OFW NAMATAY SA SOBRANG STRESS, PAGOD SA KUWAIT

Aksyon OFW
0

MAGANDANG araw mga Kabayani, bago ko simulan ang aking paksa sa kolum na ito ni OWWA Board of Trustee Dr. Chie Umandap. Hayaan n’yo po akong magpakilala muna sa ating ­masugid na readers.

Ako po si Florante Rosales, dating News Anchor at Executive Producer sa MBC-DZRH. Nagsilbi rin po akong Host sa ­programang Aksyon Bantay OFW at Operation Tulong sa nasabing himpilan.

Napamahal at napa­lapit sa puso ko ang mga OFW dahil ang ­aking mismong mga ­kapamilya, mga kaibigan at mga kamag-aral noong High School ay nagtatrabaho sa ibang bansa na malayo sa kanilang mga pamilya.

Nang nasa radyo pa ako, kaliwa’t-kanan ang mga impormasyon na ­aking natatanggap mula sa iba’t ibang OFW organizations sa abroad na humihingi ng agarang tulong sa mga ahensya ng gobyerno dahil sa hindi pinalad na mga kabayani natin ang nabiktima ng mapang-abusong mga amo, ginahasa, sinasaktan, pinapaso ng plantsa at kadalasan namamatay.

Nakakadurog ng puso na malaman ang masaklap na kapalaran ng ilang Kabayani natin sa mga bansang kanilang pinagtatrabahuhan, kaya naman inaalay namin ni Dr. Chie ang kolum na ito para sa inyong mga sumbong, reklamo at mahahalagang impormasyon upang ­aming aksyunan ang mga ito “as soon as possible” at sa abot ng aming makakaya. Muling eere ang AKO OFW program sa Facebook para sa pagtugon sa mga Kabayani nating may problema sa ibang bansa.

Nakatanggap po ang AKO OFW Inc. ng impormasyon sa messenger para sa isang Kabayani natin na namatay dahil sa sobrang pagod at stress sa pagtatrabaho sa ­Mangaf, Kuwait.

Ayon sa mensahe, humihingi ng tulong ang kaibigan ni OFW ­Marieta Gapuz, 56-anyos, na namatay matapos mag-collapse at mauntog ang ulo n’ya sa matigas na bagay dahil sa sobrang pagod at stress nito sa mga gawain sa bahay ng kanyang amo.

Si OFW Marieta ay kasalukuyang nasa mor­gue ng isang hospital sa Kuwait habang hinihintay ang tulong ng pamahalaang Duterte dahil walang pera ang kanyang pamilya.

Ipinagbigay-alam na po ng AKO OFW ang kaso ni Marieta kay Labor ­Attaché Nasser Mustafa para sa agarang aksyon at pagpapauwi sa bansa ng kanyang bangkay.

Umaasa naman ang kanyang pamilya na maiuwi ang bangkay ni OFW Marieta sa bansa bago sumapit ang Pasko.

Hanggang sa susunod na pagtugon at aksyon sa mga hinaing ng ating mga Kabayaning OFW.

Para sa inyong, komentaryo, suhestyon at opinyon, ipadala lang ito sa aking email address, dzrh21@yahoo.com.

Read More

BAGO AT MAS MALIWANAG NA MERALCO BILL, NANDITO NA!

0

NAGSIMULA nang ma­ka­tanggap ang mga ­Meralco customer ng bagong bersyon ng bill nito na inaasahang mas kaaya-aya at mas madaling intindihin para sa mga customer. Ang mga pagbabagong ito ay batay sa ­mabusising market research na gi­nawa ng kompanya.

Kaya naman umpisa pa lang ay marami nang mga customer ang nagpahayag ng tuwa sa bagong format ng bill na ipinaabot sa social media at mga feedback sa Meralco. Ilan sa mga ito ay pinuri ang bagong format, at nagsabing mas madali itong basahin at mas madaling makita ang mga importanteng detalye na kailangan sa pagbabayad ng bill. Ang iba ay nasiyahan din sa dagdag na mga impormasyon na nakapaloob.

Isa sa mga kapansin-pansin sa bagong Meralco bill ay ang mas malaking papel nito na may sukat na 8″ x 11″. Ang sukat ng mga letra at numero ay nilakihan din upang mas madaling mabasa ng mga customer. Kapansin-pansin din ang kulay sky blue na kahon kung saan nakapaloob ang Customer Account Number (CAN), kabuuang halaga na kailangang bayaran, at ang due date.

