BRGY. OFFICIALS PINATUTULONG SA PAGTIYAK NA NASUSUNOD ANG HEALTH PROTOCOLS

NANAWAGAN ang isang mambabatas mula sa Kongreso sa lahat ng punong barangay sa bansa na lalong higpitan ang pagpapatupad ng quarantine protocols katulad ng pagsusuot ng face mask at social distancing kahit sa ilalim ng umiiral na general community quarantine.

Ang panawagan ay ipinaabot ni ACT-CIS Party-list Representative Niña Taduran partikular sa mga barangay leader na pag-ibayuhin ang pagpapaalala sa kanilang nasasakupan hinggil sa health protocol na maaaring makaligtaan na dahil sa pagiging abala ng tao ngayong marami na ang balik-trabaho.

“We are still in quarantine and COVID-19 is still around us. The numbers of affected are still rising. Barangays should be roving around to check the enforcement of health protocols in their communities. Provide masks and sanitizers to the frontliners especially the food vendors who continue to sell in the streets,” ani Rep. Taduran.

Nais din ng kongresista na paalalahanan ang mga brgy. official na mag-imprenta ng mga paalala ukol sa COVID-19 na nakasulat sa local dialects nang sa gayon ay madaling maintindihan ng kanilang nasasakupan.

Sinabi ng mambabatas na kailangang ulit-ulitin sa tao na ang virus ay nandito pa rin sa paligid at ang tanging panlaban sa ngayon ay ang disiplina sa sarili, pagsusuot ng face mask at pamalagiin ang healthy lifestyle.

“ACT-CIS Partylist has been continuously donating personal protective equipment, face masks and sanitizers to hospitals and communities, We cannot do it for everyone so I ask the barangays to do their jobs,” pahayag pa ni Rep. Taduran. CESAR BARQUILLA

Read More

PAGPAPALIBAN NG SY 2020-2021, INAPRUBAHAN NG SENADO

APRUBADO na sa ikatlo at huling pagbasa ang isang panukalang batas na bibigyan ang Pangulo ng awtorisasyon na ipagpaliban ang pagbubukas ng klase sa Agosto sa panahon ng pandemya.

Sa pahayag, sinabi ni Senador Sherwin “Win” Gatchalian na inaprubahan ng 23 senador ang Senate Bill No. 1541, walang negatibong boto at abstention.

Pinasalamatan naman ni Gatchalian ang bomoto sa panukala dahil kinikilala nila ang kahalagahan nito at maaprubahan bago mag-sine die adjournment.

Kapag naisabatas ang panukala bago magbukas ang klase, iginiit ni Gatchalian na magkakaroon ng flexibility ang Pangulo at Department of Education (DepEd) kung bubuksan ang klase kapag patuloy ang banta ng virus at nalalagay sa panganib ang kaligtasan ng mag-aaral, titser at mga non-teaching personnel.

Inaamyendahan ng panukala ang Section 3 ng Republic Act (RA) 7797 or “An Act to Lengthen the School Calendar from Two Hundred (200) Days to Not More Than Two Hundred Twenty (220) Class Days,”

“Senate Bill No. 1541 authorizes the President, upon the recommendation of the Secretary of Education, to move the start of the school year during a state of emergency or calamity. SBN 1541 covers all basic education institutions, including foreign or international schools,” ayon kay Gatchalian.

Orihinal na inaatasan ng RA 7797 na magbukas ang klase sa unang Lunes ng Hunyo at huling araw ng Agosto.

“The immediate effect of this legislation would be to empower the President to move the start of the School Year 2020-2021 to September or even later in the event that public health authorities would recommend the postponement of the school year in order to contain the spread of COVID-19,” ayon kay Gatchalian, chairman ng Senate Committee on Basic Education, Arts and Culture.

