BLENDED LEARNING TULOY ANG PAGBUBUKAS SA SETYEMBRE

0

IPATUTUPAD ang blended learning ngayong school year subalit ang pamahalaan ay nagtakda ng “three-point yardstick” para sa posibilidad na pagbabalik ng  “in-person classes.”

Taong  2016-2021 sa huling Ulat sa Bayan, sinabi ng Pangulo na nananatiling  committed ang gobyerno sa pagbibigay ng  quality education sa gitna ng pandemiya subalit prayoridad ang kaligtasan ng mga estudyante.

“Education remains our top priority amidst the pandemic as we strive to further boost the country’s human capital – an investment for the future of the Philippines,” ayon sa Pangulo.

“We have designed a three-pronged criteria towards the eventual safe resumption of face-to-face classes, namely (1) Community COVID Risk Assessment driven from our COVID-19 monitoring models; (2) School-based Readiness for Health Standards that encompasses the upkeep of sanitation in schools; and (3) Shared Responsibility that would muster the commitment of essential stakeholders towards a systematic and risk-based approach in the reintroduction of school- based instruction,” litanya ng Chief Executive.

Matatandaang, sinalungat ng Punong Ehekutibo ang pagpapatuloy ng  face-to-face classes simula ng humagupit ang pandemiya noong nakaraang taon upang matiyak ang proteksyon ng mga estudyante mula sa  coronavirus.

Sa pagpapatupad ng mahigpit na face-to-face classes, isinulong ng education department ang alternative learning schemes na kinabibilangan ng radio, television, online at modular learning.
Kamakailan lamang, nagpahayag si Pangulong Duterte na nais nitong mabakunahan na ang mga  Filipino laban sa  coronavirus  bago pa muling buhayin ang traditional in-person classes sa bansa.
Aniya, hindi niya isusugal ang buhay ng mga estudyante sa gitna ng banta ng nakahahawang Delta coronavirus variant.

Sa pagbubukas ng  school year 2021-2022 sa darating na Setyembre  13, ay itutuloy na ng pamahalaan na ipagbawal pa rin ang  face-to-face classes para sa kapakanan ng kalusugan at proteksyon ng mga mag-aaral.

“The youth’s education has not and will not be sacrificed; their safety will remain our top priority. As such, we will still utilize blended learning for SY 2021- 2022,” ayon sa Pangulo.

“This is to ensure that we would enable learning to continue amidst the threat and uncertainties, while ensuring the health, safety, and well-being of all learners, teachers, and other stakeholders,” dagdag na pahayag nito. (CHRISTIAN DALE)

Sa katunayan aniya ay may 4 hanggang 5 LGUs ang nagpapatupad na ang granular lockdown dahil may mataas na covid 19 cases.

Bahagi aniya ito ng Prevent, Detect, Integrate, Treat, and Reintegrate o PDITR strategy.

Masusi aniyang nagbabantay ang LGUs laban sa Delta variant sa tulong ng mga eksperto mula sa DoH.

Tiniyak ni Abalos na maagap ang Metro Manila Mayors sa ganitong mga sitwasyon.

Gaya na lamang aniya ng kahilingan nila sa IATF na suspendihin ang pagpapalabas sa mga bata na may edad limang taon pataas.

“Kita mo naman wala pong local transmission. uunahan na namin ito. Iyon nga ang nangyari, pinayagan kami ng iatf. sumunod, hindi na namin hinintay. nag-curfew agad kami. while doing this we informed everyone na talagang intense an amin monitoring. ibig sabihin araw-araw yan.. umaga hanggang tanghali hanggang gabi. pati na ang ating mga alkalde. masipag sila. talagang very iyong kanilang sinasabi na granular lockdown,” anito. (CHRISTIAN DALE)

Read More

QUARANTINE CLASSIFICATION SA AGOSTO PINAG-AARALAN NG IATF

0

PINAG-AARALAN na ng Inter-Agency Task Force (IATF) at mga eksperto ang mga numero ng COVID cases sa bansa bago gumawa ng naaayong desisyon ukol sa bagong quarantine classifications sa buwan ng Agosto.

