Sa PNP drug operations 2 KADA ARAW NAMAMATAY

0

(NELSON S. BADILLA)

HINDI tumigil ang mga sindikato ng ilegal na droga sa kanilang negosyo kahit rumaragasa ang coronavirus disease-2019 (COVID-19) sa buong bansa nitong nakalipas na taon.

Napakalaking problema ng COVID-19 dahil bukod sa nakamamatay ang sakit na ito, halos kitilin nito ang ekonomiya ng bansa.

Ngunit, nanatiling laganap pa rin ang bentahan at adiksyon sa ilegal na droga sa maraming panig ng bansa, ayon sa ulat ng iba’t ibang yunit ng Philippine National Police (PNP) na ipinararating sa media.

PRAYORIDAD

KAYA, pangunahin pa ring inaksyunan ng mga naging pinuno ng PNP nitong nakaraang taon na sina General Archie Francisco Gamboa, General Camilo Cascolan at General Debold Sinas ang paglaban sa ilegal na droga kumpara sa ibang uri ng krimen.

Kahit si Sinas ay pagsugpo sa ilegal na droga pa rin ang pangunahing adyenda nang maupo siyang pinuno ng pambansang pulisya noong Nobyembre 10.

Nagpatuloy pa rin ang pagpatay, “extra judicial killings” (EJK), na kinasasangkutan ng mga pulis sa mga taong sangkot sa pagbebenta, pagtutulak at paggamit ng iba’t ibang klase ng bawal na gamot, batay pa rin sa mga ibinalita sa mga pahayagan, online news platform, telebisyon at radyo.

Sa pag-aaral na isinagawa ng UP Third World Studies Center at ng Department of Conflict and Development Studies ng Ghent University na may pamagat na “Violence, Human Rights, and Democracy in the Philippines”, sa unang 51 araw ni Sinas ay umabot na sa 82 ang mga pinaniniwalaang ‘pinatay’ na mga suspek sa bentahan at adiksyon sa ilegal na droga.

DALAWA KADA ARAW

SI Sinas ang ikalimang PNP chief sa termino ni Pangulong Rodrigo Duterte.

Ang una ay si Senador Ronald “Bato” dela Rosa na 656 araw sa pagiging pinuno ng PNP.

Ayon sa pag-aaral ng UP at Ghent, dalawang suspek bawat araw ang namamatay mula nang maging pinuno si Sinas PNP hanggang Disyembre 2020.

Kapareho siya ng naganap sa panahon ni General Oscar Albayalde.

Ayon sa parehong pag-aaral, dalawa rin ang namamatay na mga personalidad sa ilegal na droga sa loob ng 544 araw na panunungkulan ni Albayalde.

Sa kabuuan, mayroong 1,096 taong sangkot sa droga ang namatay habang si Albayalde ang hepe ng PNP.

Si Albayalde na siyang direktor ng National Capital Region Police Office (NCRPO) ang ipinalit ni Duterte kay Dela Rosa dahil “istrikto” at “permis sa pagdedesisyon”.

Parehong nagtapos sina Dela Rosa at Albayalde sa Philippine Military Academy (PMA) noong 1986.

Sumunod na taon naman nagtapos si Sinas.

GAWA NG PULIS?

HINDI maipagkakailang madugo ang kampanya ng administrasyong Duterte laban sa ilegal na droga.

Sa termino niya naging tuluy-tuloy ang madugong kampanya sa ilegal na droga.

Batay sa datos ng UP at Ghent na galing din sa mga ibinalita sa media, simula kay Dela Rosa hanggang kay Sinas ay mga tauhan ng PNP ang siyang may kagagawan ng pinakamalaking bilang sa mga namatay sa mga operasyon laban sa ilegal na droga.

Mayroon ding mga namatay na ang kumana ay hindi pulis, banggit din sa pag-aaral ng UP at Ghent University.
Bagamat maiksing panahon pa lang sa pwesto si Sinas, umabot na sa 78 porsiyento ang mga namamatay mula Nobyembre hanggang Disyembre ng nakalipas na taon at pulis umano ang dumale sa kanila.

Dinaig pa ng pamumuno ni Sinas sa PNP ang termino ni Dela Rosa na 58% ang iskor sa papel ng mga pulis sa patayang naganap sa mga sangkot sa ilegal na droga.

Tinalo rin ni Sinas ang pinalitan niyang si Cascolan na mahigit dalawang buwan lamang naging hepe ng PNP.

