OFWs SA MIDDLE EAST PINABABANTAYAN

(NI NOEL ABUEL)

HINDI dapat ituon lamang ng gobyerno ang contingency plan nito para mailikas ang mga overseas Filipino workers (OFWs) na nakabase sa Iran at Iraq kung patuloy na lumala ang tensyon sa pagitan ng Estados Unidos at Iran.

Ito ang sinabi ngayon ni Senador Imee Marcos sa harap ng banta ng Iran na gagantihan nito ang Amerika at mga kaalyado nitong bansa sa Middle East bunsod ng pagkakapatay sa top military leader nito na si Qasem Soleimani sa isinagawang US air strike noong Biyernes sa Baghdad, Iraq.

“Hindi dapat tayo nakatali lang sa kung anong magiging kalagayan ng ating mga kababayan sa Iran at Iraq lamang.  Sa anumang gagawing hakbang ng ating pamahalaan, hindi ito dapat nakasentro lang sa Iran at Iraq. Mas dapat natin bigyang pansin ang magiging kaligtasan ng milyon nating kababayang OFWs sa buong Middle East,” sabi ni Marcos.

Aniya, mahigit kalahati ng bilang ng mga OFWs sa buong mundo ay nakabase sa Middle East, at mayorya nito ay nasa Saudi Arabia na may 500,000, habang nasa 300,000 naman ang nasa United Arab Emirates at tig-100,000 naman sa Kuwait at Qatar, base na rin sa datos ng Philippine Statistics Authority noong 2018.

Nasa 30,000 Pinoy workers ang nasa Israel habang tig-10,000 lamang ang nasa Iraq at Iran.

“Nakaamba ngayon ang mga retaliatory attacks sa mga lugar kung saan naroroon at malakas ang pwersa ng Estados Unidos, at ang masaklap nito, naroroon din sa mga bansang iyon ang libu-libo nating mga OFWs,” pahayag pa ni Marcos.

Ayon sa datos ng International Crisis Group at ng Federation of American Scientists, tinatayang nasa tig-13,000 US troops ang nasa Kuwait at Qatar habang 6,000 sa Iraq, 5,000 sa UAE at 3,000 sa Saudi Arabia.

“Bigyan din natin ng pansin ang ating mga Filipino seafarers na nagtatrabaho sa mga oil tankers, hindi lang ang mga land-based OFWs, dahil ang tension na nangyayari sa Middle East ay may kaugnayan din sa economic sanctions na ipinataw ng US laban sa Iran,” dagdag pa ni Marcos.

 

 

Please follow and like us:
Read More

TAX-FREE OVERTIME PAY IGINIIT SA SENADO

(NI DANG SAMSON-GARCIA)

BINUHAY ni Senate President Pro Tempore Ralph Recto ang panukala nito na gawing tax- free ang overtime pay ng mga government at private sector workers.

Sa panukala ni Recto, nais nitong amyendahan ang tax code upang maisama sa mga tax-exempt items ang overtime pay.

Aminado ang mambabatas na magdudulot ito ng kabawasan sa kita ng gobyerno subalit mas maraming income naman anya ang matatanggap ng mga manggagawa na kinalaunan ay gagamitin nila sa panggastos.

“This, in turn, would trigger demand for more goods and services thereby stimulate activities in the industrial and service sectors and eventually generate more taxes,” paliwanag ng senador.

Sa kanyang Senate Bill No. 601, inaasahan ni Recto na 26.7 milyong wage at salary workers mula sa private at public sectors ang makikinabang.

“An employee who renders overtime work puts in additional hours of work and requires greater physical and mental effort. Instead of being able to rest early and spend more time with the family, the employee is forced to extend the working hours to achieve the organization’s goals. Thus, it is only fitting that the employee is properly compensated for additional work hours rendered,” diin ni Recto.

Sa ilalim ng Labor Code, nakasaad na walong oras lamang ang dapat na trabaho ng mga manggagawa sa loob ng anim na araw.

Kung sosobra sa walong oras, magbabayad ang employer ng 25 percent ng his regular wage ng manggagawa at kung bumagsak ito sa holiday o rest day, dagdag pang 30% ang tatanggapin.

