Pag-aaral nais padaliin ni Rep. Nograles EASY ACCESS SA KABATAANG PWDs

0

KAAKIBAT ng layuning matulungan sa kanilang pag-aaral ang mga batang kabilang sa persons with disabilities (PWDs), namahagi si Rizal 2nd District Congressman Fidel Nograles ng aabot sa 200 digital tablets kamakailan.

Personal na inabot ng mambabatas ang mga tablet sa mga estudyanteng PWD.

“Alam natin na napakaraming pagsubok ngayon na hinaharap ng mga batang may kapansanan sa kanilang online o distance learning,” ayon sa bagitong mambabatas.

“Kaya patuloy tayong nakaagapay sa ating mga PWD upang masigurado ang kanilang patuloy na pag-aaral,” dagdag pa nito.

Plano ni Nograles na palawigin at gawing institusyon na ang nasabing programa upang matulungan ang mga disabled student na malagpasan ang iba’t ibang pagsubok sa distance learning.

“Makikipagpulong po tayo sa mga special education stakeholders nang mas maintindihan natin kung paano mapupunan ang mga pagkukulang at maging mas makabuluhan ang suportang ibibigay natin sa kanila,” ayon pa Harvard trained-lawyer.

Ang mga ipinamahaging gadgets ng mambabatas sa mga PWD student ay paunang tulong pa lamang kaya naghahanap ito ng makakatuwang mula sa pribadong sektor at maging sa mga sektor ng akademya para maipagpatuloy ang pagtulong sa mga ito.

“We are envisioning putting in place a system that ensures easy access for children with disabilities and their families so that they are not left behind. This means establishing effective linkages, among others, so we can provide primary and supplementary learning resources at a subsidized rate, if not free,” ayon pa kay Nograles.

Si Nograles ay regular na tumutulong sa PWDs, senior citizens at iba pang bulnerableng sektor ng lipunan. (BERNARD TAGUINOD)

Read More

Paalala sa eligible voters MAGPAREHISTRO, BUMOTO SA 2022 – REP. NOGRALES

0

(BERNARD TAGUINOD)

UMAPELA si Rizal 2nd District Congressman Fidel Nograles sa mga eligible voter na magparehistro upang makaboto sa 2022 national at local elections.

Bukod sa mga kabataan na edad 18 pataas, nakiusap din si Nograles sa mga dating botante na na-deactivate ang voters registration dahil hindi nakaboto noong 2018 barangay at 2019 national election na muling magparehistro.

Ginawa ng mambabatas ang panawagan matapos aminin ng Commission on Elections (Comelec) na umaabot palang sa 1.17 million botante ang nagparehistro mula sa 4 milyong Pilipino na kuwalipikadong bumoto.

Bukod dito, umaabot din umano sa 7 million botante ang na-deactivate ang voters registration matapos hindi makaboto sa dalawang magkasunod na eleksyon.

“Huwag na po natin hintaying umabot pa sa deadline bago kumilos para mag-rehistro at magpa-reactivate ng registration. Ang pagboto ay isang sagradong tungkulin ng mamamayang Pilipino na hindi natin dapat talikuran,” ani Nograles.

Unang sinabi ni Comelec Commissioner Rowena Guanzon na posibleng hindi na palawigin ang itinakda hanggang Setyembre 2021 na pagpaparehistro dahil sa kakulangan na ng oras kaya sinabi ni Nograles na dapat samantalahin ng mga botante ang pagkakataon lalo na ang mga kabataan.

“Elections are an opportunity to implement change. Youth should not pass up the chance to elect those they think should lead,” ayon pa kay Nograles.

“Marami sa ating nagbabatikos sa social media, nagtatawag ng pagbabago. Nasa kamay natin ang pagbabagong hinihingi natin at nagsisimula ito sa paghalal ng mga lingkod-bayan na kinakatawan ang mga nais nating makita sa mga lider natin. Ngunit hindi ito magiging posible kung hindi tayo magre-rehistro,” dagdag pa ng mambabatas.

Sinuportahan din ng Harvard trained lawyer ang mungkahi ni Guanzon na i-extend ang oras ng registration hanggang alas-tres ng hapon kada araw.

Nais din ni Nograles na magkaroon ng satellite office sa mga barangay ang Comelec para mas maraming makapagparehistro lalo na’t hirap pa ang mga tao na makabiyahe dahil sa pandemya.

