IBP-QC MEMBERS HINIKAYAT BUMOTO

0

NANAWAGAN ang sekretarya ng Integrated Bar of the Philippines (IBP), sangay ng Quezon City, na si Maria Angelica “Angie” de Ramos sa mga miyembro nito na mayroong malinis na katayuan na lumahok sa eleksyon at maghalal ng mga opisyal nito sa Sabado (Pebrero 27).

Sinegundahan ni Atty. Lennard Constantine “Leng” Serrano ang panawagan ni De Ramos at nilinaw sa kasapian na sila ay maaaring makaboto nang personal, o sa pamamagitan ng online dahil sa limitasyong kinakaharap dulot ng COVID-19.

Ang IBP-QC ang pinakamalaking sangay ng IBP sa buong bansa.

Itinuturing at kinikilala ang IBP bilang isa sa mga prestihiyoso at solidong kapatiran ng mga abogado sa Pilipinas.

Tinuran din ng mga opisyal ng IBP na kailangan ang pisikal na presensya sa lugar na pagdarausan ng halalan ng mga nominado sa anomang posisyon upang personal nilang tanggapin ang nominasyon at mahalal sa posisyon.

Ito’y makaraang magpasya ang pamunuan ng IBP-QC na hindi pinahihintulutan ang nominasyon at eleksyon sa online, pahayag ni Atty. Maria Andreameda “Maida” Catubay.

Nilinaw naman nina Alton C. Durban at Frances Mae “Cherryl” Ontalan na tanging mga miyembro na nagbayad ng butaw para sa taong 2021, walang pagkakautang at itinuturing at kinikilalang kasapi na mayroong magandang katayuan sa IBP ang pinahihintulutang maghalal at mahalal na opisyal.

Ipinayo ni Atty. Arbie C. Buenaflor sa kasapian na agahan ang pagtungo sa lugar na pagdarausan ng halalan upang maiwasan ang siksikan at pagkaantala ng eleksyon.

Alas-8:00 ng umaga magsisimula ang halalan at magtatapos ng 4:00 ng hapon sa lobby ng Quezon City Hall.

Pinayuhan din ang mga boboto, sa pamamagitan ng online, na agahan ang pagpapadala ng kanilang boto.

Sina Kathleen Stacey “Kasey” Villordon, Marie Cielo “Cielo” Ceñidoza, Cerizar Vicente “Donvic” Torio, Raul Ricardo “Raul” Francisco at Bantuas “Banjo” Lucman, at maging ang mga dating pangulo ng IBP-QC, mga opisyal at kasapian, at mga opisyal at mga kasapi ng QC Trial Lawyers League ang magtitiyak na magiging maayos at matiwasay ang halalan.

Mahigpit ding paiiralin ang health protocols partikular ang social distancing upang makaiwas sa COVID-19. (NELSON S. BADILLA)

 

Read More

Parke sa Navotas, lockdown din 14-DAY STRICT LOCKDOWN SA 55 BARANGAY SA PASAY

0

IPATUTUPAD sa loob ng 14-araw ang “strict lockdown” sa 55 barangay sa Pasay City upang matiyak na hindi kumalat ang COVID-19 sa buong lungsod.

Inihayag ito ng City Health Office nang umabot sa mahigit 400 ang mga kaso ng COVID-19 sa lungsod mula sa mahigit 300 nitong nakalipas na linggo.

Naniniwala ang City Health Office na ang istriktong 14-day lockdown ang sagot sa mabilis na pagtaas ng mga kaso ng COVID-19 sa lungsod.

Batay sa rekord ng City Health Office, umabot na sa 7,650 ang kumpirmadong kaso ng COVID-19, habang naitala sa 7,059 ang mga gumaling at 196 ang namatay. (MARINHEL T. BADILLA)

Samantala, makaraang isailalim sa granular lockdown ang Navotas City Hall dahil sa pagpositibo sa COVID-19 ng 24 kawani nito, pansamantalang isasara rin ang Navotas Centennial Park simula Pebrero 25, hanggang sa susunod na abiso ng lungsod.

