Sa mga pekeng bakuna BOC NAGBABALA SA PUBLIKO

0

Nagbabala ang Bureau of Customs (BOC) sa publiko kaugnay ng locally manufactured fake vaccines, kasabay ng mahigpit nilang pagbabantay laban sa importasyon ng peke at smuggled medicines at vaccines sa bansa.

Kamakailan ay naglabas ang BOC ng kanilang advisory bilang resulta ng isang artikulo na lumabas sa International Police (InterPol).

Sa nasabing artikulo ay natukoy ang mga sindikato at ibang underground groups na nagbebenta ng mga pekeng gamot at bakuna gayundin ang paraan kung paano ito makukuha sa ilegal na pamamaraan.

Dahil dito, tiniyak ng BOC na buong pagsisikap nilang palalakasin ang border security sa tulong na rin ng local law enforcement agencies kabilang na ang National Bureau of Investigation (NBI) , Philippine Drug Enforcement Agency (PDEA) pati na rin ang Food and Drug Agency (FDA).

Sa nasabing pagtutu­lungan ay nagresulta ng pagkakasabat at pagkakadiskubre kamakailan ng makeshift clinics na pinaghihinalaang gumagamot ng COVID-19 patients na umanoy nasa likod ng distribusyon para sa local fake vaccines.

Kaugnay nito, ang BOC ay nagbabala sa publiko na maging maingat sa pag-avail ng bakuna lalo na sa mga peke na posibleng magpapalala pa sa karamdaman ng gagamit nito.

Para naman sa parte ng BOC ay tiniyak nilang magpapatuloy sila sa kanilang trabaho kasama ng gobyerno at law enforcement agencies sa pamamagitan ng pagbibigayan ng intelligence information at koordinasyon pati na rin ang suporta sa pamamagitan ng intellectual property enforcement efforts para matiyak na maiwasan ang pagpapakalat ng peke at smuggled vaccines.
(Jo Calim)

Read More

BOC-DAVAO KASAMA SA COVID-19 VACCINE ARRIVAL SIMULATION NG IATF

0

Nakiisa ang Bureau of Customs (BOC) Port of Davao sa isinagawang simulation exercises para sa paparating na ­COVID-19 vaccines sa Davao Region noong Pebrero 15, 2021.

Ang aktibidad ay ­pinangunahan ng Inter-Agency Task Force for the Management of Emerging Infectious Diseases (IATF-EID), kasama ng Department of Health (DOH) Regional Office XI,

Department of Interior and Local Government (DILG), Food and Drug Administration (FDA), Philippine National Police (PNP) at iba pang government agencies at private firms.

Ang ginawa nilang simulation ay para matiyak na walang anomang abala o hadlang na makakapag-anta sakaling dumating na sa rehiyon ang mga ­imported vaccines.

Kaya sinimulan ang dry-run sa pagdating ng goods sa Davao International Airport (DIA) na kung saan ay isasailalim sa pre-customs clearance sa BOC Davao’s One-Stop-Shop na naroon mismo sa DIA.

Kasunod nito, ang ramp release, transportation, unloading, at ­receiving ­vaccines sa cold chain ­storage facility ng Department of Health (DOH) sa Region XI.

Ang nasabing aktibidad ay pagsunod sa direktiba ni Pangulong Rodrigo Duterte para sa pagpapadali ng lahat ng kaparaan para maiwasan din ang pagkakamali na maaaring maging dahilan ng pagkaantala sa pagkuha ng ­clearance ng vaccines.

Kaugnay nito, ang BOC-Port of Davao ay lalo pang pinalakas ang kanilang border surveillance sa lahat ng ports of entry sa Davao Region para tiyakin na walang makapapasok na peke at hindi rehistradong bakuna sa rehiyon at mga kalapit lalawigan nito sa ilalim ng pamumuno ng Collection District XII na nakabase sa Davao City. (Joel O. Amongo)

Read More

P13-M SMUGGLED YOSI, GAMOT NaSABAT NG BOC-MICP SA PARANQUE

0

Aabot ng labing tatlong milyong pisong (P13-M) halaga ng mga smuggled na sigarilyo at mga gamot ang nasabat ng Bureau of Customs (BOC) sa lungsod ng Parañaque.

