MALALIM ANG DAHILAN SA PAG-DECLINE SA AUTOMATIC NOMINATION

PRO HAC VICE

Ayon sa source ng inyong lingkod na naramdaman o batid ng justices na wala nang pag-asa na pipiliin sila ng Malacañang kaya iniurong na nila ang kanilang automatic nomination.

Paliwanag ng source na sa limang nominado ay dalawa sa kanila ay tinaguriang dilawan, o naitalaga ng dating administrasyon kaya malabong italaga sila ni Pangulong Duterte bilang susunod na chief justice (CJ) ng Supreme Court (SC) na ipapalit kay CJ Lucas Bersamin na magreretiro sa Oktubre 18, 2019, na bukod sa dilawan ang isa sa kanila ay may kaparehong problema ni Atty. Ma. Lourdes Sereno kung kaya’t kinasuhan ito ng quo warranto.

Ang isa naman ay hayagan ang pagkontra sa administrasyong Duterte kaugnay ng usapin sa West Philippine Sea ito’y bukod pa sa kulang na sa panahon ang kanyang pananatili sa SC.

Samantala bagama’t hindi nag-decline ng kanilang automatic nomination ang dalawa sa limang justices ng SC ay mukhang malabo rin daw maitalagang susunod na CJ ang mga ito, dahil ang isa sa kanila ay bumoto pabor kay Atty. Ma. Lourdes Sereno sa quo warranto case na kinakaharap nito noon na isinampa naman ng Office of the Solicitor General.

Ang problema naman ng isa pang justice na nominado rin sa posisyon ng punong mahistrado ay hindi siya type ng mga kasamahan ni Pangulong Duterte sa pinagmulang law school nito dahil sa pagiging hot and cold nito, ibig sabihin na hindi puwedeng panghawakan ang pangako.

Kaugnay ng naturang kaganapan ay posible umanong pagbigyan ni Pangulong Duterte ang iba pang aspirante sa naturang posisyon.

Isa naman sa naghain ng kanyang aplikasyon para sa naturang posisyon ay si SC Associate Justice Andres Reyes na kung papalaring makasama sa shortlist ng Judicial and Bar Council ay baka pagbigyan ni Pangulong Duterte na maglingkod ito bilang punong mahistrado ng SC sa loob ng pitong buwan bago abutin ang mandatory retirement na 70 years old. (Pro Hac Vice/ BERT MOZO)

Please follow and like us:
Read More

MAYAMAN ANG RECTO BANK SA LANGIS AT NATURAL GAS

SIDEBAR

Sa Agosto 28, ay nakatakdang pumunta muli ng China si Pangulong Rodrigo Duterte. Ito ang ikalimang pagbisita niya rito at ikatlong pakikipagpulong kay Chinese President Xi Jingping.

Inaasahang isa sa mga pangunahing agenda ng pulong ng dalawang lider ang tungkol sa joint exploration ng Reed Bank (Recto Bank) kung saan nagkaroon ng insidente noong Hunyo kung saan nabangga ng isang Chinese fishing boat ang bangkang de-katig ng mga Filipinong mangingisda.

Base na rin sa mga naging pag-aaral, umaabot sa 5.4 bilyong bariles ng langis ang makukuha sa Reed Bank at nagkakahalaga ito ng 70 bilyong dolyar sa kasalukuyang presyuhan sa pandaigdigang merkado.

Bukod sa langis, mayaman din sa gas reserves ang Reed Bank at tinatayang 55.1 trillion cubic feet ang depositong natural gas na nagkakahalaga ng hindi bababa sa US$170 bilyon.

Kung matutuloy ang joint venture agreement ng Pilipinas at China sa Reed Bank, makatutulong ito nang malaki sa pagkakaroon ng bilyong halaga ng dolyar para sa pagpapatayo ng mga imprastraktura sa bansa na magpapaangat sa kabuhayan ng maraming Filipino.

Ang malaking tanong na lang ay kung papaano ang magiging hatian ng Pilipinas at China sakaling matuloy ang joint exploration ng Reed Bank ng dalawang bansa.

Mismong si Chinese Ambassador to the Philippines Zhao Jianhua ang nagsabi na hindi ipipilit ng China ang mas malaking share sa partihan na isang indikasyon ng pagkilala sa Pilipinas bilang bansang may mas karapatan sa Reed Bank.

Hindi man direktang sinabi ni Zhao, pabor sila sa hatiang 60/40 kung saan ang mas malaking 60 porsyento ng kita ay mapupunta sa Pilipinas samantalang 40 porsyento lang ang sa China. Ang ibig sabihin nito, aabot sa $ 40 billion ang kikitain ng Pilipinas sa langis at $100 billion mula sa natural gas.

Napakalaking pera ang kikitain ng Pilipinas sa Reed Bank at ang mga langis at gas na makukuha rito ay sobra-sobra para sa pangangailangan ng Pilipinas sa kanyang energy needs. Mangangahulugan itong matatapos na ang problema ng brownouts at hindi nakapagtatakang mapabilang ang Pilipinas sa “top 20 economies” sa buong mundo sa taong 2050.

Hindi naman lingid sa kaalaman ng gobyerno ng Pilipinas na mauubos na ang deposito ng natural gas sa Malampaya sa Palawan at tinatayang hanggang taong 2022 hanggang 2027 na lang magiging produktibo ang mga gas wells dito.

Magdilang-anghel sana si Ambassador Zhao sa kanyang pahayag noong Agosto 9 na nalathala sa mga pahayagan: “There is one thing I can assure you. China will not insist larger share than that of the Philippines from the perspective of the government.” (Sidebar / RAYMOND BURGOS)

Please follow and like us:
Read More

ANYARE SA TAX CREDIT SCAM?

FOR THE FLAG

Mukhang nagkakalimutan na ukol diyan sa multi-bilyon pisong tax credit scam.

Maipaalala ko lang mga kabandila, 1999 hanggang 2001 ako’y nagsilbi bilang press consultant sa Philippine Board of Investments (BOI), isang ahensya ng pamahalaan na naatasang mag-promote ng investment climate sa bansa at humimok ng investors mula sa iba’t ibang nasyon.

‘Yan ding mga taong nabanggit ko na ang isa sa suliranin ng BOI ay ang pagkakadawit nito sa multi-bilyon pisong tax credit scam, na maya’t maya ay naipupukol sa imahe ng ahensya, bagaman sa Department of Finance ito pinal na nai-re-release ay mayroong One Stop Shop sa BOI kung saan ang inquiries at initial na pagpoproseso sa claims ay inihahatag.

Ilang mga opisyal ng DOF at mga pribadong kompanya noon ang nakasuhan ukol sa may higit P9 bilyon na ano¬malya na inipon sa mga bulsa ng mga nagsabwatan mula taong 1992 hanggang 1998. Ngunit namahika ang mga kaso, puro na-dismiss ng Korte Suprema ang plunder charges na ikinaso sa mga DOF officials at ang katangi-tanging na-convict ng Sandiganbayan ay ang isang corporate secretary ng isang pribadong kompanya sa kasong graft na ang involved na halaga ay higit P1 milyon lamang.

Maliwanag, ang maliit na isda iprinito, ang malalaking isda at mga buwaya ay pawang pinakawalan.

Kamakailan naman, nadiskubre at ibinunyag ni DOF Secretary Sonny Dominguez na may P11 bilyon tax credit scam na naman sa departamento. Ang tax credit scam ay direktang pagnanakaw sa kaban ng taumbayan at direktang panloloko sa mamamayan.

Pinapayagan ng tax credit certificate na nagsisilbing salapi rin na ipambayad o ipang-awas ang mga nasabing certificate sa kani-kanilang mga dapat bayaran na buwis sa gobyerno. Ngunit dahil sa sabwatan ng mga opisyal ng DOF at mga pribadong kompanya ay nakakapag-isyu ng tax credit certificates sa mga bogus na claims kapalit ang under-the-table at iba pang konsiderasyon na sila-silang mga nagtransaksyon na lamang ang nakaaalam.

Bakit muling nangyayari ito? Kasi nga pinalusot ng ating mga korte, lalung-lalo na ng Korte Suprema ang mga nasangkot na executives noon ng DOF at maging ang mga may-ari ng mga kompanyang sangkot.

Dapat tutukan ito ni Sec. Dominguez kung hindi ay paulit-ulit na mangyayari ito, at nararapat ding imbestigahan ang mga korteng humawak dito, maaaring nakinabang ang ilang mga husgado rito maging ang ilang mahistrado ng Korte Suprema. (For the Flag / ED CORDEVILLA)

Please follow and like us:
Read More

HINDI DAPAT GINAGAMIT NI SEN. BATO ANG MGA AWAY-PAMILYA

KAKAMPI MO ANG BAYAN TEDDY

Kamakailan ay nagkaroon ng pagdinig sa Senado si Sen. Bato dela Rosa kung saan nagsalita ang mga nanay na dinukot umano ang mga anak ng mga progresibong grupo tulad ng Anakbayan. Galit na galit ang baguhang senador at ex-PNP chief Dela Rosa sa mga aktibista dahil sa “brainwashing” umano ng mga ito sa mga kabataan.

Ngunit, nagsalita na rin ang mga kabataan at pina­bulaanan ang pagdukot sa kanila. Anila, sila ay sumapi sa mga progresibong organisasyon tulad ng Anakbayan upang ipagtanggol ang karapatang pantao na nilalabag ng pulis at militar. Gayundin, sila ay nasa wastong gulang na, 18, upang makapagdesisyon para sa sarili, nang walang pagpilit at brainwashing, na magsilbi nang walang kapalit sa sambayanan.

Tulad nina Rizal, Bonifacio, Del Pilar, at iba pang bayani ng sambayanang Filipino na nagsimula sa kanilang makabayang gawain noong sila ay kabataan, maraming kabataan sa kasalukuyan ay tinatanggap ang hamon ng panahon upang baguhin ang bulok na sistemang umiiral sa bayan. Ang totoo, kahanga-hanga ang mga kabataan at mamamayan na kumikilos hindi lamang para sa sarili at sariling pamilya, ngunit para sa kagalingan ng buong bayan. Hindi ba’t ito ang tunay na kahulugan ng pagiging makabayan?

Kaya naman, dapat kondenahin si Sen. Dela Rosa sa paggamit ng samaan-ng-loob sa loob ng mga pamilya upang bigyang katwiran ang ginagawa nilang pagsupil sa demokratikong karapatan ng mamamayan. Ang ‘pag-aalala’ niya sa mga kabataang ligtas naman at nasa hustong gulang na ay kabalintunaan sa ginagawang malawakang pagpatay sa mga bata, kabataan, sanggol at libu-libo pang pinapatay ng madugong giyera laban sa droga. Sa pagpaslang sa 3-taong gulang na namatay sa drug war, ang sinabi ni Dela Rosa ay “Sh*# happens” na nais din niyang ibaba ang criminal age sa siyam na taong gulang: wala siyang tunay na pag-aalala sa mga buhay ng mga kabataan. (Kakampi Mo ang Bayan /  TEDDY CASIÑO)

Please follow and like us:
Read More

‘DEMOLITION JOB’

EARLY WARNING

Malinaw kung mismong si Public Attorney’s Office chief Persida Rueda-Acosta ang tatanungin ay simpleng ‘demolition job’ ang akusasyon laban sa kanya ng mga ‘walang bay*#’ na ‘PAO lawyers’ dahil aniya ito’y walang basehan.

Sa katunayan, aniya, mismong legitimate PAO lawyers ang lumantad at nagpakita ng todong suporta at tiwala sa kanya kasabay ng kanilang pagtanggi na sila’y may kinalaman sa ‘unsigned complaint of corruption’ na nakarating sa Ombudsman.

Nakikita ni Acosta na may gumagalaw na mga maimpluwensyang tao na may koneks’yon o apektado sa kaso na isinampa ng mga pamilya ng mga batang namatay dahil sa Dengvaxia vaccines.

“It’s a fake news, demolition job, black propaganda, hoax, sham, fictitious and obviously a white paper having been unsigned that should not be given any consideration at all,” ani Acosta.

Dagdag pa nito: “Halos may dalawang dekada na ako sa PAO, ang pondo lang na mayroon kami ay para sa s’weldo ng mga empleyado, saan ang korap­syon dito?”

Bangkulasi River clean-up

Nangako mismo si Navotas City Mayor Toby Tiangco sa Department of Environment and Natural Resources (DENR) na kanilang lilinisin ang Bangkulasi River sa lalong madaling panahon at mas mapapadali pa ito kung makikiisa ang concerned agencies at iba pang stakeholders.

Determinadong malinis ito, mismong si DENR Undersecretary Benny Antiporda ay nakipagpulong sa alkalde at sinabi ng una na kailangang maisagawa na ang massive clean-up ng ilog dahil mahalagang bahagi ito ng Manila Bay rehabilitation program.

Ani Mayor Toby, kanilang uunahin na matanggal ang floating houses at sunken vessels kung kaya makikipag-coordinate s’ya sa Navotas Fish Port Complex upang mas lalong masiguro ang pagtatanggal.

Libreng late birth registration program

Mas maraming Navoteños na hindi rehistrado ang nabigyan ng birth certificate sa pamamagitan ng libreng late birth registration program ng pamahalaang lungsod.

Dagdag na 145 Navoteño ang nakinabang sa waived fees, penalties at charges—na aabot sa P1,500—na binabayaran sa pagproseso ng late birth registration.

“Samantalahin n’yo po ang nasabing programa pagkat mahalaga ang pagkakaroon ng birth certificate dahil ito ang isa sa mga kailangang dokumento sa enrollment, pag-a-apply sa trabaho, o pagkuha ng ilang mga serbisyo ng gobyerno,” aniya.

Ang programa ay ipinatupad sa pamamagitan ng isang ordinansa na iniakda ni Councilor Ethel Joy Arriola-Mejia at pinirmahan ni Vice Mayor Clint Geronimo. (Early Warning /  ARLIE O. CALALO)

Please follow and like us:
Read More

ULAN: BIYAYA O SUMPA?

Psychtalk

(Huling bahagi)

Baka nalulunod na kayo sa usapang ulan na ito. Kaya’t sisikapin kong tuldukan na ito ngayon.

Biyaya man o sumpa ang ulan, nakasalalay sa anggulo ng tumatanaw, o perspektibo, pati na rin sa panahon at pagkakataon.

Biyaya ito sa mga magsasakang nakadepende ang pagtatanim sa tamang ulan, sumpa kung labis-labis dahil malulunod ang mga pananim. Mas masaklap kung darating sa halos panahon na nang anihan.

Pag sobra ang init sa tag-araw, tila oasis itong maitutu­ring, mainam na pampasigla sa mga nalalantang buhay. Maganda rin itong dahilan ng pamamahinga para sa mga taong sobrang siksik at demanding ang mga gawain sa pang-araw-araw. Forced leave, ika nga.

Ngunit lumalabas din sa mga pag-aaral na para sa ilang mga taong may vulnerability, maaaring magbunsod ito ng isang uri ng depresyon: ito ay ang tinatawag na seasonal affective disorder (SAD). Ito ay labis na pagkalungkot na dulot ng panahong madilim o makulimlim at kadalasan ay natitigil ang mga normal na daloy ng buhay.

Bagama’t hindi gaanong isyu  ito para sa atin dito sa Pilipinas dahil mas madalas naman ay sumisikat ang araw sa ating mga buhay.

Para sa mga taong mahilig gumala o mag-ikot at ‘di sanay mamalagi sa loob ng bahay, minsan ay nagdudulot din ng frustration ang limitasyong dulot ng masamang panahon.

Mas mahirap ding makaangkop marahil sa limitasyon sa kilos na dulot ng ulan ‘yung mga hindi gaanong creative mag-isip. Pero kung malikhain ka, mayroon at mayroon kang makikitang makabuluhang aktibidad kahit nasa bahay ka lang.

Panahon ng dengue ngayon. Gamitin ang oras na linisin ang mga pinamamahayan ng lamok sa paligid dahil mas epektibo ito kaysa fumigation na palyatibo lamang ang epekto, o kaya’y itinataboy lamang sa ibang lugar ang mga lamok.

Sa maghapong ito, mas naging produktibo ako: nakatapos ako ng ilan ng artikulo para sa column ko. Ginagawa ko ito habang naglilinis sa kusina, at ‘yung mga bahagi ng bahay na mahirap minsan ayusin sa isang regular at hitik sa sked na araw.

Hindi naman kasi kailangang sa labas o mga pasyalan lagi ang bonding ng pamilya. Minsan, ang tila frozen time sa loob ng bahay ay pinakamainam na timing para sa mga madalang nang mangyaring family conversations. (Psychtalk / EVANGELINE C. RUGA, PhD)

Please follow and like us:
Read More

POLICE VISIBILITY SA MGA UNIBERSIDAD AT KOLEHIYO, MASUSING PAG-ARALAN

FORWARD NOW

Magandang edukasyon at proteksyon laban sa krimen ang kailangan ng mga estudyante mula sa ating pamahalaan; huwag silang ituring na kalaban ng estado.

Ang planong paglalagay o pagdaragdag ng police visibility sa mga unibersidad at kolehiyo sa buong bansa ay hindi makatutulong at manapa’y makagagambala sa pagkatuto ng mga kabataan.

Ang mandato ng PNP ay labanan ang kriminalidad at tugisin ang mga gumagawa ng krimen na wala naman sa mga unibersidad at mga kolehiyo kaya hangga’t hindi lumalaban ang mga estu­dyante sa gobyerno gamit ang armas ay hindi ito maituturing na krimen.

Hindi makatwiran na pag-initan ng ating kapulisan ang mga estudyante na ang tanging nais ay matuto at makapagtapos ng pag-aaral upang maiahon sa kahirapan ang kanilang pamilya.

Ang makapag-aral at matuto ay karapatan ng bawat Filipino, isang bagay na huwag nating ipagkait sa ating mga kabataan at tungkulin naman ng gobyerno na pangalagaan ang seguridad ng mga ito na makapamuhay ng tahimik upang magkaroon ng magandang kinabukasan ang susunod na henerayon.

Kung tutuusin ang re­yalidad sa ngayon na ng mga estudyanteng ito ay kabilang din sa mga nagiging biktima ng masasamang loob gaya ng snatching, pandurukot, pagnanakaw at iba pang mararahas na krimen kaya ang dapat sigurong gawin ng kapulisan ay paigtingin ang pagtugis sa mga kriminal at bilisan ang pag-aresto sa mga ito upang mapanagot sa batas.

Sa kasalukuyan, patuloy na pinaiigting ng mga awtoridad ang kampanya laban sa Communist Party of the Philippines (CPP) at malawakang information drive para hindi na mahikayat pang sumali ang mga estudyante sa naturang grupo.

Ang kaparehong pananaw ni Justice Sec. Menardo Guevarra, aking da­ting propesor at nananatiling kaibigan, sa naging posisyon natin hinggil sa usapin na ito ay patunay lamang na buhay at masigla pa ang demokrasya sa ating bansa sapagkat hindi pa maituturing na krimen ang pagiging miyembro ng CPP maliban na lamang kung may paglabag sa batas ang mga ito.

oOo

Si Congressman Atty. Fidel Nograles ang kinatawan ng ikalawang distrito ng lalawigan ng Rizal. Siya rin ang Assistant Majority Leader ng House of Representatives at Vice Chairman ng Committee on Higher Education, Justice, at Indigenous Peoples. (Forward Now / Rep. Fidel Nograles)

Please follow and like us:
Read More

PROBLEMA SA TRAPIKO, HINDI DAPAT ISISI SA MMDA

SA GANANG AKIN

Dismayado ang maraming motorista at biyahero noong nakaraang linggo dahil sa isang malalang “carmageddon” na nangyari pa-Norte sa EDSA. Inabot ng humigit-kumulang apat na oras ang biyahe mula Quezon City papuntang Lungsod ng Makati dahil sa masikip na trapiko.

Nakadagdag pa ang matinding pag-ulan na dala ng isang low pressure area at ang pagkalito ng mga biyahero ukol sa TRO na inilabas ng Korte Suprema patungkol sa implementas­yon ng pagbabawal sa mga provincial bus sa EDSA.

Malinaw na nawawalan na ng pag-asa ang mga motorista sa Metro Manila at marahil ay nangangamba ang mga ito sa posibilidad na hindi na tuluyang masolusyonan ang problemang ito. Bilang isang taong may positibong pananaw sa buhay, pinipili kong maniwala na pasasaan ba’t makakahanap din ng solusyon sa isyung ito.

Nasasabi ko ito dahil nitong mga nakaraan ang sisi ng mga mamamayan ay nakatuon sa Metro Manila Development Authority (MMDA) sa kakulangan ng kongkreto at pangmatagalan na solusyon sa sitwasyon ng trapiko. Sa totoo lang, hindi kaya ng MMDA nang mag-isa na solusyonan ang napakalalang problema natin sa trapiko. Hindi dapat sa kanila ibunton ang sisi. Ipinapatupad lamang nila ang mga batas at regulasyon na pinasimulan ng mga nakaraang administrasyon.

Halimbawa, ang paglalagay ng terminal sa Bulacan, Valenzuela, at Sta. Rosa, Laguna para sa mga bus na bumabiyahe sa mga probinsya ay hindi nila kagagawan. Ngunit ang mga kritiko ng MMDA ay binubunton ang lahat ng sisi sa ahensya para sa isang bagay na hindi naman sila ang gumawa at nakaisip. Sila lamang ang naatasang magpatupad nito.

Ang kasalukuyang administrasyon ay dapat tingnan ang pangyayari mula sa mas malawak na perspektibo. Huwag nating ituon ang lahat ng sisi sa MMDA at sa halip ay ituon ang ating atensyon sa pinakapunong dahilan ng lahat ng ito: ang kakulangan sa maayos na imprastrakturang makagagaan sa trapiko gaya ng mga flyover, highway, at iba pa.

Sa aking palagay, panahon na upang ang Pilipinas ay magsimulang mamuhunan sa mga imprastraktura gaya ng mga tulay, flyover, mga bagong daan na magdudugtong sa iba’t ibang lugar, at kung kakayanin, mas modernong sistema ng rail gaya ng sa ibang bansa. (Sa Ganang Akin / Joe Zaldarriaga)

Please follow and like us:
Read More

PORT COLLECTOR JOHN SIMON, PINAMAMADALI SA KOREAN GOV’T ANG PAG-REEXPORT SA 500 METRIC TONS NG BASURA

HAGUPIT NI BATUIGAS

Muling pinaalalahanan ni Mindanao International Container Terminal Oriental, Mindoro Port Collector John Simon ang Korean government na madaliin ang pag-reexport ng hazardous na basura na ilegal na ipinasok ng mga Koreano sa bansa kung saan lubhang mapanganib sa kalusugan ng mga Filipino lalo na ang mga mamamayan ng Misamis, Oriental.

Ayon kay Collector John Simon, ang Korean Ministry ay napakabagal ng kanilang pagkilos para maibalik na sa kanilang bansa ang natitirang 500 metric tons kung saan noon pang last June nagtungo sa ating bansa ang mga opisyal ng Korea at nangakong ibabalik nila kaagad sa kanilang bansa ang mga delikadong basura, su­balit magpahanggang nga­yon ay hindi pa rin kumikilos kung saan walang linaw kung anong barko ang gagamitin para pagkakargahan ng naturang mga basura.

“It is high time to put pressure on the Korean government to fast track the process of repatriation of the Korean garbage now,” pahayag ni Simon.

Lubhang nabahala si Simon sa kalusugan ng mga mamamayan ng Misamis, Oriental dahil sa taglay na masamang epekto ng basura kung kaya’t kaagad na itong kumilos para i-pressure ang Korean government na madalian ang pag-reexport ng kanilang mga basura na ilegal na ipinasok sa ating bansa kung saan ang mga Koreanong responsable sa ilegal na basura ay kinasuhan na sa RTC ng Misamis, Oriental at binabaan ng arrest warrant. (Hagupit ni Batuigas / MARIO B.  BATUIGAS)

Please follow and like us:
Read More