RENT-A-CAR CARNAP MODUS SABLAY SA SASAKYAN NA MAY GPS

0

HINDI nakalusot ang tangkang pangangarnap ng isang sasakyang inarkila mula sa isang car-rental business as bayan ng San Antonio sa lalawigan ng Nueva Ecija.

Mahigit isang buwan na ang nakakaraan nang arkilahin umano ng isang nagpakilalang Edna Francisco Guevarra ng Caloocan City at isa pang hindi nakilala ang SUV na pag-aari ni Albert Viesca Pallarca.

Makalipas ang takdang panahong nakasaad sa kasunduan, hindi na aniya isinauli ni Francisco ang nirentahan sasakyan, dahilan para idinulog niya sa pulisya ang insidente.

Gamit ang GPS tracker na nakakabit sa kanyang SUV, natunton ang kinaroroonan ng sasakyan, subalit hindi na inabutan pa ang pakay ng operasyon.

Inabutang abandonado na ang nawawalang sasakyan sa isang bakanteng lote sa Town and Country Executive Village, sa Antipolo City.

Ayon sa awtoridad, karaniwan ng modus ng mga karnaper ang magkunwari at mamuhunan ng kaunti sa pag-arkila ng mga sasakyan gamit ang iba’t ibang pangalan at address. (KNOTS ALFORTE)

Read More

TELLER BUKING SA MALAKING PUSTA SA ONLINE GAMING

0

CAVITE – Arestado ang isang empleyado ng isang Online Gaming matapos na siya mismo ang nagpasok ng malaking pusta sa kanilang system sa bayan ng General Mariano Alvarez (GMA) sa lalawigang ito, noong Biyernes ng gabi.

Kasong estafa ang kinahaharap ng suspek na si Kyle Iverson Pineda, 22, binata, teller ng CV21 M.S. Ponsones Online Gaming Place, dahil sa reklamo ni Katrina Santos, 35, supervisor ng nasabing Online Gaming, GMA branch, na matatagpuan sa Brgy. Granados, GMA, Cavite.

Ayon sa report ni P/SSgt. Dann Czar Rosales ng GMA Police Station, ipinag-utos ng main operator ng Gaming Place kay Katrina na alamin kung sinong gamer ang nagpasok ng malaking halaga ng pusta sa kanilang system na umaabot sa halagang P209,000.

Sa pagbeberipika ni Santos, natukoy na isa sa kanilang teller ang nagmanipula habang inamin ni Pineda na nagkunwari siyang may malaking credit na halagang P209,000,00 o kabuuang limang pusta na ipinasok sa kanilang system.

Narekober sa suspek ang ang limang betting ticket nang arestuhin ito dakong alas-7:30 noong Biyernes ng gabi. (SIGFRED ADSUARA)

Read More

2 OBRERO NAMATAY SA MALALIM NA HUKAY

0

BATANGAS – Patay ang dalawang trabahador na lalaki matapos na ma-suffocate ang mga ito habang nasa malalim ng hukay sa Barangay Castillo sa bayan ng Padre Garcia sa lalawigang ito, noong Biyernes ng hapon.

Kinilala ang mga biktimang sina Dante Miniscula, 48-anyos, at Jayson Lustares, 32, kapwa taga Talipan, Pagbilao, Quezon.

Batay sa report ng Padre Garcia Police, nangyari ang insidente habang ang dalawang biktima ay nasa 10 hanggang 15 metrong lalim ng lupa na kanilang hinuhukay sa isang bakanteng lote sa gilid sa Padre Garcia- San Antonio Quezon Road.

Ayon sa namamahala sa construction, paglalagyan ng tangke ng gasolina ang hukay na may luwang na dalawang dipa.

Bandang 1:15 ng hapon nang humingi ng tulong ang isa sa mga biktima na nahihirapan na umanong huminga dahil sa kakulangan ng oxygen sa malalim na hukay.

Agad itong sinaklolohan ng kasama at bumaba rin sa hukay ngunit kapwa sila hindi nakaahon.

Patuloy pang iniimbestigahan ng mga imbestigador ang insidente dahil hindi umano akma ang hukay para sa tangke ng gasolina dahil sa makipot ito ngunit sobra ang lalim na siyang ipinagtataka ng mga awtoridad. (NILOU DEL CARMEN)

Read More

Hindi binigyan ng pera SENIOR, PINANA NG ANAK

0

QUEZON – Natuhog ang isang senior citizen matapos na panain ng kanyang binatang anak na hindi niya binigyan ng pera sa bayan ng Tiaong sa lalawigang ito, noong Biyernes ng umaga.