“Natutuwa po ako at nakapasa na sa senado ang panukalang batas na ito. Mahalaga ang pagpasok sa eskuwelahan ng mga bata, pero higit na mahalaga ang kanilang kaligtasan at kalusugan. Kaya bigyan po natin ng pagpapasya ang Pangulo ng Pilipinas at ang Kalihim ng Edukasyon upang baguhin ang petsa ng pasukan sa panahon ng pandemya habang walang kasiguraduhan sa kaligtasan at kalusugan ng kabataang Pilipino,” dagdag pa ni Gatchalian.

Pawang substitute bill ang panukala mula sa pinagsama-samang hiwalay na panukala nina Senador Joel Villanueva, Francis Tolentino, at Senate President Vicente “Tito” Sotto III. ESTONG REYES

Read More

VOTER REGISTRATION GAGAWING ONLINE

NAGHAIN ng isang panukalang batas si Senador Joel Villanueva upang makagamit ang Commission on Elections (Comelec) ng internet para sa voter registration sa harap ng banta ng corona virus 2019 (COVID-19).

Sa pahayag, sinabi ni Villanueva na napapanahon ang paggamit ng online registration ng bagong botante na praktikal na pamamaraan upang makaiwas sa banta ng virus.

Dahil dito, sinabi ni Villanueva na kanyang inihain ang Senate Bill No. 1516 noong nakaraang buwan upang payagan ang Comelec na magrehistro ng bagong botante sa pamamagitan ng pagpapaunlad ng automated, online system na makababawas sa banta ng pagkakalat ng sakit.

“As part of our adjustment to the times, the Comelec should be given an option to conduct the voter registration through electronic means. Not only does it make more convenient for people to register, it will also help improve the data-keeping efforts of the commission,” ayon kay Villanueva.

Isa lamang ang naturang panukala sa tinatalakay sa pagdinig ng Senate Committee on Electoral Reforms ngayon.

Ngunit, sinabi ni Villanueva na hindi madaling gawin sa maikling panahon ang pagggamit ng online system, kaya pinapayagan ng panukala ang gumamit ang ahensiya ng online application verification system na kailangan magsumite ang gustong magparehistro ng mga pangangailangang dokumento sa online.

“We must adjust to the times that we have. Creating an online platform will help lighten the burden of Comelec to process applications manually, and our people can be a registered voter right in the comfort and safety of our homes,” giit ni Villanueva. ESTONG REYES

Read More

Sa pinalawig na Bayanihan Law ‘COVID-19 CRIMES’ WALA NANG PARUSA

SA pagpapalawig ng Bayanihan to Heal as One Law ay tatanggalin ang ikaanim na seksiyon nito na nagbibigay ng matinding parusa sa mga taong gagawa ng krimen, kabilang na ang korapsiyon, sa panahong ipinatutupad ang nasabing batas ngayong kasagsagan ng coronavirus disease-2019 (COVID-19).

Ito ang lumilitaw na ‘matunog’ na magiging desisyon ng mayorya ng mga senador, kundi man lahat, sa kanilang planong palawigin ang Bayanihan Law.

Bago matapos ang Hunyo, tapos na ang itinakdang buhay ng nasabing batas o Republic Act No. 11469 na naging epektibo mula Marso 25.

Palalawigin ang Bayanihan Act nang lampas sa Hunyo dahil napakalaki pa ng suliranin ng bansa hinggil sa masamang epekto ng COVID-19.

Ang mga tatanggaling nilalaman ng Seksyon 6 na itinuturing na bawal ay ang mga opisyal ng pamahalaang lokal na hindi sinusunod at ipinatutupad ang mga polisiya ng pambansang pamahalaan kaugnay sa pagpapatupad ng mga alituntunin sa COVID-19, mga may-ari at namamahala ng mga ospital na taliwas sa kagustuhan ng pangulo ang mga ginagawa sa mga pasyente, pagtatago at sobra-sobrang tubo sa mga itinitindang produkto, pagmamaniobra ng mga presyo, pandaraya sa mga produkto, pagpapairal ng kartel, pagpapakalat ng pekeng balita at marami pang iba.