Higit na mahaba ang termino ni Dela Rosa kumpara kay Sinas.

Sa kabuuan, naitalang 1,864 ang mga namatay sa panahon ni Dela Rosa.
Pinatutunayan ng datos na simula kay Dela Rosa hanggang kay Sinas ay tuluy-tuloy ang katangiang “madugo” ang kampanya laban sa ilegal na droga ng administrasyong Duterte.

Inaasahang ipagpapatuloy ang ganitong katangian kahit mapalitan si Sinas kapag nagretiro ito sa Mayo 8.

Dalawa pa ang inaasahang magiging hepe ng pambansang pulisya bago matapos ang termino ni Duterte sa Hunyo 30, 2022 kung kasabayan ni Sinas sa PMA ang itatalaga ng pangulo.

SAPOL ANG MALILIIT

BATAY sa datos, pinakamalaking bilang sa mga namatay ay maliliit na tulak at adik kaysa sa malalaking tao sa daigdig ng ilegal na droga na kung tawagin ay “high – value target” (HVT).

Sa nasabing impormasyon, limang “maliliit” na tulak at adik ang namamatay, o napapatay, sa bawat isang ‘pinatatahimik’ na HVT.

Ang HVT ay ang mga supplier ng droga hanggang sa kasapi ng sindikato.

Minsang inamin ni Philippine Drug Enforcement Agency (PDEA) Director General Wilkins Villanueva sa media na “marami” pa ring sindikato ng droga sa bansa kahit hindi tumitigil ang operasyon ng PDEA at ng PNP laban sa kanila.

Sa kabila ng ganitong kalagayan, tiniyak ni Villanueva na wala nang ‘malalaking’ laboratoryo ng shabu, o methamphetamine hydrocholoride sa bansa.

Aniya, nalansag ang malalaking shabu lab ngayong termino ni Duterte.

Ang mga umiiral na lamang sa kasalukuyan ay “kitchen-type shabu lab” na iisang chemist ang gumagawa ng shabu, patuloy ng opisyal.

UTOS NI DUTERTE

NAPILI si Sinas ni Pangulong Duterte na maging hepe ng PNP kahit naging kontrobersiyal ito dahil sa paglabag sa batas at alintuntunin hinggil sa COVID-19 sa kanyang ika-55 taong kaarawan noong Mayo 8, 2020 at kahit na mayroong “senior” at “kuwalipikado” kaysa sa kanya.

Ito’y dahil sinasabing ‘napakatindi’ ng operasyon ng PNP laban sa ilegal droga sa Central Visayas Region noong si Sinas ang direktor dito.

Signipikante ang bilang ng mga namatay nang ikasa ang “Oplan Sauron”.

Subalit, ang higit na matinding dahilan na nailabas sa media ay ang “malakas na bulong” ni Philippine Charity Sweepstakes Office (PCSO) General Manager (GM) Royina Garma.

Si Garma ay pinaniniwalaang “napakalakas” kay Duterte.

Nang ilagay si Sinas sa puwesto, idiniin ng Malakayang na “malaki ang papel” ng heneral sa kampanya ng administrasyong Duterte laban sa ilegal na droga.

Sa kanyang pagtanggap ng pinakamataas na posisyon sa PNP, nanindigan si Sinas na ipagpapatuloy ang kampanya ng administrasyong Duterte laban sa ilegal na droga.

Ani Sinas: “Simple lang ang gusto ko bilang ama ng ating organisasyon: we should walk the talk in the PNP”.

“Magtrabaho tayo ayon sa ating mandato tungo sa ligtas at tahimik na mamamayan”, birada ni Sinas.

Ang Commission on Human Rights (CHR) na isa sa mga pangunahing kritiko ng PNP sa panahon ni Duterte ay umasang magsasagawa ng “concrete actions from the PNP in realizing openness and genuine cooperation in investigating said human rights violations—even in cases when State officers and agents are allegedly implicated in their commission” sa ilalim ng pamumuno ni Sinas.

“May the PNP continue to affirm its motto to “serve and protect”; live by the core values of Service, Honor and Justice; and be exemplars and advocates of the rule of law,” paliwanag pa ng tagapagsalita ng CHR na si Atty. Jacqueline de Guia.

