‘TALA PARA SA TAAL’ DANCE IDINAOS SA LUNETA

Taal Volcano eruption

PAWANG mga nakasuot ng kulay rosas ang mahigit  600 indibidwal na nakilahok sa idinaos na charity dance para makalikom ng pondo para sa mga nasalanta ng Taal Volcano eruption sa Luneta Park sa Ermita, Manila kahapon ng hapon.

Ang  “Tala Para sa Taal” ay inorganisa ng fans group ng singer-actress Sarah Geronimo na pinangunahan ni Barrie Juanico.

Layunin nila na makalikom ng pondo mula sa tig-P100  registration fee para maibigay sa mga apektadong mamamayan ng Taal at mga kalapit lugar nito. Ipapadaan sa Philippine National Red Cross ang pagtu-turn-over ng kinita.

Nagsimula ang pagtitipon sa Burnham Green, Rizal Park, sa harapan ng Quirino Grandstand, sa Luneta bandang ala-1 nang simulant ng mga kalahok ang kanilang page-ensayo para sa sabayang pagsasayaw ng viral dance craze na ‘Tala’ na pinasikat ni Sarah G. (Rene Crisostomo)

Please follow and like us:
Read More

ROAD CLOSURE, REROUTING SA PISTA NG STO. NIÑO

PISTA NG STO NIÑO

MAGPAPATUPAD ng road closure at rerouting scheme ang Manila Police District-Traffic Enforcement Unit sa araw ng Sabado at Linggo dahil sa pagdiriwang ng kapistahan ng Sto. Niño sa Tondo at Pandacan sa lungsod ng Maynila.

Sa Enero 18 at19 ay ipatutupad ang nasabing pansamantalang pagsasara ng ilang kalye upang  bigyang-daan ang mga parada at prusisyon na idaraos para sa naturang relihiyosong okasyon.

Batay sa ipinalabas na dalawang traffic advisory ng MPD-TEU, nabatid na dakong  11:00 ng tanghali sa Sabado, Enero 18, ay pansamantala nilang isasarado ang mga kalsada ng Jesus/Nagtahan, East Zamora/Pres. Quirino, P.Gil/Carreon at Beata/Laura para sa pagdaraos ng ‘Buling-buling Fiesta 2020’ sa pista ng Sto. Niño sa Pandacan.

Ang ruta umano ng naturang parada ay magsisimula sa Sto. Niño Parish Church (Patio)-Teodoro San Luis, Hilom, Narciso, Jesus, Industria, Hilim, Labores at pabalik sa Sto. Niño Patio sa Pandacan.

Magpapatupad din umano ng road closures sa ilang apektadong kalsada ang MPD-TEU para sa Lakbayaw Festival na idaraos dakong  alas-8:00 ng umaga sa Sabado at sa Grand Procession para sa Sto. Niño na sisimulan naman ng 4:00 ng madaling araw sa Linggo, Enero 19 sa Tondo.

Ayon sa MPD-TEU, ang ruta ng Lakbayaw Festival ay magsisimula sa simbahan ng Sto. Niño patungong Ylaya St., kanan ng CM Recto Avenue, kanan sa Asuncion Street, kaliwa sa Lakandula Street, kanan sa Wagas Street, kanan sa Moriones St., kaliwa sa Juan Luna St., U-turn sa Pritil, kanan sa Herbosa St., kanan sa Velasquez Street, kaliwa sa Ugbo St., kaliwa sa F. Varona St., kaliwa sa Perla St., kanan sa Franco St., tawid sa Moriones St., hanggang J. Nolasco St. at hanggang sa makabalik sa simbahan.

Ang Grand Procession ay sisimulan sa Sto. Niño Church hanggang Lakandula St., kanan sa Asuncion St., kanan sa Morga St., kaliwa sa Juan Luna St., U-turn sa Pritil, N. Zamora St. (Sande), kanan sa Herbosa St., kaliwa sa Franco St., kanan sa Coral St., kanan sa Sta. Maria/Yangco; kaliwa sa Herbosa St., kaliwa sa Velasquez, kaliwa sa Perla St., kanan sa Sta. Maria St., tawid sa J. Nolasco St., kaliwa sa L. Chacon St., hanggang sa makabalik sa simbahan.