Marami ring karagdagang detalye sa bagong bersyon ng Meralco bill na tiyak na kapaki-pakinabang sa mga customer. Ang presyo kada kilowatt-hour (kWh) na kinalkula batay sa kabuuang halaga ng bill at sa kWh na konsumo ng customer ay nakasaad na rin sa bill.

Upang maging madali para sa mga customer ang paghahambing nito ng konsumo sa koryente kada buwan, ang dating bar graph na nagpapakita ng konsumo sa loob ng isang taon ay binago na rin. Sa halip na konsumo sa isang taon, makikita na ang konsumo sa loob ng 24 buwan. Mas madaling makikita ng customer ang pagkakaiba o pagkakapareho ng antas ng konsumo nito sa parehong buwan ng nakaraang taon.

Nakapaloob din sa bill ang konsumo ng customer kada buwan at kada araw, at kung magkano ang karampatang halaga nito. Ang detalyeng ito ay tiyak na malaking tulong sa mga customer na nagnanais magtipid sa pagkonsumo ng koryente.

Ang impormasyon ukol sa mga bill na nabayaran na at mga hindi pa bayad ay makikita na rin sa bagong Meralco bill. Ito ay makikita sa likod kasama ang kumpletong impormasyon ng huling anim na payment transactions. Hindi na kailangan pang itabi ang mga lumang resibo.

Upang hikayatin ang customer na maging ­responsable sa paggamit ng kuryente, ang impormasyon ukol sa epekto ng paggamit ng kuryente sa kapaligiran at ang katumbas na greenhouse gas emission nito ay ­idinagdag din sa bagong bill. Makikita rin ang detalye kung paano pwede nating ma-offset ito.

Ang lahat ng pagbabagong ito ay handog ng Meralco sa mga customer. Sa pamamagitan ng bagong Meralco bill, inaasahang magiging mas madali para sa mga ito ang maintindihan ang kanilang buwanang bayarin sa kuryente. Nawa’y magsilbing epektibong ­paraan ang bagong Meralco bill sa paghahatid sa mga customer ng impormasyong makatutulong sa pagiging matalino at masinop nito sa paggamit ng kuryente.

Read More

PALPAK NA ASUNTO

0

HINDI na bago ang pagbasura ng husgado sa mga isinampang asunto ng Philippine ­National Police (PNP) sa korte kaugnay ng kampanya ng pamahalaan laban sa pinakamaunlad na kalakalan sa bansa – ang droga.

Sa tuwing idi-dismiss ng korte ang kaso, karaniwang nagiging batayan ang kabiguan ng piskalya na patunayan ang sala ng mga akusado nang walang bahid alinlangan. Bahagi rin ng dahilan kung bakit pinawalang-sala ang marami sa mga sangkot sa droga ang palpak na kasong isinasampa ng pulis laban sa kanilang mga naaresto sa moro-morong buy-bust operation sa mga pipitsuging target nito.

Sa isang asuntong inihain taong 2016, arestado ang tatlong magkakapatid mula sa Barangay Pinagbuhatan sa Pasig City.

Ayon mismo sa Korte Suprema, napatunayang maraming butas ang kasong isinampa ng PNP laban sa mga akusado. Partikular na tinukoy ng mga mahistrado ang anila’y ‘di ­kapani-paniwalang kwento at ang mga diumano’y ebidensyang nasamsam ng mga operatiba.

Kung susuriing maigi ang mga testimonya ng mga pulis sa tuwing maghahain ng kaso, ­mistulang xerox copy lang ang kanilang kwento.

Nakaligtaan yata ng mga unipormado – ­hindi bobo ang mga nakaupo sa husgado. Sila’y pawang abogadong may matalas at mapanuring mata sa bawat detalye ng dinidinig na kaso.

Bagama’t magandang balita ang parehas na paglilitis ng korte sa mga asuntong droga, nakalulungkot isiping masyadong mahaba ang proseso bago pa lumabas ang totoo. Sa kaso ng magkakapatid mula sa Pasig City, 15 taon ang kanilang inilagi sa piitan bago pa lumabas ang desisyon at atas na pagpapalaya ng husgado sa mga nagdusang wala naman palang sala.