Pahayag ito ng Malakanyang sa mungkahi  ng OCTA Research na ilagay sa two-weeks circuit breaker lockdown ang Metro Manila dahil sa tumataas na namang kaso ng COVID-19.

“Lahat ng mga numero  tinitingnan natin, at in fact noong Martes nag-meeting ang IATF at may mga recommendations tayo ng community quarantine classifications sa iba’t ibang lugar dito sa ating bansa,” ayon kay Secretary to the Cabinet at IATF Vice-Chairman Karlo Nograles.

Aniya, inabisuhan na ng Department of Interior and Local Government (DILG) ang mga lokal na pamahalaan para may pagkakataon pang umapela bago ianunsiyo ang magiging bagong quarantine classifications sa susunod na buwan.

“Yung DILG ay nakikipag-ugnayan na sa LGUs, binibigyan na sila ng advance notice sa aming irerekomenda kay Pangulong Duterte para sa community quarantine classifications for August para mabigyan ng pagkakataong umapela ,” ani Nograles.

Ani Nograles, may kapangyarihan ang mga lokal na opisyal na magpatupad ng lockdown sa kanilang lugar kung inaakalang peligroso na sa ibang mamamayan ang kaso ng COVID-19 sa kanilang nasasakupan.

“Mayroong authority ang LGUs to impose hard lockdowns sa mga barangay, localized or granular lockdown sa mga barangay, lurok, street, building kung may nakikitang pagtaas ng kaso basta lang mag coordination sa regional IATF,” ang pahayag ni Nograles.

Samantala, sinabi naman ni Metropolitan Manila Development Authority (MMDA) chairman Benhur Abalos na matagal nang ginagawa ng LGU ang circuit breaker lockdown o granular lockdown. (CHRISTIAN DALE)

Read More

NAKAKALULANG INSENTIBO

0

ROLL VTR Ni VT ROMANO

WALANG pagsidlan ang tuwang naramdaman ni Hidilyn Diaz matapos ang gold medal performance, Lunes ng gabi sa Tokyo Olympics. Maging ang sambayanang Pilipino, tuwang-tuwa rin.

E kasi naman, unang Olympic gold medal iyon. Umabot ng 97 taon bago nangyari.

Talagang kahanga-hanga ang ginawa ni Diaz. Ito’y sa kabila ng samu’t saring pinagdaanan habang naghahanda sa Olympic Games, na naurong ng isang taon.

Tila naging blessing pa nga ang pagkakaantala ng Tokyo Games dahil sa pandemic.

Nadagdagan kasi ang panahon ng paghahanda, hindi lang ni Diaz kundi maging nang 18 pang Pinoy athletes na nasa Tokyo.

Sa pagkapanalo ni Diaz, bukod sa naunang P33M incentives mula sa PSC, MVPSF (Manny Pangilinan) at SMC (Ramon S. Ang) at Cong. Mikee Romero, dumagsa pa ang mga nangako ng insentibo.

Mayroong house and lot, condo unit, libreng gasoline, libreng sakay sa eroplano, etc.

Nakakalula na nga ang halaga kung susumahin dahil abot na sa P50 milyon.

Bigla nating naalala si Mansueto ‘Onyok’ Velasco. Matapos mag-silver medal ni Velasco noong 1996 Olympic Games, may mga nag-pledge rin ng bonus.

Noong panahong iyon, ang incentives ng PSC para sa maka-kaginto ay P1 milyon, P750,000 sa silver at P500,000 (bronze).

“Ang nangyari kasi nun, ung mga incentives dapat sa gold medal lang, pero tinuring na gold ‘yung silver ko, kaya nabigyan ako ng house and lot ni Mr. Oscar Violago, nabigyan din ako ng dalawang sasakyan ng Nissan at P750,000 cash incentives ng PSC,” lahad ni Velasco.

Nakisakay sa kanyang silver medal feat ang noo’y House Speaker na si Joe de Venecia at nangako ng additional incentives na P2.5 milyon.
Asan ang P2.5M?

