COVID-19 Archives - SAKSI NGAYON

28 TUMBA SA PANDEMYA SA VALENZUELA, CALOOCAN

UMABOT sa 21 ang namatay sa COVID-19 sa Valenzuela City noong Oktubre 15, ayon sa City Health Office-City Epidemiology and Surveillance Unit (CESU).

Batay sa pinakahuling ulat ng CESU, 661 ang active COVID cases sa lungsod matapos na 70 ang gumaling ngunit 72 naman ang nagpositibo sa virus.

Pumalo na sa 34,803 ang mga tinamaan ng COVID sa lungsod, at sa nasabing bilang ay 33,379 na ang gumaling at 763 ang namatay.

Umakyat naman sa 1,519 ang COVID casualties sa Caloocan City noong Oktubre 15 mula sa 1,512 noong Oktubre 13, o karagdagang pito sa death toll, habang 1,046 ang active cases.

Sumampa na sa 59,158 ang nasapul ng pandemya sa siyudad, at sa naturang bilang ay 56,593 na ang nakarekober.

Wala namang namatay dahil sa COVID sa Malabon City sa nasabing petsa, habang 10 ang nadagdag na confirmed cases. Sa kabuuan ay 20,991 ang positive cases sa Malabon, 159 dito ang active cases.

Ang mga bagong kaso ay naitala sa Barangays Catmon (1), Hulong Duhat (2), Ibaba (2), Longos (1), Tañong (1), Tinajeros (2), at Tonsuya (1).

Habang 28 pasyente ang nadagdag sa bilang ng mga gumaling. Sila ay mula sa Barangays Catmon (2), Ibaba (3), Maysilo (5), Niugan (2), Potrero (4), Santulan (1), Tañong (6), Tonsuya (2), at Tugatog (3). Sa kabuuan ay 20,197 ang recovered patients ng Malabon at nanatiling 635 ang COVID death toll.

Wala ring naitalang namatay na COVID patient sa Navotas City at 196 ang active cases hanggang 11:59 pm noong Oktubre 14 matapos na lima ang nagpositibo sa virus at 33 ang gumaling.

Tumuntong na sa 17,484 ang total COVID cases sa siyudad, at dito ay 16,752 na ang recovered at mapalad na hindi nadagdagan ang 536 na pasyenteng namatay. (ALAIN AJERO)

Para lang sa mga immunocompromised THIRD DOSE SA NATURUKAN NG CHINA VAX

October 16, 2021 jake

INIREKOMENDA ng World Health Organization (WHO) nitong Huwebes ang pagbibigay ng third dose ng COVID-19 vaccine sa mga taong may immunocompromised condition o hindi kayang makapag-develop ng full immunity matapos ang dalawang doses.

“We are now in a position to say that for people with immunocompromised conditions who have been unable to develop full immunity, WHO is supporting a third dose as an extended primary course,” ayon kay WHO Representative to the Philippines Dr. Rabindra Abeyasinghe sa virtual press briefing ni Presidential spokesperson Harry Roque.

“Even if they are less than 60 years old, we will advocate for the third dose,” dagdag na pahayag nito.

Paglilinaw ni Abeyasinghe, ang third dose ay iba mula sa boosters para sa general population.

Sinabi pa niya na inirekomenda ng WHO ang third dose para sa mga taong kabilang sa A2 population, o elderly population, na nakatanggap ng primary vaccination course gamit ang Sinovac o Sinopharm “to potentiate its immunogenicity.”

“Our recommendation now is that in addition to immunocompromised individuals, that we include all individuals who have received primary vaccination course of two doses with Sinovac or Sinopharm to receive a third dose, provided it’s more than three months since the completion of the first two doses,” paglilinaw pa rin ni Abeyasinghe.

“We don’t have a recommendation for the general population,” dagdag na pahayag nito. (CHRISTIAN DALE)

AYAW MAGPABAKUNA TURUKAN HABANG TULOG – DUTERTE

October 13, 2021 jake

IPINAG-UTOS ni Pangulong Rodrigo Roa Duterte sa mga awtoridad na hanapin ang mga indibidwal na magmamatigas pa rin o ayaw magpabakuna laban sa COVID-19 at bakunahan ang mga ito habang natutulog.

Layon nito na makamit ang herd immunity laban sa virus.

“Alam kong marami pang ayaw. ‘Yan ang problem, ‘yung ayaw magpabakuna. Kaya hanapin ninyo ‘yan sa barangay ninyo. Akyatin natin pagtulog at turukin natin habang natutulog para makumpleto ang istorya,” ang pahayag ni Pangulong Duterte sa kanyang Talk to the People, Martes.

“Kung ayaw, akyatin sa bahay, tusukin sa gabi. Ako ang mag-ano ..turok sa kanila,” ayon sa Chief Executive.

Sinabi naman ni Vince Dizon, deputy chief implementor of the National Task Force Against COVID-19, na nananatili pa rin ang COVID-19 vaccine hesitancy sa far-flung areas o malalayong lugar.

