Mindanao local officials nagsama-sama SUPORTA KAY MARCOS PINATIBAY

0

PATULOY na lumalakas ang suporta kay dating Senator Ferdinand “Bongbong” Marcos Jr. patunay ang paglahok ng local officials mula sa Mindanao sa panawagan na siya ang kanilang maging presidential candidate para sa May 2022 national elections.

May kabuuang 1.5 milyong miyembro sa buong bansa, ang Partido Federal ng Pilipinas (PFP) na ang ideolohiya ay mula pa sa legendary federalists na sina Pedro Paterno at Trinidad Pardo de Tavera ng Partido Pederal, ay nagpasa ng resolusyon sa kanilang hybrid national convention sa Tupi, South Cotabato na nag-eendorso kay dating Senador Marcos bilang kanilang presidential candidate.

Inaprubahan ng Commission on Elections (Comelec) noong 2018, ang reinvented and refortified PFP ay kontrolado ang Mindanao hanggang sa municipal level at nakapagpanalo ng 350 kandidato noong 2019 local and congressional polls. Wala rin sa kanilang mga miyembro ang nasangkot sa katiwalian.

“The PFP is proud of its integrity… the PFP has no excess baggage to carry,” pahayag ni PFP General Council Counsel George Briones.

Sinabi ni Briones, kanilang inendorso si Marcos makaraan ang kanilang pakikipag-usap dito at inihayag ang kanilang pagnanais na ang dating senador ang maging pambato ng partido sa pagka-pangulo sa halalan sa susunod na taon.

Sa hybrid virtual convention ay inihalal ang mga bagong opisyal ng PFP subalit marami ang nananatili sa kanilang puwesto.

Kabilang sa mga inihalal na bagong opisyal si Atty. Victor D. Rodriguez bilang PFP executive vice president at tatayong general campaign manager sa 2022 national at local election.

Kasama rin sa mga opisyal ng partido sina South Cotabato Gov. Reynaldo S. Tamayo, president; retired Gen. Thompson C. Lantion, secretary general; Antonio C. Rodriguez, vice president for Luzon; Carlito E. Ceniza, VP for Visayas; Assam M. Ulangkaya, VP for Mindanao; Manuel D. Andal, VP for political affairs; George S. Briones, general counsel; Lino A. Dumas, national legal officer; Antonio G. Marfori, national treasurer; Edgardo A. Acaba, national auditor; Julius Caesar O. Aguiluz, sergeant at arms; Patricio N. Roman, senior political adviser, at Saidah T. Pukunum, chairman of the international affairs.

Ipinagpaliban naman ang paghalal ng chairman ng PFP matapos ipasa ang resolusyon na iserba ang posisyong ito kay Marcos.

“Kung mag-decide si Senator Bongbong Marcos na sumapi sa Partido Federal ng Pilipinas and he will take his oath as a member of PFP, tatawag po tayo ng another national convention bago po matapos ang buwan ng September where he will be nominated as the official candidate of the PFP for president,” ayon kay Briones.

Ang PFP ay mayroong malakas na youth organizations sa buong bansa na nakikipagtulungan sa partido para maisakatuparan ang kanilang pangarap “for a society that is free of illegal drugs, free of corruption, free of crime, free of insurgency and free of poverty.”

Read More

VOTER REGISTRATION PALALAWIGIN NG KAMARA

0

PINAGTIBAY sa plenaryo ng mababang kapulungan ng Kongreso ang panukala na nag-aatas sa Commission on Elections (Comelec) na palawigin ang deadline sa pagpaparehistro ng mga botante sa 2022 election.

Sinuportahan ng buong Kongreso ang House Resolution (HR) 2231 para sa isang buwang ekstensyon ng voter registration lalo na’t marami pa ring Filipino ang hindi nakakapagparehistro dahil sa pandemya.

Unang itinakda ng Comelec na hanggang September 30 na lamang ang pagpaparehistro ng mga first time voter at maging ang mga natanggal sa listahan dahil hindi nakaboto sa nakaraang dalawang eleksyon.

Subalit sa ilalim ng nasabing resolusyon, nais ng mga mambabatas sa Kamara na palawigin ito hanggang Oktubre 31, 2021 upang mabigyan pa ng pagkakataon ang mga Filipino na makaparehistro upang makaboto sa May 9, 2022 election.