Ani Mayor Toby Tiangco, ang naturang hakbang ay sa paghahangad na pigilan ang mga pagkakataon na magkaroon ng malakihang pagtitipon-tipon dahil maaari itong maging ‘super spreader event’ o aktibidad na pagmumulan ng malawakang hawaan ng COVID-19.

Inilahad ng punong lungsod na noong Pebrero 6 ay 33 na lamang ang active cases sa lungsod, pinakamababa sa taong ito. Ngunit noong Pebrero 24 ay sumirit ito sa 209 matapos na 15 ang magpositibo at walo lamang ang gumaling.

Binigyang-diin ni Tiangco na kailangang pigilan ang lalong pagdami ng mga kaso at ito ay magagawa sa pamamagitan ng pagpapatupad ng precautionary measures.

“Araw-araw, lalo na pag-Sabado at Linggo, dinadayo po ang Navotas Centennial Park ng mga gustong mag-exercise o tumambay lamang. Nakikita po nating dagsa ang mga tao rito, Navoteño man o hindi, at madalas sila ay nagkukumpulan kahit ilang beses na po tayong nagpaalala na panatilihin ang social distancing,” patuloy niya.

Giit ng alkalde, dahil sa pagtaaas ng mga kaso at pangangailangan na magpatupad ng mga polisiya para mapangalagaan ang kalusugan ng ating mamamayan, bagama’t di niya nais, ay kailangang maghigpit para sa kabutihan ng lahat.

Kaugnay pa rin ng lockdown sa City Hall, nagpadala ng pormal na liham si Tiangco sa Sangguniang Panlungsod, sa pangunguna ni Vice Mayor Clint Geronimo, kung saan nakasaad ang kahilingang “extremely certified urgent” para palawigin ang palugit sa pagbabayad ng sumusunod mula Pebrero 28, 2021 hanggang Marso 5, 2021: business permit/license; permit to operate para sa mga tricycle at pedicab/de padyak na may plakang nagtatapos sa 4, 5 at 6; permit to operate para sa mga tricycle, pedicab/de padyak at e-bike na kailangan nang i-renew at mag-i-expire ngayong Pebrero 2021, at regulatory sticker para sa public utility jeepney (PUJ) na may plakang nagtatapos sa 2.

“Hangad po natin ang agarang pagpasa ng ordinansa ukol dito. Patuloy po tayong mag-ingat lalo na’t dumadami na naman po ang ating mga kaso. ‘Wag po tayong pakampante dahil nariyan pa po ang panganib na magkasakit,” ani Tiangco. (MARINHEL T. BADILLA/ALAIN AJERO)

Read More

BAHRAINI RAPE SUSPECT, LAGLAG SA BI

0

INIHAYAG ng Bureau of Immigration (BI) ang pagkakaaresto sa isang Bahraini national na wanted sa sex crimes sa kanyang bansa.

Kinilala ni BI Commissioner Jaime Morente ang pugante na si Alsendi Waleed Abdulla Hamad, 43-anyos, nadakip noong nakaraang Martes sa Brgy. San Francisco II, Dasmariñas, Cavite ng mga operatiba ng bureau’s Fugitive Search Unit (FSU).

Ayon kay Morente, nag-isyu siya ng mission order para sa pag-aresto kay Hamad matapos na ipag-utos ng Department of Justice (DOJ) para malaman ang presensiya at status ng dayuhan sa bansa at para iproseso ang deportasyon laban dito.

Idinagdag pa ni Morente na si Hamad ay subject ng arrest warrant ng public prosecutor’s office ng Bahrain para sa ‘sexual assault and possession of pornographic materials’.

Dahil dito, si Hamad ay pakay ng Interpol red notice na inisyu dalawang taon na ang nakalilipas.

“He will be summarily deported as his presence here and record as a sex offender pose a serious threat to our people,” ayon sa BI chief.

Ayon sa impormasyon mula sa BI, natuklasan na si Hamad ay tumakas papuntang Pilipinas noong Marso 2016 matapos maakusahan ng sexual assault sa isang babaeng biktima nito sa kanyang apartment.

Si Hamad ay kasalukuyang nakakulong sa BI warden facility sa Camp Bagong Diwa, Taguig City at hinihintay ang paglabas ng order mula sa bureau’s Board of Commissioners para deportasyon nito.