Isa lang ‘yan sa daan-libong asuntong ­nakabinbin sa iba’t ibang korte sa bansa. Marami na ang tulad nito – 10, 15 o higit pang ­maraming taon sa kasong palsipikado na ang ending – ­dismissal ng kaso kung hindi man wala palang sala.

Ang siste, nagdusa na ang mga akusado. Kinain ng panahon sa loob ng bilangguan ang panahong dapat sila’y naging produktibo, para sa pamilya, sa pamayanan at sa bayan.

Inagaw na rin ng bilangguan ang magandang kinabukasang pangarap nito dahil lang sa maling paratang at palsipikadong asunto.

Isa lang ang tiyak, ang totoong may sala, mapapanagot ng batas kung nasa ayos ang mga asuntong isasampa sa korte at kung tunay ang paratang ng mga operatibang sumakote. Kaso nga lang hindi. ‘Yan ang totoo.

Read More

BUCKS UMISKOR SA SPURS

0

BALITANG NBA Ni VT ROMANO

DUMAYO ang Milwaukee Bucks sa San Antonio, umiskor si Khris Middleton ng 28 points at nagdagdag si Giannis Antetokounmpo ng 21 para talunin ang Spurs, 121-111.

Nagtala si Doug McDermott ng 25 points at si Keldon Johnson, 20 points sa ikalawang sunod na talo ng San Antonio, matapos ang season-opening home win kontra Orlando.

Tinapatan ng Bucks ang paulit-ulit na spurt ng Spurs tungo sa pagkolekta ng kanilang ikalawang double-digit victory. Bawat Milwaukee starter nag­tala ng double figures at si George Hill ay nagdagdag ng 15 points (off the bench).

Si Hill at Jordan Nwora ang nagbigay sa Bucks ng kina­kailangang ayuda mula sa bench, habang sina Jrue Holiday at Grayson Allen ay naupo lang.

May seven points, six rebounds, two blocks at assist si Nwora sa 21 minutong laro.

Ang Milwaukee ay may 535 sa field at 43% sa 3-point range.

Hikahos naman ang San Antonio sa long distance sa ikalawang sunod nitong laro, 10-for-39.

Kumayod ang Bucks ng 11-2 run makaraang umangat ang Spurs, 91-90 buhat sa 11-foot jumper ni Devin Vassell, may four points, sa final two minutes ng laro. Nagkomit pa ang Spurs ng TO at natawagan ng clear path foul sa loob ng dalawang minutong nalalabi.

Umiskor si Lonnie Walker IV ng 17 points para sa San Antonio.

Humirit si McDermott ng pares ng 3-pointers sa opening quarter at inulit ito sa final period para tumapos na may 7-for-11 sa 3-point range.
Hindi nakalaro sa Bucks sa ikalawang sunod si center Brook Lopez sanhi ng injured back.

Ayon kay coach Mike Budenholzer, ang 14-year veteran ay hindi rin makalalaro sa Martes (Manila time) kontra Indiana sa pagtatapos ng three-game trip ng Bucks.

Sa tatlong laro ng Spurs, iba-ibang manlalaro ang top scorer. Ihohost ng San Antonio ang Los Angeles Lakers sa Miyerkoles (Manila time).

PISTONS SINUWAG
NG BULLS

NATALO ang Detroit Pistons sa opening season game sa Bulls, muling nagharap ang dalawang koponan Linggo (Manila time) sa United Center sa Chicago at matapos ang solid opening quarter, unti-unting nanghina ang Pistons bago nagsara ang first half at mula roon hindi na nakarekober pa at muling bumagsak sa kamay ng Bulls.

Umabante ang Bulls hanggang 31 puntos tungo sa 97-82 win, kung saan nakagawa ang Detroit ng 23 turnovers, mayroon lamang 14 assists at shot 5-for-28.

Maliban kay Saddiq Bey, umiskor ng 20 points sa 8-of-18 shooting at may career-high 16 rebounds, wala nang ibang kumamada pa sa Pistons.

Nanguna sa Bulls si DeMar DeRozan, 21 points, habang si Nikola Vucevic may ambag na 15 points at 19 rebounds.

Sa unang paghaharap ng Bulls at Pistons noong Miyer­koles, kung saan naitakbo ng Bulls ang 94-88 win, ganoon din ang naging takbo sa muli nilang pagkikita kahapon. Sa halftime, ang Pistons ay may 14 turn­overs at eight assists. Habang ang Bulls, one turnover at 14 assists.

