Sa mga batang pakalat-kalat sa kalye MAGULANG MANANAGOT

0

BINALAAN ni Philippine National Police (PNP) Chief, Police General Guillermo Lorenzo T. Eleazar ang mga magulang partikular sa Metro Manila na pigilan sa paglabas ang kanilang mga anak dahil sila ang mananagot sa mga ito.

Umapela rin ang heneral na gawing prayoridad ng mga magulang ang kaligtasan ng kanilang mga anak kaya dapat iwasang ilabas o dalhin ang mga ito sa mga pampublikong lugar.

“Nilinaw na ng Metropolitan Manila Development Authority ang panuntunan sa paglabas ng mga kabataan. Maaari lamang silang lumabas kung sila ay magpapagamot o kaya mag-eehersisyo. Dapat din ay kasama nila ang kanilang magulang tuwing lalabas,” ani PGen Eleazar.

Ayon sa heneral, maaring papanagutin ang mga magulang sa ginagawang pagbalewala ng kanilang mga anak sa mga ipinatutupad na health and safety protocols.

“Maaaring kayo ang managot kung maabutan sila ng ating kapulisan na pakalat-kalat sa lansangan o kaya’y nasa galaan,” ani Eleazar.

Tugon ito ng PNP Chief kasunod ng mga ulat na maraming bata ang nakikitang naglisaw sa mga pampublikong lugar gaya ng leisure parks mula nang ibaba sa alert level 3 ang National Capital Region.

Samantala, tiniyak din ni PGen Eleazar na mahigpit na babantayan ng kapulisan ang mga semeteryo sa buong bansa kasunod ng kautusan ng Inter-Agency Task Force for the Management of Emerging Infectious Diseases na isara ang mga kampo santo mula October 29 to November 2. (JESSE KABEL)

Read More

EXCISE TAX SA GAS, DIESEL PINASUSUSPINDE

0

NANAWAGAN si Sen. Grace Poe sa Malacañang na ikonsidera ang pagsuspinde ng koleksyon sa excise tax sa gasolina at diesel para mabawasan ang pahirap sa mga tsuper ng jeep, delivery rider, at sa mga nagbibiyahe ng ani ng mga magsasaka sa palengke sa gitna ng patuloy na pagtaas ng presyo ng langis.

Naipasa ang Tax Reform for Acceleration and Inclusion Law (TRAIN Law) noong 2017 na nagpapatong ng excise tax sa mga produktong petrolyo umpisa noong 2018. Nagsimula ang excise tax sa diesel sa P2.50 kada litro noong Enero 2018, tumaas sa P4.50 noong Enero 1, 2019, at P6 kada litro noong Enero 1, 2020.

Para sa gasolina, nag-umpisa ang excise tax sa P8 kada litro noong Enero 2018, tumaas sa P9 noong Enero 2019, at sa P10 kada litro noong Enero 2020.

“Patuloy ang pagtaas ng presyo ng langis sa walong magkakasunod na linggo. Mapapababa ng pamahalaan ang pabigat na ito sa ating mga kababayan sa pamamagitan ng pagsuspinde sa koleksyon ng excise tax sa ngayon,” saad ni Poe.

Nabatid na pinakamalaking gastusin ng mga Filipino ay nakalaan sa pagkain at transportasyon.

Base sa mga budget document, ang koleksyon sa excise tax sa petrolyo at langis ay umabot sa P42.7 bilyon noong 2019 at nakaprograma na umabot sa P41.6 bilyon noong 2020. Nakikita na aabot ito sa P47.9 bilyon ngayong taon.

Ang koleksyon sa income tax mula sa mga kumpanya at enterprise ay umabot sa P586.16 bilyon noong 2019 at nakaprogramang maging P329.89 bilyon noong 2020. Inaasahan na aabot ito sa P304.83 bilyon ngayong taon.

