P719-M NAKOLEKTA SA DUTIES AND TAXES DAHIL SA FUEL MARKINGS

November 20, 2019November 19, 2019 admin

AABOT ng mahigit sa P719 milyon ang kabuuang nakolekta sa initial marking ng Unioil na nagsimula noong Oktubre 22.

Sa kasalukuyan, ang nasabing halaga ay katumbas ng 94.9 milyong litro ng langis na namarkahan na.

Nitong nakaraang Nobyembre 3, ang Oilink International Corporation ay nagsagawa ng kanilang fuel marking activity na nakapagtala ng 11.6 milyong litro ng Mogas Base Fuel na nakasakay sa MT Sichem na minarkahan sa import terminal ng Unioil sa Bataan.

Huling Linggo ng Oktubre 30, nasa 8.2 milyong litro ng Mogas Ron 92 Gasoline ng Insular Oil Corporation na nakasakay sa MT Grand Ace 11 mula sa Guangdong, China ang minarkahan sa Fuel Terminal Facility ng Pure Petroleum Corporation Subic.

Bago pa man dumating ang Pebrero 3, 2020 ay nagsagawa na ng nationwide fuel testing and program. Dito ipinatupad sa retail side ang Bureau of Customs (BOC), Bureau of Internal Revenue (BIR), Department of Finance (DOF) habang ang SICPA-SGS ay patuloy na nakikipag-ugnayan sa mga kompanya ng langis para mapabilis ang pagmamarka sa mga produktong petrolyo.

Samantala, ang mga natitirang kompanya na hindi pa namamarkahan ang kanilang mga produktong langis ay kailangan makipag-ugnayan sa mga ahensya ng gobyerno na nagpapatupad ng programa para sa nasabing pangangailangan.

“We encourage oil companies with unmarked fuel to comply in the next three months. We (the government) will strictly enforce and impose penalties as mandated by the law,” ani Commissioner Rey Leonardo B. Guerrero.

Ang gobyerno ay mahigpit sa kanilang pagpapatupad ng mga kaukulang multa laban sa mga nag-iimbak, nagbibiyahe ng langis at nagtatago nito na wala pang marka.

Ang fuel marking program ay naaayon sa ilalim ng Tax Reform for Acceleration and Inclusion (TRAIN) Law at para maiwasan ang oil smuggling at misdeclaration ng mga produktong petrolyo.

Layunin din nitong mapataas ang koleksyon mula sa ‘taxable imported and locally refined petroleum products’.

Please follow and like us:

CIGARETTE-MAKING MACHINES WINASAK

November 20, 2019November 19, 2019 admin

WINASAK ng Bureau of Customs (BOC) Port of Clark ang mga makinang gamit sa paggawa ng mga pekeng sigarilyo noong nakaraang Lunes, Nobyembre 18, 2019.

Kabilang sa mga sinira ang pitong units ng cigarette-making machines, isang unit ng plastic recycling machine, isang unit ng manual lifter, isang unit ng generator set, at isang unit ng generator cooling system.

Ang mga ito ay nasabat noong Pebrero 19, 2019 at kinumpiska noong nakarang Hulyo 26, 2019 dahil sa paglabag sa Section 1113 (f) at (l) ng CMTA, at winasak sa pamamagitan ng backhoe.

Nauna rito, noong Nobyembre 19, 2018, dalawang sets ng cigarette manufacturing machines, isang set ng semi-automatic strapping machine, plastic shredding facility, 145 cigarette master cases, packaging materials at tax stamps ang winasak.

Katulad din nito ang kinumpiska ng gobyerno noong Marso 5, 2018 at Agosto 6, 2019 dahil sa paglabag sa Section 118 at 1113 (f) at (l) ng CMTA, Intellectual Property Rights (IPR) Law, National Tobacco Administration (NTA) Circular No. 3-2014, BOC Memorandum Circular No. 15-2015 at 20-2006 at BIR Revenue Regulation No. 1-97.

Ang nasabing aktibidad ay nagpapakita ng mensahe na ang gobyerno ay mahigpit sa pagpapatupad ng paglaban sa illegal smuggling sa bansa.

Layunin din nito na mapalaki ang kanilang koleksyon sa pamamagitan ng buwis sa mga kargamento na pumapasok sa lahat ng ports sa buong bansa.