“Wala daw kasing papel, dokumento at batas (noon) tungkol sa incentives, kaya hindi ko nakuha ‘yun. Bago mag-pandemic, lumapit din ako kay Sen. Bong Go, nag-follow-up ako, pero, wala nga daw papel o dokumento sa congress, hindi daw alam saan hanapin,” aniya.

Nagbiro pa si Velasco: “Ganito na lang sinasabi ko, pinangakuan ka na nga, gusto mo pa tuparin.”

Sa ngayon, may pinapaaral pang anak si Velasco na nasa high school, malaking bagay sana kung maibibigay pa sa kanya ang nasabing incentives.

Ang punto natin dito, nawa’y mapasakamay ni Diaz lahat ng ipinangako sa kanyang insentibo.

Read More

Eleazar sapul sa palpak na PNP-Calabarzon JUETENG, PAIHI ‘PIYESTA’ SA BATANGAS

0

(SAKSI NGAYON NEWS TEAM)

MANANATILING sira ang imahe at kredibilidad ng Philippine National Police (PNP) sa rehiyon ng Calabarzon dahil ang pamunuan dito, sa pangunguna ni Brigadier General Eliseo DC Cruz, ay palpak sa paglaban at pagsugpo ng jueteng at paihi ng produktong petrolyo.

Si Cruz ay tinanggal ni General Guillermo Lorenzo Eleazar sa pagiging direktor nito sa Southern Police District (SPD) ng national Capital Region Police Office (NCRPO) upang maging regional director ng PNP – Calabarzon (Cavite, Laguna, Batangas, Rizal at Quezon).

Pinalitan ni Cruz si Brigadier General Felipe Natividad na sinasabing pamangkin ni Interior Secretary Eduardo Año.

Ayon sa sources, lubos na naniniwala si Eleazar na makatutulong niya si Cruz sa paglilinis ng PNP mula sa talamak na katiwalian at korapsyon.

Kaagapay rin ni Eleazar si Cruz sa pagtatanggal ng sirang kredibilidad at imahe ng PNP.

Ngunit, mahigit dalawang buwan nang regional director si Cruz sa PNP – Region 4 – A, maraming residente ang nasabing nananatiling talamak ang jueteng at paihi ng produktong petrolyo partikular sa Batangas.

Parehong bawal ito dahil tahasang paglabag sa mga umiiral na batas ang jueteng at paihi o petrol pilferage.

Dahil diyan, hindi na naging maganda ang kredibilidad at imahe ng PNP kahit si Eleazar na ang hepe ng pambansang pulisya.

At higit na ikinababanas ng maraming residente sa Batangas ay mayroong sumulpot na alyas “Kap Biskotso”.

Ang Kap Biskotso na ito ay pasok sa jueteng at paihi dahil nangongolekta umano ito ng lingguhang tara.

Kung nangungolekta si Kap Biskotso mula sa ilegal na jueteng at ilegal na paihi, nangangahulugang palpak ang liderato ng PNP-Calabarzon, sa pamumuno ni Cruz.

Ayon sa isiniwalat ng isang ship captain, tila kalakaran na ang oil pilferage sa mga barko sa karagatan ng Batangas dahil hindi kumikilos ang mga awtoridad hanggang ngayong si Brig. Gen. Cruz na ang pinuno sa Calabarzon.

Nabatid ng SAKSI Ngayon na ipinag-utos na umano ni Eleazar kay Cruz na imbestigahan ang isiniwalat ukol sa paihi, ngunit walang nababalitaan ang mga Batangeño na aksiyon ni Cruz.
Kaya, hindi malinaw kung nakarating na kay Cruz ang pagpasok ni alyas Biskotso sa paihi.

Ayon sa kapitan ng barko, ang “Tres Musketeros” na sina Arlon, Buloy at Ronald ang nagpapatakbo sa nakawan ng petrol products mula sa malawak na karagatan ng Batangas hanggang karagatan ng Visayas.

