Sen. Manny Pacquiao sa Karahasan Laban sa Asyano

0

HANDA na ang maalamat na boksingerong Pilipinong si Manny Pacquiao na bumalik sa ibabaw ng ring, ang kanyang naging tahanan sa loob ng nakalipas na 26 taon, para muling lumaban makaraan ang dalawang taong pagkabakante.

Subalit hindi para harapin si Terence Crawford, ang huling napabalitang gustong makipagbasagan sa kanya ng mukha. Hindi rin si dating kampeon sa UFC na si Conor Mcgregor.

Ang gustong makasagupa ngayon ng senador nang Pambansang Kamao ay kahit sino sa mga tinatawag na “fighting racists who’ve been targeting Asians” lalo’t dumarami ang krimen laban sa mga Asyano lalo na sa Amerika.

Katunayan, isang diretsong hamon ang ipinarating ng eight-division world champion sa kinauukulan sa pamamagitan ng kanyang Instagram account, bilang tugon sa patuloy na pagtaas ng kaso ng pagkamuhi at karahasan laban sa mga Asyano at Asyano-Amerikano sa bansang tinaguriang “land of sugar and honey.”

“Stop attacking Asians who can’t defend themselves! Fight Me Instead,” tahasang hamon ni Manny sa kanyang tweet.

“We have one color in our Blood,” ani Manny. “Stop discriminating. LOVE AND PEACE TO ­EVERYONE!! #StopAsianHate.”

Ang posters ay ibinahagi ng 12 beses na kampeong pandaigdig sa naging viral hashtag “#StopAsianHate,” na nagpakita sa boksingerong napapaligiran ng mga biktima ng mga nakaraang anti-Asian hate attacks. Kabilang dito ang isang screenshot ng 65-anyos na babae at taong umatake sa kanya.

Ang naghaharing kampeon sa welterweight sa mundo ay isa lamang sa maraming atleta at personalidad sa sports na nagpahayag ng pagkabahala at pagkondena sa tumataas na bilang ng krimen laban sa mga Asyano.

Noong nakalipas na linggo, si NBA’s Miami Heat head coach Erik Spoelstra ay nagpahayag din ng pagkaalarma sa mga pag-atake sa komunidad ng mga Asyano tulad ng nangyaring pamamaril kamakailan sa Atlanta, Georgia. Walo katao ang pumanaw sa Atlanta, kabilang ang anim na kababaihang may dugong Asyano.

“I’m Asian-American, I’m proud to be Asian-American and seeing what’s happening with ­another outright form of racism and hatred is really sickening,” galit na nasambit ni Spoelstra.

“It breaks my heart, it’s despicable,” anang Filipino-Amerikanong ang ina ay tubong Lungsod ng San Pablo, Laguna.

“I think more people have to be aware of this. It really is irrelevant who you are and what you are, you have to see that this is wrong,” dagdag ni coach Spo.

“It really is heartbreaking and just shows you where we are. There is hatred abundantly still out there and people feel empowered to attack the Asian community and I just pray in my heart that this can stop.”

Ang mga dating manlalaro ni Spoelstra na sina LeBron James at Dwayne Wade, Kyle Kuzma, Golden State Warriors coach Steve Kerr at iba pang NBA stars ay nagpahayag din ng pagkadismaya sa mga nangyayari ngayon sa Amerika.

Sa isang pag-aaral ng Center for the Study of Hate and Extremism noong nakaraang buwan, ipinakita na ang anti-Asian hate crimes ay lumobo ng 149 porsiyento sa 16 na pinakamalalaking siyudad sa Amerika noong 2020. Ibig sabihin, mula sa 49 na naiulat na krimen laban sa mga Asyano noong 2019, lumago ito sa 122 noong nakaraang taon.

Ang Stop AAPI Hate, na sinundan ang galit, karahasan, panliligalig, diskriminasyon at pang-aabuso laban sa mga Asyano, Asyano-Amerikano at Pacific Islanders sa Amerika ay nakatanggap ng hanggang 3,795 na ulat sa pagitan ng Marso 19, 2020 hanggang Pebrero 28, 2021. At hanggang ngayo’y patuloy pa itong tumataas.

Read More

MABUHAY KA SECRETARY LORENZANA

0

ISANG Secretary Delfin Lorenzana lang pala ng Department of National Defense ang magpapakita ng tapang laban sa bully sa West Philippine Sea.

Pero alam natin hindi siya nag-iisa. Marami sa mga Filipino maging sa mga opisyal ng gobyerno ang atat na atat na sa pakikipagbakbakan sa usapin ng teritoryong harap-harapan ay gustong agawin sa atin.

