3 PINOY ENGINEERS NA DINUKOT SA LIBYA, NAKAUWI NA

libya21

NAKABALIK na sa bansa nitong Sabado ang tatlong Filipino engineers na nailigtas matapos dukutin sa Libya noong nakaraang taon.

Personal na sinalubong ni Foreign Affairs Secretary Teodoro Locsin Jr. ang tatlong overseas Filipino workers (OFW) sa Ninoy Aquino International Airport, kasama ang mga pamilya ng tatlong engineer.

Sinagot ng DFA Office of the Undersecretary for Migrant Workers Affairs ang gastos sa pagpapauwi sa mga Pinoy na dinukot noong Hulyo 2018.

Kasama ang isang South Korean, dinukot ang tatlong Pinoy sa project site ng Great Man-Made River Project sa katimugang bahagi ng Libya.

 

Please follow and like us:
Read More

SAMAHAN NAALARMA NA SA PAGPASLANG SA MGA ABOGADO

lawyers12

(NI FRANCIS SORIANO)

NAALARMA at nababahala na ngayon ang National Union of Peoples’ Lawyers (NUPL) dahil sa lumolobong bilang sa  pag-atake at pagpaslang sa mga hanay sa legal profession na umabot na umano sa 38 na indibidwal. Ayon kay Atty. Ephraim Cortez, secretary-general ng NUPL, sinabi nito na “alarming” na ang nangyayaring pagpaslang sa mga miyembro ng legal profession at kung magpapatuloy ang ganitong sistema sa bansa ay mawawalan umano ng tatakbuhang abogado ang mga kliyente.

Dahil dito, hinimok ni Cortez ang mga kinauukulan na maglaan ng sapat na hakbangin para matugunan at matiyak ang safety ng Filipino lawyers upang sa ganon ay tuluyan na umanong maiwasan ang anumang pag-atake.

Dagdag pa nito na umabot na sa 38 ang bilang ng mga napatay na abogado sa bansa simula noong 2016 hanggang sa ika-limang buwan ng taong-taong kasalukuyan.

Bunsod nito, kinukondina naman ng NUPL ang serye ng pamamaslang at agarang pagresolba ng kaso upang mabigyan ng hustisya ang mga biktima.

Samantala,  matatandaan na ang huling biktima ay sina Atty. Bal Crisostomo ng Manaoag, Pangasinan na malapitang pinagbabaril ng gunman sa tapat mismo ng Regional Trial Court sa Barangay Bonuan Gueset, Biyernes ng umaga.

Si Atty. Edilberto Golla Jr., naman ay tinambangan at in-ambush sa Eastwood Greenview Subdivision Phase 2, ng Barangay San Isidro dakong alas 9:00 ng umaga noong Biyernes sakay ng kanyang sasakyan at paalis na para sa isang meeting nito.

Una rito, magkasunod na pinatay ang isang abogado sa Dagupan City matapos na dumalo sa hearing habang isa ring lawyer ang nasawi sa ambush sa Rodriguez, Rizal nitong nakalipas na Biyerne

 

Please follow and like us:
Read More

DU30 NAG-IINTERVIEW NG KANDIDATONG SPEAKER

duterte100

(NI BERNARD TAGUINOD)

NAG-IINTERVIEW ng kandidato ng susunod na mamumuno sa Mababang Kapulungan ng Kongreso si Pangulong Rodrigo Duterte nang kumalat ang balitang isinugod ito at nasa kritikal na kondisyon.

Ito ang nabatid sa isang kongresista na hindi na nagpabanggit ng pangalan kapalit ng impormasyong ito matapos kumalat ang impormasyong itinuturing na isang uri ng ‘fake news’.

Ayon sa mambabatas, kasama ni Duterte ang isa sa nagbabalak maging Speaker sa 18th Congress na si Marinduque Rep. Lord Alan Velasco sa Palasyo ng Malacanang nang kumalat ang nasabing fake news.

“Balita ko magkasama sila ni Lord Alan. Nag-aapply kasi siya sa Speakership. Baka iniinterview (ni Duterte),” ayon sa mambabatas.

Kabilang sa mga matunog na naghahangad na maging Speaker sa susunod na Kongreso ay sina Leyte Rep. Ferdind Martin Romualdez ng Lakas-Christian Muslim Democrats (CMD).

Maging si dating Sen. Allan Peter Cayetano na running mate ni Duterte noong 2016 presidential election at  bagong halal na kinatawan ng Taguig-Pateros ay matunog ding gustong maging Speaker.