Ang tatlong musketeros na ito umano ang may proteksiyon sa kapulisan na regular na tumatanggap ng ‘lagay’, o bribe money sa sindikato, kabilang dito ang isang mataas na opisyal ng regional maritime police office.

Ginagamit din umano ni Kap Biskotso ang pangalan ni Cruz maging sa pangongolekta sa ilegal na sugal tulad ng jueteng.

Iginiit pa ng source na bukod sa pagiging kolektor ng mga tiwaling PNP official, si Kap Biskotso ay illegal gambling operator din dahil may rebisahan ito ng jueteng sa Brgy. 7, sa Poblacion, Tanauan City.

Kabilang sa kinokotahan umano ni Kap. Biskotso ang jueteng, o bookies operator na sina Banog at Lito sa Malvar; Wally, Jun at Lito sa Sto. Tomas City; Timmy sa Mabini, Bauan at San Pascual; Zaldy at Bedung sa Taysan.

Sa Tanauan City, ang mga suki naman ay sina Anabel ng Pantay na Matanda, Bagsik ng Janopol, Benir, Angel, Ablao at Melchor ng Brgy. Darasa; Tano, Kap. Mario ng Brgy. Pantay na Bata, Jr. Biscocho ng Brgy. 7 at Putuhan, Lito ng Brgy. 7 at Putuhan at Perez ng Poblacion.

Kasama rin sa iniikutan sina jueteng financiers Ocampo ng Brgy. Bagbag, Emil, Ramil, Aldrin, Terio, Angke at Ms. Lilian ng Brgy. Sambat, Lawin at Ms. Dona ng Brgy. Pantay na Bata at Pantay na

Matanda, Rowel, Tano at Berania ng Brgy. Trapiche, Engke, Cancio, Dama at Dexter ng Brgy. Ulango, pawang ng Tanauan City.

Sa Padre Garcia, ang jueteng operator na kinokolektahan ay sina Kap Tisoy at Kap Idol.

Sa Lipa City kung saan may pinakamaraming jueteng, o STL bookies operator ay may lingguhang tara rin si Kap Biskotso sa kinatatakutang “Big 4” na kinabibilangan nina alyas Gary, Ms. Ana, alyas Macoy Recto at Icaro, alyas Lescano na may kontrol naman sa koleksyon ng jueteng sa Brgy. Sabang at may 15 barangay kabilang ang Poblacion sa Lipa City.

Ang iba pang jueteng operator sa Lipa City ay sina alyas Gary, alyas Kap Zara, alyas Kap Randy, alyas Kap Fonti, alyas Kap Gonzales, alyas Kap Lacorte, alyas Kap August, alyas Ruben Sabedra, alyas Lorenz, alyas Neneng Dista, alyas Vilma Tomboy, alyas Liza, alyas Linda, alyas Hadjie at Aiza, alyas Yema at limang iba pa, alyas Kap Fernan, alyas Meynard at alyas Kapitana Wanita.
Bunga nito, marami ang nagtataka kung bakit walang aksyon ang liderato ng R4A police office laban kay Kap Biskotso.

Napag-alaman ng SAKSI Ngayon na sa halip na mapatigil ang nasabing mga ilegalidad ay lalo pang namayagpag kahit mabagsik ang atake ng coronavirus disease – 2019 (COVID – 19) sa Batangas sa panahong si Cruz ang regional director ng PNP – Calabarzon.

Dahil diyan, nakakaladkad at nadadamay ang pangalan ni PNP Chief Eleazar.

Read More

GINTO, ABOT-KAMAY NI PETECIO

0

Ni ANN ENCARNACION

NAMUMURONG mag-gold din sa Tokyo Olympics ang isa pang Pinay na si 2019 women’s world ­boxing champion Nesthy Petecio.

Umusad si Petecio sa semifinals ng 54-57kg ­boxing competition Miyerkoles ng umaga makaraang dominahin sa 5-0 score ang nakalaban sa quartefinals na si Yeni Marcela Arias Castaneda ng Colombia.

Dahil sa panalo ay ­sigurado na sa bronze medal ang 29-anyos na ­boksingerang tubong Davao City.