 

Please follow and like us:
Read More

DOH DOBLE-INGAT SA MISTERYOSONG SAKIT

DOBLENG pag-iingat ang ginagawa ng Department of Health laban sa mga biyahero mula China kung saan isang sakit na misteryoso pa ang pinagmulan – na may sintomas ng pneumonia – ang tumama sa halos 60 katao.

Gumagamit ang health officers sa airport ng thermal scanners sa mga pasaherong galing ng China, na kailangng sumailalim sa physical examination at quarantine kung may sinat, ubo at sipon ang mga ito, ayon kay DOH spokesperson at Undersecretary Eric Domingo.

“Medyo doble-ingat lang naman po tayo. Basta po galing China, mas tutok lang ang ating mga thermal scanner,” sabi nito sa radio DZMM.

Ang impeksiyon ay unang naireport sa Wuhan, isang lugar sa central China,  na may populasyon ng mahigit sa 11 milyon.

Nagkaroon din ng ispekulasyon na posibleng ang nakahahawakang SARS ang sakit na namumbalik at pumatay sa daan-daang katao mahigit isang dekada na ang nakalilipas.

Gayunman, itinanggi na ito ng China at pinarusahan na ang walo katao na naglathala ng balita nang walang pahintulot sa kanilang health department.

Ang mga pasyente ay pawang nilalagnat at ilan sa mga ito ay naninikip ang dibdib. Sa chest radiographs ay makikita ang ‘sugat’ sa mga baga.

Malubha ang mga pasyente ngunit wala pang naiuulat na namamatay.

Para maiwasan ang sakit, pinayuhan na iwasan ang lugar na maraming tao, magsuot ng face mask, dalasan ang paghugas ng kamay, ayon pa kay Domingo.

Please follow and like us:
Read More

5.4 LINDOL YUMANIG SA DAVAO ORIENTAL

NIYANIG ng magnitude 5.4 na lindol ang southern province ng Davao Oriental, madaling araw ng Lunes kung saan inaasahan ang aftershocks, ayon sa Phivolcs.

Bandang alas-3:00 ng madaling araw nang maramdaman ang pagyanig 72 kilometers southeast ng Governor Generoso town, ayon pa sa Phivolcs.

May lalim na 50 kilometers, ang lindol ay naramdaman na ‘parang may nagdaan na mga truck’, ayon kay Governor Generoso.

Habang inaasahan ang aftershocks, hindi naman ito makalilikha ng pinsala.

Noong Disyembre, niyanig ng 6.9 magnitude quake ang katabing Davao del Sur na ikinasawi ng 11 katao at nakasira sa may 14,000 kabahayan.

Please follow and like us:
Read More

PAGTAKAS NG MGA AMPATUAN POSIBLE – SOLON

(NI BERNARD TAGUINOD)

HINDI isinaisantabi ni Maguindanao Rep. Esmael ‘Toto’ Mangudadatu ang posibilidad na tatakas ang mga pangunahing suspek sa Maguindanao massacre lalo na si Zaldy Ampatuan.

Ginawa ni Mangudadatu ang pangamba matapos muling hilingin ni Zaldy sa Korte na payagan siyang sumailalim sa therapy, rehabilitation at medication matapos umano itong ma-stroke.

Sinabi ng kongresista na hindi siya tutol sa pagpapagamot ni Zaldy subalit kailangang mag-ingat umano ang Korte dahil kapag nakatakas umano ito ay mahirap na itong mahuli.

“My 10-year court battle with this family showed me how devious and calculating they are. Hindi malayong isipin nila ang option na tumakas. Pag nangyari yun, magiging napakahirap na para sa ating kapulisan na mahuli silang muli,” ani Mangudadatu.

Bago nasentensyahan si Zaldy at iba pang Ampatuan at mga tauhan ng mga ito ng habambuhay na pagkakabilanggo noong Disyembre 19, 2019, ay 40 araw ito sa Makati Medical Center.

Ibinalik lamang ito sa kulungan noong Disyembre 18, matapos itong iutos ni Quezon City Regional Trial Court (QCRTC) Presiding Judge Jocelyn Solis-Reyes para basahan ng sentensya.