Gayunpaman, sa tatlong nabanggit, si Velasco pa lamang ang kinausap ni Duterte sa mga nabanggit.

 

Please follow and like us:
Read More

LP NANGANGAMBANG MAITSAPUWERA SA MINORITY POST

lagman12

(NI BERNARD TAGUINOD)

 

TILA ngayon pa lamang ay nangagamba na ang Liberal Party (LP) na muling maitsapuwera sa minority bloc post sa Mababang Kapulungan ng Kongreso sa 18th Congress.

Ito ang marahil na dahilan kaya ngayon pa lamang ay umaapela si Albay Rep. Edcel Lagman ng LP, sa mga miyembro ng 18th Congress na tiyaking maibigay ang minoriya sa mga maliit na grupo sa Kamara.

Ginawa ni Lagman ang pahayag dahil pawang mga kaalyado ni Pangulong Rodrigo Duterte ang nagpahayag ng kanilang interes na tumakbo bilang House Speaker sa 18th Congress.

Kabilang sa mga matunog na tatakbong Speaker Taguig-Pateros Rep. Allan Peter Cayetano, Leyte Rep. Ferdinand Martin Romualdez at Marinduque Rep. Lord Alan Velasco at San Juan Rep. Ronaldo Zamora.

“Since the declared aspirants, without any exception, are with the coalesced parties of the administration, then they should agree among themselves to field a common administration candidate,” ani Lagman.

Sa pamamagitan nito, makasisiguro ang tatayong House minority leader ay hindi magmumula sa super-majority coalition tulad ng nangyaring ngayong 17th Congress kung saan mula sa partidong kaalyado ng PDP-Laban ang Minority leader na si Danilo Suarez ng Quezon.

Magugunita na tumakbo sa Speakership sina Davao del Norte Rep. Pantaleon Alvarez, Ifugao Rep. Teddy Baguilat at Suarez subalit ibinigay sa huli ang House minority leadership matapos pumangalawa sa nakakuha ng maraming boto.

Kinuwestiyon ito ng grupo ni Baguilat sa Korte Suprema subalit natalo ang mga ito kaya ngayon pa lamang ay nakikiusap si Lagman na ibigay sa totoong oposisyon ang nasabing posisyon.

“The Minority Leader must (1) represent the genuine opposition in the House; (2) articulate and pursue differing views; (3) act as a courageous sentinel of the people’s rights and sentiments; and (4) not be beholden to the administration nor an adjunct of the supermajority.  A genuine Minority leader can only be assured if he or she is neither a member or a partisan of the administration nor handpicked by the ruling majority,” ani Lagman.

 

Please follow and like us:
Read More

DUTERTE NASA MAAYOS NA KALAGAYAN  SA BAHAY PANGARAP

DUTERTE

(NI CHRISTIAN DALE)

TINIYAK ng Malakanyang na nasa Bahay Pangarap sa Malacañang Park lamang si Pangulong Rodrigo Roa Duterte.
Ang Bahay Pangarap ang Official Residence ni Pangulong Duterte.

Sinabi ni Presidential spokesperson Salvador Panelo, marami umanong pinipirmahan na papeles at dokumento si Pangulong Duterte.

“There is no truth to the rumor circulating that President Rodrigo Roa Duterte is confined in Cardinal Santos Medical Center in San Juan.

The President is in his residence at the Palace signing papers,” ani Panelo.

Nakausap niya si Pangulong Duterte kung saan ay hindi naman nito kinumpirma o itinanggi na nagpunta siya sa Cardonal Santos Medical Center sa San Juan City.

” I just talked to him, he is neither confirming nor denying that he went to the hospital,” lahad nito.

Nauna rito, kapwa sinabi naman nina dating Special Assistant to the President (SAP) at senatoriable Bong Go at Executive Secretary Salvador Medialdea na ‘not true’ ang balita.

May sitsit na dinala umano sa Cardinal Santos si Pangulong Duterte kung saan “coded blue” ang nasabing ospital.

Sinasabi pa na umano’y blocked off din umano pati parking lot ng Cardinal Santos.

Samantala, humingi naman ng paumanhin si PSG spokesperson Captain Zeerah Lucrecia na hindi nito masasabi kung nasaan ngayon si Pangulong Duterte.

Ang tanging tiniyak lamang niya ay maayos ang kalagayan nito.