Ang pagwasak ay pinangunahan ni Port of Clark District Collector Ruby Alameda, kinatawan mula sa Ports Operations Service, National Tobacco Corporation, Commission on Audit, Japan Tobacco Inc. at Philip Morris Fortune Tobacco Corp. (PMFTC) na naging saksi sa pagsira. (BOY ANACTA)

Please follow and like us:

15 KILOS NG DRIED SEAHORSES NASABAT

November 20, 2019November 19, 2019 admin

MULING nakasabat ang Bureau of Customs Subport of Mactan ng 15 kilo ng dried seahorses mula sa dalawang Chinese nationals na papunta sa Macau noong nakaraang Nobyembre 8 (Biyernes).

Ang nasabing goods ay nakita sa isinagawang x-ray examination sa pangunguna ni Mr. Frannies A. Candado, Security Screening Officer, sa Office of Transportation Security (OTS) Inline Checking Area, MCIA.

Ang physical examination naman ay isinagawa naman nina Acting Customs Examiner Pablito B. Geraldez, CIIS Officer-in-Charge Franz Angelo Munoz at ESS-CPD SAII Enrico P. Tamayo, sa harapan ni Mr. Rene P. Amoroto, Fishery Quarantine Officer, Bureau of Fisheries and Aquatic Resources (BFAR).

Kinumpiska ang pinatuyong seahorses dahil sa paglabag sa probisyon ng Convention on International Trade in Endangered Species, na may kaugnayan sa Republic Act No. 8550 or “The Philippine Fisheries Code of 1998”.

Ang pagkumpiska ng Dried Seahorses ay inisyuhan ng Receipt of Confiscation.

Ang mga kargamento, kasama ng dalawang suspek, ay nasa pangangalaga ng BFAR Region VII. (Jo Calim)

Please follow and like us:

BOC-SAN FERNANDO WAGI

November 18, 2019November 17, 2019 admin

MATAGUMPAY na nalampasan ng Bureau of Customs (BOC) Port of San Fernando ang target na koleksyon nito para sa buwan ng Oktubre ngayong taon.

Ito ay matapos makapagtala ng positibong 3.16 porsiyento na labis sa dapat na koleksyon na P276,361,480 ng Oktubre.

Sa tala ng BOC-San Fernando, lumabas ang aktuwal na koleksyon nito na P285,103,337 kung saan may labis na P8,741,857 sa kita.

Patuloy ang pagsisikap ng BOC na mapaganda pa lalo ang revenue collection sa pamamagitan ng pagpapatupad ng Post Clearance Audit Group (PCAG) na bahagi ng Customs Modernization and Tariff Act (CMTA).

Sa patuloy na pagpapatupad ng mga reporma at programa upang mapaganda ang serbisyong pangkabuuan ng BOC, inaasahang hindi lang ang Port of San Fernando ang makakaabot ng target na koleksyon subalit maging ang iba’t ibang ports sa bansa. (Boy Anacta)

Please follow and like us:

BOC: KOMUNIKASYON, SAGOT SA MAGANDANG SERBISYO

November 18, 2019November 17, 2019 admin

LAYON na maging malinaw sa lahat ang mga panuntunan at regulasyon ng kanilang tanggapan, nagsagawa ng dayalogo sa stakeholders, importer at customs broker ang Bureau of Customs noong nakaraang buwan sa Cagayan de Oro, Cebu at Maynila.

Maliban sa panuntunan at proseso, tinalakay din sa pag-uusap ang National Value Verification System (NVVS) , Customs Accreditation at Accounts Management Office (AMO) kasabay ng pagbanggit sa BOC modernization projects tulad ng Parcel and Balikbayan Box Tracking System.

Sa Port of Cagayan de Oro, dumalo ang animnapung (60) importers at customs brokers na nakikipag-transaksyon sa Ports of Surigao, Zamboanga, Davao at Cagayan de Oro.

Apatnapung (40) importers at customs brokers naman mula sa Port of Cebu, Port of Tacloban at Port of Iloilo ang dumalo sa dayalogo sa Cebu.

