BAGONG QUARANTINE CLASSIFICATIONS IHAHAYAG NI PDU30 SA LUNES

IAANUNSYO ni Pangulong Rodrigo Roa Duterte sa darating na Lunes, Nobyembre 30, ang quarantine classifications para sa buwan ng Disyembre.

“Bagamat holiday po sa a- trenta, I have had to personally change my schedule because I was told na magkakaroon ng talk to the people po ang presidente sa a trenta ng Nobyembre which is a holiday,” ayon kay presidential spokesperson Harry Roque.

“Doon po i-a-announce ni Pangulo ang change in classifications kung meron po,” dagdag na pahayag nito.

Sa ulat, maraming bahagi ng bansa ang nasa ilalim ngayon ng “less restrictive measures” na general community quarantine (GCQ) o modified GCQ.

Ang Metro Manila, Batangas, Iloilo City, Bacolod City, Tacloban City, Iligan City, at Lanao del Sur ay isinailalim sa GCQ para sa buong buwan ng Nobyembre habang ang natitirang bahagi ng bansa ay nananatili naman sa MGCQ.

Noong Nov. 20, ibinalik ang Davao City sa GCQ mula sa MGCQ matapos itong makapagtala ng pagtaas ng kaso ng COVID-19. (CHRISTIAN DALE)

GOBYERNO KINALAMPAG SA MAHAL NA PRESYO NG PAGKAIN

8 hours ago jake

DAPAT pangunahin sa susunod na pulong ng Gabinete na lumikha ng plano kung paano paamuin ang tila rumaragasang presyo ng pagkain kaya hindi makayanan ng pangkaraniwang pamilya na naghirap sanhi ng paghina ng ekonomiya dulot ng pandemya.

Ito ang inihayag ni Senate President Pro-Tempore Ralph Recto.

Ayon kay Recto, naghahanap ng kasagutan ang mamamayan na lubha nang nahihirapan kung paano kakain, kung kailan matatapos ang “food price shocks” na nararanasan ng bansa.

“I think this should be on the top of the agenda in the next Cabinet meeting,” ayon kay Recto.

Sinabi ni Recto na pansamantala, dapat ibahagi ng Department of Trade and Industry (DTI) at Department of Agriculture (DA) ang kanilang plano upang maibaba ang halaga ng isda, gulay at karne.

“The government’s own daily monitoring of prices of “agri-fishery commodities” in several markets in Metro Manila showed an alarming upswing tick,” ani Recto.

Base sa Philippine Statistic Authority na noong Nobyembre 23, tumaas ng 194 porsiyento ang halaga ng ampalaya kumpara sa nakaraang buwan; at 200 porsiyento sa sili. Dumoble naman ang halaga ng repolyo at sayote sa loob ng 30 araw.

Taun-taon, tumataas ng 167 porsiyento ang presyo ng pechay; 133 porsiyento sa kamatis at 108 porsiyento sa red onion.

“Kung ang ampalaya ay P235 kada kilo at ang pechay ay P160, paano pa ito mabibili ng isang minimum wage worker?” ayon kay Recto.

Base sa umiiral na batas sa sahod kada araw na P537 sa National Capital Region, ang isang manggagawa ay kailangan magtrabaho ng kalahating araw upang makabili ng isang kilong ampalaya, ayon pa sa mambabatas.

“That worker will also have to work half a day to buy a kilo of galunggong, monitored by the PSA as being retailed at P250 per kilo during the week ending November 23,” giit ni Recto.

Tumaas din aniya sa halagang P300 ang presyo ng kasim kada kilo.

“Lahat ng gulay sa kantang ‘Bahay Kubo’ nagtaasan. Ang galunggong, ginto na ang presyo. And these are market prices. In retail outlets, prices are higher. At tiyak sasabihin ng mga tao na mas mataas ang bili nila kaysa sa kung ano ang naiulat ng pamahalaan,” ani Recto.

Sinabi pa ni Recto na inilalaan ng pamilyang Pilipino ang 43 ng kita sa pagkain; pero mas malaki sa nasa laylayan ng lipunan na aabot sa 30% o higit sa 7.42 milyong Pilipino, na naglalaan ng halos 59% ng kanilang kita sa pagkain.

“So when food prices jump, they go on a forced diet, the magnitude of which is captured by periodic hunger surveys. Kung hindi bababa ang presyo ng pagkain, tataas ang ating GNP—or Gutom na Pilipino—rate,” aniya. (ESTONG REYES)

DAVAO CITY 10 BESES NANGUNA SA COVID CASES

11 hours ago jake

DAVAO CITY – Sampung beses nang nanguna ang lungsod na ito sa may pinakamaraming kaso ng COVID-19 sa bansa.

Ang ika-10 beses ay naitala nitong Huwebes, Nobyembre 26, ayon sa ulat ng Department of Health.

Naitala rin ang pinakamaraming bilang ng mga namatay sa araw na ito, na umabot sa 11.

Ayon sa DOH, may 137 bagong kaso ng COVID-19 ang lungsod.

Nasa pangalawa naman ang Quezon City na may 68 kaso; pangatlo ang Batangas, 59; pang-apat ang Laguna, 54, at panglima ang Cavite na may 47 bagong kaso.

Sa kasalukuyan, ang total active cases ng lungsod ay 1,988 habang 5,994 ang kabuuang kaso.

Nakapagtala naman ng 71 na bagong recoveries kaya may kabuuang 3,729 na ang gumaling sa COVID-19 sa lungsod.

Ngunit umabot na sa 277 ang kabuuang bilang ng mga namatay.

Sa kabila nito, naitala naman ng DOH ang 5,773 na gumaling sa sakit sa petsang iyon sa buong Davao Region. (DONDON DINOY)

Nakaw na cp, ibinenta sa may-ari ‘SELLER’ SYUT SA SELDA

11 hours ago jake

CAVITE – Arestado ang isang lalaki makaraang ibenta nito ang isang nakaw na cellphone sa mismong may-ari ng gadget sa Bacoor City sa lalawigang ito.

Nakapiit sa Bacoor City Police ang suspek na si Reymart Quimat, walang trabaho, ng Sitio Tibag, Brgy. Panapaan 3, Bacoor City, makaraang ireklamo ng biktimang si Ronalyn Berbon, 25, ng nasabi ring barangay.

Ayon sa reklamo ni Berbon kay Corporal Marvin Rae Caalor ng Bacoor CPS, nabalitaan niyang may ibinibentang cellphone sa kanilang lugar kaya nagbakasakali siyang ang cellphone niya ang ibinebenta.

Ngunit bago nagtungo sa lugar ay nakipag-ugnayan muna siya sa barangay officials sa Sitio Tibag, Brgy. Panapaan 3 ng naturang Lungsod.

“Nagbakasakali lamang siya. Nagkunwari siyang bibili ng cellphone at kinausap niya ang suspek na gusto muna niyang makita ito bago niya bilhin pero nang nahawakan na ay nakitang hindi pa nabura ang kanyang wallpaper at ilang mensahe dito,” ayon kay Cpl. Caalor.

Bunsod nito, inaresto ng mga barangay tanod ang suspek na sinabing ipinabenta lamang ito sa kanya at namomorsiyento lamang siya.

Nabatid na ninakaw ang cellphone dakong alas-8:00 ng umaga noong Miyerkoles.

Nahaharap ang suspek kasong paglabag sa PD 1612 (Anti-Fencing Law) (SIGFRED ADSUARA)

NP-AKG no. 2 most wanted LAPPAY KFRG MEMBER ARESTADO

11 hours ago11 hours ago jake

ISANG kilabot na miyembro ng Lappay kidnap for ransom group ang nadakip ng mga tauhan ni BGen. Jonnel C. Estomo, pinuno ng Philippine National Police – Anti-Kidnapping Group, sa isinagawang law enforcement operation sa Las Piñas City.

Ayon kay BGen. Estomo, bandang alas-3:50 ng hapon noong Miyerkoles nang nadakip ng kanyang mga tauhan, sa pamumuno ni PNP-AKG Luzon Field Unit chief, P/Col. Villaflor Bannawagan, ang suspek na si Elpidio Escubido Edusma sa Saint Vincent St., Saint Joseph Subdivision, Pulang Lupa, Las Piñas City.

Si Edusma alyas “Edwin” ay pakay ng warrant of arrest sa kasong kidnapping for ramsom, na inisyu ni Hon. Ethelwolda Ajaravata, Presiding Judge ng RTC Branch 32 ng 1st Judicial Region sa Agoo, La Union at walang piyansang inirekomenda.

Ayon kay Major Ronald Lumactod, tagapagsalita ng PNP-AKG, ang akusado ay hardcore member ng kilabot na Lappay KFRG na kumikilos sa Region 1, simula noong 2014.

Isa sa mga biktima ng grupo ang isang prominenteng negosyante na si Eng. Ricky C. Accay na dinukot noong Hunyo 30, 2014.

Pinalaya lamang ang biktima matapos magbayad ng P700,000 mula sa sa hinihinging P5 milyon.

Kasalukuyang nasa AKG Headquarters ang suspek para sa booking procedures and tactical interrogation. (JESSE KABEL)

Walang nasasapol na ‘big fish’ sa anti-corruption campaign DILIS LANG ANG KAYA NI DUTERTE – SOLON

13 hours ago jake

INIHALINTULAD ng isang mambabatas sa dilis ang mga tatamaan ng ikinasang anti-corruption campaign ni Pangulong Rodrigo Duterte.

Naniniwala si Bayan Muna party-list Rep. Ferdinand Gaite na mabibigo ang kampanya ng pamahalaan dahil maliliit na tao lang umano na sangkot sa katiwalian ang sinibak sa puwesto habang malaya ang mga tinaguriang ‘big fish”.

“Failure…kung bibigyan ng grado si Pangulong Duterte sa usapin ng pagsugpo sa graft and corruption…failed,” ani Gaite sa virtual press conference ng Makabayan bloc kahapon.

Nauna rito, inanunsyo ni Duterte na humigit kumulang sa 800 government personnel ang kanyang sinibak sa puwesto dahil sangkot umano ang mga ito sa katiwalian at iba pang kaso. Kabilang sa mga ito ang 26 mula sa Bureau of Internal Revenue (BIR).

“Yung 800 na sinibak niyang empleyado, karamihan niyan kung hindi ako nagkakamali ay nasa customs, Bureau of Immigration at iba pa ay ano lang ito, maliliit na isda,” ani Gaite.

“Yung malalaking isda, lalo na yung mga appointee ni Pangulong Duterte wala pa tayong naririnig na talagang tinugis. Yung iba, sinuspinde lang,” ayon pa sa mambabatas tulad aniya nina dating PhilHealth President Ricardo Morales.

Sinusugan din ni ACT party-list Rep. France Castro ang pahayag ni Gaite kaya naniniwala ang mga ito ito na walang mangyayari sa anti-corruption campaign ni Duterte sa natitirang dalawang taon nito sa kapangyarihan. (BERNARD TAGUINOD)

Defensor kay Belgica “PUT UP OR SHUT UP!”

13 hours ago jake

“HE should put up or shut up.”

Ito ang mensahe ni House committee on public account chairman at Anakalusugan party-list Rep. Mike Defensor kay Presidential Anti-Corruption Commission (PACC) Commissioner Grego

Belgica matapos bigong pangalanan ang 12 congressmen na isinangkot niya sa corruption sa public works projects.

Ayon kay Defensor, ito ang ikalawang pagkakataon na ginawa ni Belgica ang alegasyon laban sa mga mambabatas subalit hanggang ngayon ay ayaw niyang pangalanan ang mga ito at wala pang isinampang kaso.

“If that is so, then he should just shut up. If he has evidence that can stand in court, he should file cases against the lawmakers he claims are involved in corruption,” ani Defensor.

Sinabi ng mambabatas na hindi makatarungan ang pagtanggi ni Belgica na pangalanan ang mga mambabatas na ito na dahil lahat ngayon ng 300 miyembro ng Kapulungan ay pinagdududahan.