Armado ng isang Letter of Authority na pirmado ni Commissioner Rey ­Leonardo Guerrero ng BOC, nagsanib pwersa para sa isang ­espesyal na operasyon ang mga tauhan ng Manila International Container Port o MICP kasama ang Customs Intelligence and Investigation Service (CIIS) at Enforcement and Security Service (ESS) katuwang ang Philippine Coast Guard (PCG) at ang National Bureau of Investigation o NBI.

Ang pakay ng nasabing operasyon ay ang pagsasagawa ng inspeksyon sa dalawang (2) storage facilities na nagresulta sa pagkakahuli ng Chinese cigarettes at mga gamot.

Ang unang operasyon ay nagresulta sa pagkakasabat ng tinatayang apat na milyong pisong halaga ng smuggled na sigarilyo, habang ang sumunod na operasyon ay nakumpiska naman ang siyam na milyong pisong halaga ng iba pang brand ng sigarilyo at mga gamot.

Pinaniniwalaan na ang nasabat na mga gamot ay posibleng magamit bilang panlaban sa COVID-19.

Agad na nagsagawa ng kaukulang imbestigasyon ang BOC para malaman kung sino ang responsable sa shipment at kung sino rin ang nagmamay-ari ng ni-raid na storage facility.

Kasabay nito, tiniyak ng BOC-MICP na mananagot at makakasuhan ang nasa likod ng ilegal na importasyon ng mga kalakal dahil sa paglabag sa Section 1400 ng RA 10863 o mas kilala sa tawag bilang Customs Modernization and Tariff Act (CMTA)

At dahil sa ang bansa ay patuloy na nagrerekober mula sa epekto ng Covid-19, ang MICP ay nananatili sa kanilang pangako sa kanilang kampanya laban sa smuggling sa ilalim ng patnubay ni Commissioner Rey Leonardo B. Guerrero. (Joel O. Amongo)

Read More

P6.8-M SHABU KUMPISKADO, CLAIMANT ARESTADO SA BOC-PORT OF CLARK

0

JOEL O. AMONGO

Nagkakahalaga ng mahigit sa anim na ­milyong pisong (P6.8-M) halaga ng shabu ang nasabat ng mga tauhan ng Bureau of Customs (BOC) sa Port of Clark kamakailan.

Ang shipment ay ­dumating sa bansa mula Shah Alam, Malaysia noong Pebrero 16, 2021 at deklaradong Air Fryer at Silkware.

Nang isailalim sa ­profiling at physical ­examination, natuklasan ang dalawang piraso ng frying pan at isang air fryer. Pero sa pamamagitan naman ng X-Ray ay nadiskubre na naglalaman din ito ng tinatawag na organic substances.

Kaya nang buksan ng Customs Examiner ang shipment ay positibong nakita ang dalawang (2) itim na plastic packs na kargado ng crystaline substances na pinaghihinalaang shabu.

Isinailalim ito agad sa K-9 sniffing at dinala ang mga samples para sa laboratory testing at chemical analysis na kung saan ay ­nakumpirmang positibo ang kargamento sa ­Methamphetamine Hydrochloride o shabu.

Dahil dito, agad na nagpalabas ng Warrant of ­Siezure and Detention (WSD) si District Collector Atty. Ruby Almeda laban sa subject shipment para sa paglabag sa Sections 118 (g), 119 (d) at 1113 (f), (i) & (I) ng RA No. 10863 o ang Customs Modernization and Tariff Act (CMTA) na may kaugnayan sa RA No. 9165 o ang ­Comprehensive ­Dangerous Drugs Act of 2002.