Samantala, Hamad ay inilagay na sa immigration blacklist at bawal nang muling pumasok sa bansa. (JOEL O. AMONGO)

 

Read More

Korte nag-isyu na ng warrant SUSPEK SA COLUMNIST SLAY PINATUTUGIS

0

IPINAG-UTOS ng Presidential Task Force on Media Security (PTFoMS) sa Philippine National Police (PNP) ang pagsasagawa ng manhunt operations sa umano’y killer ng Remate columnist na si Jupiter Gonzales at kanyang kasama na si Christopher Tiongson, matapos mag-isyu ng alias warrant kamakailan ang Regional Trial Court (RTC) para sa kasong double murder.

Agad namang tumugon ang Pampanga Police Provincial Office (PPO) at nagbuo ng special tracker team para tugisin at maiharap sa korte ang akusadong si Armando Maglaya Velasco alyas “Ambet”.

Si Ambet na local carnival (perya) operator at pangunahing suspek sa twin-murder, ay inisyuhan ng alias warrant ni Judge Mary Jane Dacara Buenaventura ng Branch 43 ng RTC ng San Fernando City.

“They may run and they may hide, but the PNP will be undeterred in their duty to apprehend these criminals. There is no escaping the law especially in this Administration.” ani PTFoMS Co-Chair and Presidential Communications Operations Office Secretary Martin M. Andanar.

Sinabi naman ni PTFoMS Executive Director Undersecretary Joel Egco, isa ring veteran journalist at naging kasama ni Gonzales sa trabaho, “With the help of our dedicated police officers, the Task Force is relentless and unwavering in its quest to bring to justice the perpetrators of this heinous crime against my friend and colleague, Jupiter Gonzales. Failure to arrest this criminal is not an option.”

Matatandaan, sina Gonzales at Tiongson ay binaril at napatay noong Oktubre 20, 2019, habang nasa loob ng kanilang sasakyan matapos magkaroon ng pakikipagtalo sa suspek.

Ayon kay P/Lt. Col. Eduardo S. Guevarra Jr., Arayat chief of police, matibay ang ebidensiya laban kay Velasco dahil sa narekober na mga bala mula sa biktima na nagpositibo sa isinagawang forensic examination at tumugma sa baril ng akusado.

Ang nasabing baril ay isinuko ng kamag-anak ni Velasco matapos ang pamamaslang.

Kamakailan, inanunsyo ni Egco ang pang 50th case ng media killings na nagresulta sa guilty verdict sa akusadong si Leonardo Banaag, Jr. para sa kasong murder sa Ilocos-based radio broadcaster na si Jovelito Agustin.

“This brings to 67 the total number of media killers that were convicted by the courts,” ayon pa ospital. (JOEL O. AMONGO)

 

Read More

1 PANG MPD COP DINUKOT

0

HINDI pa man nareresolba ang unang dinukot na miyembro ng Manila Police District-Meisic Police Station 11, isa na namang patrolman ang sapilitang tinangay ng armadong kalalakihan sa Sta. Mesa, Manila nitong Miyerkoles ng umaga.

Base sa natanggap na report ni District Director, P/Brigadier General Leo Francisco, si Patrolman Real Lopez Tesoro, 41, residente ng #3374 Alley St., Barangay 601, Sta. Mesa, Manila, ay dinukot ng armadong kalalakihan bandang alas-10:05 ng umaga sa V. Mapa Extension sa Sta. Mesa.

Nabatid sa ulat ng pulisya, si Tesoro ay dating nakatalaga sa MPD Jose Abad Santos Police Station 7 (PS-7) at sa Regional Personnel Holding and Accounting Section (RPHAS) ng National Capital Regional Police Office (NCRPO).

Nabatid sa report ng pulisya, ang kinakasama ng biktima na si Mary Ann Gervacio, 31, ang siyang nag-report ng insidente sa mga awtoridad.

Ayon sa ginang, limang suspek na kinabibilangan ng apat na lalaki at isang babae, ang dumukot sa biktima.

Bigla na lamang umanong isinakay ng mga suspek ang biktima sa isang itim na sports utility vehicle (SUV) na hindi naplakahan at saka humarurot na palayo.