Nakatusok pa ang bakal na pana sa tiyan ng biktimang si Demetrio Del Mundo Maliglig, 69-anyos, nang isugod sa ospital sa Lucena City.

Batay sa report ng Tiaong Police, bandang alas-7:20 ng umaga nang humingi ng pera ang suspek na si Jayson Wagan Maliglig, 18-anyos, sa kanyang tatay habang sila ay nasa kanilang bahay sa Barangay San Jose.

Ngunit nang walang maibigay na pera ang tatay ay nagalit ang anak at nagtalo ang mag-ama hanggang sa kumuha ng spear gun ang binata at pinana ang biktima.

Isinugod sa ospital ang biktima na tinamaan sa tiyan habang naaresto naman ng nagrespondeng mga pulis ang suspek.

Nahaharap ang suspek sa kasong frustrated parricide at paglabag sa RA 3553 (An Act to Prohibit the Possession of Deadly Arrow). (NILOU DEL CARMEN)

Read More

Inilabas ng Malakanyang UPDATED TESTING, QUARANTINE RULES

0

“STREAMLINED and codified” ng Inter-Agency Task Force for the Management of Emerging Infectious Diseases (IATF-EID) ang testing and quarantine protocols para sa mga biyahero na papasok ng bansa.

Ito ang anunsyo ni Presidential spokesperson Harry Roque kahapon.

Ang arriving passengers mula sa red countries ay pagbabawalan kung nanatili sila roon ng 14 days bago pa ang kanilang pagdating sa Pilipinas.

“Inbound international travel of all persons, regardless of vaccination status, coming from or who have been to Red List within the last 14 days prior to arrival to the Philippines shall not be allowed,” ayon kay Sec. Roque.

“However, all passengers merely transiting through the red country should not be deemed as having come from or having been to said country or jurisdiction or territory if they stayed in the airport the whole time and were not cleared for entry by its immigration authorities,” paglilinaw ng kalihim.

“Upon arrival in the Philippines, passengers covered by the preceding paragraph shall comply with the existing and testing protocols,” dagdag na pahayag nito.

Sinabi ni Sec. Roque  na ang mga Filipino na magbabalik-bansa sa pamamagitan ng government-initiated o non-government-initiated repatriation, at maging Bayanihan Flights, ay papayagan makapasok ng Pilipinas, “subject to testing and quarantine protocols.”

Idinagdag pa nito na ang mga magbabalik na Filipino mula sa mga bansa na nasa red list ay required na manatili ng kanilang unang 10 araw sa quarantine facility at ang huling apat na araw sa kanilang tahanan.

“They are also mandated to take reverse transcription-polymerase chain reaction (RT-PCR) test on their seventh day in the country,” ayon kay Sec. Roque.

“Notwithstanding a negative test result, the arriving passenger shall complete the facility-based quarantine period of 10 days,” dagdag na pahayag nito.

Aniya pa, ang Bureau of Quarantine (BOQ) ay inatasan na tiyakin ang mahigpit na symptom monitoring ng mga byahero mula sa red countries habang 10 araw na nasa  facility quarantine.

“For fully-vaccinated passengers from yellow countries, they need to undergo facility-based quarantine until the release of their negative RT-PCR test result taken on their fifth day in the Philippines,” ani Sec. Roque.

“After which, they shall be required to undergo home quarantine until their 10th day. Foreign nationals shall be required to secure their pre-booked accommodation of at least 6 days,” aniya pa rin.

Sinabi pa ni Sec. Roque na ang unvaccinated o partially vaccinated travelers at maging iyong ‘with unverified vaccination status,’ ay kailangan na sumailalim sa facility-based quarantine hanggang sa maipalabas ang kanilang  negative RT-PCR test result na isinagawa sa ika-7 araw sa bansa.

Samantala, ang  mga fully-vaccinated foreigner mula sa green list countries ay hindi na kinakailangan pang sumailalim sa facility-based quarantine, sa kondisyong, kailangan nilang magkaroon ng negative RT-PCR test results na kinuha sa loob ng 72 hours bago ang departure mula sa bansang kanilang pinanggalingan.

