COVID-19 CASES SA PINAS, HIGIT 85K NA

SUMAMPA na sa mahigit 85,000 ang kaso ng COVID-19 sa Pilipinas, dalawang araw bago sumapit ang buwan ng Agosto.

Nabatid na nakapagtala ng mahigit 1,800 bagong bilang ng tinamaan ng naturang sakit sa bansa.

Sa press briefing, sinabi ni Health Undersecretary Maria Rosario Vergeire na sa huling datos ng Department of Health (DOH) alas-4:00 ng hapon nitong Miyerkoles, umabot na sa 85,486 ang
confirmed cases ng COVID-19 sa bansa.

Sa nasabing bilang, 56,528 ang aktibong kaso.

Nabatid na base sa mga ipinadalang datos ng 83 licensed laboratories, 1,874 ang bagong kaso.

16 naman ang iniulat na nasawi kaya mayroon nang 1,962 COVID-19 related deaths sa bansa.

Mayroon namang 26,996 total recoveries matapos madagdagan ng 388 ang mga gumaling sa bansa.

Inaasahan ang lalo pang pagtaas ng bilang ng mga tinatamaan ng sakit sa mga darating na araw.

Nauna nang inabiso ng DOH na nasa ‘danger zone’ ang mga health facility sa bansa sa dami ng mga nagkakasakit ng COVID-19.

Ito ay kahit pa tinaasan na ang dedicated beds para sa COVID-19 patients ng mga ospital sa buong bansa.

Noong Linggo, iniulat ng COH na 8,577 o 52.3% na ang okupado mula sa bagong total ng available COVID-19 beds.

“Nationally, malapit na ma-overwhelmed ang health system natin, mapapagod ang ating mga doktor, nurses at mga nag-aalaga sa atin sa ospital,” ani Vergeire.

Lumalabas na 107,508 ang bilang ng mga lisensyadong kama sa bansa. Galing sila sa 1,282 na mga ospital at 261 na infirmaries.

Ayon sa opisyal 49.6% na ang occupancy rate o bilang ng mga kama para sa mga COVID at non- COVID patients sa bansa ang okupado.

Kahapon, iniulat ng Health department na maging ang bed capacity sa mga temporary treatment and monitoring facilities sa bansa ay nasa warning zone na rin.

Ayon kay Usec. Vergeire, katumbas ito ng 30 hanggang 70-percent occupancy rate sa kama ng naturang mga pasilidad na hawak ng local government units. (D ANIN)

Read More

LOTTO MAGBABALIK SA AGOSTO 4

MAGANDANG balita sa mga suki ng lotto ang anunsyo ng Philippine Charity Sweepstakes Office (PCSO) na papayagan na muling magbukas ang kanilang mga lotto outlet sa Agosto 4.

Ayon kay Royina Garma, general manager ng PCSO, babalik din sa dating presyo na P20 kada taya ang lotto tickets.

Magkakaroon naman ang ahensiya ng “catch up” draws sa mga lotto tickets na nabili bago ang lockdown noong Marso 17.

Dagdag ng opisyal, papalo sa halagang P304 milyon ang jackpot prize para sa Ultra Lotto 6/58.

Samantala, tiniyak ng PCSO na mahigpit ding ipatutupad ang mga pag-iingat sa proseso ng pagtaya para maiwasan ang pagkalat ng coronavirus disease 2019 (COVID-19).

Nabatid na umabot sa halos P9 bilyon ang lugi ng PCSO dahil sa halos apat na buwang tigil- operasyon.

Positibo naman ang ahensya na mababawi ang kanilang pagkalugi at babalik ang dating kita pagsapit ng Disyembre o Enero sa susunod na taon. (DAVE MEDINA)

Read More

MURANG KURYENTE POSIBLE SA NUKLEYAR

NELSON S. BADILLA

HINILING ng Department of Energy (DOE) kay Pangulong Rodrigo Duterte noong Mayo 2018 na maglabas ng kautusan hinggil sa pagiging handa ng bansa sa planta nukleyar bilang “source” ng kuryente.