“Kung kailangan po magronda nang naka-loud speaker o kaya mag-house-to-house sa mga isolated na lugar, gawin po natin para mahikayat na magparehistro ang mga kababayan natin,” ani Nograles.

“Maybe we could do some form of bloc registration para we are assured of large batches especially from geographically isolated and disadvantaged areas,”dagdag pa nito.

Read More

Isusulong ni Nograles sa Kamara PROTEKSYON SA LAW PROFESSIONALS

0

(BERNARD TAGUINOD)

PINAG-AARALAN na ni Rizal 2nd District Congressman Fidel Nograles ang batas na ihahain sa mababang kapulungan ng Kongreso para mabigyang proteksyon ang mga alagad ng katarungan sa bansa.

Kasabay nito, ikinatuwa ng mambabatas ang pagtutulungan ng Supreme Court (SC) at Department of Justice (DOJ) para aksyunan ang patuloy na pagpaslang sa mga law professional na umaabot na sa 56 mula noong 2016.

Huling biktima ng pag-atake sa law prefessionals si Atty. Winston Intong na pinatay malapit sa kanilang bahay sa Malaybalay, Bukidnon noong nakaraang linggo, isang araw matapos magpulong ang SC at DOH kasama ang Integrated Bar of the Philippines (IBP) kaugnay ng pagpatay sa mga abogado at hukom.

“That another lawyer has been killed just a day after the meeting underscores the urgency of the issue. I thank the SC and DOJ for collaborating to put an end to these acts of impunity. We cannot wait soon enough for this issue to be resolved,” ayon sa Harvard trained lawyer na si Nograles.

Ayon sa mambabatas na vice chairman ng House committee on justice, inaantay nito ang report ng SC hinggil sa kanilang pulong sa DOJ, IBP at iba pang ahensya para makagawa ito ng panukalang batas para maproteksyunan ang mga kagawad ng katarungan sa bansa.

Iginiit ng mambabatas na kailangan ang pagtutulungan ng lahat ng sangay ng gobyerno, ang ehekutibo, lehislatura at hudikatura para magkaroon ng isang direksyon para sa “safer environment for the administration of law and justice” sa bansa.

“Mag-aambag din po ang Kongreso at makikipagtulungan kung anong batas ang kailangang maipasa upang masigurong ligtas ang mga kumikilos para sa pananaig ng batas at upang magkaroon nang mas maayos na klima para sa pagtaguyod ng hustisya sa bansa,” ani Nograles.

Good news din aniya para sa mga kaanak ng mga pinapatay na abogado at hukom ang plano ng SC na atasan ang mga korte na mag-imbentaryo sa hindi umuusad na kaso ng mga pinatay na abogado at bilisan ang pagresolba sa mga ito.

Ang planong ito ng SC ay kasunod ng report ng DOJ na sa 56 kaso ng pagpatay sa mga abogado, 5 pa lamang ang nakarating sa korte habang ang 51 iba pa ay walang datos mula mga prosecutors office na nagpapakita na naisampa na ito.

Noong nakaraang taon ay inihain ni Nograles ang House Resolution (HR) 185 para imbestigahan ang pagpatay sa law practitioners at bumuo ng isang special task force ang DOJ at Philippine National Police (PNP) para habulin at panagutin ang mga utak sa pagpatay sa mga abogado sa pakikipagtulungan sa Commission on Human Rights (CHR) at IBP.

Read More

ANTI-CHILD PORN LAW AMYENDAHAN NA – NOGRALES

0

(BERNARD TAGUINOD)

MULING umapela si Rizal 2nd District Congressman Fidel Nograles sa liderato ng Kamara na isalang na sa deliberasyon ang kanyang panukalang amyendahan ang
Republic Act (RA) 9775 o Anti-Child Pornography Act of 2009 upang matigil na ang online exploitation sa mga kabataan.

Ginawa ni Nograles ang apela matapos aksyunan ni Pangulong Rodrigo Duterte ang problema sa online child pornography nang atasan niya ang National Telecommunications Commission (NTC) na patawan ng parusa ang mga Internet Service Provider (ISP) na mabibigong pigilan ang krimeng ito.

“Nagpapasalamat tayo na si Pangulong Duterte na mismo ang nagdirekta para magkaroon ng agarang aksyon laban sa child pornography. Nananawagan tayo sa Kongreso na gawin din ang makakaya para matigil na ang pagsasamantala sa ating kabataan,” ani Nograles.