Sa kaso naman ng unvaccinated o partially vaccinated minors na bibiyahe kasama ang kanilang fully-vaccinated na magulang o guardians, mandato ang mga ito na obserbahan o sundin ang quarantine protocols na naaayon sa kanilang vaccination status. (CHRISTIAN DALE)

Read More

2 TIMBOG SA SANGKAP SA PAMPASABOG

0

NASABAT ng pinagsamang puwersa ng Criminal and Investigation Detection Group (CIDG)- Cavite at Armed Forces of the Philippines (AFP) ang tinatayang 750 kilos ng ammonium nitrate na sangkap sa pampasabog, at 1,000 piraso ng improvised blasting caps, sa dalawang lalaki sa operasyon sa magkahiwalay na lugar sa Lucena City, Quezon at Gen. Trias City, Cavite noong Huwebes ng hapon.

Kinilala ang arestadong mga suspek na sina Charlito Tenorio, 52, may asawa, ng Daffodil St., Brgy. Salcedo, Noveleta, Cavite, at Jay-Ar Suson, 34, binata, ng Brgy. Isabang, Tayabas, Quezon

Ayon sa ulat, dakong alas-12:30 ng hapon noong Huwebes nang magsagawa ng Oplan Paglalansag Omega (buy-bust operation) ang mga awtoridad sa Brgy. Bacao 2, Gen. Trias City, Cavite na nagresulta sa pagkakadakip kay Tenorio.

Itinuro naman ni Tenorio na si Suson ang pinagkukunan niya ng mga kontrabando at siyang mastermind sa ilegal na aktibidad.

Agad nagsagawa ang mga awtoridad ng follow-up operation sa National Highway sa Brgy. Isabang, Lucena City kung saan nadakip si Suson.

Nakumpiska sa mga suspek ang 1,000 piraso ng improvise blasting caps, 30 sako ng ammonium nitrate at powder ammonium na tinatayang 750 kilos ang timbang lulan ng Foton Traveler van, at buy-bust money. (SIGFRED ADSUARA)

Read More

SENIOR CITIZEN PATAY SA KURBADA *2 pa dedbol sa bundol

0

CAVITE – Binawian ng buhay ang isang 65-anyos na senior citizen nang bumangga ang sinasakyang L300 van na minamaneho ng kanyang anak sa isang nakaparadang trailer van sa pakurbadang bahagi ng kalsada sa Imus City nitong Biyernes ng madaling araw.

Kinilala ang namatay na si Arnel Cruz, Sr. habang sugatan ang anak nitong si Arnel Joseph Cruz, 27, miyembro ng Philippine Air Force (PAF), na isinugod sa MCI Hospital.

Ayon sa ulat ni P/SSgt. Wilfred Guevarra ng Imus City Police Station, dakong alas-12:15 ng madaling araw nang mangyari ang insidente habang minamaneho ni Arnel Joseph ang isang L300 Van na may plakang WCF 930, sakay ang kanyang ama at binabagtas ang kahabaan ng Buhay na Tubig Road, Imus City, Cavite.

Pagsapit sa palikong bahagi ng kalsada nang nawalan umano ng kontrol sa manibela si Arnel Joseph at bumangga ang kanilang sasakyan sa isang nakaparadang trailer van sa gilid ng kalsada.

Agad nalagutan ng hininga sa insidente ang senior citizen habang isinugod sa ospital ang anak nito.

Samantala, Dalawa katao ang namatay makaraang mabundol ng sasakyan sa magkahiwalay na lugar sa lalawigan ng Cavite, noong Huwebes ng gabi.

Isinugod sa Pagamutang Bayan ng Carmona ang biktimang si Rosa Esta, 38, ngunit nalagutan ng hininga habang nilalapatan ng lunas.

Agad namang nalagutan ng hininga makaraang mabundol ang biktimang kinilalang si John Miguel Cabildo, 18-anyos.

Ayon sa ulat ni P/SSgt. Charles Virtudez ng Carmona Police Station, alas-7:00 noong Huwebes ng gabi, tumatawid sa kalsada sa Governor’s Drive, Brgy. Bancal, Carmona, Cavite sina Esta at Gina Sarmiento, 34, nang mahagip ang mga ito ng bus na minamaneho ni Noel Mallorca, 60-anyos.

Kapwa isinugod ang dalawa sa ospital ngunit binawian ng buhay si Esta habang nilalapatan ng lunas.

Samantala, ayon sa ulat ni P/SSgt. Edison Fetalcurin, tumatakbo umano sa kalsada si Cabildo na tila ay nakikipagpatintero sa mga sasakyan sa

Molino-Paliparan Road, Brgy. Molino IV, Bacoor City dakong alas-11:20 ng gabi noong Huwebes.