Batay sa mga balitang lumabas sa mga pahayagan, online news platforms, telebisyon at radyo at sa impormasyong inilabas ng UP at Ghent University, ipinagpatuloy ng PNP, sa pamumuno ni Sinas, ang madugong gyera laban sa ilegal na droga na ipinakasa ni Duterte simula nang maging pangulo siya noong 2016.

Read More

MGA INISYATIBA NG MERALCO SA PANAHON NG PANDEMYA

0

Ngayong panahon ng pandemya, napakahalaga ng pagtutulungan ng iba’t ibang sektor ng bansa upang masiguro ang patuloy na pagtakbo ng ekonomiya sa kabila ng krisis na ating kinakaharap.

Hindi naman lingid sa kaalaman ng lahat kung gaano kaganda ang kinalalabasan ng isang proyekto o programa kapag nagkakaisa at nagtutulungan ang pamahalaan at ang pribadong sektor.

Bukod pa sa magandang epekto nito sa ekonomiya ay napakalaki rin ng naitutulong nito sa mga mamamayan.

Sa madaling salita, ang pagtutulungan ang susi sa mabilis at muling pagbangon ng ating ekonomiya.

Ang Meralco ay kaisa ng bansa sa pagbangon mula sa matinding epekto ng COVID-19.

Sa kabila ng pandemya ay siniguro ng Meralco na patuloy itong makapagbibigay ng serbisyo ng kuryente sa mga konsyumer.

Batid ng Meralco ang matinding pangangailangan sa sapat at maaasahang supply ng kuryente sa panahon ng pandemya bunsod ng ‘bagong normal’, kung saan marami ang nagtatrabaho mula sa kani-kanilang mga bahay, at marami ang mga mag-aaral na mayroong online class.

Noong nakaraang taon kung saan mahigpit ang pagpapatupad ng mga lockdown, ginamit ng Meralco ang probisyon ng Force Majeure sa mga Power Supply Agreement (PSA) nito mula Abril 2020 hanggang Setyembre 2020.

Bilang epekto ay bumaba ang presyo ng generation charge, na siyang nagpababa rin ng kabuuang presyo ng kuryente.

Maituturing na napakalaking tulong nito para sa mga konsyumer dahil karamihan ay nasa loob lamang ng bahay 24/7 dahil sa lockdown.

Naging malaking tulong ang pagbaba ng presyo ng kuryente upang makontra ang pagtaas ng konsumo ng mga konsyumer.

Sa katunayan, umabot sa higit sa piso ang naitalang kabuuang pagbaba ng presyo ng kuryente para sa taong 2020.

Patuloy din ang paghahatid ng Meralco ng magandang balita sa mga konsyumer sa gitna ng pandemya.

Kamakailan ay inanunsyo ng Meralco ang pagbaba ng presyo ng kuryente para sa buwan ng Pebrero.

Mula sa presyong P8.75 kada kWh noong Enero, ito ay bumaba sa P8.68 kada kWh.

Tila pababa na talaga ang karaniwang paggalaw ng kuryente mula pa noong nakaraang taon.

Kung ikukumpara raw kasi ang presyo ng koryente ngayong buwan sa presyo ng kuryente noong Pebrero 2020, ang kasalukuyang presyo ay mas mababa ng P0.18 kWh.

Malaking kaluwagan ito para sa mga customer ng Meralco.

Ang pagbaba ng presyo sa anumang produkto at serbisyo ay maituturing na malaking tulong sa mga konsyumer lalo na ngayong napakarami ang walang sapat na panggastos kada araw.

Bilang tulong din sa mga konsyumer ay pansamantala ring inihinto ng Meralco ang operasyon nito ng pagpuputol ng serbisyo ng kuryente ng mga konsyumer na hindi nakakapagbayad ng bayarin sa kuryente sa tamang oras.

Halos 10 buwan din, mula Marso 2020 hanggang Disyembre 2020, ang ibinigay na palugit sa mga customer upang unti-untiin nitong mabayaran ang kanilang bayarin sa kuryente.

Sa kasalukuyan, patuloy ang pagpapatupad ng Meralco ng No Disconnection policy nito para sa mga konsyumer na ang konsumo kada buwan ay 100 kilowatthour (kWh) pababa.

Sa mga panayam kay Meralco VP and Head of Corporate Communications Joe Zaldarriaga, binigyang diin niya na hindi prayoridad ng Meralco ang pagpuputol ng serbisyo ng mga customer na hindi pa kumpleto ang bayad sa mga naipong bill.