Ang kautusan ng pangulo ay kasunod ng paglobo ng online sexual exploitation noong 2020 kung saan umaabot sa 47,937 ang naitalang kaso na mahigit doble sa 19,000 na nairekord noong 2019.

Maging ang Anti-Money Laundering Council (AMLC) ay nagsabi na umaabot sa P113.1 million ang suspicious transaction noong 2020 dahil sa child pornography na halos doble rin sa P6.5 million na naitala noong 2019.

Dahil dito, kailangang umaksyon na aniya ang Kongreso at amyendahan ang nasabing batas upang lalong mapalakas ang kampanya laban sa child pornography dahil lumalala ito habang tumatagal.

Sa ngayon ay nakabinbin ang House Bill (HB) 7633 o Anti-Sexual Abuse and Exploitation of Children Act of 2020 na inakda ni Nograles na naglalayong amyendahan ang Section 9 ng nasabing batas.

“The said section allows internet service providers to install software that could block access to and transmittal of child pornography and notify authorities within seven days of detection of any internet address that may contain child pornography,” ani Nograles.

“However, it also states that ‘nothing in this section may be construed to require an ISP to engage in the monitoring of any user, subscriber or customer or the content of any communication of any such person,’ which telecom operators have said effectively hampers them from taking action, in particular monitoring and blocking child pornography websites,” dagdag pa ng Harvard trained lawyer.

Dahil dito, kailangang amyendahan aniya ang Section 9 ng nasabing batas at ilagay ang “Duties of an Information and Communication Technology Service Providers (ICTSP) – All Information and Communication Technology Service Providers (ICTSP) shall install available technology, program or software to ensure that access to or transmittal of any form of child pornography will be blocked or filtered”.

Kailangang ipaalam din ng mga ICTSP sa Philippine National Police (PNP) at National Bureau of Investigation (NBI) sa loob ng pitong araw ang impormasyon hinggil sa child pornography na transaction upang agad maaksyunan ito at iba-ban din ang lahat ng dayuhan na may kinakaharap na sex-related cases sa kanilang bansa.

Read More

WAG NANG PATAGALIN PA ANG BAGONG ANTI-CHILD PORNOGRAPHY LAW

0

HINIHIMOK natin ang Kongreso na agarang talakayin at maipasa ang panukala na ating inihain na naglalayong palakasin ang Anti-Child ­Pornography Act of 2009 (Republic Act 9775) sa gitna ng mga ulat na ang mga estudyante ay nagbebenta ng kanilang ­senswal na mga larawan at video para kumita lamang ng pera upang ­ipambili ng gadgets para makasabay sa isinasagawang distance ­learning sa kasalukuyan.

Ito ang pakiusap ng National Bureau of Investigation at Office of Cybercrime ng Department of Justice kamakailan para mas paigtingin nila ang pagsisikap na masugpo ang online human trafficking.

Kailangan nating maglatag ng mga hakbang upang ating maprotektahan ang mga bata — kahit na mismo sa kanilang kapwa-bata.

Kailangang kumilos tayo upang ang mga bata ay hindi mapilit na gumawa ng kahalayan o mapariwara dahil lang sa kanilang mga pangangailangan.

Ang inyong lingkod ang may-akda ng House Bill No. 7633 o Anti-Sexual Abuse and Exploitation of Children Act of 2020, para amyendahan ang Section 9 ng RA 9775.

Ang panukalang ito ay inihain natin kasunod ng inilabas na ulat ng DOJ na nagsisiwalat na hindi inaasahang pagtaas ng mga kaso ng online child sex abuse sa panahong ipinatutupad sa bansa ang COVID-19 community quarantines.

Gamit ang datos mula sa U.S.-based National Center for Missing and ­Exploited Children, isiniwalat ng DOJ na 279,166 na mga kaso ng online child sex abuse ang naitala sa Pilipinas mula Marso 1 hanggang Mayo 24, 2020, kumpara sa 76,561 na mga kaso sa parehong panahon ng 2019. Napakalaki ng numerong ito na katumbas ng 264.63 percent na pagtaas, o mahigit sa 202,605 na karagdagang insidente ng nasabing kaso.

Alinsunod sa Section 9 ng RA 9775, ­pinapahintulutan ang mga internet service providers na mag-install ng software na maaaring hadlangan ang access at transmittal ng pornograpiya ng mga bata at kailangan na isumbong ito sa mga awtoridad sa loob ng pitong araw nang pagkatuklas ng anumang internet address na maaaring naglalaman ng child pornography.