Hinarang pa umano nito ang ilang sasakyan ngunit nabundol ng isang Daewoo bus na may plakang NDE 489 na minamaneho ni Florencio Ochavez, 44-anyos,

Agad nalagutan ng hininga sa nasabing insidente ang biktima. Inaalam pa ng pulisya kung may diperensiya sa pag-iisip si Cabildo. (SIGFRED ADSUARA)

Read More

Mga miyembro balik-loob sa gobyerno – Gen. Estomo PWERSA NG NPA, PALIIT NANG PALIIT

0

MABABAKAS ang unti-unting paghina ng pwersa ng New People’s Army sa sunod-sunod na pagsuko ng mga miyembro nito sa iba’t ibang probinsya ng Bicol Region partikular na sa Masbate, ayon kay PNP-PRO5 Regional Director P/BGen. Jonnel C. Estomo.

Ito ay matapos na sumuko ang isang ama na nagnanais magbagong buhay at maging ehemplo sa kanyang mga anak sa Brgy. San Antonio, Milagros, Masbate.

Itinago ito sa pangalan “Tatay Caloy”, 63-anyos at isang magsasaka.

Bakas sa mukha ng dating rebelde ang kasabikan na tahakin ang tuwid na landas at gayundin ang pagsisisi sa pagiging bihag sa mali at walang
katuturang ipinaglalaban ng rebeldeng samahan.

Ang sumukong rebelde ay kasapi ng Larangan 1, Komite ng Probinsya 4, Comprob Masbate.

Isang panawagan ang iniwan ni “Tatay Caloy” sa kanyang mga anak na itinago sa pangalang “Pulay” at “Jimar” pati na rin sa kanyang biyenan na si alyas “Kris” na sumuko na rin at tanggapin ang alok na pagbabagong buhay Samantala, nakatakdang bigyan ng tulong sa ilalim ng Enhanced Comprehensive Local Integrated Program (ECLIP) ang isa pang dating rebelde na kinilalang si alyas “Ka Jonard” na sumuko sa Tara, Sipocot, Camarines Sur nang makumbinse ng mga operatiba ng Camarines Sur Police Provincial Office at Philippine Army.

Si Jonard ay commanding officer ng Militia ng Bayan at sangkot sa mga opensibang operasyong inilunsad ng rebeldeng samahan laban sa gobyerno at inosenteng mamamayan.

“Ang pagsuko ng mga rebelde ay resulta nang walang humpay na negosasyon upang bigyan ng linaw at kasagutan ang kasinungalingan ng NPA,” pahayag pa ni P/BGen. Estomo.

Read More

6 PATAY SA ANTIPOLO SHOOTOUT

0

ANTIPOLO City, Rizal – Anim kataong pinaniniwalaang miyembro ng isang notorious robbery at carnapping group ang patay nang makipagbarilan umano sa mga rumespondeng pulis makaraang holdapin ang isang gasoline station sa Sitio Boso-boso na sakop ng Barangay San Jose kahapon ng madaling araw.

Sa paunang ulat ng pulisya, lumalabas na dakong 1:30 ng madaling araw nang matiyempuhan ng mga miyembro Antipolo PNP sa kahabaan ng Marcos Highway sa nasabi ring barangay ang dalawang lulan ng motor kasama ang kalalakihan sakay naman ng isang kotseng may plakang naka-alarma.

Nang lapitan umano ng mga operatiba, agad nagpaputok ang mga suspek, sabay harurot ng sasakyan sa direksyon patungo sa karatig bayan ng Baras.

Dito na hinabol ng mga pulis ang mga suspek na patuloy ang pagpapaputok sa mga tumitikad na operatiba. Ilang sandali pa, sumemplang ang motor habang sumampa naman sa center island ang

kotseng may lulang apat pang armadong kalalakihan. Dito na umano nakipagpalitan ng putok ang mga pulis.

Nang humupa ang putukan, patay lahat ang anim na suspek. Isang pulis naman ang diumano’y nahagip ng bala bagamat hindi nasugatan dahil sa kanyang suot na bullet-proof vest.
Ang mga napatay, ayon sa pulisya ay responsable sa serye ng holdapan at karnap sa Tarlac, Pampanga, Bulacan, Metro Manila at Rizal. (KNOTS ALFORTE)

Read More