang pagbabayad sa pagkakautang ng mga OFW para sa mga biniling mga mobile phones at personal loan ay malamang na mas darami ang mga OFW na maeenganyo na mangutang dahil sa paniniwalang aakuin ito ng ating gobyerno lalo na ng OWWA.

Kapag ginawa ito ng OWWA ay malamang na malulubog lamang sa pagkakautang ang maraming OFW.

Kung kaya, aking ipinapakilala sa ating mga kabayani na maging ma-ingat sa paghiram ng pera lalo na sa mga usurero at Telcom.

Gayunpaman, ang AKOOFW at OWWA ay makikiusap sa Future Lending upang makipagkompromiso na ­mabawasan ang halaga ng pagkakautang ni Nanay Arsenia at tanggalin na lamang ang interes nito.

Akin din pinagbilinan ang AKO OFW Kuwait Chapter na gumawa ng paraan upang mag-ambagan para matulungan ito na makabayad sa kanyang pagkakautang at ng sa gayon ay makauwi na ito sa Pilipinas upang makapiling ang kanyang mga mahal sa buhay.

Read More

PAGBABAYAD NG MGA BILLS, MAS PINAGINHAWA NG BAYAD

0

HALOS mag-iisang taon na mula nang binalot ng ­pandemyang COVID-19 ang mundo. Tila pansamantalang huminto ang mundo noong mga unang buwan, ngunit kinalaunan ay natutunan at nakahanap din tayo ng paraan na magpatuloy sa buhay sa kabila ng pandemya.

Ito ang siyang nagbigay daan sa pagkakaroon ng bagong normal. Hindi lamang mga indibidwal ang umangkop sa bagong normal. Maging ang mga negosyo at mga kumpanya ay nagkaroon din ng bago nitong normal upang makapagpatuloy sa operasyon nito.

Kabilang sa mga kumpanyang tagumpay sa pagsabay sa bagong normal ay ang Bayad Center, na siyang nagpasinaya sa bago nitong pangalang BAYAD. Kasabay ng pagkakaroon ng bagong normal, ay ang paglalayon nitong makapagbigay ng mas pinahusay at mas pinagandang serbisyo ng pagbabayad sa mga konsyumer.

Sa isang virtual na pagdiriwang ay opisyal na inilunsad ng nasabing kumpanya ang bago nitong pangalan, bagong logo, at tagline. Mas pinalawig pa ng BAYAD ang kanilang presensya online. Ito ay maituturing na magandang kontribusyon ng BAYAD sa pagsulong ng pinansyal na sektor ng bansa patungo sa modernisasyon.

Gamit ang dalawampung taong karanasan nito, muling nagpakilala ang BAYAD bilang isang mas malaki at mas mahusay na kumpanyang may kakayahang sumabay sa pagbabago sa pamamagitan ng pagbibigay sa mga konsyumer ng mahusay na uri ng serbisyong naaangkop sa bagong normal.

Ang pagbabago ng pagkakakilanlan nito gaya ng pangalan, logo, at tagline ay ilang aspeto lamang ng buong transpormasyon ng nasabing kumpanya. Mas pinahusay nito ang serbisyo sa pamamagitan ng pagpapalawak ng solutions portfolio nito at ng onsite-to-online na platform. Nadagdagan din ang mga partner nitong kumpanya.

Ang bagong BAYAD ay talagang mas mahusay dahil ang lahat ng mga uri ng bayad gaya ng mga bill, Instasure (insurance), load, travel, pay-out (loan disbursement), Withdraw (ATM Description), Remit, at Med-assist (medical reimbursement) – ay nasa ilalim na ng isang pangalan. Mas kaaya-aya rin ang bagong itsura ng pagkakakilanlan ng BAYAD, lalo na para sa modernong henerasyon ng konsyumer.

Pinaigting din ng BAYAD ang presensya nito online sa pamamagitan ng pagpapakilala ng bagong bersyon ng kanilang mobile app at online payment facility. Ang nasabing app ay dinesenyo para sa mga Pinoy na mahilig at marunong ­gumamit ng internet sa responsableng pagbabantay ng kanilang gastusin habang kumikita ng eksklusibong insentibo.