Gayunpaman, ang parehong probisyon ay nagsasaad din na hindi nabanggit sa seksyong ito na maaaring hingin ang ISP upang magagamit sa pagsubaybay sa sinumang gumagamit, subscriber o customer o content ng anumang komunikasyon ng sinumang naturang tao, na binabanggit ng mga ­telecom operators na ­naging sagabal sa kanila para gumawa ng aksyon, sa partikular na pagmamanman at pag-block sa mga child ­pornography websites.

Kung maipasa ang ­ating panukalang batas, ang unang dalawang talata ng Section 9 ay sususugan upang baguhin ang mga probisyong nakapaloob dito.

Binibigyan din nito ng pangil ang ating mga awtoridad sa tulong ng mga Information and Communication Technology Service Providers (ICTSP) para tuluyang masupil ang lahat ng uri ng child pornography.

Iminungkahi din ng panukalang batas na ang mga foreign nationals na gumagawa ng anumang sex-related offenses ay pagbabawalang makapasok sa Pilipinas.

Hinihikayat din natin ang Department of Education na magpatupad ng mas mabisang paraan na makakaya ng mga bata ang mga pangangailangan para sa distance learning.

Hindi dapat ang mga bata ang siyang maghahanap ng ­paraan kung paano makahabol sa distance learning.

Tayong nasa pamahalaan ang dapat na ­namomroblema at ­gumagawa ng solusyon kung paano nila maipagpapatuloy ang kanilang pag-aaral.

Read More

Itinutulak ni Nograles sa Kongreso ANTI-CHILD PORNOGRAPHY LAW PALAKASIN

0

NANAWAGAN sa liderato ng Kongreso si Rizal 2nd District Congressman Fidel Nograles na agad talakayin at ipasa ang panukalang batas na magpapalakas pa sa Republic Act (RA) 9775 o Anti-Child Pornography Act of 2009.

Ginawa ng mambabatas ang nasabing panawagan sa gitna ng report na ilang estudyante ang nagbebenta ng kanilang sensual photos at videos para magkaroon ng pera na pambili ng gadgets na kailangan ng mga ito sa distance learning classes.

“We have to place measures to protect our children—even from themselves. We have to act so that children are not forced to prostitute themselves because of their needs,” ayon sa Harvard-trained lawyer.

Bagama’t desidido ang National Bureau of Investigation (NBI) at Department of Justice office of Cybercrime na lansagin ang online human trafficking kailangan pa rin aniya na palakasin pa ang nasabing batas para rito.

Ito ang dahilan kaya inihain ni Nograles ang House Bill 7633 o Anti-Sexual Abuse and Exploitation of Children Act of 2020 para maamyendahan ang nasabing batas subalit pending pa ito sa Kongreso.

Bukod dito, nais ni Nograles na maresolba ang isyu sa online child sex abuse na sumargo ang bilang noong kasagsagan ng community quarantine dahil sa COVID-19 noong nakaraang taon.

Base sa datos ng DOJ na mula sa U.S. based na National Center for Missing and Exploited Children, umaabot sa 279,166 ang naitalang online child sex abuse case  sa Pilipinas mula March 1 hanggang Mayo 24, 2020 mula sa 76,561 cases na naitala sa kaparehong panahon noong 2019.

Katumbas ito ng 264.63% na pagtaas o mas mataas ng 202,605 na labis na ikinabahala ni Nograles kaya nais nitong amyendahan ang Section 9 ng RA 9755 upang payagan ang mga internet service provider na maglagay ng mga software para i-block ang access at transmittal ng mga child pornography at agad i-report sa kinauukulan ang mga internet address na naglalaman ng child pornographic materials.

“Section 9. Duties of an Information and Communication Technology Service Provider (ICTSP). – All Information and Communication Technology Service Providers (ICTSP) shall install available technology, program or software to ensure that access to or transmittal of any form of child pornography will be blocked or filtered,” ayon sa amendments na nais ipasa ni Nograles sa nasabing batas.

Nais din ni Nograles na lahat ng mga dayuhan na may sex-related offenses ay huwag papasukin sa Pilipinas upang maproteksyunan ang mga kabataan.

Kasabay nito, umapela ang mambabatas sa Department of Education (DepEd) na maghanap ng mas epektibong paraan para makasabay ang mahihirap na estudyante sa distance learning na hindi kailangan ang makabagong kagamitan.