Nauna rito, ay nagkaroon ng close coordination ang BOC sa Philippine Drug Enforcement Agency (PDEA) Region III para magsagawa ng controlled ­delivery operations na ­nagresulta sa pagkakaaresto ng claimant ng naturang shipment sa Region VII (Cebu City).

Kaugnay nito, isang kaso para sa paglabag sa Section 4 (Importation of Dangerous Drugs) na may kaugnayan sa Section 26a. Article II ng RA No. 9165 ang isinampa laban sa mga suspek.

Pinapurihan naman ni Atty. Almeda ang kanyang mga tauhan sa pagkakasabat ng nasabing illegal drugs at pagkakaaresto din ng claimant nito.

Idinagdag pa niya na mahigpit nilang ipinatutupad ang direktiba ni BOC Commissioner Rey ­Leonardo Guerrero na manatiling maging mahigpit ang lahat ng pwerto laban sa pagpasok ng mga ilegal na droga alinsunod sa war on drugs ni PRRD.

Read More

P45-M PEKENG LARUAN, KALAKAL NASABAT NG BOC-MICP SA BULACAN

0

Nasabat ng Bureau of Customs sa pamamagitan ng Manila International ­Container Port o MICP, Customs Intelligence and Investigation Service o CIIS at Enforcement and Security Service o ESS sa tulong ng National Bureau of Investigation (NBI) ang pekeng mga laruan at iba pang mga kalakal sa Guiginto, Bulacan.

Ang operasyong ito ay bahagi ng patuloy na pagsisikap ng BOC para matuldukan ang pagkalat ng mga pekeng kalakal.

Ang pagkakasabat ay sa pamamagitan ng implementasyon ng isang Letter of Authority (LOA) na nilagdaan ni BOC Commissioner Rey Leonardo B. Guerrero.

Nauna rito, ang ­inspeksyon na isinagawa ay nagresulta sa pagkakadiskubre ng mga counterfeit toys pati na rin mga helmets, steel, resins at machineries.

Ang mga kalakal ay tinatayang nagkakahalaga ng Php 45 Million.

Karagdagang imbestigasyon ang isinasagawa para sa posibleng pagsasampa ng mga kaso na paglabag sa Section 1400 ng RA 10863 o mas kilala bilang Customs Modernization and Tarrif Act (CMTA) pati na rin sa Intellectual Property Laws.

Dahil ang BOC ay isa sa mga ahensiyang nagpo-promote ng maayos na kalakalan para sa masaganang ekonomiya, ang MICP ay nananatili sa kanilang pangako para sa kaligtasan ng hangganan ng bansa sa pamamagitan ng kanilang anti-smuggling campaign sa ilalim ng patnubay ni Commissioner Guerrero ng BOC. (Joel O. Amongo)

Read More

BOC-BATAS NAGSAMPA NG MGA KASO VS ILLEGAL IMPORTERS, BROKERS

0

Bilang mandato ng Bureau of Customs’ (BOC) na protektahan ang hangganan ng bansa mula sa pagpasok ng illegal at smuggled goods, ang Bureau’s Action Team Against Smugglers o BATAS ay nag-sampa ng kasong kriminal sa Department of Justice (DOJ) laban sa dalawang (2) importers dahil sa umano’y hindi tamang deklarasyon at ilegal na importasyon ng mga peke at ipinagbabawal na kalakal.

Ang unang kaso ay laban sa YJC International Corporation para sa ‘alleged unlawful importation and misdeclaration’ ng 1,599 cartons (79,950 reams) ng pekeng sigarilyo na may kabuuang halagang PHP 76,837,676.47.

Ang consignee ay idineklara ang kanilang shipment bilang plastic frames at sheets.

Naganap ang paglabag noong Enero 03, 2021 sa Manila International Container Port (MICP).