Napakarami ring magagandang mga kagamitan ng app gaya ng e-wallet at e-load, pagtingin ng mga bill at pagbabayad, personal na pangangasiwa ng pera, pagbabayad sa pamamagitan ng QR code, mga reward, insurance, savings account, personal na loan, at sistema ng credit scoring.

Ang lahat ng pagbabagong ito ay isinagawa ng BAYAD upang mas mapahusay ang serbisyong ibinibigay nito sa mga konsyumer. Layunin ng BAYAD na mabigyan ng ­maraming ­opsyon ang mga customer nito lalo na ngayong panahon ng pandemya. Ang BAYAD App ay maaaring gamitin ng konsyumer kahit nasaang bahagi pa ito ng mundo. Tiyak na magiging maganda at maginhawa ang karanasan ng mga customer ng BAYAD.

Ang Bayad App ay ­maaaring i-download sa Google Playstore para sa mga ­gumagamit ng Android, at App Store ­naman para sa mga ­gumagamit ng iOS. Ang Bayad Online naman ay ­maaaring magamit sa pamamagitan ng link na ito: https://www.online.bayad.com.

Read More

SC, DOJ COLLAB MAKAKATULONG PARA MARESOLBA ANG PAGPATAY SA MGA ABOGADO, HUKOM

0

IKINATUTUWA natin ang ginawang hakbang ng Korte Suprema upang tugunan ang patuloy na pag-atake laban sa mga miyembro ng law profession, kabilang ang 56 na miyembrong napatay mula pa noong 2016.

Ang pang-56 na nasawi ay si Atty. Winston Intong, na binaril malapit sa kanyang bahay sa Malaybalay, Bukidnon noong nakaraang linggo, isang araw matapos na makipagpulong ang Supreme Court, Department of Justice, at Integrated Bar of the Philippines sa iba pang mga stakeholders tungkol sa isyu – para talakayin ang pangangailangan ng kagyat na hakbang sa usaping ito.

Pinasasalamatan ko ang SC at DOJ sa kanilang ­pakikipagtulungan upang wakasan ang mga gawaing ito na walang parusa. Hindi natin hahayaang patagalin pa na ­malutas ang ­isyung ito. Kaya bilang ­vice-chair ng Committee on Justice sa ­Kamara, maghahain tayo ng legislative action alinsunod na rin sa SC report na ating nabasa.

Nais kong bigyang diin na kinakailangang “sumunod sa isang direksyon” ang lahat ng mga sangay ng pamahalaan sa mga hakbangin na magbigay ng isang mas ligtas na kapaligiran para sa pangangasiwa ng batas at hustisya.

Ang Kongreso ay mag-aambag din at makikipagtulungan kung anong batas ang kailangang maipasa upang masigurong ligtas ang mga kumikilos para sa pananaig ng batas, at upang magkaroon ng mas maayos na klima para sa pagtaguyod ng hustisya sa bansa.

Kinakatigan natin ang plano ng SC para hingin ang mga korte na maimbentaryo ang lahat ng nakabinbing mga lawyer-killing cases –– tagal, estado, pati na rin ang mga dahilan para maantala –– at mapabilis ang kanilang resolusyon ay magiging magandang balita para sa pamilya ng mga biktima na sumisigaw para sa hustisya.

Ayon sa DOJ, sa 56 na pamamaslang, 5 kaso lamang ang nakarating sa korte. Ang natitira naman ay walang datos mula sa mga prosecutors’ ­offices sa buong bansa, na sinasabi ng DOJ, dahil wala pang isinampang kaso.

Noong nakaraang taon, tayo ay naghain ng House Resolution No. 185 na nananawagan para sa isang malalim na imbestigasyon sa pagkamatay ng mga law practitioners.

Iminumungkahi rin natin sa nasabing resolusyon ang ­pagbuo ng DOJ at PNP, [na may maayos na koordinasyon sa CHR at IBP] ng isang ­special task force na ­magpapatupad ng ligal na aksyon upang ­mapanagot sa batas ang mga nasa likod ng pamamaslang.