Makakatapat ng 2019 Southeast Asian Games (SEA) gold medalist na si Petecio ang 23-anyos at 5-foot-9 na si Irma Testa ng Italy sa semis sa Kokugikan Arena sa Hulyo 31.

Si Testa ay tumapos sa 5th place sa lightweight category noong 2016 Rio de Janeiro Olympics. Silver medalist naman siya sa flyweight noong 2014 Youth Olympic Games sa Nanjing, China.

Kung mananalo kontra Testa ay magkakaroon ng tsansa si Petecio na ­maging pangalawang Olympic gold medallist na Filipino, kasunod ni weightlifter Hidilyn Diaz.

Samantala, dalawa pang boksingerong Pinoy ang lalaban ngayon (Hulyo 29) sa Round of 16.

Haharapin ni Eumir Felix Marcial si Younes Nemouchi ng Algeria sa ­middleweight (69-76kg) division sa 10:48 ng umaga, habang si Irish Magno na ­galing sa 5-0 demolisyon kay Kenyan Christine ­Ong­are ay ­sasabak sa women’s ­flyweight (48-51kg) kontra Jutamas Jitpong ng ­Thailand sa 12:24 ng tanghali.

Sa Sabado naman makikipagbakbakan si Carlo Paalam kontra Mohamed Flissi ng Algeria ganap na 10:48 ng umaga. Naunang tinalo ni Paalam sa Round of 32 si Brendan Irvine ng Ireland sa iskor na 4-1.

RULE KINAPOS
SA SEMIS

BIGONG makalampas sa semifinals ng women’s 200m butterfly ng Tokyo Olympics kahapon si Filipino-American swimmer Remedy Rule.

Tumapos si Rule sa ika-15 pwesto lang makaraang magtala ng 2:12.89, kapos para maka-pasok sa top eight ng finals sa Tokyo ­Aquatics Centre.

Noong Sabado ay hindi rin nakalusot ang 24-year-old swimmer sa women’s 100m butterfly nang magsumite ng 59.68 segundo at tumapos na 25th overall.

Read More

Mungkahi ng experts laban sa Delta variant CITY, PROVINCE LOCKDOWN IKASA

0

IMINUNGKAHI ng isang eksperto na dapat ituring na kaso ng Delta variant ang bawat maitatalang kaso ng COVID-19 kaya kailangan ang paghihigpit.

Ito’y sa harap ng napatunayan na presensiya ng pinangangambahang Delta variant sa bansa.

Ang panukala ay ginawa ni Infectious Disease expert Dra. Anna Lisa Ong-Lim sa special IATF meeting na ipinatawag ni Pangulong Rodrigo Roa Duterte.

Ayon kay Dra. Lim, nais lang nilang makasiguro na matutugunan nang tama ang bawat naitatalang kaso ng Covid, Delta man ito o hindi.

Mas mabuti, ani Lim na huwag nang makauna o makaporma pa ang Delta kaya kailangan one step ahead na ang pamahalaan.

Bukod sa rekomendasyong pagpapatupad ng mas mahigpit na border control ngayong naririto na ang Delta variant, iminungkahi rin ng eksperto ang mas mahigpit na implementasyon ng mga LGU ng city o province lockdown kung kinakailangan.

Kailangan din aniyang masiguro na matatag ang healthcare system kahit ano pa ang community quarantine classification habang dapat na masigurong nasusunod ang 30 percent capacity na dapat ilaan ng mga pribadong ospital at 50% naman sa mga pampublikong ospital na nakahanda para sa mga pasyenteng tatamaan ng virus.

Samantala, nilinaw ni Dr. Manuel Mapue, Regional Epidemiologist ng Department of Health National Capital Region (DOH-NCR) na wala pa talagang surge ng COVID-19 ngayon sa Metro Manila.

Sa kabila nito, nagkakaroon na aniya ng pagtaas ng kaso ng COVID-19 sa ilang lungsod sa NCR kabilang ang Las Piñas, Makati, Pasay at San Juan.