“Our children should not be left to fend for themselves. Tayong nasa pamahalaan ang dapat na namomroblema at gumagawa ng solusyon kung paano nila maipagpapatuloy ang pag-aaral nila,” ani Nograles. (BERNARD TAGUINOD)

Read More

Abogado, huwes, isa-isang tinutumba LAW ENFORCERS MAGTRABAHO KAYO – NOGRALES

0

KINASTIGO ni Rizal 2nd District Congressman Fidel Nograles ang mga law enforcer dahil sa kabiguang pigilan ang kriminalidad sa bansa kasunod ng pamamaslang sa isa na namang law worker sa Cebu noong isang linggo.

Si Atty. Baby Marie Concepcion Landero-Ole ay inambush at napatay sa Danao City Highway noong Disyembre 17, at ikalawang abogado na namatay sa Cebu sa loob ng isang buwan.
“At this point we have to ask what the authorities are doing about the spate of killings of law workers. We are not asking for special protection—rather, we wish to remind our authorities to do their jobs,” ani Nograles.

Ayon sa mambabatas, patuloy na tumataas ang bilang ng mga abogado, prosecutors at judges na pinatay mula noong 2016 at ika-54 si Landero-Ole kaya dapat maging aktibo aniya ang mga law enforcement agency sa pagpigil sa mga ganitong uri ng krimen.

“Failure to protect law workers isn’t just a failure to protect a special branch, but the whole populace,” ani Nograles na isang Harward trained-lawyer.

Halos lahat ng mga biktima ay pinatay kahit maliwanag pa na isang indikasyon na may pagkukulang ang mga law enforcer sa pagpapatupad ng kanilang trabaho na protektahan ang mamamayan laban sa anomang kriminalidad.

“May ginagawa ba tayo para usigin ang mga gun-for-hire syndicate at para maresolba ang mga nakaraang kaso at ano na lang ang nangyari sa police visibility na nagagawa ng mga kriminal na pumaslang sa kasagsagan ng araw? Kahit makadakip ng suspek parang hindi na natin nagagawa,” dismayadong pahayag pa ng mambabatas.

Dahil dito, umapela ang mambabatas sa mga law enforcement agency na magsalita ukol sa mga ganitong kriminalidad upang tiyakin sa mamamayang Pilipino na ginagawa nila ang kanilang trabaho para masiguro ang kaligtasan ng lahat.

“Ano ba ang plano? Can we rely on our police to protect us, or must we take steps to defend ourselves? We need to hear from our law enforcement agencies what they mean to do, and we need to see concrete action soon,” ayon pa kay Nograles. (BERNARD TAGUINOD)

Read More

SAVE OUR FORESTS NOW, INILUNSAD NI NOGRALES

0

SA kagustuhang maengganyo ang mga kabataan na protektahan ang kapaligiran, sinimulan na ni Rizal 2nd District Congressman Fidel Nograles ngayong linggo ang Save Our Forests Now sa pamamagitan ng pagtatanim ng mga puno.

Kasama ang may 200 estudyante mula sa Colegio de Montalban, University of Rizal Systems at San Mateo Municipal College, nagtanim si Nograles ng 1,000 bamboo sampling sa Wawa Dam sa Rodriguez, Rizal na kasama sa binaha nang manalasa ang Bagyong Ulysses noong Nobyembre.

Ayon sa mambabatas, magandang oportunidad ang nasabing programa na kanyang sinimulan para maengganyo ang mga kabataan na sumali sa climate advocacy at muling mapuno ng mga puno ang mga kabundukan.

“Marami naman sa kabataan ang handang tumulong. We only have to open up avenues for them to be able to direct their desire and energies to worthy causes,” ani Nograles.

Tiniyak ng bagitong mambabatas na marami pang tree-planting at iba pang environment activities ang nakalinyang ipatupad sa mga susunod na buwan na puwedeng salihan ng mga kabataan upang maproteksyunan ang kapaligiran.

“A large number have expressed enthusiasm over the program, and we will be exploring strategic partnerships with other organizations so we can start a sustainable movement that will hopefully be replicated not only in Rizal but in the whole country,” dagdag pa ni Nograles.

Napaka-importante aniya na simulan agad ang pagpapalago ng puno sa mga kabundukan upang maproteksyunan ang mga tao sa pagbaha kapag nagkaroon muli ng malakas na ulan.

Alam ng mambabatas na limitado na ang pondo ng gobyerno dahil sa patuloy na nararanasang pandemya sa COVID-19 subalit dapat aniyang seryosohin ang reforestation program.