Sinimulan ni Secretary Lorenzana, tiyak marami na ang susunod na magpapamalas na rin ng tapang. Sana lang ay maging consistent!!! Baka naman kapag si Presidential Spokesman Harry Roque na ang bumitaw ng pahayag ay lelembot-lembot na naman?

Sabi ni Senador Panfilo Lacson, dapat daw ay suportahan ng mga Filipino si Secretary Lorenzana sa matibay nitong posisyon para protektahan ang ating soberenya.

Saludo kami sa iyo, Sir. Ipagpatuloy mo lang at makaaasa ka na nasa likod mo ang mga Filipino na nagmamahal sa bayan.

Bilib din tayo dito kay Secretary Teodoro Locsin Jr. na mas kilala sa tawag na Teddy Boy noon pa mang siya ay isang Kongresista at batikang mamamahayag.

Di niya iniwang nag-iisa sa laban si Secretary Lorenzana. Pinaalalahanan pa niya ang Chinese Embassy na mag-ingat sa pagbibitaw ng salita.

Bisita nga lang naman daw sila dito sa bansa pero ang tapang nila magsalita sa isang mataas na opisyal ng ating gobyerno.

Hoy Ambassador Huang Xilian nasobrahan ka naman yata sa yabang? Eh kung sugurin namin kayo diyan sa tinitirhan mo sa Dasmariñas Village sa Makati? Maramdaman mo lang ang angas ng mga Pinoy na galit na galit na sa pambu-bully nyo sa amin sa sarili naming teritoryo.

Naturingan ka pa man ding diplomat pero wala ka nung tinatawag na diplomasya. Sabi nga ni Secretary Locsin, kayo ay aming mga bisita dito sa Pilipinas kaya umasta kayo bilang mga bisita. Bwiset!

Huwag na rin ninyong bigyan ng anumang palusot ang 44 mga barko ninyo na nananatili pa rin doon sa aming Julian Felipe Reef. Kung pinaalis na ninyo ang mga iyan agad-agad, tapos ang usapan! Wala na kayong maririnig sa amin na anupaman.

Sumasawsaw naman sa isyu itong 1Sambayan. ­Suportado daw nila si Secretary Lorenzana. Salamat naman at ­diyan man lang ay nagpakita kayo ng suporta. Pero teka, hindi dapat makalimutan ng mamamayan na sa panahon ninyo nagsimulang mangkamkam ng teritoryo ang mga dayuhan.

Baka yang pasupo-suporta ninyo kay Lorenzana at Locsin ay sa layunin lang na umiwas kayo sa isyu na ang dating administrasyon ninyo ang totoong dahilan bakit nakapagtayo ng maraming istraktura ang mga Intsik sa West Philippine Sea?

Huwag nga kami! Mga plastik!

Anuman ang kahihinatnan ng usapin, malinaw ang ­paninindigan ng ating gobyerno. Ipaglalaban natin ang ating mga teritoryo. Pero siyempre umaasa tayo na mareresolba ito sa mapayapang paraan. Tutal at buong pagmamalaki ng China na sila ay ating kaibigan, walang hindi masosolusyunan sa isang mabuting usapan.

Malalampasan natin lahat ng ating problema. Kapit Lang!

Read More

DOH, FDA AT IVERMECTIN

0

ALAM nyo po sa Japan kapag may pag-alinlangan sa kakayanan ng isang namumuno o public officials kaagad silang nagreresign.

Ganyan po kataas ang kredibilidad ng mga naitatalagang opisyal sa bansang Japan.

Pero dito po sa Pilipinas, sobrang kakapal ng mukha ng ilang mga government officials. Kapit-tuko sa kanilang puwesto kahit marami na ang nananawagan upang magbitiw sila sa kanilang puwesto dahil sa kanilang mga kapalpakan.

Gamitin ko lang yung salita o pahayag ng dating walang silbing Pangulo ng bansa, ito po yon ” SAAN KAYO KUMUHA NG KAPAL NG INYONG PAG-MUMUKHA” para manatili pa sa inyong puwesto.

Yan pong salitang yan ay ipinatutungkol ko po kina Department of Health (DOH) Secretary Francisco Duque III at Food and Drug Administration Director ­General Eric Domingo dahil sa kapalpakan ng kanilang pamumuno.

Akala ko noon ­makabayan ang mga taong ito katulad ni Pangulong ­Rodrigo Duterte na naglagay sa kanila sa mga ­naturang puwesto, na ginagawa ang lahat para sa bayan, pero nagkamali ako! Sila pala ay parang mga Makapili na ang sasarap latiguhin! Hindi ba???