Kinumpirma naman ni Philippine General Hospital (PGH) Spokesperson Dr. Jonas del Rosario na 21 sa 72 lokal na kaso ng Delta COVID-19 variant sa bansa ang sinuri sa kanilang pagamutan at anim sa mga ito ang na-admit o na-confine doon.

Ayon kay Del Rosario, sa anim na na-admit, dalawa ang namatay at apat ang nakarekober.

Aniya, ang dalawang namatay ay hindi pa nababakunahan laban sa COVID-19 habang isa sa recoveries ang bakunado na at nakitaan lamang ng mild symptoms.

Kinumpirma rin niya na nagkakaroon ng pagtaas ng bilang ng admission ng mga pasyente ng COVID-19 sa PGH simula pa nitong unang linggo ng Hulyo.

Sa ngayon aniya, ang PGH ay mayroon nang 170 kaso ng COVID-19. (CHRISTIAN DALE)

Read More

Pilipinas sa 1928 Olympics: Unang Olympic medal, handog ni swimmer Teofilo Yldefonso

0

Ni EDDIE ALINEA

MULA sa isang atleta at isang opisyal na unang kumatawan sa Pilipinas noong 1924 Paris Olympics, noong 1928 sa Amsterdam ay lima kataong delegasyon na ang ipinadala ng Philippine Amateur ­Athletic Federation, ang namamahala noon sa programa ng palakasan sa bansa.

Ngunit tulad ng biyahe noon nina sprinter David Nepomuceno at coach nito na si Dr. Regino Ylanan na tumagal ng 33 araw sakay ng barko, nagpaikot-ikot din ang sinakyan ng mga swimmer na sina Teófilo Yldefonso at Tuburan Tamse, high jumper Simeon Toribio at sprinter Anselmo Gonzaga bago nakarating sa pagdarausan ng Palaro.

Ang pagkakaiba lamang, naka-­daong ang pangkat ni Yldefonso sa Amsterdam isang buwan bago magsimula ang kompetisyon, ‘di gaya ng naranasan nina Nepomuceno at Dr. Ylanan na isang linggo na lamang bago magsimula ang VII Summer Games nang makarating sa France.

Dahil may sapat na oras para maituloy ang preparasyong naudlot sa mahabang biyahe, nakasama sa win column ang Pilipinas sa kada apat na taong Palaro.

Si Yldefonso, miyembro ng Philippine Scout at tubong Piddig, Ilocos Norte ang kauna-unahang Pilipinong nanalo ng medalyang tanso (bronze) nang ­pumangatlo sa kanyang paboritong 200 ­metrong breaststroke.

Naging mas makahulugan ang bronze medal win niya sa Amsterdam dahil unang pagkakataong napasama ang women’s track and field sa Olimpiyada.

Lumangoy si Yldefonso kasama si eventual gold ­medalist Yoshiyuki Tsuruta ng Japan, habang pumangalawa si Erich Rudemacher ng Germany.

Bukod sa bronze ni Yldefonso, na napatay ng mga Hapon sa karumal-dumal na “Death March” mula Bataan hanggang Tarlac noong Ikalawang Digmaang Pandaigdig, pumang-apat ang high jumper na si Toribio sa kanyang event.

Kabuuang 48 ang lumahok sa elimination round ng high jump, kung saan nalampasan ni Toribio ang 1 metro at 83 sentimetro para makapasok sa finals jump. Dito ay tumalon si Robert King ng Estados Unidos ng 1.94 metro para

sa gold medal, silver kay Ben Hedges ng USA, bronze kay Claude Menard ng France, at Toribio na kinapos para sa fourth place.

Nang makabalik sa Maynila, buong kababaang loob na ipinagtapat ni Yldefonso sa istoryang sinulat niya sa FILIPINO ATHLETE na lumabas makaraan pa ang walong taon (1936), sinuwerte lamang siya nang makapasok sa semis ng kanyang event.