Parusang pagkabilanggo ng dalawang buwan o multang P10,000 hanggang isang milyon, o pareho ang mga nakatakdang parusa sa mga lalabag, lalo na sa mga opisyal at kawani ng pamahalaan, kabilang na ang mga nagtatrabaho sa Philippine National Police (PNP) at Armed Forces of the Philippines (AFP).

Ang napipintong alisin sa probisyon ay ang nagdedeklara ng kasong kriminal sa mga nasabing pagkakasala at paglabag sa R.A. 11469.

Ang desisyong ito ay batay sa rekomendasyon ni Senador Franklin Drilon ng Liberal Party (LP).

Idiniin ni Drilon sa talakayan sa Senado: “I have extreme reservations about renewing Section 6 of R.A. 11469, because of what we have seen as the way it is implemented by those who are in charge. We have seen how law enforcers have used this provision to arrest people for acts which otherwise would not justify arrest without warrants.”

“The alleged violators are mostly the poor and vulnerable who are driven by the hunger and the lack of jobs,” wika ng pinuno ng mayorya sa Senado.

Aniya, ang layunin ng Bayanihan Law ay “to address an emergency [situation brought about by COVID-19, thus] protect the health of our people [and] not to punish a crime per se.”

“We should not criminalize the law,” susog ni Drilon. NELSON S. BADILLA

Read More

The end is near – Calida KASAKIMAN NG ABS-CBN PUPUTULIN

“I could now hear the voice of Frank Sinatra’s reasoning “And now the end is near”.

Ganito inilarawan ni Solicitor General Jose Calida ang kinabukasan ng maimpluwensyang ABS-CBN corporation dahil dumating na umano ang panahon ng pagpapanagot sa kanilang paglabag sa batas.

Sa pamamagitan ng zoom, humarap si Calida sa Joint Hearing ng House committee on legislative franchise at committee on good government and public accountability o Blue Ribbon committee (ng Kamara) sa prangkisa ng ABS-CBN, idinetalye nito ang mga paglabag ng nasabing network hindi lang sa kanilang prangkisa kundi sa iba pang umiiral na batas sa bansa.

Kabilang sa mga tinukoy ni Calida ang pagkakaroon ng multiple channel tulad ng ABS-CBN convergence gayung isang istasyon lang aniya dapat ang pinatatakbo ng nasabing korporasyon.

“ABS-CBN corporation violated the nature and scope of its legislative franchise under RA. 7966 when it allowed another entity, ABS-CBN Convergence to make use and abuse the legislative

franchise granted to ABS-CBN corporation. ABS-CBN convergence has no legal authority to broadcast under RA. 8332,” ani Calida.

Binanggit din nito na labag sa prangkisa ng ABS-CBN ang paniningil nito ng P30 o P99 sa mga pelikula, boxing shows, concert at iba pa na mapapanood sa kanilang Kapamilya Box Office (KBO) Channel.

Maging ang pagbebenta ng ABS-CBN ng Philippine Depository Receipts (PDRs) sa mga dayuhan ay idinetalye ni Calida na isang paglabag sa Saligang Batas dahil ipinagbabawal ang mga hindi Filipino na magmay-ari ng isang broadcast network.

“For decades now ABS-CBN has been deceiving the Filipino people. Time has come to expose ABS-CBN, whose owners and corporate officers continue to deceive the Filipino people into believing that they are “in the service of the Filipino,” ani Calida.

“In truth however, ABS-CBN is motivated not by service but by greed and a desire for power and influence.

Their brazen acts must come to an end. The hour of reckoning may have been delayed, but it has now come,” aniya pa.

Ipinagtanggol din nito ang sarili sa pagpapanagot sa ABS-CBN at hindi umano nila ito ginagawa para sa sariling kapakanan kundi para sa sambayanang Filipino. BERNARD TAGUINOD

Read More

Libong obrero stranded sa lansangan KALBARYO SA 1ST DAY NG GCQ

DUMANAS ng kalbaryo ang maraming manggagawa na nagbalik sa kani-kanilang trabaho sa unang araw ng pag-iral ng general community quarantine sa Metro Manila at iba pang mga lalawigan dahil sa kakapusan ng masasakyan at matinding trapik.