Kinasuhan din ang MBS CARGO MOVERS Co. para sa ‘alleged illegal importation and misdeclaration’ ng 344 boxes ng ukay-ukay.

Ang consignee ay idineklara ang kanilang shipment bilang used personal effects.

Naganap ang paglabag noong Agosto 10, 2020 sa MICP.

Ang mga nabanggit na consignees at kanilang brokers ay kinasuhan sa ibat-ibang paglabag sa R.A. 10863 (CMTA), Republic Act No. 4653 (An Act to Safeguard the Health of the People and Maintain the Dignity of the Nation by Declaring it a National Policy to Prohibit the Commercial Importation of Textile Articles Commonly Known as Used Clothing and Rags), R.A. 10963 (TRAIN Law), R.A. 8293 (Intellectual Property Code of the Philippines), The Revised Penal Code, at National Tobacco Administration rules and regulations.

Bukod dito, may kinakaharap ding administrative cases sa PRC laban sa Licensed Customs Brokers ng consignees ang nabanggit na shipments.

Ang consignees at kanilang Licensed Customs Brokers ay nakitaan ng ibat-ibang paglabag sa Republic Act No. 10863, o mas kilala sa tawag bilang Customs Modernization and Tariff Act (CMTA); Republic Act No. 4653 o mas kilala bilang “An Act to Safeguard the Health of the People and Maintain the Dignity of the Nation by Declaring it a National Policy to Prohibit the Commercial Importation of Textile Articles Commonly Known as Used Clothing and Rags”; Department of Health (DOH) Administrative Order No. 2014-0038 o ang Rules and Regulations Governing Household/Urban Pesticides Licensing of Establishments and Operators, Registration of Their Products and for Other Purpose; and Article 172 in relation to Article 171 of the Revised Penal Code, bilang inamyendahan.

Sa pagsasampa ng mga kaso ay muling inulit ng BOC ang kanilang pangako ngayong 2021 na kanilang poprotektahan ang anumang labag sa batas na importasyon ng ibat-ibang kalakal sa bansa. (Jo Calim)

Read More

P50-M YOSI HULI SA BOC-CDO

0

CAGAYAN DE ORO – Nasabat ng Customs Intelligence and Investigation Service (CIIS) ng Bureau of Customs Port of Cagayan de Oro ang dalawang ­container vans na naglalaman ng ilegal na sigarilyo na may halagang 50 milyong piso mula sa China.

Ang shipment na naka-consigned sa LMRC 418 Direct Import Export Corporation ay dumating noong Pebrero 14, 2021 sa Mindanao Container Terminal (MCT) sa Tagoloan, Misamis Oriental.

Sa pamamagitan ng natanggap na derogatory information kaugnay sa shipment, isang Pre-Lodgement Control Order ang inisyu ni District Collector John Simon ng BOC-CDO mula na rin sa rekomendasyon ng CIIS.

Sa isinagawang ­inspeksyon, ang shipment na idineklara bilang furniture ay nadiskubre na naglalaman ng smuggled cigarettes na may brand na Marvels at Two Moon.

Kaugnay nito, pinapurihan naman ni Collector Simon ang CIIS CDO Field Station sa pamumuno ni IO1 Oliver ­Valiente para sa kanilang patuloy na pagbabantay sa border protection.

Samantala, isang Warrant of Seizure and Detention ang inisyu para sa nasabing shipment na nakatakda nang wasakin sa mga susunod na araw.

Ang kagaratan ng ­Mindanao ay isa sa paboritong bagsakan ng mag ilegal na sigarilyo na nagmumula sa ibat-ibang bansa sa Asya na kalapit ng Pilipinas. (Joel O. Amongo)

Read More

25 IBA’T IBANG LIVE REPTILES NA NASABAT NG BOC-NAIA PORMAL NANG ITINURNOVER SA DENR

0

Ipinagkatiwala na ng Bureau of Customs Port of NAIA ang kanilang nasabat na 2 makamandag na cobra, 8 pit vipers at 15 sailfin lizards sa Department of Environment and Natural Resources o DENR.