Ano kayang mayroon at kailangan pa nilang siraan yung gamot na Ivermectin? Gayung maraming mga duktor at mga scientists na ang nagpapatunay na safe ang pag-inom ng naturang gamot.

Lagpas na rin pala sa dekada na ito ay iniinom ng mga tao, dahil nakakapagpalayas pala ito ng mga parasite o bulate at iba pang bacteria sa katawan ng tao.

At naniniwala ang mga naturang mga duktor at scientists na nakakatulong ito para sa paglaban sa ­COVID-19 batay narin sa kanilang ginawang pag-aaral.

Subalit sa pahayag nina Domingo at Duque, ang Ivermectin daw ay wala pang patunay na nakakagaling sa COVID-19 at ang naturang gamot daw ay pang hayop lang! Ay naku, mapapamura ako sa inyo!!!

Ayaw nina Domingo at Duque na ipareseta ng mga duktor sa kanilang pasyente na may COVID-19 ang Ivermectin dahil para lang daw sa hayop ang naturang gamot.

Pero ang nasabing gamot pala ay mahigit na sa dekada na ipinaiinom sa mga taong may bacteria kahit noon pang panahon ni dating Pangulong Ferdinand Marcos at maging sa panahon ng pinakamagaling na Health Secretary na si ­dating Senador Juan Flavier.

Bakit pagdating sa FDA at DOH sa halip na bigyang pansin ito ay puro paninira pa ang ginagawa ng mga namumuno ng mga ­naturang ahensya?

DG Domingo at Sec. Duque anong mayroon sa remdesivir at siya ninyong isinusulong gayung ang bawat turok pala ng ­naturang gamot ay libo-libo ang ­halaga?

Samantalang ang Ivermectin ay 35 pesos lang ang isang tableta na bago masundan ay tatakbo pa ang tatlong linggo bago sundan ang pag-inom.

Mayroon ba kayong milyon-milyong katuwiran Dir. Domingo at Sec. Duque upang siraan at huwag maireseta ng mga duktor ang Ivermectin?

Sige magpaliwanag kayo upang huwag kayong mabuntunan ng galit ng taong bayan kaugnay ng kinakaharap natin ngayong krisis.

Kakainis ang mga ito! Di pa ba kayo bundat na hanggang sa ngayon ay natatakpan pa rin ang inyong mga paninindigan ng mga kumikinang na dolyares.

Tinatakot pa ng mga ito ang mga duktor na tatanggalan nila ng lisensya kapag nagreseta ng Ivermectin sa kanilang mga pasyente na may COVID-19.

Hindi daw kasi ­nakarehistro ang ­naturang gamot sa FDA gayung nagpaso lang naman pala ang registration nito na ang kailangan lang ay i-review at pagkatapos ay aksyunan ninyo!

Wala na nga kayong nagawang solusyon sa kinakaharap nating pandemya ay nagiging hadlang pa kayo sa posibleng gamot laban sa COVID-19.

Sinasabi pa nitong si Dir. Domingo ng FDA na kailangan daw mag-apply ng mga duktor para sa “compassionate use” upang makapag­reseta ang mga ito ng Ivermectin sa kanilang pasyente na may COVID-19.

Eh di patay na ang mga naturang pasyente bago pa kayo maka aksyon o inyong aprubahan ang ­pagproseso ng aplikasyon na yan!? Tinamaan kayo ng ewan!!! Sir!!!

Bakit bagong gamot ba yan Dir. Domingo?? Hindi na diba? Apatnapung taon na yang ginagamit at iniinom ng tao! Pagkatapos katuwiran ninyo kailangan pang iparehistro!! Ay talaga naman pag dika naman mapapaewan sa mga ganyang katuwiran ng mga namumuno ng isang ahensya kagaya ni Domingo!!

Sigurado ko naman na hindi utak butiki itong si Director Domingo para di mo maunawaan ang sinasabi ng maraming mga duktor, ano kaya sa palagay mo?

Siguro kung mahal mo at pinahahalagahan ang iyong dignidad ay mas mabuting huwag kana kapit tuko sa puwesto kasama na si ­Secretary Duque. Hindi kayo nakakatulong sa taong bayan kundi pahirap pa kayo at walang silbi sa bayan.

Sino ba talaga ang ­pinaglilingkuran ninyo ang taong bayan o ang mga malalaking pharmaceuticals company?

Kaninong kapakanan ba talaga ang inyong iniisip sa inyong panunungkulan? Taong bayan ba o ang inyong sarili?!!! At taging sarili lang ninyo at wala ng iba!!!

