BATANGAS – Arestado ang 19 na wanted persons dahil sa iba’t ibang kaso, sa isinagawang tatlong araw na Simultaneous Anti-Criminality and Law Enforcement Operations (SACLEO) ng Batangas Police Provincial Office BPPO noong Enero 21, 2022.
Kabilang sa inaresto ng pinagsanib na pwersa ng Taysan at Pagbilao Municipal Police Stations sina Ralf Michael Villegas at Lecer Tacuyan na kapwa kabilang sa most wanted person-regional level rank 5 at 6 dahil sa kasong murder.
Kasong rape at lascivious conduct naman ang kinahaharap ng suspek na si Rodolfo Guevarra habang si Mark Jhayson Gamban naman ay may kasong robbery at murder.
Timbog din si Sydney Javier Carandang na nasa rank 2 most wanted person na may kasong robbery with homicide.
Huli rin ang rank no.1 most wanted person si Runel Lanting dahil sa kasong paglabag sa RA 9165 o Comprehensive Dangerous Drugs Act of 2002.
Ayon kay Batangas Police Provincial Director, Col. Glicerio Cansilao, “The continuous arrest of wanted persons by Batangas PPO only proves that we are doing our best in implementing the rule of law to maintain peace in order in our community. Please coordinate with the proper authorities for any information with regards to our wanted persons”. (CYRILL QUILO)
108 