Bukod dito, dinudungisan aniya ni Belgica ang institusyon na pilit ibinabangon sa mga alegasyon nito na walang inilalatag na matibay na ebidensya sa halos 12 congressmen na inaakusahan nito na sangkot sa katiwalian.

“If he cannot support what he is saying, then what is his purpose? To taint all House members and their institution and put them under a cloud of suspicion? We have been trying to improve the image of the House and he is tarnishing it,” ani Defensor.

“Belgica’s job” is not to engage in trial by publicity but to gather evidence and build cases against corrupt officials and file them before the proper forum like the Department of Justice (DOJ) or Office of the Ombudsman,” ayon pa kay Defensor.

Ganito rin ang hamon ni AKO Bicol party-list Rep. Alfredo Garbin kay Belgica.

“Mahirap pag puro chismis lang. The PACC should walk the talk,” ayon pa kay Garbin. (BERNARD TAGUINOD)

P4.5-T 2021 BUDGET BILL INAPRUBAHAN NG SENADO

13 hours ago jake

INAPRUBAHAN ng Senado ang House Bill No. 7727 o ang panukalang P4.5 trilyong pambansang badyet para sa 2021 sa botong 22 pabor at walang negatibo at abstention sa ginanap na hybrid session nitong Huwebes.

Sa pahayag, nagpasalamat si Senador Sonny Angara, chairman ng Senate committee on finance, sa lider at kasamahan sa Senado sa paghimay sa budget bill at nananatili sa schedule upang maipasa ang panukala sa tamang panahon sa kabila ng mga hamon tulad ng bagyo, baha, power outages at pandemya.

Kinilala naman ni Angara ang amendments na inihain ng kasamahan upang mapatibay ang pagtugon sa COVID-19.

“We acknowledged the amendments introduced by his colleagues to the budget bill, which will, among others, strengthen the COVID-19 response, provide assistance to victims of calamities and resuscitate the economy,”ayon kay Angara.

Pinasalamatan din ni Senate Majority Leader Juan Miguel Zubiri si Senate President Vicente Sotto III sa pagpasa ng panukalang national badyet sa kasipagan nito dahil palaging nasa Senado anomang oras ang simula ang deliberasyon.

Sa kanyang panig, pinapurihan naman ni Senador Joel Villanueva si Senador Sonny Angara sa kasipagan at pagkilos upang tuloy-tuloy ang deliberasyon sa national budget. (ESTONG REYES)

Malakanyang pumalag PINAS KULELAT SA COVID RESILIENCE RANKING

13 hours ago jake

ITINANGGI ng Malakanyang ang inilabas na assessment ng US-based company Bloomberg kung saan nakapuwesto ang Pilipinas malapit na sa ilalim o kulelat pagdating sa COVID resilience ranking.

Iginiit ni Presidential spokesperson Harry Roque na maayos na nahawakan ng pamahalaan ang viral outbreak.

Sa ulat, ipinuwesto ng Bloomberg ang Pilipinas sa 46th mula sa 53 bansa base sa 10 key metrics, kabilang na ang pagtaas ng kaso, mortality rate, healthcare system capacity, lockdown impact, community mobility, at agreements o kasunduan sa vaccine supply.

Ayon sa Bloomberg, ang Pilipinas ay nakapagpuntos ng “poorly” pagdating sa usapin ng community mobility—o ang “movement of people to offices and retail spaces compared to a pre-pandemic baseline in the past month”—na may -39.4% score.

Sinabi ni Sec. Roque na hindi pa niya napag-aaralan ang nasabing report sa kabila ng palagi niyang sinasabi na ang government measures ay nagresulta ng “relatively low mortality rate” para sa COVID-19 at ang maliit na percentage ng malubha at kritikal na kaso.

Sa kabilang dako, sinabi naman ni Dr. Albert Domingo, consultant ng World Health Organization Philippines, na ang laban kontra pandemiya ay hindi dapat gawing karera ng mga bansa. (CHRISTIAN DALE)

Category: NEWS BREAK