Ayon kay Asec. Gerardo Erguiza, napakalaki ng maitutulong ng nukleyar upang maging “mura” ang buwanang singil sa paggamit ng kuryenteng mula sa “maaasahang” pinagkukunan nito.

“With the need for cheaper, reliable power, nuclear is ideal,” diin ni Erguiza noong Mayo 2018. “It’s a template in successful economies,” pagtitiyak ng opisyal.

Sa kasalukuyan, “coal” ang pinanggagalingan ng kuryente ng mga negosyante at pangkaraniwang mamamayan sa iba’t ibang panig ng bansa.

Ang coal ay produkto ng mga naglalakihang mining companies.

Kumbinsido ang DOE na magiging mura at maaasahan ang kuryenteng kinuha mula sa nukleyar kaysa uling.

Ang Pilipinas ay mayroong 621-megawatt Bataan Nuclear Power Plant (BNPP) sa Morong, Bataan.

Noong 1976, ipinag-utos ni Pangulong Ferdinand Marcos ang pagpapagawa ng BNPP na ang layunin ay magkaroon ng tuluy-tuloy at maaasahang source ng kuryente.

Ibinatay ni Marcos ang kanyang desisyon sa madalas na pagkakaroon ng “energy crisis” Sa Pilipinas tuwing nag-aaway at nagkakagulo ang mga bansa sa Middle East (ME) dahil sa produksiyon ng langis na kailangan ng mundo.

Kapag sumiklab ang away ng mga bansa sa ME, siguradong tataas ang bayarin sa kuryente dahil limitado ang pinagkukunan ng kuryente ng Pilipinas noon.

Natapos ang BNPP noong 1984, ngunit hindi itinuloy ang paggamit nito kahit noon pang Pebrero 1986 wala sa estado poder si Marcos.

Hindi sinira ang BNPP ngunit, tinutustusan ito ng pamahalaan upang matiyak na maayos at maaasahan pa rin ito.

Noong 2018, P32 milyon ang nakalaang pondo para sa pagmimintina sa BNPP.

Ngayong Hulyo 2020, naglabas ng Executive Order (EO) si Duterte na nag-uutos na magbuo ng ahensiyang magsasagawa ng masusi at komprehensibong pag-aaral ukol sa nukleyar upang malaman kung totoong maaasahan at magiging mura ang buwanang singil sa kuryente. Pangungunahan ng DOE ang pag-aaral.

Read More

‘BODY SWITCHING’ SA BILIBID Bubusisiin sa Kongreso

NAIS alamin ng Kongreso ang katotohanan sa pangamba ng publiko na posibleng hindi ang mga high profile inmate partikular ang mga drug convict ang mga sinasabing namatay sa COVID-19 sa National Bilibid Prison.

Nabatid na lumutang ang anggulong bodyswitcing lalo na at na-cremate ang bangkay ng mga umano’y high profile inmate kaya pinagdududahan na nakalaya ang mga ito at hindi totoong namatay.

Mismong ang vice chairman ng House committee on justice na si Cagayan de Oro Rep. Rufus Rodriguez ang interesadong alamin kung may katotohanan ang espekulasyong ito ng publiko kayanagpatawag ito ng imbestigasyon.

“There were even reports of ‘body-switching, in which dead prisoners who are cremated due to COVID-19 are falsely identified so that high profile inmates could go free,” ani Rodriguez.

Lumutang ang mga espekulasyong ito matapos itago ng Bureau of Corrections (BuCor) ang impormasyon hinggil sa pagkamatay ng mga inmate matapos umanong dapuan ng COVID-19 ang mga ito.

Base sa mga report, 29 ang inmate na namatay sa COVID-19 simula Mayo 30 hanggang Hulyo 18, kung saan ang pinakahuling nasawi umano sa COVID-19 ay ang convicted carnapper at kidnapper na si Jaybee Sebastian at lahat ng bangkay ng mga ito ay agad na ipina-cremate.

“There are too many questions and mysterious circumstances surrounding the ‘death’ of these inmates and there is a need to look further and investigate the matter,” ani Rodriguez sa kanyang House Resolution (HR) 1090.