Sinabi pa ni Poe na binabaan din ng pamahalaan ang taripa sa karne ng baboy at bigas ngayong taon sa kabila ng pagmamakaawa ng mga magsasaka na huwag itong gawin dahil mawawalan sila ng kabuhayan. (ESTONG REYES)

Read More

HOUSE-TO-HOUSE VACCINATION SA SENIORS

0

IMINUNGKAHI ng isang mambabatas ang house-to-house na pagbabakuna sa mga nakatatanda dahil base sa ulat ng World Health Organization (WHO) ay mahigit tatlong (3) milyon pa umano sa mga ito ang hindi nababakunahan kahit isang dose laban sa COVID-19.

Panawagan ni Senior Citizen party-list Rep. Rodolfo Ordanes sa Inter-Agency Task Force (IATF) at local government units (LGUs) na puntahan na sa kanilang bahay ang mga senior citizen para maproteksyunan ang mga ito sa COVID-19.

“Sa yugtong ito ng vaccination rollout, hinihiling ko sa IATF, NTF at mga LGUs na suyurin pang mabuti ang bawat eskinita, kalye, purok, sitio, subdivision o condo unit kung saan matatagpuan ang humigit-kumulang 3.4 million seniors na hanggang ngayon ay hindi pa rin nababakunahan,” ani Ordanes.

Ngayong taon ay hindi bababa sa 10 million ang bilang ng mga Filipino na edad 60 pataas.

Ang mga senior citizen kasama ang medical frontliners ang top priority sa COVID-19 vaccination subalit lumalabas na milyon-milyon pa rin sa mga ito ang hindi pa nababakunahan kahit isang dose.

Pinakamarami umanong unvaccinated Pinoy seniors sa Central Luzon, Southern Tagalog Region, at Central Visayas habang ang Cordillera Autonomous Region (CAR), Bangsamoro Autonomous Region in Muslim Mindanao (BARMM), Caraga at National Capital Region (NCR) ang pinakamaraming nabakunahan.

Bagaman nauunawaan umano ng mambabatas na maraming matatanda ang nag-aalangan na magpabakuna ay kailangang ipaunawa sa mga ito ang kahalagahan ng bakuna laban sa COVID-19. (BERNARD TAGUINOD)

Read More

Manila tourist attractions BUKAS NA SA MGA BAKUNADO

0

BINUKSAN na muli sa publiko ang ilang atraksyon sa Metro Manila kabilang ang Manila Ocean Park sa Ermita, Manila.

Pinangunahan ni Manila City Vice Mayor Honey Lacuna ang pagbubukas ng pasyalan na nagtatampok sa daan-daang uri ng isda.

“Matapos ang pansamantalang pagsasara dahil sa pandemya, umaasa kami na ang mga negosyo tulad ninyo ay makakabalik na sa dating sigla,” ayon kay Lacuna.

Umaasa rin si Lacuna na ang pagbubukas ng tourist destinations sa siyudad ay lilikha ng mga trabaho para sa Manilenyo at magiging daan para makarekober ang ekonomiya.

Bukas ang Manila Ocean Park mula Huwebes hanggang Linggo – alas-10 ng umaga hanggang alas-6:00 ng gabi.

Nagpaalala naman ang pamunuan nito na tanging mga bakunado na edad 18-65 ang papayagang makapasok. (RENE CRISOSTOMO)

Read More

DOJ MATRIX SA 52 DRUG WAR DEATHS: ‘TOO LITTLE, TOO LATE’

0

TINAWAG ni Senadora Leila de Lima na desperadong hakbang ng gobyerno ang inilabas ng Department of Justice na matrix sa 52 kaso ng drug war deaths.

Sinabi ni de Lima na layon lamang nito na i-divert ang atensyon ng publiko mula sa isinasagawang proseso ng International Criminal Court (ICC) laban sa administrasyon ni Pangulong Rodrigo Duterte.

Sinabi ni de Lima na “too little, too late” ang kasong prinisinta ng DOJ.

“Kung inaakala ng Malacañang na magagamit itong DOJ report para makalusot si Duterte sa kanyang kaso sa ICC, nagkakamali sila. Lalo pa nitong ipinakita na walang ginawa ang administrasyon na ito upang pigilan ang malawakang pang-aabuso ng ating kapulisan sa ilalim ng madugong War on Drugs ni Duterte,” giit ni de Lima.