Hindi lamang sa bansa ipatutupad ang extension ng voter registration kundi maging sa ibang bansa upang maging ang mga Filipino na nagtatrabaho sa iba’t ibang panig ng mundo ay mabigyan din ng pagkakataon na makapagparehistro at makaboto sa pamamagitan ng absentee voting. (BERNARD TAGUINOD)

Read More

Honasan nagisa sa Senado PASILIDAD NG DICT PINAHIRAM SA DITO

0

GINISA ni Senador Imee Marcos si dating Senador Gregorio Honasan ng Department of Information and Communications Technology (DICT) sa pagpapahiram ng pasilidad ng ahensiya sa Dito Telecommunity nang walang bayad o libre.

Sa ginanap na pagdinig ng Senado sa panukalang badyet ng DICT para sa 2022 nitong Lunes, ipinalutang ni Marcos ang report ng Commission on Audit (COA) na pumupuna sa DICT sa pagpapahiram ng pasilidad nito sa Dito nang walang bayad.

“There’s also an issue regarding the DICT lending facilities for free to Dito [Telecommunity]. What facilities were leased, and do other telcos lease or borrow for free facilities from DICT? Why is this practice undertaken?” tanong ni Marcos sa ginanap na pagdinig ng Senate finance.

Ikinatuwiran naman ni Honasan, sa pagsasabing “(we are) at a loss, when we are publicly, through media, or otherwise, confronted with issues like this.”

Sinabi niya na dumaan sila sa “trial by publicity” nang iulat ng media ang pagpuna ng COA.

Pero, sinabi ni Marcos na kanyang pinagbasehan ang opisyal na dokumento at hindi ang news report. Aniya, pinalutang niya ang isyu nang simulan ng Senado ang debate sa badyet ng DICT.

“As much as possible, I try to use official documents. Eh, ito official document na, nasa COA na eh,” aniya kay Honasan na dati ring senador.

Sa pagtugon sa ngalan ni Honasan, ipinaliwanag ni Undersecretary Emmanuel Caintic na dati nang ginagawa ang pagpapahiram ng pasilidad ng gobyerno sa telecommunication companies bago pa man naitayo ang DICT.

Pero hindi sapat para kay Marcos ang paliwanag dahil unang pagkakataon ito na pinuna ng COA. (ESTONG REYES)

Read More

DUTERTE INUUNA PAMBU-BULLY

0

MULING gumanti ng banat si Senador Richard Gordon kay Pangulong Rodrigo Duterte na tinawag nitong “bully” kasabay ng paghamon sa Punong Ehekutibo na gawin na nito ang kanyang ‘worst’ laban sa kanya.

“Quite frankly, Mr. President, you are boring. Di ako natatakot sa inyo. Di po ako duwag. Do your worst, as you did with the ABS-CBN. Do your worst like what you did to senator who was elected by the people,” saad ni Gordon sa pagpapatuloy ng imbestigasyon ng Senate Blue Ribbon Committee sa iregularidad sa paggamit ng pondo ng gobyerno sa COVID-19.

“I know you will try to do your worst like you did with Speaker (Prospero) Nograles before, when you used ‘P.I.’ to a very very respected schoolmate from Ateneo,” diin ni Gordon.

“I’m not going to waste my time with you, Mr. President, because you’re no longer respectable as far as I’m concerned and as far as most of the Filipinos are concerned,” diin pa nito.

Sa kanyang pinakahuling public address, sinabi ni Pangulong Duterte kay Gordon na gagawin nito ang kanyang “worst” kung magpapatuloy sa pakikipaglaban sa kanya.

“Wala akong pakialam ‘di ako nagbigay ng pera sa’yo and as far as I’m concerned, Red Cross does not exist. You can create a controversy there or a crisis. I do not mind because I said I’m on the right track. Either you submit the auditing procedure or we quarrel. If we quarrel do your worst because I will do mine,” pahayag ni Duterte.

Nanindigan naman si Gordon na hindi siya duwag.

“Saktan ninyo na ako. Akala ninyo ba matatakot ninyo ako? Pinatay ang tatay, pinahirapan ang tatay ko. Ginagranada, inaabangan. You think matatakot ako sa isang nilalang? Takot ako sa Diyos. Takot ako sa tao pero hindi ako duwag, Mr. President,” diin ng senador.