Nabatid na habang isinasagawa ang mga naturang aktibidad ay magpapatupad din ang MPD-TEU ng traffic rerouting scheme upang maiwasan ang matinding pagsisikip ng daloy ng mga sasakyan sa mga apektadong lugar.

Nagpaalala naman ang mga awtoridad na ang Carreon St. sa panulukan ng Tomas Claudio ay isasailalim sa ‘Stop and Go’ traffic situation sa buong panahon ng ‘Buling-Buling Festival’ habang ang aktuwal na pagsasara at pagbubukas ng mga apektadong lansangan para sa tatlong aktibidad ay ibabase nila sa aktuwal na kondisyon ng trapiko. (RENE CRISOSTOMO)

Please follow and like us:
Read More

MAINTENANCE MEDS ILILIBRE SA MAHIHIRAP

GAMOT-6

ISINULONG sa lungsod ng Quezon ang programang pangkalusugan na kinapapalooban ng regular na pamamahagi ng ‘maintenance medicines’ sa mga karapat-dapat na mamamayan ng lungsod.

Tugon ito ni Quezon City Councilor Imee Rillo matapos malaman na maraming pamilya na may mga sakit na high blood at diabetes ang hindi nakabibili ng kanilang mga gamot.

Ayon sa konsehal, una nang nagsagawa ang kanyang tanggapan ng survey sa kanilang mahihirap na ‘constituents’ na may mga sakit o may iniinom na maintenance medicine, ar nalaman nila na karamihan sa mga ito ay hindi na bumibili ng gamot dahil mas nais umanong unahin ng mga ito ang malagyan ng pagkain ang kanilang kumakalam na sikmura.

Dahil dito, lumagda sa memorandum of agreement (MOA) si 4th District Councilor Rillo at apat na ospital na pinatatakbo ng pamahalaan para umayuda sa  medikal at pagpapalibing ng mahihirap na residente ng lungsod.

Ang MOA signing ay dinaluhan nina dating Councilor Marvin Rillo; Dr. Alfonso Nunez, OIC Medical Center chief ng East Avenue Medical Center (EAMC);  Dr. Joel Abanilla, Executive Director ng Philippine Hearth Center (PHC); Dra. Evelyn Victoria Reside, Medical Center chief ng Quirino Memorial Medical Center (QMMC), at Dra. Epifania Simbul, Medical Center chief ng National Children’s Hospital (NCH).

Sasagutin naman nina Barangay Chairman Rodel Lobo at Debra Navarro ng Amber Funeral Services na kabilang din sa lumagda sa MOA, ang pagpapalibing sa mahihirap na namamatay.

Nabatid na naglaan si Rillo ng pondong P300,000 sa EAMC, PHC, NCH, habang  P200,000 naman sa Quirino Memorial Medical Center (QMMC).  (TJ DELOS REYES)

Please follow and like us:
Read More

PELIGRO NANANATILI SA TAAL

bulkang Taal

NABAWASAN ang mga aktibidad ng bulkang Taal kumpara sa mga nakalipas na araw matapos ang pagsabog nito noong Linggo.

Gayunman, ibinabala ni Ma. Antonia Bornas, pinuno ng Phivolcs Volcano Monitoring and Eruption Prediction Division, na nanganganib pa rin na mangyari anomang oras ang matinding pagsabog ng bulkan. Nakataas pa rin kasi aniya ang Alert Level 4 na ang ibig sabihin ay may posibilidad ng biglaang malakas na pagsabog sa main crater ng Taal volcano.

Tinukoy ni Bornas na isa sa mga nakababahalang epekto ng bulkang Taal ay ang tinatawag na base surge o ang napakalakas na pagsabog mula sa bulkan na lilikha ng mataas na pagbuga at babagsak sa bilis na 60 hanggang 80 kilometro kada oras.

Kapag aniya nangyari ito ay wala nang pagkakataon ang mga nasa paligid ng volcano island na makatakas o makalayo.

Maliban pa rito ang posibilidad na magkaroon ng volcanic tsunami.

Umuuwi sa danger zones

Dahil sa bahagyang pananahimik ng bulkang Taal, aminado si Bornas na may mga residenteng pinipilit bumalik muna sa kani-kanilang tahanan upang alamin ang sitwasyon o kumuha ng iba pang mga naiwang ari-arian at hayop.