“The DOJ report on its investigation of the 52 cases submitted by the PNP-IAS looked at the cases separately and independently of each other. A glaring pattern was that the respondents used the ‘nanlaban’ defense, claiming that the victims used unlawful aggression to justify the killings. Then and now, we know it’s a sham narrative,” dagdag nito.

Una nang inaprubahan ng ICC ang formal probe sa anti-narcotics campaign, ng gobyerno kabilang na ang extra-judicial killings (EJKs) sa Davao na iniuugnay sa Davao Death Squad (DDS).
Sa 7,800 kataong nasawi sa police anti-drug operations simula noong 2016, nasa 400 kaso pa lamang ang nirerebisa ng DOJ at inilabas ang matrix sa 52 kaso.

Nakasaad sa matrix ang ilang lapses sa protocols ng mga pulis tulad ng kawalan ng mga dokumento at pagsusuri at “excessive force” sa pamamagitan ng pamamaril sa isang suspek ng 15 beses.

“Barya-barya lang itong ginagawa ng DOJ.  Neither the ICC nor the Filipino people will be fooled again. Panahon na para singilin lahat ng inutang na buhay ng ‘War on Drugs’ ni Duterte.  The time for Duterte’s delaying tactics and evasive theatrics to end has come.  It is now time for truth and consequences,” dagdag pa ni de Lima. (Dang Samson-Garcia)

Read More

CELEBRATE SUGBO

0

Take a closer look and be amazed at the collection of Cebuano beauty, artistry and cultural pride featuring the National Costumes of Cebuana beauty queens designed by 𝗔𝘅𝗲𝗹 𝗤𝘂𝗲 and 𝗠𝗮𝗹𝗮𝘆𝗸𝗮 𝗬𝗮𝗺𝗮𝘀 which you can experience #OnlyAtSM!

 

Immerse into the beauty of the costumes worn by our Cebuana title-holders 𝗕𝗲𝗮𝘁𝗿𝗶𝗰𝗲 𝗟𝘂𝗶𝗴𝗶 𝗚𝗼𝗺𝗲𝘇 (Miss Universe Philippines 2021), 𝗧𝗿𝗮𝗰𝘆 𝗠𝗮𝘂𝗿𝗲𝗲𝗻 𝗣𝗲𝗿𝗲𝘇 (Miss World Philippines 2021), 𝗦𝗵𝗮𝗶𝗹𝗮 𝗠𝗮𝗲 𝗥𝗲𝗯𝗼𝗿𝘁𝗲𝗿𝗮 (Miss Multinational Philippines 2021) and 𝗦𝘁𝗲𝗳𝗳𝗶 𝗥𝗼𝘀𝗲 𝗔𝗯𝗲𝗿𝗮𝘀𝘁𝘂𝗿𝗶 (2nd Runner Up, Miss Universe Philippines 2021).

 

 

Read More

SUSUNOD NA TALK TO THE PEOPLE NI PDU30, NEXT WEEK NA

0

PUNOMPUNO umano ang iskedyul kaya’t hindi na muna makapagsasagawa ng kanyang “second Talk to the People” o TTP public briefing ngayong linggo si Pangulong Rodrigo Roa Duterte.

Sinabi ito ni Presidential Spokesperson Harry Roque sa kanyang virtual press conference nitong Huwebes.

“Wala na pong schedule for this week [na Talk to the People] dahil maraming activities po ang Presidente for this week,” ayon kay Sec. Roque.

Ito ang pangalawang magkasunod na linggo na isang Talk to the People lamang ang nagawa ng Chief Executive.

Noong nakaraang buwan lamang ay sinabi ng Punong Ehekutibo na magsasagawa siya ng TTP dalawang beses sa isang linggo.

Ang TTP ay itinuturing na mahalagang venue para sa Pangulo na mabigyan ng update ang mga Filipino ukol sa progreso ng mahahalagang proyekto gaya ng bagong pinasinayaan na Bicol International Airport.