“You’re a bully. And I’m sorry, Mr. President, but the Filipino people can fight back against bullies. Filipinos can have a revolution against bullies,” dagdag pa nito.

Muli ring binatikos ni Gordon ang Punong Ehekutibo na tinawag niya bilang “Attorney Duterte” sa pagtatanggol sa mga Chinese businessmen at mga appointees.

Kinuwestyon din ni Gordon ang paggamit ni Duterte sa kanyang regular public briefing upang batikusin siya, ang Senado at ang Philippine Red Cross.

“Atty. Rodrigo Duterte, instead of reporting to the people, spent the time of this government, the national television to lambaste the Senate and lambaste this person,” diin ni Gordon.

“Instead of talking about the pandemic, jobs and unemployment, he decided that he would try to demolish this person as well as even the society that I have religiously worked without pay for the last 53 years,” dagdag pa nito. (DANG SAMSON-GARCIA)

Read More

‘TEACHER EDUCATION EXCELLENCE’ MAHALAGA SA PAGTUGON SA KRISIS SA EDUKASYON

0

PASADO na sa Senado ang isang panukalang batas na layong iangat ang kalidad ng edukasyon at pagsasanay ng mga guro sa bansa. Para kay Senador Win Gatchalian na may akda at sponsor ng naturang panukala, ito ay mahalagang hakbang upang matugunan ang krisis sa edukasyon ng bansa.

Layon ng Senate Bill No. 2152 na amyendahan ang Republic Act No. 7784 upang patatagin ang Teacher Education Council (TEC) na unang nabuo noong 1993.

Sa ilalim ng panukalang batas, paiigtingin ng TEC ang ugnayan sa pagitan ng Commission on Higher Education (CHED), Professional Regulation Commission, at Department of Education (DepEd), ang tatlong ahensyang may kinalaman sa edukasyon ng mga guro.

Titiyakin ng panukalang batas ang ugnayan sa pagitan ng pre-service education na nagsisimula sa kolehiyo at ng in-service education o ang training na natatanggap ng mga guro kapag nagsimula na silang magturo.

Ayon kay Gatchalian, ang pag-angat sa kalidad ng training at edukasyon ng mga guro ay makakatulong sa pag-angat sa kalidad ng edukasyon ng mga mag-aaral na nasa elementarya at high school.

Pinuna ni Gatchalian ang mababang passing rate ng Licensure Examination for Teachers (LET). Mula 2010 hanggang 2019, tatlumpu’t limang (35) porsyento lamang ng mga kumuha ng LET para sa high school ang nakapasa. Samantala, dalawampu’t walong (28) porsyento lamang ang nakapasa sa mga kumuha ng LET sa elementarya.

Noong 2019, wala pang limampu (46) sa mga Teacher Education Institutions (TEIs) ang nabibilang sa Better Performing at Top Performing Categories ng LET para sa elementarya. Ibig sabihin, hindi bababa sa pitumpu’t limang (75) porsyento sa mga graduates ng mga TEIs na ito ang nakapasa. Samantala, mahigit walong daang (815) mga TEIs ang nasa Worse o Poor Performing Categories, o iyong may mga passing rates na wala pang limampung (50) porsyento. Sa Secondary level naman, wala pang tatlumpu (27) ang nasa Better o Top Performing TEIs at isang libo (1,000) ang nasa Worse o Poor Performing schools.

“Hindi natin maiaangat ang kalidad ng edukasyon ng ating mga kabataan kung wala ring dekalidad na pagsasanay at edukasyon ang ating mga guro. Ang mga guro ay ang mga frontliners natin sa pagsugpo sa krisis sa edukasyon kaya dapat tiyakin na mula sa kolehiyo hanggang sa pagtuturo, sila ay handa at may sapat na kakayahan,” ani Gatchalian.