Gayunman, lubhang delikado ang ganitong sitwasyon dahil hindi natatantya kung ano ang susunod na magiging pagkilos ng bulkang Taal.

Humingi rin si Bornas ng panahon para makakuha at mapag-aralan ng Phivolcs ang mga datos at impormasyon patungkol sa mga aktibidad ng Taal volcano.

Samantala, inihayag ni Batangas Police Provincial Director Colonel Edwin Quilates na pinayagan ang ilang mga residente na bumalik sa kanilang bahay ngunit kailangang tumagal lang ng dalawang oras.

Kung sosobra na umano sa dalawang oras ay dadamputin na sila ng mga pulis. Kailangang magcheck-in at mag-check out ang mga residenteng sisilip ng kanilang bahay para ma-monitor ang oras ng pagpasok ng mga ito. (JG TUMBADO, JESSE KABEL)

Please follow and like us:
Read More

QC GOV. INATASANG MAGBAYAD NG P6-M SA PAYATAS TRAGEDY

PAYATAS TRAGEDY

MAHIGIT sa P6 milyon ang sinisingil ng Quezon City Regional Trial Court mula sa pamahalaang lungsod ng Quezon para ibayad sa mga pamilya ng dose-dosenang namatay sa trahedya sa Payatas noong taong 2000.

Sa 133-pahinang desisyon ng QC RTC Branch 97, inaatasan nito ang Quezon City government para bayaran ang legal na pamilya ng 59 na namatay sa pagguho sa Payatas dumpsite.

Aabot sa kabuuang P110,000 ang ipinababayad sa bawat pamilya ng mga namatay. Ang nasabing halaga ay sumasakop sa P50,000 para sa temperate damages, P50,000 para sa moral damages at P10,000 para sa exemplary o corrective damages. Pinagbabayad din ng P100,000 ang Quezon City government para sa attorney’s fees.

Inabswelto naman ng hukuman ang Metropolitan Manila Development Authority, Tofemi Realty Corporation and Meteor Company, Inc. na may-ari ng lupain na ginamit bilang dumpsite; at Ren Transport, isa sa mga naghahakot ng basura para itapon sa Payatas.

Nangyari ang pagguho ng mga mabasura noong umaga ng Hulyo 10, 2000 at natabunan nang buhay ang maraming residente ng relocation site sa Lupang Pangako, Payatas.

Bagama’t iniutos noong 1998 ng national government na ipasara ang dumpsite, muli itong nabuksan sa kabila ng reklamo ng mga residente.

“The mountain-like trash in itself is a testament of the city government’s gross negligence in the management and operation of the dumpsite,” punto ni Acting Presiding Judge Marilou Runes-Tamang sa kanyang desisyon.

“Had they exercised due care expected of them, they could not have allowed the garbage to rise to such unprecedented height as to resemble several Meralco posts arranged on top of each other or several storeys-high of a building,” dagdag pa sa desisyon.

Tinumbok din ng korte ang kabiguan ng Quezon City government na magkaroon nang maayos na solid waste disposal facility kaya’t naging banta ito sa buhay at ari-arian ng mga naninirahan sa lugar.

Ikinakatwiran naman ng lokal na pamahalaan na kusa at alam ng mga residente ang panganib nang pananatili sa Payatas dumpsite na tumangging mailipat sa mas ligtas na lugar.

Ngunit kahit umano hindi nag-evacuate ang mga residente sa kasagsagan noon ng mga bagyo, sinisi pa rin ng hukuman ang local government nang hayaan nitong umabot nang ga-bundok na taas ang mga basura sa dumpsite.

“The conduct of the plaintiffs in choosing to stay near the dumpsite, albeit contributory negligence, was not sufficient to relieve the City Government of Quezon City of liability,” punto ng korte. (JG TUMBADO)

Please follow and like us:
Read More

SUNOG SUMIKLAB SA KAPUSO NETWORK

SUNOG

NASUNOG ang bahagi ng compound sa loob ng GMA 7 Network sa Kamuning sa lungsod ng Quezon nitong Martes.

Sa report ng Quezon City Fire Bureau, unang sumiklab ang sunog sa loob ng isang canteen sa Kapuso compound.