“By implementing disaster mitigation measures such as reforestation now, we can minimize ad hoc allocations for disaster response that we can otherwise pour onto reviving our economy,” pahayag ng mambabatas.

Kamakailan ay inaprubahan na sa House Committee on Government Enterprises and Privatization ang panukala ni Nograles na itatag ang Sierra Madre Development Authority (SMDA) para protektahan at i-develop ang 500 kilometrong kabundukan ng Sierra Madre at maproteksyunan ang mga tao mula Cagayan hanggang Quezon Province sa pagbaha.

“Nagpapasalamat tayo kay Committee Chair at Parañaque 1st District Rep. Eric Olivarez sa pag-apruba ng House Bill No. 5634. Umaasa tayong tuluyan nang maipasa ang panukalang-batas na ito nang maging mas komprehensibo pa ang pagprotekta sa Sierra Madre,” ani Nograles. (BERNARD TAGUINOD)

Read More

Sinimulan sa Wawa Dam sa Montalban, Rizal “SAVE OUR FORESTS NOW’ NI CONG. NOGRALES UMARANGKADA NA”

0

NI: JOEL AMONGO

SINIMULAN na noong Sabado ng hapon, Disyembre 12, ang Save Our Forests Now ni 2nd District Cong. Fidel Nograles kasama ng college students mula sa tatlong state college at universities ng
Montalban, Rizal.

Kasama na nagtungo dakong ala-1:00 ng hapon sa Wawa Dam sa Montalban, Rizal ang mahigit sa 200 mga estudyante mula sa Colegio de Montalban, University of Rizal System at San Mateo Municipal para isakatuparan ang proyekto ni Cong. Nogales na tree planting na pinamagatang ‘Save Our Forests Now’.

Nasa 1,000 piraso ng bamboo trees ang itinanim ng mga estudyante ng nasabing tatlong state college at university kasama ni Cong. Nograles sa gilid ng Wawa Dam na bulubundukin na sakop ng bayan ng Montalban.

Sa panayam kay Celso Callo, staff na katiwala sa nasabing proyekto, ang okasyon ay bahagi ng programa ni Congressman Nograles na sustainable development program na makatutulong sa pagpigil sa pagrasa ng tubig ulan mula sa kabundukan, maproteksyunan ang kalikasan at makaambag sa ating susunod na mga henerasyon.

Nanawagan si Callo sa mga residente ng Brgy. San Rafael na nakasasakop sa kinaroroonan ng Wawa Dam na makiisa sila na proteksyunan ang kalikasan at pangalagaan ang kapaligiran.

Nagpasalamat din si Callo sa mga estuyante sa tatlong paaralan ng gobyerno sa kanilang pakikiisa sa programa ni Cong. Nograles na ‘Save Our Forests Now’ at hinikayat din niya ang iba pang mga
mag-aaral at mga kabataan na sumama sa kanilang proyektong pagprotekta sa kalikasan.

Sinabi pa ni Callo na simula pa lamang ito sa kanilang ginawang

tree planting at magsusunod-sunod na ito sa mga darating pang buwan.

Ayon naman kay Jervie Juyad, 3rd year ng Colegio de Montalban, first and foremost ay naatasan at binigyan sila ng pribilehiyo para maisakatuparan ang isa sa mga magandang adhikain ni Cong. Nograles na bilang mga iskolar ay maibalik nila sa mambabatas bilang tulong din nila para sa ikagaganda ng kalikasan – ang pagtatanim nila ng bamboo trees.

Aniya, ang ‘Save Our Forests Now’ ni Cong. Nograles ay malaking tulong sa paligid ng Sitio Wawa kung saan matatagpuan ang Wawa Dam dahil ito ang magbibigay ng proteksyon sa kabundukan na naka- ‘SAVE OUR FORESTS NOW’ NI CONG. NOGRALES UMARANGKADA NA San Isidro, Montalban ay nakiisa siya sa tree planting para makatulong sa mga tao at kalikasan.

Sinang-ayunan din ni Diovani Olog, tauhan ng Department of Environment and Natural Taytay, Rizal na nakatalagang rescuer sa mga naliligo sa Wawa Dam, na malaking tulong ang tree planting ni Cong. Nograles sa lugar.

Sang-ayon din siya na kapag tumubo na ang mga itinanim na bamboo trees ng kampo ay makatutulong para hindi bumagsak ang mga lupa mula sa mga bundok patungo sa naturang dam sakaling may masamang panahon o anomang pangyayari.

Read More