Samantala, sinabi ni General Francisco, hanggang sa kasalukuyan ay wala pa rin silang update hinggil sa insidente ng naunang pagdukot kay P/Cpl. Allan Hilario ng Meisic Police Station 11 (PS-11), kamakailan sa Binondo, Manila. (RENE CRISOSTOMO)

 

Read More

COVID-19 CASES SA PASAY, SUMIRIT

0

TUMAAS sa 435 ang aktibong kaso ng COVID-19 sa lungsod ng Pasay noong Pebrero 23 mula sa 395 noong Pebrero 22.

Posibleng tumaas ang dami ng tatamaan ng COVID-19 dahil umabot na sa puntong magkakasama sa bahay ang nagkakahawaan sa nasabing virus, diin ni Mico Lorca, pinuno ng Pasay City contact tracing team.

Ani Lorca, nasa 60 porsyento ang magkakasama sa kani-kanilang mga tahanan ang tinatamaan ng COVID-19 na siyang lumabas sa isinagawang contact tracing noong Lunes at Martes hanggang kasalukuyan, dagdag pa ni Lorca.

Dahil umabot sa 435 ang nagkaroon ng COVID-19 sa loob ng ilang oras mula Lunes hanggang Martes, itinaas sa 55 ang bilang ng mga barangay na isinailalim sa “localized community quarantine” ng pamahalaang lungsod.

Batay sa rekord, tatlong kaso ng COVID-19 ang positibo sa mga barangay na napasama sa lockdown. (MARINHEL T. BADILLA)

 

Read More

24 empleyado positibo sa COVID-19 NAVOTAS CITY HALL INI-LOCKDOWN

0

ISINAILALIM sa granular lockdown ang Navotas City Hall matapos na iulat ng City Epidemiology and Surveillance Unit na 24 kawani ng pamahalaang lungsod ang nagpositibo sa COVID-19.

Nakasaad sa Executive Order No. TMT-014 Series of 2021 na nilagdaan ni Mayor Toby Tiangco noong ika-23 ng Pebrero, damay ang Navotas City Hall Annex (kasama ang NavoServe) at Franchising Permits Processing Unit sa lockdown na nagsimula alas-8:01 ng gabi noong Pebrero 23 hanggang sa Linggo, Pebrero 28, alas-11:59 ng gabi.

“Ibig sabihin, wala po munang transaksyon sa ating city hall tulad ng application/renewal ng business permit at pagbabayad ng amilyar, pati na ang pagkuha ng plaka ng mga tricycle at PUJ,” ayon sa alkalde.

Ipinaliwanag naman ni Tiangco na may mga papasok pa ring kawani ngunit para lamang ayusin ang sweldo ng mga empleyado, gawin ang mga proseso para sa pagbili ng mga kailangan para sa COVID-19 response, at pagresponde sa anumang emergency.

“Sa mga may babayaran na ang deadline ay sa 28 Pebrero 2021, ‘wag po kayong mag-alala. Hihilingin po natin sa Sanggunian na magpasa ng ordinansa ng extension ng pagbabayad hanggang 5 Marso 2021 nang walang penalty at surcharge,” pagtiyak ng punong lungsod.

Nauna nang nag-anunsyo si Tiangco na may mga kawani ng pamahalaang lungsod na nagpositibo sa COVID-19 at agad silang ipina-isolate at pina-swab test ang kanilang close contacts.

Sumailalim rin sa swab test ang lahat ng mga empleyado ng city hall kahit hindi sila close contact. Nagsasagawa rin ang pamahalaang lungsod ng general cleaning at disinfection tuwing alas-3:00 ng hapon hanggang alas-5:00 ng hapon.

Noong Pebrero 23 ay dalawa ang namatay sa Navotas dahil sa COVID-19, habang 43 ang nagpositibo kaya’t lumobo ang active COVID cases sa 202, samantalang lima lamang ang gumaling. (ALAIN AJERO)

 

Read More

SUSPEK SA JOURNO SLAY TIMBOG

0

INIHAYAG ng Presidential Task Force on Media Security (PTFoMS) ang pagkakaaresto kamakailan kay Richard Posas Bolastig, isa sa gunmen na pumatay sa isang journalist na si Dennis Denora.