Habang iba’t ibang stakeholders mula sa iba’t ibang bahagi ng Maynila at mga kalapit na lalawigan ang dumalo sa dayalogo sa Maynila at nakiisa rin ang iba’t ibang kompanya at organisasyon. (JO CALIM)

Please follow and like us:

P4.4-M ‘HOT’ SUGAR NAKUMPISKA NG BOC

November 18, 2019November 17, 2019 admin

(Ni JOEL O. AMONGO)

NASABAT ng Bureau of Customs ang P4.4 milyong smuggled na asukal na nakalagay sa walong (8) containers noong Miyerkoles (Nobyembre 13) sa Port of Manila.

Sinabi ng BOC, ang mga kontrabando na dumating sa South Harbor noong Agosto 30, 2019 mula China ay pawang Korach Conditioned Refined Sugar na itinago sa container na idineklara sa customs steel coil.

Inihayag ng BOC na RZTREC Trading, ang consignee ng asukal na kinumpiska sa bisa ng Warrant of Seizure and Detention (WSD) laban sa kargamento, ay sinampahan ng kasong kaugnay sa paglabag sa Customs Modernization and Tariff Act (CMTA).

Samantala, inaasahan na dadagsa pa ang iba’t ibang kargamento sa mga daungan sa bansa kaugnay nang nalalapit na holiday seasons.

Matatandaan noong Oktubre 21, 2019, nasabat ng BOC-Port of Cebu ang apat na containers na naglalaman ng iba’t ibang mga gulay na mula sa China na idineklarang oranges na nagkakahalaga ng kulang-kulang P1 milyon.

Please follow and like us:

MEAT IMPORTS SASALAIN NG DA

November 13, 2019November 13, 2019 admin

IGINIIT ng Bureau of Customs (BOC) na ang meat at pork imports ay kailangang dumaan muna sa inspeksiyon ng Department of Agriculture (DA) bago ito makaalis sa bakuran ng kawanihan.

Ito ang nakasaad sa Article IV, Section 12 paragraph (b) ng Republic Act No. 10611, o mas kilala sa tawag na Food Safety Act of 2013, na “imported foods shall undergo cargo inspection and clearance procedures by the DA and the DOH at the first port of entry to determine compliance with national regulations.”

Ang inspeksiyon ng DA at ng DOH ay kailangang dumaan sa assessment para sa tariff at iba pang charges ng BOC.

Ang regulasyon ay inimplementa ng BOC para matiyak ang kaligtasan ng consumers para maprotektahan ang pagpasok ng pagkain na walang dalang sakit, partikular ang African Swine Fever (ASF).

Bilang bahagi ng pagtupad, ang BOC ay regular na nakikipag-ugnayan sa DA at sa DOH para sa mga dokumento tulad ng Foreign Manifest of Arriving Vessels para malaman ang shipments na nangangailangan ng food safety inspection.

Kaugnay nito, para matiyak ang kaligtasan ng general public, bago dumating ang mga barko o sasakyang pandagat mula sa kanilang port of origin, sa anumang port of entry ng bansa, ang boarding formalities ay mahigpit na ipatutupad ng BOC, Quarantine Officers ng Bureau of Animal Industry (BAI), Bureau of Plant Industry (BPI), at Bureau of Fisheries and Aquatic Resources (BFAR).

Ayon kay BOC Spokesperson and Assistant Commissioner Atty. Vincent Philip Maronilla, lahat ng imported agricultural goods ay isasailalim sa initial examination ng DA kasama ng BOC examiners.

Tinitiyak din na lahat ng containers ay isasailalim sa 100% na eksaminasyon na isinasagawa ng BAI, BPI at BFAR sa kani-kanilang accredited warehouses.

Sa kaso naman ng meat products, ang container ay kailangang sinelyuhan ng BAI bago i-release ang nasabing imports mula sa BOC.

Kailangan din umanong dumaan sa 100% eksaminasyon ng National Meat Inspection Service sa kani-kanilang accredited storage warehouse.

Binigyan diin ni Commissioner Rey Leonardo B. Guerrero na ang BOC ay maagap laban sa mga ulat na may shipments na umano’y naglalaman ng smuggled goods at iba pang kontrabando at seryoso sila sa pagpapatupad ng batas laban sa imported pork at meat products mula sa ASF-hit countries. (Joel O. Amongo)

Please follow and like us:

INSPECTION VS MV GLOBAL LEGEND IPINATUPAD

November 13, 2019November 13, 2019 admin

NAGSAGAWA ng hazardous inspection ang inter-agency composite team, sa pangunguna ng Bureau of Customs sa Port of Limay, sa MV Global Legend sa Mariveles, Bataan noong Oktubre 24, 2019.