Ang nasabing mga buhay na mga reptiles na may halagang P300,000.00 na nakalagay sa loob ng bamboo chimes at lantern ay nakatakda sanang i-export sa Taiwan noong Pebrero 18, 2021 sa pamamagitan ng DHL warehouse.

Naunang idineklara ang bagahe bilang “souvenir items” ng isang nagngangalang “Adrian Lim” mula sa Pasig City at naka-consigned naman sa isang “Ryan Su” ng Taiwan.

Nadiskubre at nasabat ang mga reptiles a pamamagitan ng pinagsamang pagsisikap ng Port of NAIA at mga opisyal mula sa ilalim ng Export Division, Enforcement and Security Service (ESS), Environmental Protection and Compliance Division (EPCD), X-Ray Inspection Project (XIP), Customs Intelligence and Inspection Service (CIIS), DHL at sa mahigpit na pakikipagtulungan sa DENR.

Kaugnay nito, ang Port of NAIA ay nananatili sa pagbabantay hindi lamang sa ­paghuli ng mga ilegal na droga kundi pati na rin sa illegal wildlife trade.

Karagdagan nito, ang Port of NAIA, noong Marso 2019 at Sepyembre 2020 ay pinuri ng Traffic Asia para sa pagkakakumpiska ng 1,529 freshwater turtles at tortoises na nakalagay sa suitcase.

Nakatanggap din ng papuri ang BOC ng U.S. Fish and Wildlife Service para naman sa pagkakasabat sa reticulated python na nakalagay sa rattan basket noon ding nakaraang taon.

Ayon kay NAIA District Collector Carmelita Talusan, sa ilalim ng pamumuno ni Commissioner Rey Leonardo B. Guerrero, ang BOC kasama ang iba pang government at regulatory agencies ay nangako na palalakasin ang pagtutulungan laban sa illegal wildlife trade para proteksiyunan ang wildlife.

Kasunod nito, ay ihahanda na ang profiling at case build up laban sa shipper at co-conspirators para sa illegal wildlife trade na may paglabag sa RA 9147 (Wildlife Resources Conservation and Protection Act) at RA 10863 (Customs Modernization and Tariff Act).

Read More

P1.5-M HOG CASINGS WINASAK NG BOC-PORT OF MANILA

0

AABOT ng 1.5 milyong piso o katumbas ng isang container ng hog casings ang winasak ng Bureau of Customs (BOC) Port of Manila (POM) sa San Pascual, Batangas noong Pebrero 2, 2021.
Ang condemnation ay sinaksihan ni POM Auction and Cargo Disposal Division Chief Enrico Turingan III, at kinatawan mula sa Bureau of Animal Industry (DA-BAI), Customs Intelligence and Investigation Service (CIIS), Enforcement and Security Service (ESS), Port Operations Service, Philippine Coast Guard (PCG), at Commission on Audit (COA).

Ang kalakal ay winasak sa pamamagitan ng ­shredding at pagsalin sa waste disposal facility ng Joncyr Enterprises, Inc.

Ang pagwasak ay naaayon sa mga probisyon ng Section 1145 (Disposition of Goods Injurious to ­Public Health) ng Republic Act No. 10863 o ang Customs Modernization and Tariff Act (CMTA).
Ayon kay POM District Collector Michael Angelo DC. Vargas, ang nasabing kondemnasyon ay nakumpleto para tiyakin na ang kalakal ay hindi na makakapaminsala para na rin sa kaligtasan ng publiko at kalusugan nila.

Ang aktibidad ay nakalinya sa direktiba ni Commissioner Rey Leonardo Guerrero para maging free-up storage facilities ng abandunadong at illegally shipped items para na rin sa pagpapaganda ng kalakalan. (Joel O. Amongo)

Read More