Aniya, kailangan paigtingin ang information drive upang maipabatid sa mga tao na binabawasan ng bakuna ang tsansa ng pagkahawa o makakuha ng severe case ng COVID-19 gaya na rin sa data mula sa Food and Drug Administration (FDA).

Base sa FDA records, mayroong 516 breakthrough infections sa hanay ng fully vaccinated individuals sa buong bansa. (CHRISTIAN DALE)

50% POPULATION FULLY VACCINATED SA DISYEMBRE

October 12, 2021 jake

KUMPIYANSA si Pangulong Rodrigo Roa Duterte na 50% sa bansa o 109 milyong populasyon ang magiging fully vaccinated laban sa COVID-19 bago mag-Pasko.

Ang pahayag na ito ng pangulo ay bunsod na rin ng ulat na may 23 milyong Filipino na ang fully vaccinated.

Sa Kalakhang Maynila, 77% ng mga residente ang fully vaccinated.

“The challenge is now to further speed up our vaccination rollout, especially in the provinces, in the key cities and municipalities to achieve our target of at least 50% of the country’s target population by the end of the year,” ayon sa pangulo sa kanyang Talk to the People, nitong Martes.

Nauna nang tinarget ng pamahalaan na bakunahan at gawing fully vaccinated ang 70% ng 109 milyong populasyon ng bansa sa Disyembre ng taong kasalukuyan subalit nagbago ito at naging 80% hanggang 90% ng populasyon bago ang May 9, 2022 national elections.

Ang COVID-19 vaccination para sa mga menor de edad na may gulang na 12 hanggang 17 ay inaasahan magsisimula sa Oktubre 15. Walong ospital ang nakatakdang lumahok sa pilot run sa Kalakhang Maynila na kinabibilangan ng National Children’s Hospital; Philippine Heart Center; Fe Del Mundo Medical Center; Philippine Children’s Medical Center sa Quezon City; Pasig City Children’s Hospital; Philippine General Hospital; Makati Medical Center; at St. Luke’s Medical Center sa Taguig.

“Again, I would like to ask everyone to go out and get yourself vaccinated, regardless of the brand. This is not just for your own protection but also as it is part of your civic duty to protect others. Allow us to turn the page to get everyone back to normalcy,” ayon sa pangulo. (CHRISTIAN DALE)

Sa matatandang naturukan ng China vax BOOSTER SHOT INIREKOMENDA NG WHO

October 12, 2021 jake

REKOMENDADO ng World Health Organization Organization (WHO) na bigyan ng booster shot ang matatandang unang naturukan ng Sinovac at Sinopharm COVID-19 vaccines at maging mga indibidwal na may mahinang ‘immune system’.

Pero nilinaw ng Strategic Advisory Group of Experts on Immunization (SAGE) na hindi nila inirerekomenda ang pagbibigay ng booster shot sa mayorya ng populasyon kahit ginagawa na ito sa ibang bansa.

Sa halip, nais ng WHO na magpatupad ng moratorium sa booster doses hanggang hindi nababakunahan ang mga populasyon ng mahihirap na bansang kapos pa sa suplay ng bakuna.

“SAGE recommended that moderately and severely immunocompromised persons should be offered an additional dose of all WHO EUL COVID-19 vaccines as part of an extended primary series,” ayon sa SAGE.

Sinabi ni SAGE secretary Joachim Hombach na may mga ebidensya rin silang nakalap na nagiging limitado ang proteksyong ibinibigay ng Sinovac at Sinopharm vaccines sa mga may edad 60-anyos pataas kaya kailangan ng booster shot.

Samantala, nanindigan naman si Food and Drug Administration (FDA) Director General Eric Domingo na hindi pa kailangan ng pamahalaan na magkaloob ng booster shots sa mga fully-vaccinated individual sa bansa dahil wala pa naman silang nakikitang ‘waning effect’ o paghupa ng epekto ng bakuna. (RENE CRISOSTOMO)

Mas makahihikayat kaysa raffle VACCINATION REGISTRATION GAWING SIMPLE

October 10, 2021 jake

HINDI raffle kundi ang madali at maayos na pagpaparehistro sa mga local government units (LGUs) ang sagot para makumbinsi ang publiko na magpabakuna.

Reaksyon ito ni House committee on ways and means chairman Joey Salceda matapos maglaan ang Department of Health (DOH) ng P3 million na ipara-raffle sa mga magpapabakuna.

“Vaccination incentive, easy registration better than raffle in encouraging Pinoys to get COVID-19 jabs,” ayon sa mambabatas.

Ayon sa mambabatas, marami pa rin ang hirap makapagrehistro sa pamamagitan ng online sa kanilang LGUs lalo na sa mga probinsya kung saan mahirap ang internet connection.