Aktibo ring nakipagtulungan ang Meralco sa pamahalaan sa laban sa COVID-19 sa pamamagitan ng pagpapailaw ng mga pasilidad para rito.

Sa kasalukuyan ay umabot na sa higit 90 ang bilang ng mga pasilidad na pinailawan ng Meralco gaya ng tanggapan ng ahensya ng pamahalaan, pribado at pampublikong ospital, laboratory para sa testing, pasilidad para sa quarantine, at mga treatment center.

Ilan sa mga pasilidad na pinailawan ng Meralco ay ang Marikina COVID Testing Center ng Marikina noong Marso 2020.

Ang Ninoy Aquino Stadium na ginamit bilang pansamantalang pasilidad para sa mga pasyenteng may COVID-19, ang San Pedro District Hospital sa Laguna, at ang We Heal As One Center Megaquarantine Facility sa Philippine Arena sa Bulacan, ang mga pansamantalang mortuary freezer ng East Avenue Medical Center, Arlington, at Loyola sa Quezon City, na kapwa pinailawan noong Abril 2020.

Kasama rin sa mga pasilidad na kritikal ang papel sa laban sa COVID-19 na pinailawan noong Abril 2020 ay ang Kinpo Electronic Philippines sa Sto. Tomas, Batangas, na siyang gumagawa ng mga ventilator para sa mga biktima ng COVID-19.

Pinailawan din ng Meralco ang 30 na container van na inilaan ng pamahalaan para sa mga locally stranded individual (LSI) sa CCP Complex sa Pasay City noong Hulyo 2020.

Hindi rin naging hadlang para sa Meralco ang ipagpatuloy ang mga inisyatiba at programa nitong ukol sa pakikipagkawanggawa sa mga komunidad na tinutulungan nito. Sa kabila ng pandemyang COVID-19 ay ipinagpatuloy ng One Meralco Foundation (OMF), ang sangay ng Meralco na nangangasiwa sa pagtulong sa mga komunidad, ang proyekto nitong pagpapailaw ng mga paaralan sa mga lugar na hindi na abot ng pasilidad ng Meralco.

Layunin ng nasabing proyekto ang matulungan ang mga guro na magamit ang ipinapatupad ng pamahalaan na blended learning approach sa pagtuturo.

Tinatayang halos sampung taon nang aktibo ang proyektong ito ng OMF.

Sa ilalim ng nasabing proyekto, naglalagay ang OMF ng 1 hanggang 3 kilowatts na solar PV system sa mga pampublikong paaralan na matatagpuan sa mga liblib na lugar sa bansa.

Karamihan sa mga lugar na ito ay hindi na sakop ng Meralco.

Sa kasalukuyan, umaabot na sa 260 na paaralan ang napailawan ng OMF sa buong bansa.

114 na paaralan sa Luzon, 79 na paaralan sa Visayas at 67 na paaralan sa Mindanao ang natulungan ng proyekto.

Bagamat panandaliang naantala ang proyekto noong unang bahagi ng taong 2020, nagawan naman ng kompanya na ipagpatuloy ito.

Ang proyekto ay napakalaking tulong para sa mga magaaral at guro na walang access sa teknolohiya dahil sa kawalan ng serbisyo ng koryente sa lugar.

Sa pamamagitan ng proyektong ito ng OMF, nabigyan ng pagkakataon ang mga guro na ipatupad ang blended learning approach sa kanilang pagtuturo.

Ngayong panahon ng pandemya, napakahalaga ng pagtutulungan at pagkakaisa sa pagitan ng iba’t ibang sektor ng ekonomiya.

Bukod sa ating pinakahihintay na bakuna laban sa COVID-19, ang pagtutulungan at pagkakaisa ang susi sa muling pagbangon ng ating bansa.

Sa larawan ay isang Meralco lineman habang ikinakabit ang mga kable para sa pagpapailaw ng pasilidad para sa mga Locally Stranded Individual (LSI) na matatagpuan sa CCP Complex, Pasay City, kung saan ang mga container van ay inayos upang gawing pansamantalang tirahan ng mga LSI.

Sa larawan ay dalawang inhinyerong nagkakabit ng solar PV panel sa bubong ng Corocawayan Elementary School sa munisipalidad ng Sto. Nino, Samar sa ilalim ng Solar Electrification project ng One Meralco Foundation

Read More

DREAMFYRE IS NOW GXR DREAMFYRE

0

The Philippines’ rising powerhouse eSports and gaming agency, DreamFyre Group, announces a majority stake acquisition by Galaxy Racer Holdings Limited, the fastest-growing eSports organization in the world.