Sa report na isinumite sa Malacañang ni P/Lt. Col. Atty. Verna Cabuhat, acting chief of police ng Panabo City Police, isinilbi ng police operatives ang court-issued warrant laban kay Bolastig para sa kasong murder kay Denora, ayon sa direktiba ng nasabing task force.

Si Bolastig ay kasalukuyan nakakulong sa Tagum City Jail habang hinihintay ang pagdinig ng kaso.

“This is proof of the government’s unwavering commitment to bring to justice all perpetrators of media killings in the country. I commend the men and women of the PNP for capturing this most wanted criminal. We will not rest until all those responsible for the murder of Dennis Denora are brought to justice,” ani PTFoMS Co-Chair at Presidential Communications Operations Office Secretary Martin M. Andanar.

Para naman kay Undersecretary Joel Sy Egco, Executive Director ng PTFoMS, sinabi niyang ang pagkakaaresto kay Bolastig “is a validation of President Duterte’s unbroken promise to end the plague of violence against media workers by bringing perpetrators behind bars”.

Si Denora, publisher ng Trends and Times, isang community paper na nakabase sa Davao del Norte, ay binaril at napatay ng dalawang gunmen sa ambush sa Panabo City noong Hunyo 7, 2018. Kabilang umano sa mga suspek ay kinilalang si Bolastig.

Matatandaan, kinasuhan ng murder si Bolastig at isang hindi pa kilalang kasama nito noong 2019 dahi sa pagpatay kay Denora, sa ilalim ng Criminal Case no. 425-2019.

Ang kaso ay kasalukuyang nakabinbin sa Branch 4 ng Regional Trial Court of Panabo City, sa sala ni Judge Carmel Gil Grado. (JOEL O. AMONGO)

 

Read More

P10-M SHABU NASABAT SA CALOOCAN

0

ISANG hinihinalang drug courier ang nasabat ng mga operatiba ng Philippine Drug Enforcement Agency sa #185 Malaria North, Caloocan City noong Lunes.

Ayon sa isinumiteng ulat kay PDEA Director GEneral Wilkins Villanueva, kinilala ni PDEA IV-A Team R-SET leader Christopher S. Basilo ang suspek na si Jovit M. Dela Cruz, 27, residente sa Brgy. 185, Malaria North ng nasabing siyudad.

Si Dela Cruz ay nadakip sa entrapment operation bandang alas-2:00 ng hapon noong Lunes habang kasagsagan ng buhos ng ulan, sa isang mall sa Quirino Ave. sakop ng Malaria Sanitarium, sa nasabing lungsod

Nakumpiska sa suspek ang 500 gramo ng umano’y shabu na aabot sa P3.4 million ang street value.

Ngunit ayon sa suspek, ipina-deliver lamang sa kanya ang nasabing ilegal na droga.

Una rito, aabot sa P7 million ang halaga ng umano’y shabu na naharang ng Bureau of Customs (BOC) at PDEA, na nakasilid sa air fryer mula sa Sha Alam, Malaysia.

Noong Pebrero 19, 2021, sa pakikipag-ugnayan ng BOC sa Philippine Drug Enforcement Agency Region (PDEA) Region III, agad nagsagawa ang mga awtoridad ng controlled delivery operation na naging daan sa pagkakaaresto ng claimant nito sa Region VII (Cebu City).

Base sa report ng Port of Clark, ang P6.8 million na halaga ng shabu ay nakalagay sa plastic packs at may timbang na 1,000 grams o isang kilo.

Dumating sa bansa ang shipment noong Pebrero 16 at idineklarang “air fryer, silkware”.

Ngunit nang dumaan ito sa physical examination ay nadiskubre ang mga kontrabando na kinabibilangan ng dalawang piraso ng kawali at isang air fryer at nabulgar ang nakapaloob na may isang kilo ng shabu.

Agad namang naglabas ng warrant of seizure and detention order si District Collector Atty. Ruby Alameda laban sa personalidad na nakapangalan sa shipment, dahil sa paglabag sa RA 10863 o Customs Modernization and Tariff Act (CMTA) at RA 9165 o Comprehensive Dangerous Drugs Act of 2002. (JESSE KABEL)

Read More