Ang pinaigting na TEC ay bubuo ng roadmap para sa edukasyon ng mga guro. Ito ay magbibigay ng mandato, magmo-monitor, at magpapatupad ng quality assurance sa mga itatalagang minimum requirements sa teacher education programs. Ito ay upang matiyak ang matatag at malinaw na ugnayan sa pagitan ng mga outcomes ng teacher education programs, ang professional standards para sa mga guro, pananaliksik, at international best practice. (ESTONG REYES)

Read More

ICC GINAGAMIT SA PULITIKA

0

NAGAGAMIT na sa pulitika ang resolusyon ng International Criminal Court (ICC) na imbestigahan si Pangulong Rodrigo Duterte dahil sa “crimes against humanity” kaugnay ng kanyang war on drugs.

Ito ang tinuran ni ACT-CIS party-list Rep. Eric Yap sa kanyang privilege speech sa Kamara kaugnay utos ng mga Huwes sa ICC na magsagawa ng full investigation sa war on drugs ni Duterte.

“Ang ICC ay nagagamit na po bilang political tool ng kalaban o ng mga taong gustong pabagsakin ang Duterte administration,” ayon sa mambabatas.

Isa sa mga gumagamit umano sa ICC issue ay si Sen. Aquilino “Koko” Pimentel dahil sa biglang pagbabago ng isip ng senador sa usapin sa ICC na nilisan ng bansa noong 2018.

Si Pimentel ang lider ng isa sa dalawang paksyon sa PDP-Laban na nagtutulak sa kandidatura ni Sen. Manny Pacquiao habang ang kabilang paksyon ay pinamumunuan ni Energy Secretary Alfonso Cusi na ang mga kandidato naman ay sina Sen. Bong Go at Duterte.

Ayon sa mambabatas noong 2018, ay sinuportahan ni Pimentel ang pag-alis ng Pilipinas sa ICC at tinuligsa ang walang saysay na kaso laban kay Pangulong Duterte.

“Ngayon pong nagkaroon na po ng mga kung anu-anong paksyon dyan at nagkaroon na po ng interes kung sino po yung mamanukin sa 2022 election, ngayong September 19, 2021, Madam Speaker, ito naman po ang aking nabasa at ako po ay nalaglag sa aking upuan habang binabasa ko to: “government should be cooperative in ICC drug war probe (pahayag umano ni Pimentel),” ani Yap.

Pinanindigan ng chairman ng House committee on appropriation na walang hurisdiksyon ang ICC sa Pilipinas at umiiral umano ang justice system sa bansa hindi tulad ng Afghanistan na kapag may nangyari ay walang mapuntahan ang mga tao para magreklamo. (BERNARD TAGUINOD)

Read More

Pagkamatay ni Bree Jonson binubusisi ng PNP HDO SA ANAK NG BILYONARYO

0

HUMILING ang pamilya ng nasawing artist na si Bree Jonson ng malalimang imbestigasyon at pagsasailalim sa Hold Departure Order (HDO) sa anak ng isang bilyonaryo na sinasabing nobyo ng biktima.

Bilang tugon, agad iniutos ni Philippine National Police (PNP) Chief Police General Guillermo Lorenzo T Eleazar ang paghimay sa kaso.

Nauna rito, umapela ang mga magulang ni Jonson sa Department of Justice na maglabas ng immigration lookout bulletin at HDO laban kay Julian Ongpin, anak ng bilyonaryong si Roberto Ongpin, na huling nakasama ng 30-anyos na biktima at nahulihan pa ng ilang gramo ng cocaine.

Hangad din ng pamilya Jonson na sumailalim sa medico legal examination ang bangkay ng biktima upang malaman ang katotohanan sa pagkamatay nito matapos umanong makitaan ito ng mahahabang pasa sa leeg.

Inatasan ni PGen Eleazar si Police Regional Office 1 director, PBGen Emmanuel Peralta na busisiin ang lahat ng anggulo sa pagkamatay ni Jonson na unang iniulat na nag-suicide o na-overdose sa droga.

Sa inisyal na report, natagpuan ang walang buhay na si Breanna Patricia Jonson sa Floatsam Jetsam Resort sa San Juan, La Union noong Sabado.

Sinabi umano ni Julian sa mga imbestigador na nag-suicide ang biktima.

“Nasampahan na ng kaukulang kasong may kinalaman sa ilegal na droga ang kasintahan ni Bree Jonson na si Julian Ongpin matapos itong magpositibo sa drug test at makuhanan ng cocaine sa kanilang inuupahang kuwarto sa isang resort sa La Union. Sa aking huling pakikipag-usap sa RD, PRO1 PBGEN Emmanuel Peralta, nagdesisyon ang Provincial Prosecutor’s Office na palayain si Ginoong Ongpin habang iniimbestigahan ang kaso,” ani PGen Eleazar.