Read More

Aksyon ng WBA kay Pacquiao, insulto sa Pilipinong mambabatas

0

NITONG nakaraang Biyernes at Sabado, niyanig ng dalawang malalaking balita ang daigdig ng boking. Una, ipinahayag ng World Boxing News (WBN), sinasabing may ­pinakamaraming bumibisitang independent ­boxing news website, na hindi na nito kinikilala ang World ­Boxing Association (WBA) bilang isang opisyal na nagbibigay ng titulo sa mga bokingero.

Hindi ito masyadong nagbigay ng malaking epekto sa boksing sa daigdig dahil ang WBA gaya ng World Boxing Council (WBC), International Boxing Federation (IBF), World Boxing Organization (WBO), at iba pa ay isa lamang sa mga organisasyong nag-gagawad ng pagkiklala o parangal sa boksingero.

Ang mas malaking balita ay ang aksiyon ng WBA na alisan ng titulo ang ating si Manny Pacquiao, kaisa-isang nilalang sa ­kasaysayan ng sweet science na humawak ng ‘di kukulangin sa 12 pandaigdig na kampeonato sa walong timbang o dibisyon.

Ikinamangha at ikinagalit ng maraming nagmamahal sa ­boxing ang ginawa ng WBA kay ­Pacquiao nang ilagay sa ­kategoryang “Champion in Recess” o sa ­madaling sabi, pagkabigo ng ­maalamat na Pilipinong maidepensa ang kanyang korona simula noong Hulyo 20, 2019 nang dahil sa COVID-19 pandemic.

Bagama’t para sa mas marami ay may mga kampeong ‘di na kinakailangan ng sinturon para sambahin ang nagawa nilang ­kagitingan at kadakilaan sa larangang pinili nila, ang ginawa ng WBA, para sa kolumnistang ito, ay isang insulto sa katauhan Pacquiao, ‘di lamang sa kanyang pagiging kampeon sa maraming dibisyon kundi bilang isang Pilipinong mambabatas.

Ayon sa WBA Championship Committee, naaayon ito sa regulasyon ng organisasyon sa C14 at C22-24.

“The WBA, according to its rule C.14, dictates that champions and their teams are required to know the WBA rules and regulations. Rule C.22-24 states that when a champion is unable to defend the belt for medical, legal or other reasons beyond his control, he may be named champion in recess. The medical reasons must be ­documented before the WBA Medical Committee, while the legal reasons must be evidenced before the legal director and the ­Championships Committee.”

Ipinagwalang bahala naman ni Pacquiao ang huling pangyayaring ito sa kanyang 25 taong pro-career.

Sa kanyang Instagram selfie noong Sabado, nakangiti pa siya makalipas ang ilang oras nang lumabas ang pasya ng WBA.

Ayon kay Sean Gibbons, pangulo ng MP (Manny Pacquiao Promotions), ang pangyayaring ito ay lalong nakapagpalakas sa tsansang matuloy ang laban ng kanyang amo kay WBC interim lightweigrt champion Ryan Garcia, ang huling boksingerong nagpahayag ng pangarap na makaharap si Manny.

Si Pacquiao mismo, pahayag ni Gibbons, ay nagsalitang tangka niyang harapin ang 22-anyos na si Garcia sa darating na Mayo 1, sa lugar na malamang ipahayag sa mga darating na araw.

“The focus now is to do the Garcia fight,” ani Gibbons sa aksyon ng WBA na aniya ay insensitive given the pandemic. “Still, Pacquiao is not going to lose sleep over the WBA’s drastic action.”

“Even if the Senator fights without a title at stake, fans are still going to see him fight,” paniniguro ng pangulo ng MP Promotions. “Pacquiao has grown so big that the boxer himself is bigger than the title he carries.”

Nakamit ni Manny ang ­pagiging regular champion ng WBA welterweight matapos ­patulugin si Argentine’s Lucas ­Matthysse sa Kuala Lumpur noong 2018 at naidepensa ito laban kay Adrien Broner. Nakoronahan naman siya bilang WBA super champion nang talunin si Keith Thurman noong Hulyo 2019. Ito ang koronang tinanggal sa kanya ng WBA.