Ang Detroit ay 2-for-10 sa 3-point arc. At angat din 45.2% sa field goal kumpara sa 40% ng Bulls, maging sa rebounds, 31-17, pero naghabol pa rin ng 11 points.

Sa third period, dinomina ito ng Bulls, bagama’t bago pa natapos ang halftime, halos tapos na rin ang aksyon. Nag-komit ang Detroit ng anim pang TO (turnover) sa huling 5:04 sa ­second quarter, at dito umatake ang Bulls, 10-3 run upang makalayo.

Sa laro noong Miyerkoles, nagtala ang Detroit ng 16 TO sa kabila ng 17 assists at shot 6-for-28 sa tres.

Ikasiyam na sunod na panalo na ito ng Chicago laban sa Detroit, at ikatlong sunod ngayong season sapol noong 2016, kung saan si dating Lakers’ Alex Caruso sinigawan ng MVP chants ng home crown sa ikalawang sunod na gabi, kung saan tumapos siyang may 12 points at five steals off the bench.

Susunod na kalaban ng Bulls ang Pelicans sa Sabado ng gabi (Linggo sa Manila).

HAWKS TIKLOP
SA CAVS ROOKIE

KUMULEKTA si rookie Evan Mobley ng 17 points, 11 rebounds at four blocked shots, para tulungan ang Cleveland Cavaliers sa una nitong panalo sa season, 101-95 laban sa Atlanta Hawks.

Nagtala rin si Ricky Rubio ng 23 points at eight assists, habang si Jarrett Allen ay ­nagdagdag ng 11 points at 14 rebounds para sa Cleveland, na hinabol ang 13 points sa second quarter.

Talo ang Cleveland sa ­unang dalawang laro nito sa parehong 11 puntos.

“We’re definitely really happy about our first win, it felt great,” wika ni Mobley. “But we don’t want to just settle on it. We want to keep winning and ­growing from here.”

Si Mobley, No. 3 overall selection mula sa USC, umiskor ng seven points sa 21-0 run na naglagay sa Cavs sa 67-58 lead sa third quarter. Scoreless ang Atlanta sa loob ng 4:28 ­makaraan ang layup ni Trae Young, 46 seconds sa second quarter.

“As Evan kept making plays, we kept giving him the ball,” sambit ni Cavaliers coach J.B. Bickerstaff. “He’s got that straight face, but his skill set is diverse and versatile. Evan has earned our trust because of how quickly he’s picked things up.”

Read More

Bakit hindi naglalaro para sa Pilipinas si Super GM Wesley So?

0

LIMANG araw pa lamang ang nakararaan, ng ang Super Grandmaster na si Wesley So ay matagumpay na naipagtanggol ang kan­yang korona bilang U.S Chess Champion. Ang ikinalulungkot ng mga kababayan niya sa Pilipinas, nakamit niya ang karangalan hindi na bilang isang Pilipino.

Ang 28 anyos na tubong Bacoor, Cavite ay tatlong beses nang ­naging U.S champion. Ngunit sa pagkakataong ito, bilang isa nang ganap na mamamayan ng Amerika matapos makuha ang kanyang bagong citizenship noong Pebrero 2021.

Ilang mensahe ang natanggap ng ­kolum­nistang ito mula sa mga mambabasa na nagtatanong kung bakit at paano ito nangyari?

Lumipat si Wesley sa U.S. noong 2014, matapos niyang makamit ng kauna-unahang gintong medalya ng Pilipinas sa 2012 Summer Universiade sa Kazan, Russia matapos talunin si Zaven Andriasian. Sa kasamaang palad, hindi niya natanggap ang mga dapat makuhang insentibo, kabilang ang P1 milyon sa ilalim ng Athletes and Coaches Incentives Law na kinatha ni dating Senador Robert Jaworski.

Hanggang ngayon ay hindi pa rin malinaw kung paanong hindi naibigay ang mga insentibo na para kay So. Maging ang Philippine Chess Federation at Philippine Sports Commission ay nagtuturuan kung sino ang may sala sa nangyari.

Sa sama ng loob, lumipat na lang ang bata at matalinong Pinoy chess master sa U.S. Chess Federation, na bukas-palad siyang tinanggap.

Ayon sa mga opisyal ng PSC noon, ang Universiade ay wala sa mga international event na ginagarantiyahan ng RA No. 9644, kung saan ang medalist ay binibigyan ng karampatang insentibo.