Maging ang Mabakayan Bloc sa Kamara ay naghain na rin ng resolusyon para imbestigahan ang misteryo sa Bilibid dahil hindi makapaniwala ang mga ito na nagkaroon ng hawaan sa COVID-19 lalo na sa hanay ng mga high profile inmate.

“Whereas, some of the reported infected inmates came from Bulding 14, a high secured facilitiy for high-profile prisoners. Building 14 has less inmates, separate cells, and better distancing than the general prison population, yet, has a highest reported percentage of infections and deaths,” nakasaad sa HR 1075 ng Makabayan bloc. (BERNARD TAGUINOD)

Read More

Death penalty ipasa bago bumaba sa poder si PDu30 LUTUAN NG SHABU SA PINAS, DADAMI

NANGANGAMBA ang isang mambabatas sa Kamara na babalik ang international syndidate sa Pilipinas para dito magluto ng shabu kapag nawala na sa kapangyarihan si Pangulong Rodrigo
Duterte.

Dahil dito, nais ni House committee on dangerous drug chairman Robert Ace Barbers na maibalik ang parusang kamatayan habang nasa posisyon pa si Duterte dahil ito lamang ang pipigil sa mga
sindikatong ito na gawing haven ang Pilipinas.

“Hindi matatakot ang mga sindikato na pumasok dito at dito mag-manufacture ng mga shabu para ibenta sa loob at labas ng ating bansa…magiging haven ang bansa ng malalaking sindikato ng droga sa US, Europe at Asia,” ani Barbers.

Ayon sa mambabatas, nabuwag ni Pangulong Duterte ang shabu laboratory ng mga international drug syndicate sa Pilipinas nang maupo ito kaya ipinadadala na lamang ng mga ito sa bansa ang
kanilang ilegal na epektos.

Gayunpaman, sinabi ni Barbers na kapag nawala si Duterte sa Malacañang ay posibleng muling magtayo ng laboratoryo ang mga international syndicate sa Pilipinas.

“Kaya kailangan natin magkaroon ng death penalty dahil kung hindi babalik ang mga iyan dahil wala silang kinatatakutan eh,” ayon pa sa mambabatas na kabilang sa 13 congressmen na
nagsusulong sa pagbuhay sa parusang kamatayan.

Noong Lunes, hiniling ni Duterte sa Kongreso na ipasa na ang nasabing panukala upang matigil ang problema sa ilegal na droga kung saan nais nito na mabitay sa pamamagitan ng lethal injection ang mga sangkot dito. (BERNARD TAGUINOD)

Read More

P1.6-B LOAN CONDONATION SA LOPEZ COMPANIES HIHIMAYIN SA KONGRESO

PINAIIMBESTIGAHAN ni ACT-CIS partylist Rep. Eric Go Yap at ilan pang mambabatas ang Development Bank of the Philippines (DBP) dahil sa umanoy loan condonation o utang na hindi na pinabayaran na aabot sa P1.6 bilyon pabor sa mga kumpanya na pag-aari ng pamilya Lopez.

Ayon kay Yap, myembro ng legislative franchise committee, nadiskubre ang naturang condonation o write-off  ng naturang halaga base na rin sa mga isinumiteng dokumento ng ABS-CBN sa isinagawang pagdinig sa kongreso ukol sa kanilang prangkisa kamakailan.

“Kung totoo ito, napakalaki ng nawalang pera sa pamahalaan, at napakalaking kalugihan nito sa ating gobyerno. Kaya hindi dapat ito palampasin at agad na maimbestigahan,” ani Yap.

Giit pa ng mambabatas kaya nila ipinatawag ang imbestigasyon sa Kongreso ay para pagpaliwanagin ang DBP ukol sa isyu.

“HIndi natin nais gipitin ang pamilya Lopez, ang gusto namin ay lumabas kung ano ang katotohanan dito, kaya nga ipapatawag natin ang DBP para linawin ang tungkol dito,” ani Yap.