Ang MV Global Legend na may bandera ng Malta, ay naglalaman ng 43.450MT ng Indonesian Steam Coal mula sa Samrinda, East Kalimantan, Indonesia.

Ang nasabing operasyon ay parte umano ng “INTERPOL Operation 30 Days at Sea Philippines 2.0”.

Ang operasyon na binubuo ng inter-agency law enforcement operation ay nakasentro sa tatlong main operation targets na kinabibilangan ng (1) Pollution from Vessels and Offshore Installations; (2) Land-based and River Pollution Impacting the Marine Environment; at (3) Waste trafficking through Ports.

Kabilang sa bumubuo ng inter-agency law enforcement ay ang Philippine National Police (PNP-Maritime), Maritime Industry Authority (MARINA), Philippine Coast Guard (PCG), Port State Control, National Bureau of Investigation (NBI), ang BOC Enforcement and Security Service-Customs Police Division (ESS-CPD), Customs Intelligence and Investigation Service (CIIS) at Piers Inspection Division (PID) na nakiisa sa operasyon.

May kinatawan din mula sa Anda Power Corporation (importer/consignee) at World Mariner Phils. (ship’s agent) na kasama rin sa operasyon. Sa inisyal na operasyon, ang mission order ay para sa inspeksiyon sa “master of the Maltese vessel, Captain Bubit Dzivat”.

Ang nasabing order ay pinatupad ng mga miyembro ng BOC kasama ng Bureau of Immigration (BI) at Bureau of Quarantine (BOQ).

Sa agarang inspeksyon na isinagawa, wala namang nakitang paglabag ang “MV Global Legend” at wala ring nakitang dalang anumang hazardous o toxic waste materials.

Ang BOC ang nagsilbing lead agency laban sa mga shipment ng hazardous waste sa bansa.

Bilang parte ng pangakong pagsisilbi, ang Bureau ay nananatiling nakikipag-ugnayan sa local at international enforcement agencies para matiyak na ang border security ay naipatutupad nang maayos. (Jo Calim)

Please follow and like us:

P130-M FAKE ITEMS NADISKUBRE SA PASAY

November 13, 2019November 13, 2019 admin

MULI na namang dumagsa ang smuggled items sa bansa partikular nitong pagsapit ng ‘ber months’ na nagsimula noong Setyembre.

Ang mga operatiba ng Bureau of Customs-Customs Intelligence and Investigation Service (BOCCIIS), na kinabibilangan ng customs personnel ng BOC-Intellectual Property Rights Division (IPRD), kasama ng Armed Forces of the Philippines (AFP) Joint Task Force NCR-CL, ay muling nakadiskubre ng aabot sa P130 milyong halaga ng fake items noong Oktubre 25, 2019.

Ang mga ito ay kinabibilangan ng kilalang brands katulad ng Jordan, Crocs, Fitflop, Nike, Fila, Adidas, Havianas, Disney, Avengers, Barbie, Sofia the First, Coastar, AND1, at Little Pony na nakalagak sa isang warehouse sa Pasay City.

Nag-ugat ang nasabing operasyon matapos makatanggap ng impormasyon ang BOC-Intelligence Group mula sa isang impormante nitong Oktubre 24.

Matatandaang kamakailan ay may nauna ring nasabat ang Customs na mga gulay na pinaniniwalaang nakalaan ngayong Kapaskuhan.

Nitong Oktubre 30 ay nakasabat na naman ang Port of Manila (POM) ng meat products na nagkakahalaga ng P3.5 milyon.

Ang shipment na naka-consign sa JRA & Pearl Enterprises, ay idineklarang food enhancers (seasoning) at tomato paste na may kabuuang deklaradong duties and taxes na P337.264.

Ang mga port at iba pang meat products na misdeclared ay nanggaling umano sa bansang China na napaulat na apektado ng African Swine Fever (ASF).

Kaugnay nito, ang Customs ay patuloy na naghihigpit sa pagbabantay sa mga hangganan ng bansa para maiwasan ang pagpasok ng mga ilegal na kargamento at para sa paglalayong makakolekta ng malaking buwis ang nasabing kawanihan. (Joel O. Amongo)

Please follow and like us: