PORK BARREL SA KAMARA GAGAMITING PONDO SA 3 GOV’T PROJECTS

(NI NOEL ABUEL)

MAY magagamit nang pondo para sa implementasyon ng National ID, Universal Health Care at Quality Tertiary Education sa 2020.

Ito ang sinabi ni Senador Panfilo Lacson kung saan kabilang sa umano’y maaaring pagkuhanan ng pondo ng tatlong maituturing na ‘landmark’ na programa ng kasalukuyang administrasyon ang pork barrel at mga duplicative projects na isiningit ng ilang kongresista sa P4.1 trillion national budget.

“The National ID system needs at least P5.565 billion in 2020 to cover the registration of some 14 million Filipinos and resident aliens. But the proposed 2020 budget presently allocates only P2.4 billion under the unprogrammed fund for it. This amount covers only 6.3 million Filipinos,” pagsisiwalat ng senador.

Sinabi pa ni Lacson na isa rin sa nakikita nitong maaaring pagkuhanan ng pondo ang National Greening Program ng Department of Environment and Natural Resources (DENR) at ng Department of Public Works and Highways (DPWH)

“There are many items in the 2020 budget that can be realigned for the National ID. One of them is the National Greening Program of the Department of Environment and Natural Resources,” banggit pa ni Lacson.

Mahigit 100 milyong Pinoy ang makikinabang sa national ID na tinatayang ganap na maipapatupad sa loob ng apat na taon kung aayudahan ng sapat na pondo, ani Lacson.

Please follow and like us:
Read More

CHIARA MAY PERMENTILLA: VOLLEYBALL, TULAY SA MGA PANGARAP

(NI ZIA A. JINGCO)

HINDI na bago sa mga magulang ang mangarap para sa kanilang mga anak. Sabi nga ng marami, walang magulang ang naghangad ng hindi maganda para sa kanilang mga anak.

Alam ito ni Adamson Lady Falcons’ Chiara May T. Permentilla kaya’t hindi siya nagdalawang-isip na sundin ang gusto ng kanyang ina–ang maging volleyball player at magtapos ng pag-aaral.

Tubong Lipa City, Batangas, nasa second grade ang nag-iisang babae sa tatlong magkakapatid nang magdesisyon ang kanyang pamilya na pansamantalang manirahan sa Tuscan capital of Florence, Italy. Nasa third o fourth grade na siya nang himukin siya ng kanyang ina, na isang dating volleyball player, na subukan ang naturang sports para makatapos siya ng pag-aaral.

Pagsapit ng fifth grade ay nakikipagsabayan na si Chiara May sa mas matatangkad at malalaking volleyball players sa kanilang school. Ngunit biglang nagdesisyon ang kanyang pamilya na bumalik sa Pilipinas.
Sa Canossa Academy Lipa na niya tinapos ang kanyang high school. Sa De La Salle Lipa naman siya nagkolehiyo kung saan ay itinuloy niya ang paglalaro ng volleyball.

Sa isang araw na liga na ginanap sa kanyang alma mater na Canossa, nagkataong nakalaban ni Chiara May ang team ni Cherry Macatangay, dating player na naging assistant coach ng Lady Falcons at alumna ng naturang high school.
Hinikayat ni Macatangay si Chiara May na mag-try out sa Adamson. At matapos ang mahaba-habang pag-iisip, nagdesisyon siyang subukan ang inaalok ng una.

Ngayon ay tatlong taon nang miyembro ng Lady Falcons ang BSBA Marketing Management student na si Chiara May, na patuloy na nagsisikap upang maabot ang pangarap ng ina para sa kanya.

“I’d do anything to make them (my family) proud,” aniya. Of course, I won’t be a player my whole life, kaya gusto kong makatapos ng pag-aaral.”

Dagdag pa niya: “Dream big and focus on your priorities. Trust God and His timing, and never question your capabilities as a player.”

Please follow and like us:
Read More

VIETNAM ASAM ANG TOP 3 FINISH

(NI JEAN MALANUM)

TARGET ng Vietnam na manalo ng 70 hanggang 72 gold medals para makasama sa Top 3 overall sa 30th Southeast Asian Games na idaraos sa bansa mula Nobyembre 30 hanggang Disyembre 11.

Umaasa ang 568 atleta na kasama sa 856-member Vietnamese contingent na makakakuha ng gold medals sa athletics (12-14), cycling (1), fencing (3), football (2), gymnastics (5), judo (2), karate (6),  swimming (11),  taekwondo (3), weightlifting (1-2) at wrestling (8).

Ang iba pang sports na sasalihan ng Vietnam ay archery, arnis, aerobics (gymnastics), badminton, basketball, billiards, bowling, boxing, canoeing, chess, dance sport, diving, esports, golf, handball, jiujitsu, kickboxing, kurash, muay, pencak silat, petanque, rhythmic gymnastics, rowing, sambo, sepak takraw, shooting, skateboarding, table tennis, tennis, triathlon, volleyball at wushu.

Sa ginawang send-off ceremony para sa delegasyon noong Sabado sa Hanoi, pinuri ni Vietnam Culture, Sports and Tourism Minister Nguyen Ngoc Thien ang determinasyon ng kanilang mga atleta sa pagsasanay upang makasiguro na magiging maganda ang kanilang performance sa SEA Games na gagawin sa Pilipinas sa ikaapat na pagkakataon.

Hinimok rin ng ministro ang mga atleta na gawin ang kanilang makakaya para mabigyan ng karangalan ang bansa dahil sa ang susunod na edisyon ng SEA Games ay gagawin sa Hanoi.

Sa 2017 SEA Games na ginanap sa Kuala Lumpur, Malaysia ay nagwagi ng 59 golds, 49 silvers at 60 bronzes ang Vietnam para makuha ang pangatlong pwesto sa likod ng host Malaysia (145 golds, 92 silvers at 86 bronzes) at Thailand (72 golds, 86 silvers at 88 bronzes).

Ang 30th SEA Games ay tinaguriang pinakamalaki sa history ng kumpetisyon dahil sa meron itong 56 sports na tinatampukan ng 530 events.

Mapapanood ang mga laro nang live sa Facebook, YouTube at 2019 SEA Games official website.

Please follow and like us:
Read More

ATENEO BACK-TO-BACK CHAMP

GUMAWA ng kasaysayan ang Ateneo Blue Eagles nang magkampeon na may perpektong kartada sa UAAP Season 82 men’s basketball finals sa Mall of Asia Arena kahapon.

Winalis ng Blue Eagles ang UST Growling Tigers nang talunin ito sa iskor na 86-79 sa Game 2 ng kanilang best-of-three finals series.

May perpektong 16-0 ngayong season ang Ateneo, itinuturing na “most dominant campaign” sa buong collegiate basketball.

Bumida para sa Blue Eagles si Thirdy Ravena na umiskor ng 17 puntos, kabilang ang walo sa huling quarter, bukod sa pitong rebounds at limang assists.

Si Ravena rin ang tinanghal na Finals MVP.

Tinangka ng UST na makabawi mula sa kanilang 91-77 pagkatalo sa Game 1 noong Sabado, ngunit sa huli ay hindi na rin nito kinaya at nanaig pa rin ang ngayo’y  three consecutive champ Ateneo. (PHOTO BY MJ ROMERO)

Please follow and like us:
Read More

4-DAY WORK WEEK SUBUKAN NGAYONG DECEMBER — SOLON

4-DAY WORK WEEK

(NI BERNARD TAGUINOD)

PINASUSUBUKAN ng isang mambabatas sa Mababang Kapulungan ng Kongreso sa mga employers at maging sa gobyerno  ang 4- Day work week scheme dahil hindi lamang ang mga manggagawa umano ang makikinabang kundi ang mga negosyante at estado.