Ayon sa mambabatas, sosobra sa P1.6 billion ang halaga na sumailalim sa loan condonation na pinakinabangan ng Benpres Holdings Corp. (ngayon ay Lopez Holdings Corp.) na siyang nabigyan ng pinakamalaking rights sa mga ABS-CBN corporation shares. Nakinabang din daw ang iba pang kumpanya ng mga Lopez sa naturang condonation.

“Maraming pwedeng paggamitan ang P1.6 billion na dapat sana ay napakinabangan ng publiko lalo na ngayong panahon ng pandemya,” dagdag pa ni Yap.

Bukod sa mga kinatawan ng DBP, inatasan din ni Yap ang mga ito na dalhin ang lahat ng kaukulang dokumento ukol sa nasabing loan condonation. (CESAR BARQUILLA)

Read More

SERBISYONG PANGKALUSUGAN GAWING DIGITAL – CITIZEN WATCH PHILIPPINES

NANAWAGAN ang isang consumer group para sa digital transformation ng health care sector upang mapunan ang malaking patlang sa paghahatid ng medical services sa mamamayang Filipino sa gitna ng COVID-19 pandemic.
Sa isang statement, sinabi ng Citizen Watch Philippines na ang  “digital transformationl” o ang paglipat sa online
ng mga serbisyong pangkalusugan ng Philippine health sector ay magbibigay-daan para maging mas episyente at ‘accessible’ ang mga serbisyo sa mamamayan ‘tulad ng medical, dental
at mga konsultasyon sa doktor.
“To effectively address these life-threatening problems, the health sector must immediately shift to digital platforms as a safe, convenient, and reliable tool for delivering health care services to patients,” wika ni CitizenWatch Philippines convenor Orlando Oxales.
Ayon kay Oxales, sa pamamagitan ng telemedicine at iba pang digital solutions, ang mga pasyente ay hindi na mapipilitang ipagsapalaran ang pakikiharap sa ibang tao at ang posibleng pagkahawa kapag pisikal silang bumisita sa isang medical institution ng isang ahensiya ng gobyerno.
“Instead, services such as clinical consultation become accessible from home,” sabi pa niya.
“integrating innovative technologies is critical in implementing health laws such as the Universal Health Care and National Integrated Cancer Control Act”.
Binigyang-diin niya na ang paglipat sa cloud-based technologies ay magpapalakas sa public health care system na makabubuti sa buong health care ecosystem na may mga kalutasan para sa big data analytics, on-demand healthcare, virtual reality, artificial intelligence tools for treatment, blockchain technology for electronic health records, at iba pang applications na nararapat na accessible sa pamamagitan ng mobile networks.
Partikular na ipinanawagan ng  CitizenWatch Philippines sa pamahalaan ang pag-aalis ng bureaucratic barriers na pumipigil sa pagtatayo ng digital infrastructure sa loob ng maraming dekada.
“Public investment in digital infrastructure complemented with the right partnerships with the private sector and health care stakeholders is the whole-of-society approach we need to overcome our health crisis,” paliwanag ni Oxales.
Tinukoy rin ng grupo ang pangangailangan na ganap na ipatupad ang Ease of Doing Business (EODB) law at permanenteng buwagin ang bureaucratic barriers sa national at local levels.
Hiniling din ng CitizenWatch Philippines sa pamahalaan na payagan ang telecom industry na tumulong sa pagtatayo ng future-proof digital infrastructure network upang matugunan ang fast-growing demand ng digitized society na iniuugnay ang lecosystems ng gobyerno, private industries, at consumers sa cloud-based services na ‘secure, stable and fast’.
“All these can only be possible if we have a robust nationwide and future proof digital infrastructure that will deliver fast broadband services,” sabi ni Oxales.
Read More

ECLEO NALAMBAT NG NCRPO

NAARESTO ng tropa ng National Capital Region Police Office (NCRPO) ang most wanted na dating kongresista na si Ruben Ecleo at kanyang driver sa operasyon sa Diamond Subd., Balibago, Angeles, Pampanga.