Sa National Capital Region na itinuturing na sentro ng pandemya ay matinding pagdurusa ang inabot ng mga obrero makarating lang sa trabaho.

Pinangangambahang lalala pa ang sitwasyon kung patuloy na hindi papayagang bumiyahe ang mga jeepney na mas mura ang pasahe kumpara sa ibang uri ng transportasyon.

Ang pinapayagan pa lamang bumiyahe ay point-to-point buses, LRT at MRT, taxi at TNVS.

Bago pa sumikat ang araw ay marami nang nag-aabang na pasahero sa EDSA. Marami naman ang naglakad na lang sa kahabaa ng Marcos Highway.

Sa LRT-1 Roosevelt Station umabot hanggang EDSA ang pila ng mga pasahero dakong alas-7:00 ng umaga.

Ayon naman sa MRT-3, alas-7:19 ng umaga ay mayroon nang 20 tren ang operational.

JEEP POSIBLENG BUMIYAHE NA

Ito ang pahayag ng Department of Transportation kahapon kasunod ng nakitang suliranin ng mga manggagawa dulot ng kawalan ng masasakyan.

Dahil hindi sapat ang mass transport na pinayagang bumiyahe ay papayagan na umano ng DOTr na bumiyahe ang mga traditional jeep sa mga lugar na limitado ang modern PUVs.

Paglilinaw ng DOTr, inunang payagan ang mga sasakyang may mas mataas na capacity para sa physical distancing, cashless payment at contact tracing.

Ayon sa kagawaran, isang public health issue ang paglipat mula modified enhanced community quarantine patungong general community quarantine kaya’t mas prayoridad ang kalusugan at kaligtasan ng mga pasahero.

Batay sa inaprubahan ng Inter-Agency Task Force, mula Hunyo 1 hanggang 21 ay papayagan bumiyahe ang mga tren, bus augmentation, taxi at TNVS, shuttle services, bike at tricycle.

Sa Hunyo 22, papayagan na rin ang public utility buses, modern PUVs at UV Express.

Hiniling ng ilang militanteng mambabatas na payagan ang kahit 50 percent operation ng jeep at bus upang makatugon sa quarantine protocols dahil wala nang mapagkunan ng kabuhayan ang drivers at operators. JESSE KABEL

Read More

76% NA ANG CONTACT TRACING ABILITY SA NCR – DILG

NASA 76% na ang contact tracing ability ng National Capital Region sa mga posibleng infected ng COVID-19.

“Sa tracing po natin, ang overall natin ay maganda na, umabot na tayo sa 96%, ‘yung tinatawag na contact tracing ability. Dito po sa Metro Manila, nasa 76% po tayo,” ayon kay Interior Secretary Eduardo Año sa Laging Handa public briefing.

“Ano po ang ibig sabihin noon? Ang ibig sabihin noon ay sa 100 na positive, mayroon pa po tayong hindi nate-trace na 24% at ito po ay kailangan nating pag-ibayuhing mahanap,” dagdag na pahayag ni Sec. Año.

Naniniwala ang Kalihim na ang contact tracing sa Metro Manila ay nag-improve.

Iyon nga lamang, iginiit nito na ang quarantine protocols ay kailangan na nakaayos na upang mapigilan ang paglaganap o pagkalat ng COVID-19.

“Malaking improvement ang ating contact tracing. Because of contact tracing, nag-improve ‘yung ating sitwasyon… Pero ganoon pa man, kailangan pa rin natin ang kondisyon ng quarantine para sigurado na hindi malipat sa iba ang virus,” ayon kay Sec. Año.