“While my time was not impressive in the trials, still I was hoping I could place in the finals which was to take place the following day,” aniya. “With my third place finish, I cannot describe how I felt at the moment, especially when our flag was raised in connection with the victory ­ceremony. All I can say is that I felt elated, and satisfied that through my humble efforts, my country was able to score a place in this event.”

Sa Los Angeles noong 1932 ay muling naka-bronze sa nasabing swim event si Yldefonso, kauna-unahang atletang Pilipino na idinambana ng International Swimming Federation sa Hall of Fame nong 1989.

Read More

Inutang ni Duterte, P6.052 trillion na DEBT CRISIS SA PINAS NAKAUMANG

0

NAHAHARAP sa matinding dagok ang mga Filipino ngayong baon na sa utang ang bansa sa ilalim ng pamumuno ni Pangulong Rodrigo Duterte.

Sa kanyang kontra-SONA kahapon, sinabi ni Albay Rep. Edcel Lagman na isa sa mga hindi inamin ni Pangulong Duterte sa kanyang State of the Nation Address noong Lunes, ang pagkabaon sa utang ng bansa dahil sa loob lamang ng 5 taon ay nakautang na ito ng P6.052 trillion.

Posible pa umanong madagdagan ang utang na iiwanan ng Duterte administration bago ito bumaba sa puwesto sa 2022.

“The national debt is projected to hit P12 trillion this year, an increase by P6.052 trillion from the P5.948 trillion recorded in June 2016 just before President Duterte assumed office,” ani Lagman.
Mas malaki umano ito sa pinagsama-samang inutang ng mga nagdaang pangulo ng bansa mula kay Ferdinand Marcos, Cory Aquino, Fidel Ramos, Joseph Estrada, Gloria Macapagal Arroyo at Benigno “Noynoy”Aquino.

“In one year, the national debt increased by more than P2 trillion. And in May 2021, the national debt stood at P11.071 trillion,” ayon pa sa kongresista.

Hindi idinetalye

Hindi rin umano idinetalye ni Duterte sa sambayanang Filipino kung papaano ginamit ng mga ito ang P2 trillion na kanilang inutang noong 2020 nang magsimula ang pandemya sa COVID-19.

Dahil dito, kailangang magsagawa aniya ng imbestigasyon ang Kongreso dahil kung ikukumpara ang pagtugon ng gobyerno sa pandemya ay mistulang hindi naramdaman ng taumbayan ang inutang ng mga ito.

“While the imperative to fund our Covid response largely explains the bloating of the national debt, we must realize that the country may be heading in the direction of another crisis – a debt crisis,” dagdag pa ng mambabatas dahil inaasahan na aabot na sa P1 trillion umano ang debt service o babayarang utang ng gobyerno taon-taon. (BERNARD TAGUINOD)

Read More

IRAN DINUROG NG USA

0

IBINALING ng Team USA ang frustration sa Iran, 120-66 kahapon. Kasunod ito ng nakadidismayang 83-76 pagkatalo sa kamay ng France noong Linggo sa Tokyo Games.

Umiskor si Jayson Tatum ng 14 points, kung saan pinag-init niya sa fourth-quarter ang opensa at pinaabot sa 50 puntos ang abante ng NBA-laden team.

Sa huling apat na minuto ay kumayod si Tatum ng 10 points tungo sa 108-57 count.

Top scorer si Damian Lillard, 21 points, kabilang ang anim na 3-pointer sa first-half, at 16 points naman mula kay Devin Booker.

Kinakailangan ng Team USA na maipanalo ang nalalabing laro upang manatili sa medal contention.

Agad ipinatikim ng Americans ang lakas nang umabante, 28-12 sa first quarter at palobohin ito sa 33 puntos sa halftime. Ginawang 55 points ang abante bago matapos ang fourth period.

“I think we came out with a lot more urgency,” wika ni Lillard. “Our energy was higher. We played at a faster pace. We were more aggressive, and we played like ourselves.”

Inaasahang maipagpapatuloy ng Team USA ang momentum sa final group stage game ­kontra Czech Republic sa Sabado. Tinalo ng Czech Republic ang Iran, 84-78. (VT ROMANO)

Read More