“Subukan lang natin po for the month of December. Pagbigyan po natin ang mga empleyado na napakaraming oras ang nauubos sa traffic-oras na dapat ay para sa pamilya,” ani House minority leader Bievenido Abante sa press conference nitong Miyerkoles.

Ayon sa mambabatas, hindi dapat matakot ang mga empleyado lalo na ang mga arawan, sa 4 day work week dahil hindi umano mababawasan ang kanilang sahod tulad ng kanilang kinatatakutan.

Sinabi ng mambabatas, na buong-buo ang sahod ng matatanggap ng mga empleyado kahit apat na araw lang sila papasok dahil madaragdagan ang oras ng kanilang pagtatrabaho.

Base sa panukala sa Kamara, imbes na 8 oras kada araw ang trabaho ng mga empleyado ay magiging 10 oras na ito kaya walang dahilan para mabawasan umano ang kanilang sahod.

Maliban dito, magkakaroon na ng mahabang oras ang mga empleyado sa kanilang pamilya hindi tulad ngayon na mas maraming panahon ang kanilang nagugugol sa trapik sa pagpasok at pag-uwi.

Malaki rin umano ang pakinabang ng mga employers sa 4-day work week  tulad ng lumabas sa pag-aaral ng Institute for Labor Studies noong 2009 kung saan malaki ang natipid ng mga ito sa elektrisidad at mas tumaas pa ang kanilang produksyon.

 

Please follow and like us:
Read More

P95-B KITA NG MAGSASAKA NAGLAHO SA RICE TARIFF LAW

(NI BERNARD TAGUINOD)

NAGLAHO na parang bula ang tinatayang P95 bilyon kita ng mga magsasaka sa buong bansa dahil sa Republic Act (RA) 11203 o Rice Tariffication and Liberalization Law.

Ito ang nabatid sa mga militanteng mambabatas na nagpapaimbestiga kung bakit nadedelay ang irrigation projects ng National Irrigation Administration (NIA) at maging umano’y mga depektibo at hindi nagagamit na makinarya na binili ng Department of Agriculture (DA) para tulungan ang mga magsasaka.

Sa House Resolution (HR) 539 na iniakda nina Bayan Muna party-list Reps. Carlos Zarate, Ferdinand Gaite at Eufemia Cullamat, sinabi ng mga ito na simula nang ipatupad ang nasabing batas noong Marso 2019 ay umaabot na sa P95 bilyon ang kita ng mga magsasaka ang nawala sa kanila.

Ito ay matapos bumaba sa P9 hanggang P12 kada kilo na lamang ang presyo ng palay mula sa P20 pataas bago naipatupad ang nasabing batas na ginamit naman ng mga rice importers para mag-angkat ng mag-angkat ng imported rice.

Bukod sa pagbaba ng presyo ng palay ay patuloy ding nalulugmok ang mga magsasaka dahil ang  299 irrigation projects na pinondohan ng P20 bilyon ay nade-delay.

Sinabi ng grupo na mahalaga ang irrigation sa mga magsasaka subalit kahit umiiral na ang Free Irrigation Law ay wala naman umanong magamit na tubig sa mga sakahan.

Iginiit din ng mga nabanggit na mambabatas na imbestigahan ang DA dahil ang mga binili ng mga ito na makinarya para tulungan ang mga magsasaka ay kung hindi depektibo ay hindi ibibinigay sa mga tao.

Kabilang umano sa mga binili ay mechanical dryer, generators na nagkakahalaga ng P88.15 million noong panahon ni DA Secretary Emmanuel Pinol ay hindi umano nagagamit.

Dahil dito, kailangan aniyang imbestigahang mga bagay na ito upang malaman kung anong klaseng tulong ang ibinibigay ng gobyerno sa sektor ng pagsasaka sa bansa.