Ang Metro Manila ay inalis na sa modified enhanced community quarantine at isinailalim sa general community quarantine, na ang ibig sabihin ay maraming industriya ang binuksan sa publiko at maging ang availability ng limited mass transportation para sa mga mananakay. CHRISTIAN DALE

Read More

KASO NG COVID-19, HIGIT 18K NA

SUMAMPA na sa 18,086 ang kabuuang bilang ng kaso ng COVID-19 sa Pilipinas kasunod ng nadagdag na 862 cases nitong Linggo.

Ngunit paglilinaw ng DOH, sa bilang na 862, 16 lamang ang bagong kaso. Ito ay dahil ang ibang bilang ay mula sa resulta ng pagsusuri sa mga pasyente o COVID-19 test results na isinagawa sa mga nakalipas na linggo.

Sampu sa fresh cases ay naitala sa iba’t ibang lugar, anim naman ang galing sa National Capital Region.

Habang 846 ang late cases o test results na ni-release sa mga pasyente sa nakalipas na apat na araw o higit pa, pero huli nang na-validate.

Ang 238 sa kanila ay galing sa NCR; 235 mula sa repatriated OFWs; 81 ang sa Cental Visayas; habang 292 ang nai-report mula sa iba’t ibang lugar.

“Late cases reported from May 28-31 are based on the validation of complete line lists from 27 operational laboratories and the partial line list from 1 laboratory. No more late cases will be reported until the remaining 14 operational labs submit their line lists,” paliwanag ni DOH Usec Rosario Vergeire.

Kaugnay nito, mayroon nang 957 total deaths sa bansa dahil sa pitong nai-report noong Linggo habang ang total recoveries ay 3,909 dahil sa 101 na naitalang bagong gumaling. D. ANIN

Read More

PAGBUBUKAS NG KLASE, HAHARANGIN NG SENADO

INAPRUBAHAN na ng Senado sa pangatlo at huling pagbasa ang panukalang batas na nagbibigay ng awtoridad kay Pangulong Rodrigo Duterte na ipagpaliban ang pagbubukas ng klase na dapat ay sa buwan ng Agosto.

Sinabi ni Senador Win Gatchalian, co-author at sponsor ng Senate Bill No. 1541, na nagawang maihabol ng Senado ang panukala bago ang sine die adjournment ng Kongreso.

Aniya, sa oras na maipasa at maging batas ang panukala bago ang pagbubukas ng klase, magkakaroon ang Department of Education (DepEd) at si Pangulong Duterte ng sapat na panahon para pag-usapan ang simula ng school year sa gitna ng mataas na kaso ng COVID-19 at mawala ang panganib sa kaligtasan ng mga guro at estudyante.

“By amending Section 3 of Republic Act (RA) 7797 or “An Act to Lengthen the School Calendar from Two Hundred (200) Days to Not More Than Two Hundred Twenty (220) Class Days,” Senate Bill No. 1541 authorizes the President, upon the recommendation of the Secretary of Education, to move the start of the school year during a state of emergency or calamity. SBN 1541 covers all basic education institutions, including foreign or international schools,” sabi ni Gatchalian.

Sa ilalim ng RA 7797, ang simula ng school year mula sa unang Lunes ng Hunyo at matatapos ng Agosto. “The immediate effect of this legislation would be to empower the President to move the start of the School Year 2020-2021 to September or even later in the event that public health authorities would recommend the postponement of the school year in order to contain the spread of COVID-19,” sabi pa ni Gatchalian, chairman ng Senate Committee on Basic Education, Arts and Culture.

“Natutuwa po ako at nakapasa na sa Senado ang panukalang batas na ito. Mahalaga ang pagpasok sa eskuwelahan ng mga bata, pero higit na mahalaga ang kanilang kaligtasan at kalusugan. Kaya bigyan po natin ng pagpapasya ang Pangulo ng Pilipinas at ang Kalihim ng Edukasyon upang baguhin ang petsa ng pasukan sa panahon ng pandemya habang walang kasiguraduhan sa kaligtasan at kalusugan ng kabataang Pilipino,” dagdag pa nito. NOEL ABUEL

Read More