Alas-11:31 ng umaga nang magsimula ang apoy na agad itinaas sa unang alarma.

Ngunit agad namang itong naapula alas-11:45 ng umaga.

Inaalam pa kung ano ang naging dahilan nang pagsiklab ng apoy sa canteen.

Pinalabas ang mga empleyado ng GMA network habang inaapula ng sunog. (JG TUMBADO)

Please follow and like us:
Read More

GEN. CASCOLAN, NAGPALAYA KAY PAROJINOG?

Lt Gen Camilo Pancratius Cascolan

(Ni: NELSON S. BADILLA)

SI Lt. Gen. Camilo Prancatius Cascolan ba ang dapat managot sa Quezon City – Regional Trial Court (QC-RTC) hinggil sa pagpapalaya kay Ozamiz City Vice Mayor Nova Princess Parojinog noong Nobyembre 2018 nang walang pahintulot ang korte?

Biglang naging mainit na paksa sa Camp Crame ang posibleng papel ni Cascolan sa anomalya hinggil sa pagpapalabas kay Parojinog noong Nobyembre 12, 2018 mula sa Philippine National Police-Custodial Center (PNP-CC) sa Camp Crame dahil si Cascolan ay The Chief Directorial Staff (TCDS) ng pambansang pulisya sa nasabing petsa.

Ayon kay PNP Officer-In-Charge Lt. Gen. Archie Francisco Gamboa, walang kapangyarihan ang warden ng PNP-CC sa pagpapalabas ng bilanggo rito patungong ibang kulungan o PNP Hospital.

Idiniin ni Gamboa sa press briefing kamakailan na ang TCDS ang mayroong kapangyarihan sa PNP-CC, ngunit, ayon sa heneral, kailangan ang pahintulot ng korte sa pagpapalabas sa bawat bilanggo.

Ang TCDS ang ikaapat na pinakamataas na opisyal sa PNP na pinamumunuan ngayon ni Lt. Gen. Guillermo Lo-renzo Eleazar.

Batay sa isang mosyon ng prosekusyon noong Disyembre, 2019, noon pang Nobyembre 12, 2018 pinalabas ng PNP-CC si Parojinog kung saan dinalaw ang kanyang kapatid na si Reynaldo Parojinog Jr.

Ngunit, nakarating lamang ang impormasyon kay QC-RTC Branch 228 Judge Mitushealla Manzanero-Casiño ang anomalya nitong Disyembre 2019 din.

Kaya, inatasan ni Judge Casiño ang warden ng PNP-CC at mga abogado ni Nova Parojinog na ipaliwanag sa korte kung bakit pinalabas ng kulungan ang nasabing bilanggo nang walang pahintulot na nanggaling sa kanya.

Sabi ni Gamboa, noong siya ang TCDS ay walang nakalalabas na bilanggo nang walang utos ang korte.

Si Cascolan ang pumalit kay Gamboa bilang TCDS nang maging hepe ang huli ng PNP for operations.

Tiniyak ni Gamboa sa nasabing press conference na “hindi puwedeng discretion ng custodial officers ang pagpapalabas kay Ozamiz City Vice Mayor Nova Princess Parojinog, so we will investigate on that.”

Hindi, diretsahang binanggit ni Gamboa ang pangalan ni Cascolan.

Ngunit, malinaw sa rekord ng PNP na si Cascolan ang TCDS noong Nobyembre 12, 2018, kaya si Cascolan ang inaasahang pinaiimbestigahan ni Gamboa.

Si Cascolan na siyang hepe ngayon ng PNP for operations ay umaasang magiging PNP chief dahil bahagi siya ng Philippine Military Academy (PMA) Class 1986.

Ang PMA class 1986 ang pinanggalingan nina OIC Gamboa, General Oscar Albayalde at General Ronald dela Rosa.

Nagbitiw si Albayalde sa pagiging PNP chief noong Oktubre 14 dahil sa napakatinding anomalya ukol sa operasyon laban sa ilegal na droga noong Nobyembre 2013 sa Mexico, Pampanga kung saan siya ang hepe ng PNP-Pampanga sa nasabing taon.

Si Dela Rosa ang nagrekomenda kay Albayalde na pumalit sa kanya sa posisyon.

Senador na ngayon si Dela Rosa.