Ikinasa ng tropa ni Col. Randy Glenn G. Silvio, officer-in-charge ng NCRPO Regional Mobile Force Battalion

ang operasyon laban sa wanted na dating kongresista dakong alas-4:30 ng umaga kanina.

Sa ulat, nauna nang isinailalim sa surveillance ng NCRPO Intelligence Unit si Ecleo na natunton kasama ang kanyang driver na si Benjie Relacion Fernan, alyas “Smile”, sa nasabing subdibisyon sa Pampanga.

Kasamang dinakip si Fernan dahil sa pagkanlong kay Ecleo.

Sa report ni NCRPO Director MGen Debold Sinas kay PNP Chief PGen. Archie Francisco Gamboa, ang pag-aresto kay Ecleo ay batay sa bisa ng warrant of arrest para sa kasong paglabag sa Sec 3

(e) of RA 3019 “Anti-Graft and Corrupt Practices Act” na inisyu ng 1st Division ng Sandiganbayan.

Ang dalawang suspek ay dinala sa NCRPO, Camp Bagong Diwa, Bicutan, Taguig City para sa interogasyon.

Si Ecleo ang number 1 sa most wanted reward list ng DILG na may patong na 2 milyong piso para sa kanyang ikadarakip. (SAKSI NEWS TEAM)

Read More

MAFIA SA PHILHEALTH BUWAGIN Bago maubos ang pondo

KAILANGANG paspasan na ng Kongreso ang paggawa ng batas para i-overhaul ang Philippine

Health Insurance Corporation (PhilHealth) na bubuwag sa mafia bago pa man nila maubos ang

pondo ng nasabing state insurance firm.
Ito ang iginiit ni Bayan Muna party-list Rep. Carlos Zarate dahil mistulang wala umanong indikasyon

na titigil ang mafia sa panggagatas sa pondo ng mamamayan para sa kanilang kalusugan.
“Kailangan [ngayong] pagbubukas ng second regular session ay seryosohin ‘yan [katiwalian]

otherwise mababangkarote ang PhilHealth na ‘yan sa pondo na kailangan natin,” ani Zarate.
Ang PhilHealth ay mayroong assets na mahigit P225 Billion at kung magpapatuloy aniya ang

katiwalian dito ay malamang na ubusin ito ng mafia kung hindi sila mapigilan at maparusahan.
Ayon sa mambabatas, mas kailangan ngayon ng mamamayan ang pondong ito sa panahon ng krisis

sa kalusugan kaya dapat bilisan aniya ang pagbuwag sa sindikato.
Muling nasa gitna ng kontrobersya ang PhilHealth nang mag-resign ang tatlong opisyal kabilang na

ang anti-fraud chief na si Atty. Thorrsson Montes Keith matapos magkaroon ng mainitang pagtatalo

dahil sa ginagawa nitong imbestigasyon sa katiwalian sa kanilang tanggapan.
Huling nagkaroon ng kontrobersya sa PhilHealth nang sumabog ang ghost dialysis patient sa

WellMed Dialysis Center sa Quezon City na hanggang ngayon ay wala pa umanong naparurusahan.
Wala rin umanong nangyari  at hindi naparusahan ang mga nasa likod ng cataract operation scam,

pneumonia scam at iba pa na daan-daang bilyong piso ang sangkot na halaga.
Dahil dito, sinabi ni Zarate na lalong lumalakas ang loob ng mga sindikato sa PhilHealth dahil alam

nilang hindi sila mahuhuli at maparurusahan sa kanilang pagnanakaw sa pondo ng bayan.
Kinonsensya naman ni Marikina Rep. Estella Quimbo ang mga taong nasa likod ng katiwalian sa

PhilHealth dahil ginagawa nila ito sa panahon na kailangan na kailangan ng mamamayan ang

pondo para mapagamot ang kanilang karamdaman.
“Napakabigat na kasalanan ‘yan,” ani Quimbo kaya muli nitong iginiit na triplehin ang parusa sa

mga tiwali sa nasabing state insurance firm. (BERNARD TAGUINOD)

Read More
error

FOLLOW US ON: