PNP NAGHIHIGPIT SA DROGA, SUGAL

OKAY O OKRAY

MAGANDA ang resulta sa ngayon nang paghihigpit ng Philippine National Police(PNP) sa ilegal na droga at sugal

dahil makikitang nagtratrabaho ang mga pulis upang makaaresto ng mga lumalabag sa batas.

Okay ang performance ng mga tauhan ng Quezon City Police District na pinangungunahan ni P/BGen. Ronnie Montejo sapagkat halos lahat ng labingdalawang (12)  stations ay kumikilos upang manghuli ng mga pasaway na tulak at adik.

Okay na okay na maging ang ilegal na sugal ay hindi pinalalampas ng QCPD kung kaya’t ang mga financier at operator ay halos hindi makalutang sa mga lugar kung saan sila nago-operate dahil takot ang mga ito na salakayin at perwisyuhin ang kanilang pinagkakakitaan.

Pinaka Okey ay maging ang night club, massage at spa kapag may ilegal tulad ng ‘extra service’ ay hindi pinaliligtas ng mga pulis na todo-bantay sa mga ilegal dahil sa takot na masibak sila sa kanilang kinalalagyan kapag nalusutan.
Ibig sabihin, mahusay ang pamamalakad ni PNP chief Gen Archie Gamboa kung kaya’t sinusunod ito ng kanyang mga tauhan at takot ang mga ito na sumuway kung kaya’t maging ang mga video karera na maituturing na small time ay kanilang binibira.

Okray naman kapag hindi nagsagawa ng malalimang imbestigasyon ang PNP sa pangunguna ni PNP chief kaugnay sa pagkakasangkot ni P/Lt Col. Jovie Espenido sa droga. Kailangang tingnang mabuti ng PNP kung talagang sangkot sa ilegal na droga ang pulis na naging modelo sa kampanya sa droga o baka nga namang may mga politikong nasagasaan na nakapagbulong sa kampo ni Gamboa kung kaya’t nasangkot ang pulis na ilang beses ring nakatanggap ng papuri kay Pangulong Rodrigo Duterte.

 

 

 

 

Read More

BAKIT DI PINAKANTA ANG 5 “PASTILLAS” BOYS?

PUNA

HINDI lang dapat matapos sa pagsibak sa limang (5) tauhan ng Bureau of Immigration na nasangkot sa “Pastillas” scheme sa Ninoy Aquino International Airport (NAIA).

Dapat ay nag utos ng malalimang imbestigasyon si BI Commissioner Jaime Morente sabay pakanta sa mga sangkot kung sinu- sino pa ang kanilang kakutsaba.

Impossible kasing walang nga utos sa kanila dahil hindi naman lalakas ang loob ng mga sangkot kung wala sila ng ipinagmamalaking padrino.

Sino nga ba ang talagang nakikinabang sa P10,000 lagay bawat ulo ng mga dayuhan? Sa dami nang nakapasok eh di ibig sabihin ay maraming P10-k  ang pumasok sa bulsa ng mga kulokoy na ito.

Bakit nga ba agad-agad na sinibak ni Morente ang 5 bantay salakay? Balita ng PUNA kasama sa ipinasibak ni Morente ay ang terminal head ng NAIA at  travel control and enforcement unit chief habang nakabinbin ang imbestigasyon sa usapin.

Kaya lang hindi kuntento ang mga tsismosa kong kapitbahay dahil gusto nila kumanta ang lima at ituro nila kung sino ang mga opisyal na nasa likod ng kalokohan.

Hindi sila naniniwala na ang lima lang ang nakikinabang sa kanilang modus, may hinala sila na may opisyal ng BI na nakikinabang dito.

Hindi na tayo magtataka kung bakit biglang du­mami ang Chinese sa bansa kasi nga madali sila makapasok dahil sa “pastillas” na kanilang pasalubong sa mga taga-BI.

Tama po ang desisyon ni Presidential Anti-Corruption Commission (PACC) Commissioner Greco Belgica na mag-iimbestiga siya sa ginawa ng limang taga-BI nang mapiga kung sino ang kanilang ka­sabwat.
Dapat i-life style check ang mga ito para malaman ng taumbayan kung saan nila dinala ang kanilang kinikita sa raket.

Hindi lang dapat iyong lima ang ipa-life style check kundi ang iba pang em­pleyado at opisyal ng Immigration na nagkakamal ng pera.

Kung sa nakakaraming mamamayan ay perwisyo ang pagdagsa ng mga Chinese sa Pinas dahil naging kaagaw pa sila  ng mga manggagawang Pinoy sa trabaho ay kabaligtaran ito sa BI men dahil grasya naman ito sa kanila.

Pinagkakitaan ng BI employees ang mga Tsekwa na pumapasok sa bansa.

Ang ganitong mga klaseng empleyado o opisyal ng gobyerno ang sumisira sa sariling nilang opisina.
Wala sa kanila ang tinatawag ng pagiging “public servant”, sa halip ay ginamit pa nila ang kanilang mga pwesto para pagkaperahan.

Sabi pa ng isang tsismosang kapitbahay ko, marami raw sa mga taga-BI ang nagkakamal ng pera dahil sa mga katulad na kalakaran sa “Pastillas”.

Kung talagang gustong linisin ni Morente ang mga tiwali sa kanyang bakuran, dapat ay mas lalo siyang maghigpit.

oOo

Para sa suhestiyon at reaksyon mag-email joel2amongo@yahoo.com at operarioj45@gmail.com o kaya magtext sa 0919-259-59-07.

 

Read More

ANO ANG KATOTOHANAN SA REKLAMO NG ABS-CBN?

PRO HAC VICE

MAY nagawa nga bang paglabag ang ABS-CBN sa ipinagkaloob na prangkisa sa kanila ng pamahalaan o sadyang ginigipit nga lang ito ng pamahalaan dahil sa umano’y pagiging biased sa paghahatid ng balita laban sa kasalukuyang administrasyon?

Tama bang sabihin na mayroong paglabag sa malayang pamamahayag ang inihaing ‘quo warranto petition’ ng tanggapan ng Solicitor General laban sa higanteng network?

Kapag media outfit ba ang kinasuhan ng pamahalaan dahil sa may nakitang paglabag sa ipinagkaloob sa kanilang pribilehiyo ay paglabag na ito sa malayang pamamahayag?

Kung naaalala ninyo, kinasuhan din ng pamahalaan ang Rappler noong nakaraang taon dahil sa hindi pagsunod sa itinatadhana ng ating Saligang Batas na dapat 100% ng isang media outfit sa bansa ay pag-aari ng isang Pilipino su­balit natuklasan ng pamahalaan na mayroong dayuhang nakikialam sa pagpapatakbo  ng nasabing media outfit at ang mga ito’y may sapi o sosyo sa Rappler.

Pero ang sigaw ba ng Rappler ay paglabag sa malayang pamamahayag?

Ganoon ba talaga ang kalakaran? Kapag media outfit ang mga may paglabag sa itinatadhana ng batas ay sasabihin kaagad na sinisikil ang malayang pamamahayag?

Hindi ba dapat ay sagutin ito sa tamang lugar ng mga inaakusahan?

Naghain ng motion ang Office of the Solicitor General (OSG) sa Supreme Court na humihiling na mag-isyu ng gag order para pigilan ang sinumang partido o personalidad mula sa ABS-CBN na maglabas ng kanilang pahayag o talakayin ang quo warranto petition ng OSG laban sa Kapamilya network.

Depensa ni Solicitor ­General Jose Calida, ang aksiyon daw ng ABS-CBN ay paglabag sa itinadhana ng sub-judice rule.

Sa en banc session ng Supreme Court (SC), kaagad na inaksyunan ang mosyon ng OSG kung saan binigyan nila ng limang araw na wala ng palugit ang ABS-CBN upang magkomento sa motion ng OSG.

Nag-ugat ang very urgent motion ni Calida sa isang video na may titulong ‘Quo warranto petition laban sa ABS-CBN, ano ang ibig sabihin?’ na inilabas noong Pebrero 14.

Idinagdag ni Calida na ang naturang video ay direktang tumatalakay sa mga alegasyon kontra sa quo warranto petition na ipinagbabawal ng batas.

 

Read More

LAHAT NG SUGAL IPINAGBABAWAL

OKAY O OKRAY

PINAALALAHANAN ni ­Quezon City Police District (QCPD) director P/BGen Ronnie Montejo ang mga mamamayan ng lungsod na itigil ang pagtangkilik sa mga ilegal na gawain kasama na ang sugal.

Okay ang ginawang panawagan ni Montejo at maging ang paalala nito na lahat ng uri ng sugal ay ipinagbabawal kabilan na ang madalas na nilalaro sa mga lamay at maging sa kalsada.

Okay na okay ang pi­naigting na kampanya ng QCPD laban sa krimen at anumang uri ng sugal kung kaya’t nagtrabaho ang mga tauhan ni Montejo kung kaya’t nakaaresto ng 26 na sugarol sa kanilang kampanya noong Sabado.

Super Okay ang pakikipagtulungan ng mga mamamayan dahil sa report ng mga ito, kumikilos ang mga alagad ng batas upang ipatupad ang kampanya at maging ang manlalaro ng mga cara y cruz, pusoy, tong-its at video karera ay pawang inaresto.

Pinaka-Okay ay ang hindi pagpapabaya ng mga pulis sa kampanya laban sa droga bagaman nakatutok sila sa pinaigting na kampanya laban sa sugal.

Tuloy-tuloy lang ang trabaho ng mga pulis upang mapanatili ang kaayusan at kapayapaan sa kanilang ­areas of responsibility (AOR).

Okray naman ang isang spa sa Roosevelt Avenue sa Quezon City na nago-offer ng ‘extra service’ sa ­customer nito kung kaya’t sinalakay ng mga tauhan ni P/Lt.Col. Rodrigo Soriano, hepe ng Masambong Police Station,  kasama ang mga tauhan ng Quezon City Business Permit and Licensing Office.

Okray na okray ang naganap na pagsalakay dahil hindi naaresto ang may-ari ng Inflorence Spa na si Ivie Estor Haller sapagkat wala ito sa establisimyento nang maganap ang pagsalakay. Tanging ang siyam na kababaihan na may edad 18 hanggang 34 ang mga tinangay upang imbestigahan.

Nanawagan na muli si P/BGen Montejo sa mga residente at mamamayan ng lungsod Quezon na ipagbigay alam sa kanyang tanggapan ang mababatid ng mga ito na ilegal na gawain.

Super okray kapag hindi pa nakipagtulungan ang mga mamamayan gayung mismong hepe na ng QCPD ang nakikisuyo sa kanila.

Pinaka Okray ay kapag nabigyan pa ng permit ng QC Hall ang sinalakay na establisimyento na front ng prostitusyon.

 

Read More

PROTEKSYON SA MGA EMPLEYADO KAILANGAN – SEN. POE

Badilla Ngayon

ISA si Senadora Grace Poe sa mga senador na ­naghahangad na magkaroon ng panibagong prangkisa ang ABS-CBN Corporation.

Ito’y dahil napakalaking usapin kay Poe ang trabaho ng mahigit 11,000 empleyado ng ABS-CBN.

Gusto ni Poe na ma­bigyan ng “proteksyon” ang trabaho ng mahigit 11,000 empleyado ng “Kapamilya” network katulad nang pagnanais ng iba pang senador at Department of Labor and Employment (DOLE).

Ang prangkisa ng ­ABS-CBN na nagsimula noong Marso 30, 1995 ay magtatapos ngayong Marso 30.

Kinakatigan ko ang “malasakit” ni Senadora Grace Poe sa mga manggagawa, sapagkat ang lahat ng mga journalist sa bansa ay hindi maipagkakailang ­napakalapit sa puso at isipan ko.

Alam na alam ‘yan nina lider-manggagawa Wilson Fortaleza ng Partido Manggagawa (PM), Atty. Jose Sonny Matula ng Federation of Free Workers (FFW) at Leody de Guzman ng Bukluran ng Manggagawang Pilipino (BMP).

Gusto ni Poe na pag-usapan at busisiin ang mga ­panukalang batas ukol sa bagong prangkisa ng ABS-CBN na tatagal ulit ng 25-taon at matiyak na mananatiling mayroong trabaho ang mahigit 11,000 empleyado ng ABS-CBN hanggang matapos ang termino ni Pangulong Rodrigo Duterte sa Hunyo 30, 2022.

Hangad maibigay sa ABS-CBN ang panibagong prangkisa, sapagkat naniniwala si Poe na hindi wasto at hindi makatarungang mawalan ng trabaho ang mga manggagawa dahil buhay nila at ng kani-kanilang pamilya ang nakasalalay dito.

Sabi ni Poe sa kanyang press statement: “Hindi biro kung matitigil ang operasyon dahil alam naman natin na 11,000 tao ang apektado rito.”

Totoo naman ang punto ng mambabatas sapagkat sikmura ng libu-libong tao at pamilya nila ang nakasalalay sa prangkisa ng ABS-CBN.

Sana, ganito rin ang nararamdaman ng iba pang mga senador, partikular iyong mga kasapi ng Senate public services committee na pinamumunuan ni Poe.

Ayon kay Poe: “Walang duda na may serbisyong ­ibinibigay ang network ng ABS-CBN pero ito’y ­timbangin natin — ang serbisyo ba na ibinibigay ng ABS-CBN ay akma o kayang isa-isantabi ang mga kakulangan nito.”

Sa tingin ko, ang mga pagkukulang na ito ay ipapawasto ng komite ni Poe kapag nakarating na sa kanila ang usapin ng prangkisa ng ABS-CBN mula sa mababang kapulungan ng Kongreso.

Ang pagwawasto ay siguradong magaganap, sapagkat naghain ng Senate Resolution No. 322 para sa kontrobersiyang ito.

Napakagandang subaybayan ang isyung ito tungkol sa mga manggagawa ng ­­ABS -CBN.

Sana, imbitahan ng komite ni Poe sina Fotaleza, Matula, De Guzman at iba pang lider-manggagawa na dalubhasa sa isyu ng manggagawa.

Tumawag o magtext lang po kayo sa 09985650271. NELSON BADILLA

 

 

Read More

WALA NANG REKLAMO SA TRAPIK AH

DPA

MUKHANG sanay na sanay na tayo sa problema sa trapik sa Metro Manila dahil halos wala nang pumapansin simula nang matapos ang holiday season at wala nang nagrereklamo.

Parang tanggap na tanggap na ng ating mga kababayan ang problemang ito dahil kahit magreklamo sila nang magreklamo ay wala naman silang magagawa at wala din namang aksyon mula sa gobyerno.

Marahil ay napagod  na rin ang mamamayan sa karereklamo kaya tinatanggap na lamang nila ang problema. Nag-aadjust na lamang sila ng oras para hindi sila ma-late sa kanilang pupuntahan. At iyan ang pinakamasakit sa tax pa­yers.

Hindi porke’t hindi na ­nagrereklamo ang mamamayan ay titigil na ang pamahalaan sa paghanap ng solusyon. Hindi sila dapat tumigil sapagkat tungkulin nilang bigyan tayo ng maayos na buhay kapalit ng ating buwis.
Saka lang kasi kumikilos ang mga kinauukulang ahensya ng gobyerno kapag nag-iingay ang mga tao na bayad nang bayad sila ng buwis pero ang hindi nasusuklian nang maayos na serbisyo.

Lagi na lang nating na­ririnig sa kanila na maayos ang daloy ng trapiko kapag tumakbo na ang mga transport system natin pero kailan pa magagawa ang mga ito?  Kailan?!!!

Itong MRT-7, marami ang nababagalan. Ang tagal gawin! Mas maraming oras na wala kang nakikitang nagtatrabaho kaya papaano matatapos  nang maaga? Hindi ba puwede ang 24 oras na trabaho na may tatlong shift?
Hindi pa rin matapos-tapos ang skyway na magdudugtong sa North Luzon Expressway at South Luzon Expressway na malaking tulong sana para mapaluwag ang mga kalsada sa Metro Manila.

Matatapos na ang gob­yernong Duterte pero hindi pa nasisimulan ang subway na magpapaalala sana sa admi­nistrasyong ito habambuhay at yung tren na mula sa Tububan sa Maynila hanggang Pampanga ay wala na ring balita.

Hindi pa puwedeng kalampagin ng gobyerno ang mga kontraktor ng mga proyektong ito para bilisan ang kanilang trabaho? Hindi naman si­guro mababawasan ang kita ng mga kontraktor na ito kung maagang matapos ang proyekto nila.

Baka mas makakatipid pa sila kapag maaga nilang matapos ang proyektong ginagawa nila dahil iiksi ang trabaho ng kanilang mga trabahador.

May problema ba sila sa koleksyon sa gobyerno?  Karaniwan kasi, bumabagal ang trabaho kapag hindi nakakabayad ang gobyerno pero wala na tayong pakialam doon basta kailangan matapos ang mga proyektong ito dahil babayaran at babayaran pa rin naman sila.

Maawa naman sana ang gobyerno at ang mga kontraktor na ito sa mamamayan na labis nang nahihirapan at nasasakripisyo na ang kanilang ‘golden time’ sa kanilang pamilya.

Read More

KAMPANYA SA SUGAL NINGAS KUGON?

SA pag-upo ni P/Gen. Archie Francisco Gamboa bilang hepe ng Pambansang Pulisya, kaagad na ipinag-utos nito sa kanyang alagad ang pagpapatigil sa lahat ng uri ng sugal sa buong bansa.

Binalaan nito ang lahat ng regional directors, district directors, provincial directors, regional officers, chiefs of police, station commanders at police community precinct com­manders na ipapatupad niya ang ‘one strike policy’ kapag hindi ang mga ito sumunod sa kanyang kautusan.

Bilang pagtalima sa kautusan ni Gamboa, maging ang sugal sa lamay sa patay ay ipinagbawal na rin sa Metro Manila ni National Capital Region Police Office director P/MGen Debold Sinas.

Natural, marami ang nagulat sa pahayag ng heneral na nakatalaga sa Kamaynilaan dahil marami ang maaapektuhan lalo na iyong mahirap na pamilya na kailangan ang ‘tong’ bilang pandagdag sa gastos sa pagpapalibing sa kanilang kaanak.

Kung mga sugal na panglamay lang naman, hindi siguro problema na pagbigyan ng Philippine National Police (PNP) pero kung ang sugal na ihahain sa mga naglalamay ay tulad ng sakla, ito siguro ang dapat na pigilan ng mga pulis.

Sabagay, kampante lang naman ang mga may pasugal sa iba’t ibang panig ng bansa lalo na sa Luzon dahil para sa kanila, ningas kugon lang ang ginagawa ng PNP sapagkat dati na nilang pinag-daraanan ang ganyang estilo ng pulis.

Para sa mga financier at operator ng illegal gambling, nagpapataas presyo lang ang mga nasa itaas o mga opisyal na naghihigpit sa sugal.

Tanong ng PUNA, kaya nga ba ng PNP na ipatigil ang ilegal na sugal?

Alalahanin ni Gamboa, panahon pa lang ni Jesuskristo  ay marunong na magsugal ang mga sundalong Romano kung kaya’t maging ang damit ni Hesus ay kanilang pinagpustahan.

Magkagayunman, naniniwala naman ang PUNA na tuloy-tuloy lang ang kampanya ng pulisya laban sa ilegal na sugal upang hindi magduda ang mga tao sa pamunuan ni Gamboa.

Maaaring totoo na ayaw niya ng sugal kaya’t dapat niyang patunayan ito sa pamamagitan nang hindi pakikipag-usap sa mga operator at protector nito.

Madali naman mag-­analyze ang taumbayan. Kapag nakita nilang tapat ang pagpapatupad ng batas, hindi mawawala ang tiwala ng mga ito sa mga alagad ng batas.

Pareho lang naman ang nais ng PNP at mamamayan, matahimik at maayos na pamayanan kaya kailangan na ang bawat isa ay magtulungan at hindi ang magsiraan.

Dahil kapag magkasundo ang dalawang panig, parehong makikinabang at walang magiging problema saang anggulo man tingnan.

 

Read More

KAKAIBANG VIRUS SA BICOL

SIDEBAR

HABANG patuloy na tumataas ang bilang ng mga taong apektado ng Corona Virus Diseases-2019 (COVID-19), may kakaibang virus naman ang kumakalat sa mga nasa Bicol – ang pagiging “no read” ng mahigit 70,000 estudyante sa elementarya.

Ang naturang datos ay base sa isinagawang pag-aaral ng Philippine Informal Reading Inventory (Phil-IRI) mula Hulyo hanggang Agosto ng 2019. Ang Phil-IRI ay i­nisyatiba ng Bureau of E­lementary Education (BEE) ng Department of Education na nagdedetermina ng performance ng mga mag-aaral sa oral reading, silent reading at listening comprehension.

Ang naturang reading inventory program ay nagbibigay ng kaukulang grado sa mga estudyante ng elemen­tarya base sa mga ibinibigay na reading materials sa wikang Ingles at Pilipino.

Pinakamalala ang “non-­readers” sa mga Grade 1 at Grade 2 kung saan mahigit 58,000 ang hindi marunong bumasa samantalang 18,142 na mag-aaral mula Grade 3 hanggang Grade 6 ang “non-readers”.

Nakababahala ang ganitong problema dahil ­mangangahulugan itong hindi sila marunong magbasa sa Ingles at Pilipino, hindi rin sila makakasulat at magreresulta ito sa pagbagsak sa mga ­written exams dahil nga hindi nila naiintindihan ang mga nakasulat na tanong sa test paper.

At kung laganap sa mga ­elementary students sa Bicol ang ganitong problema, posible ring ang mga estudyante sa ibang mga rehiyon sa Luzon na hindi Tagalog ang pangunahing lenggwaheng ginagamit ay hirap din sa pagbabasa sa Pilipino at ­Ingles.

Ayon sa Philippine Statistics Authority (PSA) mataas ang poverty incidence sa Bicol na nasa 26.8 percent noong 2018 na mas mataas sa national ­average na 16.6 percent.

Mataas din ang malnutrisyon sa Bicol kung saan 36 na porsyento ng mga batang may edad mula 5 hanggang 10 ay “stunted” o tumigil na ang paglaki samantalang 39 porsyento ng mga kabataan mula edad 10 hanggang 19 ay “stunted” din noong 2015 base sa datos ng Food and Nutrition Research Institute (FNRI).

Marami nang isinagawang pag-aaral na ang kahirapan at malnutrisyon ay may direktang epekto sa pag-aaral ng kabataan kaya nga kailangan ng mga bata ang tamang ­nu­trisyon nang gumana ang kanilang utak at maintindihan ng husto ang kanilang mga leksyon sa paaralan.

Idagdag pa dito ang kalidad ng mga guro sa elementarya at ang tamang bilang ng mga libro at iba pang reading materials na nagtitiyak na matututo ang mag-aaral sa tamang pagbabasa sa wikang Ingles at Pilipino.

May kasabihang ang a­ting kabataan ang pag-asa ng ba­yan. Pero ang mahusay na kalidad ng edukasyon ang magtitiyak na magiging marunong ang mga kabataan na siyang magmamana ng ating ­bayan sa malayong hinaharap.

Read More

HUSTISYA PARA SA MGA NAPAPAG-IWANANG SEKTOR

FORWARD NOW

NANANAWAGAN tayo sa ating mga kapwa mambabatas sa Kamara na agarang ipasa ang ating panukalang batas upang palawakin ang Public Attorney’s Office (PAO) pati na rin ang batas na magtatatag ng legal aid programs sa mga private at public law schools sa bansa na titiyak sa pagkakaroon ng access sa hustisya ng marginalized sectors o mahihirap nating kababayan.

Sa ilalim ng House Bill No. 4281 o “Public Attorney’s Office Modernization Act of 2019” na isinusulong natin sa Kongreso, mas palalawakin nito ang mandato ng PAO upang isama ang libreng legal na tulong sa mga nagrereklamo o petitioners.

Sa kasalukuyan, ang mandato lamang ng PAO ay sumasaklaw sa pagbibigay ng legal assistance sa mga mahihirap na nasasakdal sa pagkakasalang kriminal, sibil, paggawa, ­administratibo at quasi-judicial cases.

Itinatakda rin sa panukalang ito ang paglalaan ng isang legal na pagtatanggol at pondo ng representasyon sa lahat ng mga tanggapan ng gobyerno, kabilang ang sandatahang lakas, upang matulungan ang mga opisyal at mga empleyado na may mga kasong isinampa laban sa kanila para matanggal sa kanilang mga tungkulin.

Kabilang din sa panukalang batas na ito ang pagtataas ng retirement benefits ng PAO personnel na magi­ging katumbas sa National Prosecution Service sa ilalim ng Prosecution Service Act of 2010, kasama na ang mga susog sa hinaharap.

Inaasahan natin na ang modernisasyon sa PAO ay makatutulong sa hangarin nating mapadali ang pag-access at mas mabilis ang dispensasyon ng hustisya sa mahihirap nating mga kababayan.

Ang House Bill No. 2993 o “Legal Aid Program Act of 2019” na isa rin sa mga isinusulong natin ay naglalayong dagdagan ang mga serbisyong ipinagkakaloob ng PAO at iba pang pampublikong tanggapan na nagbibigay ng libreng legal na tulong dahil sa napakaraming kasong idinudulog sa korte.

Napag-alaman natin na ang PAO sa kasalukuyan ay may higit sa 2,000 abogado lamang kung saan ang bawat isa ay humahawak ng 5,794 na kliyente at 458 mga kaso kada taon at nagmamantine ng isang mandatory legal aid clinic na tutugon sa mga pangangailangan ng mga tao na walang kakayahang kumuha  at magbayad ng pribadong abogado.

Naniniwala tayo na ang paglikha ng isang komprehensibong legal aid program at makatwirang pamantayan para sa mahihirap, partikular sa mga taong hindi nakakamit ang tamang hustisya. Isang paraan ito upang maipakita natin sa publiko na tumatalima tayo sa mandatong nakasaad sa Konstitusyon – na magpatupad ng sistemang pang-hustisya na accessible sa lahat.

 

Read More