Lalong duda si Mangudadatu dahil ihinain umano ang urgent motion ni Zaldy noong Disyembre 23, 2019  para ilipat ito sa New Bilibid Prison (NBP) infirmary  subalit Enero 2, 2020 na ito isinapubliko.

“That alone, raises suspicion. I can only hope that I am wrong for my sake and for the sake of the families who lost their loved ones in the massacre,” ayon pa sa kongresista.

 

Please follow and like us:
Read More

WSC 2020 MAY TRIBUTE KAY RAY ALEXANDER

(NI DENNIS IÑIGO)

MAGSISIMULA na naman ang pinakaaabangang “Olympics of Sabong” o World Slasher Cup 2020 ngayong buwan.
Ang taunang 9-cock invitational international derby ay papagaspas sa Enero 20 hanggang 26 sa makasaysayang Smart Araneta Coliseum, bagong rebranded na Araneta City sa QC.

Sa taong ito, maliban sa tagisan ng mga pinakamahuhusay na local at international fowl fighters at cockers sa ruweba, bibigyan din ng tribute ang kinikilalang legendary gamefowl breeder na si Ray Alexander.

Si Alexander na namayapa noong Hulyo 2019 sa edad na 82 ay isa sa nagpasimula sa World Slasher Cup noong dekada 70. Siya rin ang kumimbinsi sa ilang American fighters at breeders na magtungo sa Pilipinas at sumali sa WSC.

Inaasahan naman na muling hahataw ang WSC champs noong nakaraang taon na Thunderbird 1 nina Nene Araneta at Frank Berin, at RC Warriors JD nina Rey Cañedo at Jun Durano.

Tatangkain din depensahan ni WSC 1 2019 solo champ Cris Copas ng Kentucky, USA at partner Claude Bautista ng CPB Group of Mindanao ang kanilang titulo.

Hindi rin pahuhuli ang WSC veterans at dating mga kampeon na sina seven-time champ Patrick “Idol” Antonio, Escolin brothers, mediaman Rey Briones, Magno Lim at Gerry Tesorero.

Kinilala bilang “Olympics of Sabong”, tampok sa World Slasher Cup ang mga pinakapili at pinakamahuhusay na breeds at bloodlines ng winged warriors mula sa fowl farms sa Pilipinas at iba’t ibang bansa.

Sa mga interesadong sumali sa WSC 2020, maaari pa rin magparehistro ng entries sa pamamagitan ng www.worldslashercup.ph o tumawag sa WSC Derby Office sa telepono (8)588-8227 o (8)911-2928.

Para sa karagdagang impormasyon at updates, sundan ang WSC Facebook page @worldslashercup2020, o bisitahin ang kanilang website www.worldslashercup.ph o mag-email sa worldslashercupofficial@gmail.com.

Please follow and like us:
Read More

113 EKTARYANG KAGUBATAN MASISIRA SA KALIWA DAM

kaliwa dam33

(NI BERNARD TAGUINOD)

TINATAYANG aabot sa 113 ektaryang kagubatan ang masisira sa sandaling ituloy ng gobyerno ang pagpapatayo ng Kaliwa Dam na popondohan ng China sa halagang P12.5 Billion.

Ito ang napag-alaman sa Bayan Muna party-list group sa Kamara na mahalaga sa kalikasan lalo ngayong lumalala ang climate change, hindi lamang sa Pilipinas kundi sa buong mundo.

“The construction of the Kaliwa Low Dam will destroy 113 hectares of forest reserves within the already critical Kaliwa Watershed,” ayon kina Bayan Muna chairman Neri Colmenares at Rep. Eufemia Cullamat.

Hindi pa kasama dito ang may 192,985 ektaryang  ancestral domain ng mga katutubong  Dumagat at Remontados sa  General Nakar, Quezon province, Dingalan, Aurora province, Tanay, Rizal province at bahagi  ng  Santiago sa Laguna province.

Dahil dito, inaasahang mapapalayas aniya ang may  9,497 Dumagat at Remontados sa kanilang ninuno at tiyak din na maaapektuhan umano ang mga may 56,665 mamamayan sa General Nakar at Infanta sa  Quezon province at Rizal partikular na sa  Tanay at Teresa.