Nabatid na may 12.6 gramo ng cocaine na nakuha ang mga pulis na rumesponde sa lugar.
Kaugnay nito, tiniyak din ng Department of Justice (DOJ) na maglalabas ito ng Immigration Lookout Bulletin Order laban kay Ongpin. (JESSE KABEL)

Read More

PHARMALLY DIRECTOR KULONG SA SENADO

0

TULUYAN nang naubusan ng pasensya ang mga miyembro ng Senate Blue Ribbon Committee at ipinag-utos ang pagkulong kay Pharmally Pharmaceutical Corporation director Linconn Ong sa Senado.

Si Ong ay inaresto ng Office of the Senate Sgt At Arms at dinala sa Senate Building sa Pasay City.

“Mr. Chairman, Mr. Linconn Ong is with the OSAA already…. He is already on the way here to the Senate,” pagkumpira ni Senate President Vicente Sotto III sa gitna ng pagpapatuloy ng imbestigasyon sa sinasabing overpriced COVID-19 goods.

Una rito, sa gitna ng pagtatanong kay Ong, sinabi nito na kinukuha na siya ng OSAA.

“Mr. Chairman…nagpa-pack up po ako ng gamit ide-detain na po ako ng Senado,” diin ni Ong.

Una nang ipinaalala ni Sotto na epektibo pa rin ang arrest warrants laban kay Ong at iba pang Pharmally officials.

Ito ay nang magpatuloy ang pag-iwas ni Ong sa tanong ng mga senador hinggil sa transaksyon ng Pharmally sa Department of Budget and Management. (DANG SAMSON-GARCIA)

Read More

PONDO NG DTI PINADARAGDAGAN

0

NAGHAIN ng resolusyon sa Kamara ang isang senior lawmaker para sa karagdagang pondo ng Department of Trade and Industry upang masuportahan at maasistehan ang Micro, Small and Medium Enterprises (MSME’s) na naapektuhan ng COVID-19 pandemic.

Dismayado ang maraming mambabatas sa pondong nakalaan sa MSME’s na higit na nangangailangan ng ayuda ngayong panahon na may pandemya.

Responsibilidad anila ng DTI ang pagbangon ng ekonomiya ng bansa partikular na ang mga negosyong bumagsak at pagkawala ng hanapbuhay ng mga manggagawa.

Ayon sa House Resolution 2228 na inihain ni Deputy Speaker on Trade and Industry Rep. Wes Gatchalian, ang allocation para sa taong 2022 na hawak ng DTI ay hindi sapat para matulungan ang aabot sa 1 milyong registered MSME’s at ang 4 million unregistered enterprises na labis na naapektuhan ng krisis.

“We need to increase the overall budget of the DTI for MSMEs. We need to prioritize the MSMEs amid this pandemic. DTI will play a big role in jump-starting the MSMEs. We need to strengthen entrepreneurship in the country. Our government should be more aggressive in rolling out loans for MSMEs” ani Rep. Gatchalian.

“This is indeed very disappointing because during the last State of the Nation Address of President Duterte, he recognized the vital role of MSMEs to economic activity, job creation, and poverty reduction” dagdag ng mambabatas.

Ani Gatchalian, inihain niya ang resolusyon para may panghawakan ang DTI nang sa gayon ay agad matugunan ang mga pangangailangan ng negosyanteng nais makaahon sa dinaranas na pagbagsak ng kanilang negosyo.

“Of the P23.7 billion, only P6.6 billion is allocated to the DTI while the bulk of the budget is allocated to Technical Education and Skills Development Authority amounting to P13.6 billion.

The remaining budget is appropriated to other DTI attached agencies, including, Board of Investments, Philippine Trade Training Center, Design Center of the Philippines, Construction Industry Authority of the Philippines, Cooperative Development Authority, Aurora Pacific and Economic Zone Authority and Center for International Trade Expositions and Missions, and the Small Business Corporation” pagtatapos ni Gatchalian. (CESAR BARQUILLA)

Read More