Bukod dito, kailangang bigyan umano ng insentibo ang mga tao lalo na ang mga manggagawa na arawan ang sahod na kailangan pang mag-absent para magpabakuna.

“The problem is not the lack of some probability of winning a big prize. The problem is for many, they have to skip a work day just to get jabbed. For the average wage worker, that will cost them the day’s pay,” paliwanag ng solon.

Kung maaari rin aniya, itaon ng LGUs sa araw na walang pasok ang mga nagparehistrong manggagawa para mabakunahan upang hindi sila mawalan ng income.

“Earlier this year, I already proposed that we give a day’s worth of minimum wage as a vaccine incentive. There are places where that’s being done already, like Davao City,” ayon pa kay Salceda. (BERNARD TAGUINOD)

Kahit fully vaccinated CLOSE CONTACT NG MAY COVID 7 DAYS I-QUARANTINE – IATF

October 9, 2021 jake

DAPAT pa ring mag-quarantine ang isang indibidwal na fully vaccinated hanggang 7 araw kapag nagkaroon ng exposure sa isang probable o confirmed COVID case.

Ito ang nakasaad sa IATF Resolution 142 na inilabas ng Task Force.

Ganunpaman, applicable lamang ito, ayon kay IATF at Presidential spokesperson Harry Roque sa mga asymptomatic fully vaccinated.

Nakapaloob din sa inilabas na IATF Resolution na kailangang maisagawa ang RT-PCR test makalipas ang limang araw na makasalamuha ang fully vaccinated sa pinaghihinalaan o positibong indibidwal na tinamaan ng virus.

Para sa mga closed contact na lampas na ng pitong araw mula sa exposure at nananatiling asymptomatic ay hindi na kailangan pang sumailalim sa testing at sa halip, mag-quarantine.

Samantala, ang unvaccinated at partially vaccinated naman na nakasalamuha ang isang probable, suspected at confirmed COVID case, 14 araw ang dapat bunuin para sa quarantine. (CHRISTIAN DALE)

UPDATED TESTING AT Q PROTOCOLS INILATAG NG IATF

October 9, 2021 jake

INAPRUBAHAN at nagbigay ng updated report ang Inter-Agency Task Force (IATF), ukol sa testing at quarantine protocols para sa international arriving passengers na manggagaling mula sa “Green” at “Yellow” List of countries/ territories/jurisdictions epektibo, Oktubre 8, 2021.

Ang mga fully vaccinated individuals na manggagaling mula sa “Green” o “Yellow” List ay kailangan na sumailalim sa facility-based quarantine hanggang sa mapalabas ang kanilang negative RT-PCR testing na kinuha sa ikalimang araw.

Kailangan din na sumailalim ang mga ito sa home quarantine hanggang sa ika-10 araw, ang unang araw ay ang araw ng kanilang pagdating sa bansa.

Sa kabilang dako, ang mga unvaccinated, partially vaccinated, o indibidwal na ang vaccination status y “cannot be independently verified” o kumpirmado bilang valid o authentic ng mga awtoridad na nagmula sa “Green” o “Yellow” List ay required na sumailalim sa facility-based quarantine hanggang sa maipalabas ang kanilang RT-PCR testing na kinuha noong ika-pitong araw.

Required ang mga ito na sumailalim sa home quarantine hanggang sa kanilang pang-14 na araw, ang unang araw ay ang araw ng sila ay dumating sa bansa.

“For both instances, the Bureau of Quarantine (BOQ) shall ensure strict symptom monitoring while the individuals are in the facility,” ayon kay Presidential spokesperson Harry Roque.

Sa kaso naman ng foreign nationals, required ang mga ito na mag-secure ng kanilang pansariling pre-booked accommodation “at least 6 days” para sa mga fully vaccinated; at “at least 8 days” naman para sa unvaccinated, partially vaccinated, o indibidwal kung saan ang vaccination status “cannot be independently confirmed as valid or authentic by our authorities coming from “Green” or “Yellow” List.” (CHRISTIAN DALE)

Napag-iwanan sa bakuna COVID CASES TUMAAS SA NEGROS ISLAND

October 6, 2021 jake

HINDI prayoridad ng gobyerno ang Negros Island noong mga nakalipas na buwan pagdating sa pagbabakuna.

Ito ang dahilan, ayon kay IATF Chief implementer for Visayas Gen. Melquiades Feliciano kung bakit 90% ng mga nahahawa ng COVID-19 sa lugar na ito ay pawang unvaccinated.

Ani Feliciano, sa Laging Handa public briefing, dahil din dito kaya’t madalas nagkukulang ng COVID-19 vaccines ang mga lokal na pamahalaan sa nasabing isla na sinabayan pa ng pagdadalawang-isip ng mga tagaroon.

Subalit, ngayong bulto-bulto na aniya ang pagdating ng bakuna, naniniwala si Feliciano na mabibigyan na ng sapat na bakuna ang bawat LGU sa Visayas region. (CHRISTIAN DALE)