Read More

LIVE-IN PARTNER PATAY SA AMOK NA MAGSASAKA

0

SAMAR – Target ng malawakang manhunt operation ang isang 51-anyos na magsasaka makaraang patayin sa saksak ang kanyang kinakasama habang tatlong iba pa ang nasugatan sa insidente sa lalawigang ito.

Ayon sa ulat ng Eastern Visayas PNP, kinilala ang suspek na si Liberato Cabubas, naninirahan sa Barangay Moboob, sa bayan ng San Jorge.

Idineklarang dead on arrival sa pagamutan ang biktimang si Jennifer Santiago, 40, health worker at residente rin sa nasabing barangay.

Lumitaw sa pagsisiyasat, umuwing lasing si Cabubas na bigla na lamang nilapitan ang biktima at pinagsasaksak.

Nasugatan din ang isang magsasaka at dalawang guro na tumangkang umawat sa suspek at tumulong sa biktima.

Isinugod sa ospital si Santiago at iba pang mga sugatan ngunit idineklarang dead on arrival ang una.

Ayon kay Capt. Michael Ray Cañete, hepe ng San Jorge Police, tinutugis na ang suspek habang inaalam ang motibo nito sa pananaksak. (JESSE KABEL)

Read More

BARANGAY CAPTAIN PATAY SA AMBUSH

0

LAGUNA – Dead on arrival sa pagamutan ang isang barangay captain makaraang pagbabarilin ng riding in tandem sa bayan ng Bay sa lalawigang ito, nitong Linggo.

Ayon sa ulat ni Laguna Provincial Police Director, Col. Serafin Petalio kay Calabarzon Police Regional Director, Brig. Gen. Felipe Natividad, kinilala ang biktimang si Barangay Captain Arnold Martinez, 54, ng Brgy. Tranca.

Napag-alaman, dalawang lalaking magkaangkas sa motorsiklo ang nag-ikot bandang alas-9:30 ng umaga sa Bitin-Sto. Tomas Road sa Brgy. Tranca.

Pagkaraan ay bigla na lamang pinagbabaril ang biktima saka mabilis na tumakas patungong Sto. Tomas, Batangas.

Mayroon nang anggulong iniimbestigahan ng pulisya hinggil sa insidente. (CYRILL QUILO)

Read More

Niyayang mamitas ng prutas 6-ANYOS GINAHASA’T PINATAY NG LASING

0

BATANGAS – Kalunos-lunos ang sinapit ng isang 6-anyos na batang babae na matapos halayin ay pinatay ng isang 23-anyos na construction worker sa bayan ng Bauan sa lalawigang ito.

Batay sa report ng Bauan Police, natagpuan noong Biyernes ang bangkay ng biktimang si Angel Caguete na walang saplot at nakagapos ng pinagpunit-punit na blouse nito ang mga paa at kamay sa magubat na lugar sa Barangay Sta. Maria.

Nakapulupot naman sa leeg nito ang pinunit na maong shorts nito.

Ang biktima ay nawala noong Enero 24 at noong Sabado ay naaresto naman ng mga tauhan ng Bauan Police ang suspek na si Joefel Maranan, construction worker at kapitbahay ng bata.

Inamin ng suspek ang krimen at sinabing nagawa niya ito dahil sa matinding kalasingan kaya humihingi ng tawad sa mga magulang at kaanak ng biktima.

Sumama umano sa kanya ang bata patungo sa lugar ng krimen matapos yayain niya itong mangunguha sila ng prutas na sineguelas.

Doon na niya umano pinagsamantalahan ang bata na kanyang iginapos.

Ngunit dahil sa takot na magsumbong ang bata, sinakal niya umano ito hanggang sa kanyang mapatay.

“Iyon ay buhay pa, baka po magsumbong kaya doon ako natakot, kaya pinagtatali ko siya at sinakal. Ang paningin ko ay dumilim, ‘yung isip ko ay lumipad kaya nagawa ko ‘yun,” ayon sa suspek.