Samantala, ang Philippine Olympic Committee ay hindi kinilala ang Universiade sa dahilang ang pambansang delegasyon ay ipinadala umano sa Russia ng grupong kalaban ng POC noon. Sinasabing may kaugnayan ang away ng mga opisyal sa liderato sa national basketball.

Ang mahihirap at walang koneksyon dito sa Pilipinas ay ­itinuturing na basura na puwedeng yapak-yapakan, himutok ng Super GM sa isang panayam noon. “Because of a quarrel between the kings of the sports ­bodies, they not only did the country a disservice by refusing to acknowledge my efforts, they refused to give me the P1 million promised to athletes who bring home a gold medal.”

Ayon kay Lotis Key, dating aktres sa Pilipinas at nag-ampon sa ngayon ay ranked no. 6 sa International Chess ­Federation (FIDE), matindi talaga ang sama ng loob ng kanyang alaga sa mga sports official sa Pilipinas kaya pumasok din sa isip ni Wesley ang tuluyang tumigil na sa paglalaro.

Samantala, tiyak na nagsisisi ngayon ang mga naturang opisyales lalo’t ang pinakawalan nilang chess whiz ay kaliwa’t kanan ang karangalang ibinibigay sa bansang umampon sa kanya.

Katunayan, si So ang unang kampeon sa Fischer Random Chess Championship at ­defending champ sa U.S Chess Championship.

Nakapagtapos na rin sa Webster University’s School of Education ang isa sa kinikilala ngayong pinakamagaling na manlalaro ng sport, na ngayon ay dala-dala ang bandila ni “Uncle Sam” dahil sa kapabayaan ng mga namumuno sa Philippine sports.

Read More

VACCINATION FOR MINORS IKAKASA NA NATIONWIDE

0

MAAARI nang isagawa sa iba’t ibang panig ng bansa simula sa Oktubre 29 ang pagbabakuna sa mga kabataan.

Ayon kay Secretary Carlito Galvez Jr., chief implementer ng National Task Force Against COVID-19, kasunod ito ng matagumpay na pilot rollout sa National Capital Region noong Oktubre 15 at 22 para sa 12-17 age group na may comorbidities.

Umaasa si Galvez na mas marami pang kabataan ang magpapabakuna sa susunod na linggo.

Naghahanda na rin ang mga lokal na pamahalaan at mga ospital para sa naturang programa.

Samantala, tiwala ang Malakanyang na mas magiging mabilis na ang pagbabakuna sa mga kabataan dahil sa patuloy na pagdating ng bakuna laban sa coronavirus disease 2019 (COVID-19) sa bansa.

Sa kanyang Facebook post, winelcome ni Presidential Spokesperson Harry Roque ang pagdating ng 1,014,390 doses na Pfizer vaccine na binili ng bansa.

Ani Sec. Roque, ang biniling karagdagang bakuna ay makatutulong upang mas mapalakas pa ang vaccination drive ng gobyerno.

“Ito ay para mas mapabilis ang pagbabakuna sa ating mga kabataan ,” ani Sec. Roque.

Ang Maynila ay nakatanggap na ng 813,150 doses ng 1,014,390 Pfizer vaccine doses na binili ng gobyerno.

Ang Cebu at Davao, ay makakakuha naman ng 100,620 Pfizer doses bawat isa.

Inulit naman ni Sec. Roque ang panawagan nito sa publiko na protektahan ang sarili laban sa COVID-19.

“Halina’t magpabakuna,” ang paghikayat ni Sec. Roque sabay sabing “good news” aniya ang pagdating ng mas maraming COVID-19 vaccines sa bansa.

Pinalawig na ng Pilipinas ang vaccination rollout nito sa mga menor de edad.

May kabuuang 1,153 individuals na may edad 18 pababa ang nabakunahan sa panahon ng pilot pediatric vaccination na isinagawa sa 8 ospital sa Kalakhang Maynila noong Oktubre 15. (CHRISTIAN DALE)

Read More

Siksikan sa sementeryo babantayan GIMIK SA HALLOWEEN PAMPAMILYA LANG

0

HANGGA’T maaari, panatilihing pampamilya ang mga Halloween party at trick or treat ng mga bata ngayong nananatiling may pandemya.