 

Please follow and like us:
Read More

EX-COMELEC CHAIR ANDRES BAUTISTA TUTUGISIN

(NI KIKO CUETO)

IPINAHAHANAP ni Senador Vicente “Tito” Sotto III sa National Bureau of Investigation ang impeached na Commission on Elections chair na si Andres Bautista na matagal na umanong nagtatago at iniiwasan ang arrest order na inilabas ng Senado laban sa kanya.

“There was a standing warrant of arrest for the former chairman of the Comelec Andy Bautista,” sinabi ni Sotto habang nagsasagawa ng 2020 budget ng Department of Justice (DOJ).

Muli itong pinalutang ni Sotto dahil attached agency naman umano ang NBI sa DOJ.

Ipinag-utos ng

Senado na arestuhin si Bautista noong Pebrero 2018.

Ito’y dahil sa patuloy na pag-isnab sa mga hearing ng Senado kaugnay sa umano’y tagong yaman nito.

“Some media personalities are asking us and there is already a complaint in the Ombudsman filed against them. Because in the Facebook, they’re bragging that they found Andy Bautista but the NBI cannot find him,” dagdag ni Sotto.

Sinabi naman ni Senador Sonny Angara, na alam naman ng NBI na nasa Estados Unidos na si Bautista.

“They said he’s really in the US but they’re studying their next move,” sinabi ni Angara.

Inatasan na rin umano ng Office of the Ombudsman ang Presidential Commission on Good Government (PCGG) na magbigay ng mga dokumento kaugnay sa naging pagsisilbi ni Bautista sa ahensya.

“There was also a recommendation by the PCGG to the NBI to investigate the charges against Andy Bautista and some other personalities, so we’d just like to ask for an udpate,” sinabi ni Sotto.

Nabalot sa krisis pulitikal si Bautista nang ibunyag ng kanyang asawa na si Patricia Bautista, na mayroon itong tagong yaman.

Na-impeach naman siya sa Kamara, pero nagresign bago simulan ang pormal na proceedings sa Senado.

 

 

Please follow and like us:
Read More

OFW MAGKAKAROON NA NG OSPITAL

(NI BERNARD TAGUINOD)

MAGKAKAROON na ng sariling pagamutan ang mga Overseas Filipino Workers (OFWs) at maging ang kanilang mga pamilya matapos aprubahan sa committee level sa Mababang Kapulungan ng Kongreso ang nasabing panukala.

Walang tumutol nang isalang sa botohan ang House Bill 168 o “Overseas Filipino Workers Hospital Act” sa House committee on ways and means na magtatakda  ng pondo sa nasabing pagamutan.

Base sa nasabing panukala, magtatayo ang gobyerno ng ospital para sa mga OFWs at kanilang mga dependents na tututok sa kanilang mga medikal na pangangailangan.

Ayon kay House committee on health chairperson Angelina Tan, may akda sa nasabing panukala, kasama sina Cavite Rep. Strike Revilla at Cagayan de Oro City Rep. Rufus Rodriguez, napakalaki ang naitutulong ng mga OFWs sa ekomiya ng bansa.

Patunay nito ang P205 Billion na remittance ng mga OFWs noong 2017 subalit hindi umano sapat ang ibinibigay na atensyon ng gobyerno sa kanila at pamilya na  medikal na pangangailangan.

“OFWs suffer from growing list of physical and mental health problem due to risk associated with the nature of their employment, “ ani Tan sa kanyang panukalang batas.

Sinabi ng mambabatas na isang doctor na 4 sa bawat 10 OFWs na inuwi ng gobyerno ay nangangailangan ng medical na atensyon at kailangang mai-confine sa pagamutan subalit walang ospital para rito.

“Many of them suffer from heart disease, stroke, pneumonia, cancer, kidney ailments and other illness requiring medical procedures and preventive and longtime care,” ani Tan kaya  kailangan aniyang magkaron ng sariling pagamutan ang mga OFWs.

 

Please follow and like us:
Read More