This move by Galaxy Racer paves the way for DreamFyre to boost its local operations, and fast track expansion into two other South East Asian markets, targeted within the year. The deal will also enable DreamFyre to better service local Filipino Gaming Content Creators and Pro Players with more robust and global career development portfolios.

“The vision of DreamFyre has always been to become a global eSports and gaming agency, to bring Filipino talent onto the global arena; and with this infusion of funds, support, network, and resources by Galaxy Racer, we’re sure to be able to bring that vision into reality in a much shorter time frame. DreamFyre is incredibly pleased to join the Galaxy Racer family.” Says DreamFyre CEO Mitch Esguerra.

With this acquisition, GXR DreamFyre, with a rapidly growing exclusive reach of more than 70 million across social media platforms, will now be able to connect Filipino Content Creators and Pro Players into a global advertiser base. This takes the local eSports industry to a whole new level, as the joint operations of both
companies now span across 22 countries.

“DreamFyre’s portfolio will now continually grow as we boost local operations and expand to new game titles and markets, especially that we’re enabled by Galaxy Racer to create better offers to the Content Creators and Pro Players that have trusted us from the start.” Esguerra added.

GXR DreamFyre’s eSports teams, including 2019 Top 13 Finalist for PUBG ECL Korea, 2019 ECL PUBG Finalists, and 2020 National Interschool Cyberleague (NICL) Valorant Tournament Top 4, the UE Esports Warriors, now known as DreamFyre Team, will surely be a group to watch out for in the next global eSports tournaments.

“This acquisition in DreamFyre further reinforces our plans for building a complete ecosystem around eSports, entertainment, lifestyle, and content. GXR DreamFyre will benefit from Galaxy Racer’s international experience and resources and we are committed to this acquisition to fund the growth and support the vision the founders have set for GXR DreamFyre.” – Paul Roy, CEO Galaxy Racer.

 

Read More

BAGONG COVID-19 FACILITY SA MALABON, PINAILAWAN NG MERALCO

0

Bilang suporta sa gobyerno at sa pribadong sektor sa laban kontra COVID-19, pinailawan ng Meralco ang bagong treatment center na ipinatayo ng Department of Public Works and Highways (DPWH).

Ito ay matatagpuan sa C4 Road, Barangay Tanong, Malabon City.

Bahagi ng proyektong ito ay ang paglalagay ng bagong pasilidad na paglalagyan ng metro, pagtatayo ng apat na konkretong poste, at paglalagay ng dalawang 75-kVa na distribution transformer.

Ang ginamit na materyales sa tatlong (3) haba ng wire na ikinabit sa pagitan ng apat na poste ay overhead conductor na may balot. Kaugnay ng nasabing proyekto ay naglipat din ang Meralco ng isang pasilidad ng elevated metering center (EMC) at distribution transformer.

Gaya sa iba pang naunang treatment center para sa COVID-19, sinisiguro ng Meralco ang maaasahang supply ng koryente para rito. Sa kasalukuyan, nasa 90 na ang bilang ng mga pasilidad para sa COVID-19 na pinailawan ng Meralco.

Kabilang dito ay mga ahensya ng gobyerno, mga pampubliko at mga pribadong ospital, laboratoryong ginagamit sa testing, pasilidad para sa quarantine, at mga treatment center.

 

Read More

MyPhone releases first model among upcoming ‘waterdrop series’

0

Following the teasers posted on MyPhone’s social media pages, the newest affordable Android phone ‘for the neXt generation’ has finally arrived.

Introducing MyPhone myWX1 Plus, an elegant and welcoming Android phone that offers a reliable mobile experience as it is the first waterdrop Android phone off the WX Series available in the market.

Although myWX1 Plus is not the first waterdrop Android phone from MyPhone – credits to the eversophisticated myX12 – MyPhone Vice President Kevin Tan said that this entry-level phone is ideal for the bagets market.

“As a Filipino phone brand, we want our younger market to have and own a phone that fits their mobile needs,” Tan said.

VP Kevin Tan also said that ‘younger generations do not need to have expensive phones’.

“They do not have much things to do yet with their phones except for communication and socializing,” he said. “With the new MyPhone waterdrop series, they can maximize these phones through communication and social media,” Tan added.