Congressman Mike Defensor paki-latigo mo nga yang sina Dir. Domingo ng FDA at DOH Sec. Duque, dahil buti kapa nauunawaan mo kung ano ang kinakaharap nating krisis ngayon. Hindi katulad ng dalawang yan na akala ko ­makabayan mukhang makabayad yata??! Haaay naku.

Ingat nalang po kayo mga “KA-SAKSI”dahil napakahirap ng sitwasyon natin ngayon. Mukhang matatagalan pa raw tayong makatanggap ng mga bakuna dahil mayroon yatang problema sa mga susunod na delivery ng bakuna pero huwag po kayo mag-alala dahil di po tumitigil ang Duterte administration para makakuha tayo ng mga bakuna.

Read More

BENEPISYO NG HEALTH WORKERS, TULOY-TULOY

0

TINIYAK ni Senador Sonny Angara na magpapatuloy ang paggagawad ng benepisyo sa mga frontline health worker sa ilalim ng Bayanihan to Recover as One (Bayanihan 2) kahit mag-expire ang batas sa June 30.

Sinabi ni Angara, chairman ng Senate Committee on Finance na malinaw sa batas na tuloy lang ang mga benepisyo sa mga frontline health worker, kabilang ang kompensasyon kapag tinamaan ng COVID-19 sa kanilang line of duty hangga’t nasa ilalim ng state of national emergency ang bansa.

Alinsunod sa Bayanihan 2, ang mga magkakasakit na health workers ay tatanggap ng P15,000 para sa mild/moderate cases at P100,000 sa severe/critical cases.

Kung bawian ng buhay, ang pamilya nito ay tatanggap ng P1 milyon.

“This provision has been present since Bayanihan 1 and should continue for as long as we are facing the COVID-19 pandemic because our frontline health workers are risking their lives daily to care for those who have been infected since day one,” saad ni Angara.

“The intent of Congress is clear for the compensation to continue even after the expiration of Bayanihan 2 on June 30, 2021. This was agreed upon by both the Senate and the House of Representatives during our bicam meetings on the measure,” dagdag nito.

Kasama rin sa tatanggapin ng mga healthworker ang Monthly special risk allowance; Actual hazard duty pay; Life insurance, accommodation, transportation at meals.

Hanggang noong March 15, 2021, iniulat ng Department of Health (DOH) na 7,963 health workers na tinamaan ng COVID 19 ang nabigyan ng kompensasyon.

“It is clear that our health workers should continue to receive these benefits for as long as we are facing the COVID-19 pandemic. We urge the DOH and the other implementing agencies to continue facilitating the release of the funds intended for our brave health frontliners,” diin pa ni Angara. (DANG SAMSON-GARCIA)

Read More

POE SA BSP: BIKTIMA NG ONLINE SCAM TULUNGAN

0

HINIMOK ni Senador Grace Poe ang Bangko Sentral ng Pilipinas (BSP) na ipaglaban ang karapatan ng mga consumer at gamitin ang kanilang impluwensya upang maibalik sa mga fraud victim ang kanilang mga salapi.

“Financial regulators are keen on throwing banks a line when they are deemed to be too big to fail. Equally, individuals deserve proper and timely support. People should be at the core of what government does and no one should be too small to ignore,” saad ni Poe, chairperson ng Senate committee on banks, financial institutions and currencies.

Una nang inihayag ng BSP na marami pa ring indibidwal ang takot magsagawa ng transaksyon sa online dahil sa takot na mabiktima ng scam o hacking bunsod na rin ng kakulangan ng impormasyon.

May ilang grupo na rin sa social media ang nagsama-sama dahil mga biktima ng online bank fraud.

Isang grupo ang umabot na sa 150 na biktima at nawalan ng umaabot sa P7.5 milyon.

Iginiit ni Poe na kailangang maresolba ang mga ganitong uri ng scam upang maibalik ang tiwala ng taumbayan sa online transactions.

“Some of the money stolen go to accounts that victims have identified. Banks are expected to timely and effectively act. Certainly, the BSP must leave no stone unturned in safeguarding the welfare of our consumers,” giit pa ni Poe.

“People have lost their jobs. They shouldn’t unduly lose their savings, too,” dagdag pa nito. (DANG SAMSON-GARCIA)

Read More

PAGGAMIT SA HOTELS BILANG TEMPORARY HOSPITAL PINABORAN

0

SUPORTADO ni Senadora Nancy Binay ang rekomendasyon ng Philippine College of Physicians na i-convert ang ilang hotel bilang temporary hospital facilities para sa mga mild hanggang moderate Covid-positive patients.