Paalala ito ng pamunuan ng Philippine National Police (PNP) ngayong sasapit na Todos Los Santos.

Ayon kay PNP Chief, Police General Guillermo Lorenzo T Eleazar, kung maari ay gawing eksklusibo sa pamilya ang mga party ngayong holiday season upang makaiwas sa pagkalat ng coronavirus disease.

Magugunitang inabisuhan ng Department of Health ang bawat pamilya na mahigpit na sundin ang health protocols kung may balak silang magdaos ng Halloween parties at trick or treat na tradisyunal bago ang Undas. Dapat iwasan ang mga bisita na hindi kapamilya dahil mapanganib ito sa hawaan ng COVID-19.

“Batid ng inyong Philippine National Police ang mga nakaugaliang tradisyon tuwing nalalapit ang Undas gaya ng mga Halloween party at trick or treat para sa mga bata at maaring magkalakas ng loob ang ilan sa atin dahil sa patuloy na pagbaba ng mga kaso ng COVID-19 sa ating bansa,” wika ni PGen Eleazar.

“Kaya pinapayuhan natin ang ating mga kababayan na ipagpaliban muna ito o kaya naman ay gawing limitado sa inyong mga sariling tahanan dahil baka sa halip na trick or treat ay mauwi ito sa trip and treatment sa ospital kapag nahawa ang mga bata lalo pa at wala pa silang bakuna,” dagdag pa niya.

Kasunod nito, binalaan ni PGen Eleazar ang mga establisimyento na sundin ang mga patakaran o sila ay maipasara.

Inihalimbawa ng heneral ang sinalakay na bar ng mga lokal na opisyal sa Makati City dahil sa impormasyon na binabalewala ang mga health protocol at curfew hours kung saan, hindi rin nasunod ng bar ang itinakdang kapasidad at lumabas na wala rin itong permit.

Humigit kumulang 200 ang nabigyan ng ticket dahil sa kanilang paglabag ngayong nasa ilalim pa rin ng Alert Level 3 ang Metro Manila hanggang Oktubre 31.

Samantala, may apela ang Department of the Interior and Local Government (DILG) sa publiko, na huwag magsiksikan sa mga sementeryo sa pagbisita sa puntod ng kanilang mga mahal sa buhay ngayong panahon ng Undas.

Ayon kay DILG Undersecretary Epimaco Densing III, mas mainam na bisitahin na lamang nila ang kanilang mga mahal sa buhay, isang linggo bago o matapos ang Undas.

Aniya, mas madaling tupdin ang pinaiiral na minimum public health standards kung mas maagang bibisita sa mga puntod, bagay na aniya’y bentahe para makaiwas sa hawaan ng COVID-19 sa mga sementeryo.

Dagdag pa ng opisyal, lahat ng mga sementeryo sa bansa ay nakatakdang isara sa publiko pagsapit ng Oktubre 29 at tatagal hanggang Nobyembre 2 bilang bahagi ng contingency plan ng pamahalaan sa hangaring tuluyan nang masugpo ang COVID-19 transmission.

Sakop umano ng kautusan ang lahat ng mga pampubliko at pribadong sementeryo sa bansa, gayundin ang mga kolumbaryo, at memorial parks.

Paalala pa ni Densing sa publiko, ibayong ingat sa loob ng sementeryong kabilang sa mga pasilidad na may takdang 30% maximum venue capacity, batay na rin sa resolusyong ipinalabas ng Inter-Agency Task Force. (VERLIN RUIZ/LILY REYES)

Read More

PAG-APRUBA NG DOE SA CHEVRON-UDENNA DEAL DEPEKTIBO – SOLON

0

NANINDIGAN si Senador Win Gatchalian na base sa mga ebidensyang nakalap ng Senado, depektibo at hindi wasto ang ginawang pag-apruba ng Department of Energy (DOE) sa pagbenta ng 45% stake ng Chevron Malampaya sa Malampaya gas project sa Udenna group ni Dennis Uy.

“Sa aking opinyon, depektibo itong approval. Samakatuwid, hindi wasto ang pagsang-ayon ng DOE dito sa transaksyon dala ng maraming pabago-bago o magkakasalungat na pahayag. At para sa isang malaking transaksyong kagaya nito, dapat walang kalituhan. Sa halip na makapagbigay liwanag sa isyu, mas lalo kaming naguluhan sa naging pag-amin ng DOE na sila mismo ay nalito nang kanila itong suriin,” ani Gatchalian.