Ginagamit din ng Pangulo ang TTP para sagutin ang mga isyu na may kinalaman sa korapsyon sa gobyerno lalo na sa nagpapatuloy na imbestigasyon ng Senate Blue Ribbon Committee hinggil sa pagbili ng pamahalaan ng coronavirus disease (COVID-19) supplies noong 2020. (CHRISTIAN DALE)

Read More

MABILIS NA PAG-UNLAD SA NPA-INFESTED VILLAGES TINIYAK NG PALASYO

0

NANANATILING matatag ang pangako ni Pangulong Rodrigo Roa Duterte na bilisan ang development o pagpapaunlad sa mga komunidad na pinamugaran ng New People’s Army (NPA), armed wing ng Communist Party of the Philippines (CPP).

Bilang bahagi ng kanyang pagsisikap sa counter insurgency, nakatakdang bisitahin ni Pangulong Duterte ang Lucena, Quezon para bigyang-diin ang “peace and development initiatives” ng kanyang administrasyon sa Calabarzon.

“President Rodrigo Duterte, who is also chairman of the National Task Force to End Local Communist Armed Conflict (NTF-ELCAC), shall resume his visits to the different regions to fast-track the development of conflict-affected and geographically-isolated barangays,” ayon kay National Security Adviser Hermogenes Esperon Jr., nagsisilbi rin bilang NTF-ELCAC vice chairperson.

Ayon sa NTF-ELCAC, may 822 villages o mga nayon ang nalinis na mula sa impluwensiya ng NPA.

Ang nasabing mga lugar ay inaasahan na makatatanggap ng P20 milyon kada isa para pondohan ang kanilang anti-insurgency projects.

Tinatayang 72 proyekto naman sa ilalim ng NTF-ELCAC’s Barangay Development Program (BDP) ang nakatakdang ipatupad sa 32 insurgency-cleared villages sa Calabarzon. (CHRISTIAN DALE)

Read More

IATF kinontra ng solon COVID VAX KAPOS PA RIN

0

TALIWAS sa iginigiit ng National Task Force Against COVID-19, kapos pa rin ang supply ng bakuna sa malaking bahagi ng bansa.

Ayon kay Rep. Natasha Co mula sa hanay ng minority bloc, 16 sa 17 rehiyon ng bansa ang hindi nakakakuha ng sapat na supply ng COVID-19 vaccines.

Aniya, hindi rin dapat na ipagyabang ang bilang ng mga bakunadong Filipino dahil masyado pang mababa ang 35% na ipinagmamalaki ng Palasyo.

“Vaccine supply remains a problem because the shipments that arrive at the airports are not getting into the arms of Filipinos fast enough,” saad ni Co, kasabay ng patutsadang tanging Metro Manila at mga karatig lalawigan nito ang ginagamit na batayan sa mga ibinibida ng gobyerno, habang nananatiling mailap kung hindi man mabagal ang pagdating ng mga suplay sa kanayunan.

“Kapag tinignan ninyo yung latest data, nagdudumilat yung katotohanan na 16 out of 17 regions sa Pilipinas ang ni hindi pa umaabot sa 35% ang bahagdan ng mga fully-vaccinated!,” ayon sa solon.

Partikular na tinukoy ng kongresista ang kaso ng Bicol Region na nakapagtala lamang ng 16.83% na bakunado habang mas mababa pa ang datos sa Bangsamoro Autonomous Region ni Muslim Mindanao (BARMM) na mayroon lamang kabuuang 9.47% na bakunado.

Paniwala ni Co, matatagalan pa bago makamit ng bansa ang herd immunity na siyang magiging hudyat sa pagbangon ng ekonomiya lalo pa’t hindi naman sapat ang suplay na dumarating sa bansa.

Patunay rin aniya nito ang pag-usad ng petsang itinakda ni vaccine czar Carlito Galvez na makailang ulit na sinabing maaabot ang herd immunity pagtuntong ng Disyembre. Gayunpaman, biglang nagbago ang pahayag ng Kalihim nitong nakaraang buwan. Aniya bago sumapit ang eleksyon sa Mayo, inaasahan nilang mababakunahan na ang 70% ng target nilang populasyon. (BERNARD TAGUINOD)

Read More