“The projected increases and the recent surge in COVID-19 cases have already weakened the entire healthcare system, causing many hospitals in Metro Manila to reach full capacity. Our health workers already feel overwhelmed and many facilities are already overly packed with people seeking immediate medical care,” pahayag ni Binay.

Sinabi pa ng mambabatas na ang panawagan ay makatutulong upang mabawasan ang hirap ng mga healthworker at mga ospital na kasalukuyang tumatanggap ng severe cases.

“This would require sacrifice on the part of the private sector, but I believe the hotel industry is very much willing to help and is well-equipped to respond to the challenge,” dagdag ng senadora.

“They are in a unique position to help and complement our hospitals and local quarantine centers to support our healthcare system. They have the backbone in providing viable solutions to quarantine challenges at this very critical time,” giit pa nito. (DANG SAMSON-GARCIA)

Read More

Sa medical, economic frontliners RT-PCR TEST SAGOT NG PHILHEALTH

0

TUTUSTUSAN ng state-run Philippine Health Insurance Corporation (PhilHealth) ang halaga ng RT-PCR COVID-19 test ng isang indibidwal subalit kailangan na ma-meet nito ang ilang kondisyon.

Sinabi ni Presidential spokesperson Harry Roque na sa ilalim ng testing protocol ng bansa, ang PhilHealth ang siyang magbabayad ng RT-PCR test ng medical frontliners, economic frontliners, iyong mga na-expose sa pasyenteng may COVID-19 patient at iyong mga may sintomas ng COVID-19.

“At most, ang babayaran ay P300. Hindi naman po tama na sabihìn natin na hindi tayo nakakapagbigay ng libreng testing,” ani Sec. Roque.

“Wala pong dahilan na hindi ka makakuha ng libreng RT-PCR test kung ikaw ay qualified,” dagdag na pahayag ni Sec. Roque.

Sa ulat, may ilang local government units sa Metro Manila ang nag-aalok ng libreng COVID-19 reverse transcription – polymerase chain reaction (RT – PCR) swab tests upang matugunan ang pagtaas ng bilang ng infected sa rehiyon.

Kabilang sa LGUs na nag-aalok ng libreng RT-PCR test ang Caloocan, Manila, Taguig at Quezon City. (CHRISTIAN DALE)

Read More

HEALTH WORKERS SA MGA PROBINSYA TUTULONG SA NCR

0

NAKAPAG-RECRUIT na ang gobyerno ng mga health personnel mula sa ibang rehiyon na magsisilbing augmentation force ng mga health worker sa National Capital Region (NCR).

Ito ang sinabi ni Presidential spokesperson Harry Roque kasunod ng naging pag-uusap nila ni Senador Bong Go, Executive Secretary Salvador Medialdea at DOH Undersecretary Leopoldo Vega.

Ani Sec. Roque, sa nasabing pag-uusap ay nabanggit ni Usec. Vega na nasa 60 porsiyento na ng kanilang target ang na-recruit para makatuwang ng mga taga Metro Manila.

“I don’t know the exact number. But last Saturday, we had a special meeting precisely with Executive Secretary and Senator Bong Go outside of the IATF meeting.

And that was where Usec. Vega said that they were able to hire 60% of their target personnel. So I will get the actual numbers but the percentage is what I remember from what Usec. Vega said, and this is rather good recruitment process of hiring 60% of the required number,” ayon kay Sec.Roque.

Aniya pa, batay sa kanyang pagkakaalam ay plantilla positions pa ang nakuha ng mga na-recruit na bagong government health personnel. (CHRISTIAN DALE)

Read More

Utos sa PhilHealth PAGBABAYAD SA HOSPITALS BILISAN

0

INATASAN ni Executive Secretary Salvador Medialdea si PhilHealth President Dante Gierran na bilisan ang pagpoproseso ng pagbabayad sa mga ospital.

Ito’y sa harap na rin ng pahayag ng Private Hospital Association of the Philippines na napipilitan na silang magbawas ng mga tao bunsod na rin umano ng kakulangan ng kanilang pondo dahil hindi pa bayad ang ibang claims.

Sinabi ni Presidential spokesperson Harry Roque, naging malinaw naman ang mensahe ni Medialdea kay Gierran lalo’t 70 porsiyento ng healthcare capacity ay nasa kamay ng mga pribadong ospital.

Lalabas aniya na kung walang pondo ang mga pribadong ospital ay wala rin silang magiging kakayahan na gamutin ang mga nagkakasakit.

Nauna nang nagmungkahi ang DBP na magpa-bills purchase na o sila na muna ang magbabayad ng pagkakautang ng PhilHealth at mula roon ay sila na ang kukuha ng reimbursement sa PhilHealth. (CHRISTIAN DALE)

Read More