Si Nova Parojinog ay may mga kasong paglabag sa Republic Act No. 9165 o Comprehensive Dangerous Drugs Act of 2002 at paglabag din sa Republic Act No. 10591 o Comprehensive Firearms and Ammunition Regulation Act.

Parehas din ang kaso ni Reynaldo Jr. kay Nova, bukod pa sa pagtangan ng pampasabog.

Ang magkapatid ay nadakip noong Hulyo 2017 nang salakayin ng pulisya ang kanilang bahay sa Ozamiz City kung saan napatay ang kanilang amang si Reynaldo Parojinog Sr. at labing-apat pa nilang tauhan.

Please follow and like us:
Read More

CARDINAL TAGLE GAMIT SA SCAM

SCAM ALERT-3

GINAGAMIT umano ng sindikato sa kanilang multi-million donation scam ang pangalan ni Manila Archbishop Luis Antonio Cardinal Tagle para makapangalap ng pera sa pamamagitan ng text messaging.

Nabulgar sa publiko ang modus operandi ng sindikato  matapos na maglabas ng babala ang ilang telecommunication company sa bansa  na nagsasabing huwag maniwala sa text na nanghihingi ng donasyon para kay Cardinal Tagle sapagkat iyon ay ‘scam’.

Sa mensahe ng Globe at TM sa milyon-milyon nilang subscriber, nilinaw nito na modus at peke ang donation drive na kumakalat sa pamamagitan ng text message.

Nabatid na itinaon ng sindikato ang pagpapakalat ng mga text messages kasabay ng nakatakdang pagtungo  ni  Cardinal Tagle sa Vatican City sa susunod na buwan.

Si Cardinal Tagle, chair ng Catholic Bishops’ Conference of the Philippines, ay itinalaga bilang “Red Pope”, isang posisyon na ang katumbas ay Cabinet Secretary sa Roman Pontiff.  (JESSE KABEL)

Please follow and like us:
Read More

68 TRUCKS NG BASURA NAHAKOT SA TRASLACION

BASURA-8

 

TINATAYANG nasa kabuuang 68 dump truck ng basura na katumbas ng 330 tonelada ang nakolekta ng Manila City Hall –Department of Public Safety (DPS) sa katatapos na Traslacion sa lungsod ng Maynila.

Ayon kay Kenneth Amurao, hepe ng Department of Public Service (DPS), mababa pa rin ito kung ikukumpara sa 99 dump truck o 387.4 toneladang basura na nakuha noong Traslacion 2019.

Nakakuha rin ang mga street sweeper ng mga mineral water na may lamang ihi na iniwan ng mga deboto at mga pinagkainan.

Samantala, inaresto ng mga tanod sa pangunguna ni Aljon Aloba, Brgy. EX-O ng Brgy. 303, Zone 29 ang isang residente na naaktuhang nagtatapon ng basura sa kalsada.

16-oras tumagal

RECORD breaking para kay Manila Mayor Francisco “Isko Moreno” Domagoso ang Traslacion 2020.

Ito ay dahil inabot lang ng 16 oras at 26 minuto ang prusisyon ng poong Itim na Nazareno.

Nagsimula bandang alas-4:15 ng madaling araw nitong Huwebes ang prusisyon mula sa Quirino Grandstand at naipasok ang andas sa simbahan ng Quiapo dakong alas-8:45 ng gabi.

“Taus-puso po akong nagpapasalamat sa milyun-milyong deboto, sa Minor Basilica of the Black Nazarene, sa mga vendor, sa kapulisan, at sa lahat ng city at national government agencies na nakiisa para maging matagumpay ang prusisyong ito,” ayon sa alkalde.

Sa kabila ng ilang insidente nang pagkakaroon ng girian ng mga pulis at ilang deboto, naging mapayapa ang Traslacion sa pangkalahatan.

Tinataya na umabot sa 3.3 milyong deboto ang lumahok sa Traslacion 2020, ayon sa datos.

Banggit pa ng alkalde, noong isang taon, umabot sa 21-oras ang Traslacion; noong 2018 at 2017 ay umabot ng 22 oras; habang noong 2016 ay 20-oras at 2015, 19-oras. (RENE CRISOSTOMO)

Please follow and like us:
Read More