Nakakulong na ang suspek sa Bauan Police Station locked-up cell at sasampahan ng kasong rape with murder. (NILOU DEL CARMEN)

Read More

DIALYSIS SA PGH SASAGUTIN NG FOUNDATION

0

MAGANDANG balita sa mahihirap na sumasailalim sa dialysis treatment ngayon dahil ilang araw na lang ay magiging libre na rin ang kanilang hemodialysis sa Philippine General Hospital (PGH).

Ayon kay Pitmaster Foundation Inc., Executive Director Caroline Cruz, nakausap na nila ang mga opisyal ng PGH at nagpirmahan na ng memorandum of agreement (MOA) ang dalawang panig hinggil sa pagkakaloob ng libreng dialysis treatment para sa mga nangangailangang pasyente.

“Sa kasunduan namin ng PGH, sasagutin ng Pitmaster ang pagpapa-dialysis ng mga mahihirap na pasyente sa kanilang ospital,” ayon kay Cruz.

Sinabi ni Atty. Cruz, “napagkasunduan din namin ng PGH na babayaran ng aming foundation around P4,000 to P5,000 per patient bawat session.”

Ang PGH ay isa lamang sa mga government hospitals sa Metro Manila na may libreng dialysis na sinasagot ng Pitmaster ang hemodialysis treatment.

Ang sakit sa bato o kidney failure ang isa sa mga pangunahing sakit ng mga Pinoy, kasunod ng sakit sa puso at high blood pressure.

“Hindi lang sa Metro Manila ililibre namin ang dialysis ng mga mahihirap, pati na rin sa mga remote areas ng bansa within the next few months,” dagdag pa ni Atty. Cruz.

“Ito kasi ang vision ni Pitmaster Foundation Chairman Charlie Ang na gawing accessible ang dialysis treatment lalo na sa mahihirap saan mang sulok ng bansa,” ayon kay Cruz. (ESTONG REYES)

Read More

Himok sa utility companies WALA MUNANG PUTULAN

0

SA gitna ng nararanasang pandemya, hinimok ng isang senador ang pamunuan ng mga public utility na magpakita ng malasakit sa maliliit na consumers na hindi pa makapagbayad ng kanilang utang sa nakonsumong kuryente o tubig simula nang magsimula ang panahon ng COVID-19 pandemic, at pag-aralan ang posibilidad na palawigin pa ang kanilang no disconnection policy para sa mga ito.

Ang panawagan ni Senator Christopher ‘Bong’ Go ay kasunod na rin nang mga ulat na nakatakdang magputol na ng serbisyo ang ilang public utilities upang mapigilan na lalong mabaon sa utang ang kanilang mga consumer.

Kasabay nito, hinimok din ni Go ang pamahalaan na pag-ukulan ng pansin ang naturang isyu at iprayoridad ang kapakanan ng mga ordinaryong mamamayan sa pamamagitan nang paghahanap ng paraan at iwasan na dagdagan pa ang mga pasanin ng mga tao na hirap na ngang idaos ang kanilang pang-araw-araw na pamumuhay.

“Ilang buwan nating pinagbawalan ang karamihan na makapagtrabaho at maghanapbuhay. Ilang buwan din natin silang pinilit na manatili lang sila sa kanilang mga bahay. Hindi na nga makabili ng pagkain, paano pa ba yan makakabayad ng kuryente,” anang senador.

Kaugnay nito, patuloy namang umaapela si Go sa mga pribadong sektor na tumulong upang mabawasan ang pasanin ng mga ordinaryong mamamayan, bilang bahagi ng kanilang kontribusyon sa pagbabayanihan para malampasan natin nang sama-sama ang krisis.

“Magtulungan po tayo. Habang ginagawa ng gobyerno ang lahat upang makatulong, hinihikayat ko rin ang pribadong sektor na patuloy na makipagtulungan. Sama-sama nating iahon ang ating mga kababayan mula sa hirap na dulot ng pandemyang ito,” aniya pa. (CHRISTIAN DALE)

Read More