“Ma’am my apologies. I hope you understand that due to security protocols, we can not divulge the President’s location. However, we can assure you, that the President is well and good,” ayon kay Capt. Lucrecia sa isang text message.

Please follow and like us:
Read More

101 DISTRICT CONGRESSMEN LILISAN NA SA KONGRESO 

congress123

(NI BERNARD TAGUINOD)

MALIBAN sa mga natalong party-list congressmen, aabot sa 101 district congressmen ang magpapaalam na sa Kongreso simula sa tanghali ng Hunyo 30.

Ito ang lumabas sa pagsasaliksik ng Saksi Ngayon ukol sa naging resulta ng katatapos na midterm election at kung sino ang hindi na makasasama sa 18th Congress .

Base sa datos, umaabot sa 62 incumbent congressmen ang matatapos ang termino sa Hunyo 30, 2019 kaya hindi na nakatakbo muli ang mga ito para maging myembro ng Kapulungan sa 18th Congress.

Sa ilalim ng Saligang Batas, hanggang tatlong termino na katumbas ng siyam na taon lang ang ibinigay na pagkakataon sa mga pulitiko na pamunuan ang kanilang posisyon maliban lamang kung matalo ang mga ito sa kanilang reelection.

Kabilang sa mga kilalang lider ng Kamara na nakatapos ng tatlong termino ay si House Speaker Gloria Macapagal Arroyo, dating House majority leader Rodolfo Farinas ng Unang Distrito ng Ilocos Norte at dating House Speaker Feliciano Belmonte Jr., ng Quezon City.

Maliban dito, umaabot naman sa 23 congressmen ang hindi na tinapos ang kanilang termino bagkus ay ipinasa nila sa kanilang asawa, anak o kaya kaanak ang kanilang hawak na distrito tulad ni House Minority Leader Danilo Suarez at Isabela Rep. Rodito Albano  na tumakbo sa pagka-gobernardor sa kanilang probinsya at Cebu Govenor Gwendalyn Garcia.

Kasama din sa hindi tinapos ang kanyang termino si Senator-elect Pia Cayetano na naging kinatawan ng Taguig at pinalitan ng kanyang kapatid na si dating Sen. Allan Peter Cayetano.

Umaabot naman sa 16 ang hindi na rin makababalik sa 18th Congress matapos matalo ang mga ito sa kanilang reelection bid tulad ni Malabon Rep. Ricky Sandoval na tinalo ng kanyang katunggali noong 2016 election na si Congresswoman-election Jade Noel.

 

Please follow and like us:
Read More

FAKE NEWS…. FAKE NEWS…

FAKE NEWS-3 copy.jpg

Balitang nasa Cardinal Santos hospital si Pangulong Duterte at nasa critical condition ay gawa-gawa lang ng isang dating anchor ng isang TV station na nakabase sa QC.

Ang katotohanan, ayon sa source ng Newsbreak Online na doktor mismo sa nasabing ospital, ay nagpa-checkup ang Pangulong Duterte isang araw matapos ang halalan, pero umuwi rin agad.

“Gabi na noon nang nakasalubong ko si Digong na naglalakad at nalaman kong nagpa-checkup… pero makalipas ang ilang oras ay nakita kong pauwi na sjya at mga kasama,” pahayag ng doktor, na nagsabi pang “siguro napagod noong mga araw ng kampanya hanggang noong araw ng botohan.”

Idinagdag pa ng nasabing doktor na isang kilalang malapit na kaibigan ng dating TV anchor ang nag-usisa sa ilan tauhan ng ospital kaninang umaga lang tungkol sa kalagayan ng kalusugan ng Pangulong Duterte.

Ang TV anchor at ang kanyang kaibigang nag-usisasa ospital ay kilala umanong “dilawan.”

Please follow and like us:
Read More

COMELEC ‘DI PA HANDA SA PROKLAMASYON NG MGA SENADOR

comelec

(NI HARVEY PEREZ)

HINDI pa muna magpo-proklama ngayon araw(Linggo) ng mga nanalong kandidato sa pagka-senador ang Commission on Elections (Comelec).

Ito ang nilinaw ni Dir. Frances Arabe, ng Comelec-Education and Information Division (EID), sa isang press briefing dakong 6 ng gabi nitong Sabado sa kanilang canvassing center sa Philippine International Convention Center (PICC).

Matatandaan na  napaulat na ilang kandidato ang matatag na sa pwesto ang maaaring iproklama ganap na alas-4:00 ng hapon.