Ang pahayag na ito ng senador na ginawa sa pinakahuling pagdinig ng 2022 budget ng DOE ay matapos mapag-alaman mula kay Energy Secretary Alfonso Cusi na hindi kailangan ng bendisyon ng gobyerno ang paglipat ng shares ng Chevron sa UC Malampaya Philippines Pte Ltd. na pag-aari ng Udenna matapos itong isailalim sa pagsusuri base sa tinatawag nilang farm-in arrangement.

“Wala sa anomang dokumentong isinumite ng DOE na naging pamantayan ang argumentong farm-in rule. Simula pa noon, ang mga naunang mga pahayag ay kailangang aprubahan ito ng gobyerno batay sa prosesong nakalatag sa PD 87 at DC 2007,” giit ni Gatchalian.

Ang tinutukoy ng senador ay ang DOE Department Circular 2007-04-003 na naglalaman ng mga panuntunan at paraan na dapat sundin sa paglilipat ng rights and obligations sa mga petroleum service contracts na nakapaloob sa ilalim ng Presidential Decree 87.

“May mga naging pahayag ang DOE na hindi nila kailangang suriin at aprubahan ito ngunit ngayon ay inamin nila na inaprubahan nila ito noon gamit ang ibang pamamaraan. Nung binalikan ko ang mga dokumentong galing sa kanila, walang pagpapatunay sa sinasabi nilang gumamit ng ibang pamamaraan ang ahensiya sa pag-apruba ng naturang transaksiyon. Sa pagkakaalam namin, dumaan ito sa normal na proseso batay sa DC 2007,” sabi ng senador.

Hiningi ni Gatchalian ang paliwanag ni Cusi sa pagdinig ng budget ng DOE dahil sa nakalap ng Senate Energy Committee mula sa mga opisyal ng departamento noong Nobyembre 2020 kung saan sinabi nila na ang transaksyon ng Udenna at Chevron ay kailangang sang-ayunan ng DOE bago ito isapinal gaya ng nakasaad sa Section 11 ng PD 87.

Ito ang naging pahayag noon ni DOE Assistant Secretary Leonido Pulido na sinuportahan ng mga dokumentong isinumite ng ahensya sa Senado na nagsasabing ang paglipat ng shares ng mga nagmamay-ari sa Malampaya gas project ay kailangan ng pahintulot ng DOE bago isapinal ito. (ESTONG REYES)

Read More

LPA NAISPATAN SA PALAWAN; LUZON AT VISAYAS UULANIN

0

NAISPATAN ng Philippine Atmospheric, Geophysical and Astronomical Services Administration (PAGASA) ang isang low-pressure area (LPA) sa Palawan at inaasahang maghahatid ito ng mga pag-ulan sa ilang bahagi ng Luzon at Visayas.

Sa weather bulletin ng PAGASA kahapon, ang LPA ay huling namataan sa layong 205 kilometro ng West Northwest ng Puerto Princesa City, Palawan (10.6°N, 117.1°E).

Ayon sa PAGASA, ang naturang ‘weather disturbance’ ay maaaring maging isang ‘tropical depression’ sa loob ng 36 na oras habang ito’y kumikilos pakanluran at papalabas ng Philippine Area of Responsibility (PAR) sa pagitan kahapon ng gabi hanggang ngayong umaga.

“In the next 24 hours, moderate to heavy with at times intense rains are highly likely over Palawan, Aurora, Quezon, Camarines Provinces, and Catanduanes,” ayon sa state weather bureau.

Inaasahan rin ang pagkakaroon ng magaan at katamtaman na may manaka-nakang malalakas na pag-ulan sa Metro Manila, Cagayan Valley, Eastern Visayas, Caraga, at natitira pang bahagi ng Central Luzon, CALABARZON, MIMAROPA, at Bicol Region.

Sa ganitong kondisyon, sinabi ng PAGASA na posibleng magkaroon ng isolated rainshowers, pagbaha, at mga pagguho ng lupa dulot ng mga pag-ulan, partikular na sa mga lugar na highly-susceptible sa mga ganitong panganib.

Pinapayuhan ang publiko ng disaster risk reduction and management offices na magsagawa ng kaukulang hakbang at magbantay sa mga susunod pang update hinggil sa naturang sama ng panahon. (LILY REYES)

Read More