Category: PROBINSIYA

PAMPANGA – Tinatayang nasa P1.07 milyong ang halaga ng high grade marijuana o kush ang nasamsam ng mga operatiba ng Philippine Drug Enforcement Agency (PDEA) at Bureau of Customs noong Miyerkoles ng umaga sa isang parcel sa Port of Clark sa lalawigan. Ang parcel, na naka-label bilang “Cruxdenim Reinforced Seat Trail Jeans” mula Los Angeles, California, ay na-flag sa routine profiling ng Bureau of Customs. At nang idaan ito sa pagrerekisa ng PDEA agents at anti-drug sniffing dogs ay nakumpirma ang presensya ng droga sa nasabing kontrabando. Sa 100 percent…

UMABOT sa 1,654 mufflers na nagkakahalaga ng mahigit P2.5 milyon, ang sinira ng Bulacan Police Provincial Office (PPO) sa isinagawang Ceremonial Destruction of Confiscated Open Pipe/Modified Mufflers sa Camp General Alejo S. Santos, Malolos City. Pinangunahan ni PCol. Angel Garcillano, provincial director ng Bulacan PPO, kasama si Governor Daniel R. Fernando at ng lahat ng chief of police sa mga lungsod at munisipalidad, ang naturang pagwasak sa nakumpiskang mga tambutso na nagdudulot ng noise pollution. “We congratulate the effort and fastest action of Bulacan Police Provincial Office (PPO) for this…

CAVITE – Nasawi ang isang 25-anyos na security guard makaraang nakuryente habang nanunungkit ng bunga ng mangga sa isang playground area sa loob ng isang subdibisyon sa Bacoor City noong Miyerkoles ng hapon. Ayon sa ulat, walang buhay na natagpuan ang biktimang si alyas “Francis”, ng Brgy. Molino VI, Bacoor City, sa itaas ng puno ng mangga. Ayon sa salaysay ni alyas “Gallardo”, isang retiradong seafarer, nakarinig siya ng malakas na pagsabog na hinihinalang dulot ng power line explosion kasunod ng pagkawala ng kuryente sa lugar bandang alas-2:00 ng hapon.…

NAGBUGA ng lava at mga bato ang Bulkang Mayon sa gitna ng patuloy nitong pag-aalboroto, ayon sa ulat ng Philippine Institute of Volcanology and Seismology (Phivolcs) nitong Huwebes, Enero 15, 2026. Ayon sa Phivolcs, nananatiling Alert Level 3 ang bulkan matapos maitala ang lava effusion, 207 rockfall events, at pagbuga ng puting usok na umabot sa 800 metro ang taas mula sa bunganga. Muling pinaalalahanan ng ahensya ang publiko na mahigpit na ipinagbabawal ang pagpasok sa anim na kilometrong Permanent Danger Zone (PDZ) at ang walang ingat na pagpasok sa…

UMAKYAT na sa 20 ang bilang ng mga nasawi sa Binaliw trash slide sa Barangay Binaliw, Cebu City, habang 16 katao pa ang pinaniniwalaang nananatiling nasa ilalim ng gumuhong bundok ng basura walong araw matapos ang insidente. Ayon sa Joint Search, Rescue and Retrieval Teams, nadagdagan ang bilang ng mga nasawi matapos marekober ang bangkay ng pitong manggagawa mula sa sanitary landfill kamakalawa ng gabi. Patuloy na nahihirapan ang operasyon dahil sa tone-toneladang basura, gusot na metal debris, bumagsak na istrukturang bakal, at naipong tubig sa lugar. Sinabi ni Senior…

ARESTADO ang isang target-listed personality at tatlo niyang kasabwat makaraang makumpiskahan ng tinatayang P54.4 milyong halaga ng umano’y shabu sa isinagawang buy-bust operation ng mga operatiba ng PDEA Cebu Provincial Office at PDEA 7 Intelligence Section – Intelligence Operation Unit, kasama ang Naga City Police Station, PNP Drug Enforcement Group, Cebu Provincial Police Office, Naval Forces Central, at Coast Guard Central District Office, sa Sitio Suba, Barangay Tuyan, Naga City, Cebu, dakong alas-11:25 ng gabi noong Enero 13. Kinilala ni PDEA 7 Regional Director Joel B. Plaza ang arestadong suspek…

CAVITE – Nalambat ng mga operatiba ng Cavite Police ang tatlong nasa listahan ng most wanted persons (MWP), sa isinagawang operasyon sa magkakahiwalay na lugar sa lalawigan. Kinilala ang mga naaresto na sina alyas “Bryan”, MWP, rank no. 9 provincial level ng Camarines Sur PPO, at rank no. 1 ng Tigaon MPs, CSPO, PRO 5; “Andre”, MWP, provincial level, at “Rocky” MWP, city level. Si Bryan ay inaresto bandang alas-8:30 ng umaga ng mga operatiba ng Gen. Trias City, Cavite Warrant and Subpoena Section, kasama ang Tigaon MPS, dahil sa…

UMAKYAT na sa 11 ang bilang ng mga nasawi sa pagguho ng Binaliw sanitary landfill sa Cebu City, ayon sa Philippine National Police–Police Regional Office Central Visayas (PRO-7) nitong Martes ng umaga. Ito ay makaraang mahukay mula sa guho ang tatlong bangkay ng mga babae. Batay sa datos ng PRO-7, nasa 25 katao pa ang pinaniniwalaang nasa ilalim ng gumuhong tambakan ng basura, habang 18 naman ang naiulat na nasugatan sa insidente. Ayon kay Cebu City Councilor David Tumulak, pinuno ng Cebu City Disaster Risk Reduction and Management Council, dalawang…

LUCENA CITY – Isinugod sa ospital ang isang 39-anyos na tindera ng tuyo matapos pagsasaksakin ng kapitbahay sa loob ng Dalahican Fish Port Complex sa Barangay Dalahican sa lungsod. Ayon sa ulat ng Lucena City Police, tinamaan ng mga saksak ang biktima sa balikat, braso, leeg, mukha, ulo at kanang bahagi ng tiyan. Batay sa paunang imbestigasyon, hinintay umano ng suspek ang biktima sa loob ng fish port at walang habas itong inundayan ng saksak habang nakaupo katabi ang ilang mga trabahador sa pantalan. Lumabas sa pagsisiyasat na ang motibo…