“We are also concerned about possible flooding of low-lying areas should the dams need to release excess water in times of heavy rains especially with the impact of climate change wreaking havoc in our weather system,” ayon pa kay Colmenares.

Dahil dito, ilalaban umano ng mga ito na huwag matuloy ang nasabing proyekto kahit nagbabala na si Pangulong Rodrigo Duterte sa mga Korte na huwag pakiaalaman ang Kaliwa Dam.

Nangangahulugan na kukuwestiyunin pa rin ng nasabing grupo ang nasabing proyekto sa Korte dahil sa paniniwalang hindi ito kailangan para matiyak na magkaroon ng sapat na supply ng tubig sa Metro Manila dahil marami aniyang pagkukunan ng tubig kung gugustuhin lamang ng mga ito.

“Marami pa namang ibang paraan para madagdagan ng tubig ang Metro Manila tulad ng Wawa dam at Laguna Lake pero ang Kaliwa dam ang pinagpipilitan. Mukhang may mga kikita kasi sa deal na ito pero mamamayan na naman ang tatamaan,” ayon kay Cullamat.

Please follow and like us:
Read More

GIIT SA KAMARA: DH SA ABROAD HANGGANG 2025 NA LANG

(NI BERNARD TAGUINOD)

NANGANGARAP ang Mababang Kapulungan ng Kongreso na hindi na magpapadala ang Pilipinas ng mga unskilled workers sa ibang bansa dahil naabuso ang mga ito lalo na ang mga House Service Workers (HSW) o Kasambahay.

Sa isang panayam kay House labor committee chairman Eric Pineda, isiniwalat nito na may plano ang gobyerno na sa loob ng 5 taon ay ititigil na ang pagpapadala ng HSWs.

“I think we have a plan that after 5 years (na hindi na magpapadala ng HSWs),” ani Pineda subalit hindi nito nagbigay ng karagdagang impormasyon ukol planong ito ng gobyerno.

Ginawa ni Pineda ang nasabing pahayag kasuno ng pagkamatay ni Jeanelyn Villavende sa kamay ng kanyang employer sa Kuwait kahit may kasunduan na ang Pilipinas at ng nasabing bansa na protektahan ang kapakanan ng mga OFW.

Hindi aniya malayong mangyari ang pangarap na ito ng bansa lalo na’t gumaganda aniya ang takbo ng ekonomiya kaya tiyak na dadami ang mga trabaho sa Pilipinas sa mga susunod na mga panahon.

Sinabi ng mambabatas kaya napipilitan ang mga OFWs na umalis ng bansa at makipagsapalaran sa ibayong dagat ay dahil wala silang makitang trabaho at maayos na suweldo sa Pilipinas.

“Kung marami tayong trabaho dito sa atin, talagang hindi aalis ang mga iyan,” ayon pa sa kongresista.

Samantala, hihilingin umano ni Pineda sa liderato ng Kamara para payagan ang mga ito na magsagawa ng imbestigasyon sa pagkamatay ni Villavende upang alamin kung ano ang nangyari sa kasunduan ng Pilipinas at Kuwait.

Magugunita na nagkaroon ng kasunduan ng dalawang bansa para sa proteksyon ng mga OFWs sa Kuwait matapos patayin at ilagay sa freezer ng kanyang amo ang OFW na si Joanna Demafelis.

 

Please follow and like us:
Read More

MAINE AT ARJO NAMBULABOG NG NETIZENS

olea(NI JERRY OLEA)

NABULABOG  ang netizens sa pagta-Tala Challenge ng magkasintahang Maine Mendoza at Arjo Atayde sa Twitter.

Wish ko lang na mainit pa rin ang suporta ng fans ni Maine. Disappointing kasi ang box office results ng recent movies niya na Isa Pa, With Feelings at Mission Unstapabol: The Don Identity.

OK lang ba iyon kay Maine, basta maligaya siya sa piling ni Arjo? Kaya niyang harapin maging ang pagiging Bituing Walang Ningning, o ang Bukas, Luluhod Ang Mga Tala Challenge.

Please follow and like us:
Read More