Sinabi ni  Arabe na hindi pa sila handa para magproklama ng mga kandidato dahil kailangan muna nilang matapos ang isinasagawang canvassing.

Sinabi ni Arabe na nakatuon ang kanilang desisyon ngayon kung magsasagawa ng special elections sa Jones, Isabela, kung saan nagkaroon ng agawan at panununog ng mga balota, na hindi nabilang.

Nalaman na posible bago matapos ang araw ng Sabado  ay desisyunan ito ng Comelec en banc.

Sa natanggap na petisyon ng Comelec, hinihiling na sa Lunes, Mayo 20,isagawa ang special elections.

Sa sandaling paboran ang kahilingan ay kakailanganin munang hintayin ng Comelec en banc ang resulta ng special elections, bago mag-proklama ng winning senators at party-list groups dahil nais umano nilang maisagawa sa isang araw lamang ang proklamasyon sa mga ito.

Kung  maitakda na ang proklamasyon para sa winning national candidates ay uunahing i-proklama ang mga party-list groups sa umaga, habang sa hapon naman ipuproklama ang mga senador.

Sa kasalukuyan, nabigyan na ng notipikasyon  ang mga senador na matatag na ang pwesto sa Magic 12.
Nilinaw ni Arabe na notipikasyon pa lamang ang naipadala sa mga ito at wala pa ring pormal na imbitasyon dahil wala pa namang petsa kung kailan talaga matutuloy ang proklamasyon.

Habang isinusulat ang balitang ito ay nasa 149 na sa kabuuang 167 Certificates of Canvass (COC) ang natapos na i-canvass ng Comelec, na tumatayong mga miyembro ng National Board of Canvassers (NBOC).
Batay sa pinakahuling partial at official tally ng NBOC, matatag na sa Top 3 sina Cynthia Villar,  Grace Poe, at Bong Go.

Pasok din sa Magic 12 sina Pia Cayetano, Ronald Dela Rosa, Sonny Angara, Lito Lapid, Imee Marcos, Francis Tolentino, Koko Pimentel, Nancy Binay at Bong Revilla.

Habang nananatili pa ring nangunguna ang Anti-Crime and Terrorism – Community Involvement and Support (ACT-CIS) na iniendorso ng media personality na si Erwin Tulfo, na lamang ng mahigit isang milyong boto sa kasunod nitong Bayan Muna.

Pasok din sa Top 10 ang mga grupong Ako Bicol, Cibac, Ang Probinsyano, 1Pacman, Probinsyano Ako, Marino (570,101), Senior Citizens at Magsasaka.

Please follow and like us:
Read More

POWER INTERRUPTION NA NAMAN NG MERALCO

meralco121

(NI KEVIN COLLANTES)

MAGPAPATUPAD na naman ng maintenance works ang Manila Electric Company (Meralco) sa papasok na linggo, na inaasahang magreresulta sa power interruptions sa ilang lugar sa Metro Manila at mga kalapit nitong lalawigan.

Sa paabiso ng Meralco, nabatid na ang maintenance schedule ay nakatakdang isagawa sa loob ng pitong araw o mula Mayo 20, Lunes, hanggang Mayo 26, Linggo.

Ayon sa Meralco, apektado nito ang Bel-Air, Guadalupe Viejo at Poblacion sa Makati;  Sampaloc at Sta. Mesa sa Maynila; Novaliches, Baesa, Cubao sa Quezon City sa Metro Manila; gayundin ang Sto. Tomas, Batangas ; Sta. Maria, San Jose del Monte City, Bulacan; Amadeo, Silang, Tagaytay City, Maragondon, Naic, Ternate at Dasmariñas City sa Cavite; Calamba City, Los Baños at Biñan sa Laguna at Tanay sa Rizal.

Kabilang naman sa maintenance works na isasagawa ay relokasyon at upgrading ng facilities; line reconstruction works; NGCP line maintenance works; poles replacement, line reconductoring works, repair works at preventive maintenance at testing works sa loob ng Meralco substations.

Kaugnay nito, humihingi naman ng paumanhin ang Meralco sa mga maaapektuhan ng power interruptions.

Ipinaliwanag nito na ang pansamantalang pagkawala ng suplay ng kuryente ay hindi dulot ng kakulangan ng suplay ng kuryente at sa halip ay dala lamang ng kanilang mga maintenance works.

Layunin din anila nito na higit pang mapaghusay ang kanilang serbisyo sa mga kostumer.

Please follow and like us:
Read More