Among its featured specifications are the 5.71” HD+ Waterdrop IPS Display which gives a wider viewing experience, 1.4GHz Quad-Core processor, 13MP AF Main Camera and 8MP Front Camera, 3,000mAh Battery, Dual 4G LTE SIM slot, a fingerprint sensor, and supported by Android™ 10.

Aside from myWX1 Plus, a lighter and two upgraded versions of the phone model will be available soon for a very affordable price.

myWX1 Plus is now available at select MyPhone kiosks, concept stores, and multi-brand phone stores for only P3,099. Also available in 3 colors: Black, Gray, and White.

For more information about the release and availability of myWX1 Plus and its series, like and follow MyPhone’s official Facebook, Instagram, and Twitter pages or visit www.myphone.com.ph.

Read More

KonekTayo School Bus WiFi inilunsad ng Globe sa Maynila

0

OPISYAL na inilunsad kahapon ng Globe Telecom ang School Bus WiFi program sa lungsod ng Maynila.

Hudyat ito ng bago at mas malaking.bisyon ng Globe at KonekTayo WiFi na magkaloob ng mabilis, maaasahan at murang internet connectivity sa underserved markets sa lokalidad.

Gamit ang KonekTayo WiFi, nag-deploy ang Globe ng mga school bus na nilagyan ng special antennas na magpapakalat ng WiFi signal mula alas-7 ng umaga hanggang alas-7 ng gabi, Lunes hanggang Linggo, sa mga covered area, kabilang ang Pasaje del Carmen St., Remigio St., 853 Gonzalo Gil Puyat St., 924 Bilibid Viejo St., Tomas Mapua St., Alfonso Mendoza St., Dalupan St., Oroqueta St., at Basco St. sa Maynila.

Libre ang paggamit ng KonekTayo WiFi service para sa unang oras para sa public school students at teachers sa lungsod na pinagkalooban ng 289,000 Globe SIM cards.

Sa pamamagitan ng School Bus WiFi campaign ay natutulungan ng Globe ang mga school bus operator na ang pangunahing pinagkukunan ng kabuhayan ay naapektuhan ng pandemya.

Sinabi ni Jaime Augusto Zobel de Ayala, Ayala Corporation Chairman and CEO at Globe Telecom Chairman na, “Against the backdrop of COVID-19, internet access has become a lifeline more than a luxury. Internet access is needed by students to pursue online education, by workers to continue earning a living while working from home, by families to stay connected with each other.

With Globe’s School Bus WiFi in the City of Manila, we are able to help in ensuring that residents have access to affordable WiFi connectivity. We look to partner with other local governments to expand this initiative.”

Ayon naman kay Ernest Cu, Globe President and CEO, “We recognize the difficulties faced by the private school transport industry, especially now that classes have started. We sought to develop an innovation that will not only provide this industry with a new opportunity, but will also bring connectivity to students and communities in areas that need it most.”

Dating kilala bilang KapitWiFi, ang KonekTayo WiFi ay isang ‘fast and secure community WiFi service‘ na naglalayong magkaloob sa mga kabahayan ng abot-kayang internet.

Ang School Bus WiFi campaign ay bahagi ng mas malaking layunin ng KonekTayo WiFi na gawing mas accessible ang internet connectivity sa underserved families at communities sa buong bansa.

Sa KonekTayo WiFi, kailangan lamang kumonekta ng mga customer sa isang KonekTayoWiFi hotspot, bumili ng promo at mag-surf buong araw.

Available sa lahat ng mobile networks, ang KonekTayo WiFi ay hindi nangangailangan ng device cashouts monthly fees at modems.

Sa School Bus WiFi Project, ang mga estudyante o ang mga naka-work from home ay maaaring maka-avail ng KonekTayo WiFi service sa halagang P15 lamang kada araw.

Read More

PAGPAPAILAW NG COVID-19 TREATMENT CENTER SA IMUS, HATID NA TULONG NG MERALCO PARA SA MGA CAVITEÑO

0

Puspusan ang pagta-trabaho ng mga kawani ng Meralco upang mabigyan ng ligtas at maaasahang serbisyo ng kuryente ang United Imus Doctors Inc., isa sa mga COVID-19 treatment facilities na matatagpuan sa Lungsod ng Imus, Cavite.

Kasama sa proyektong ito ay ang pag upgrade ng metering facilities, pagtayo ng dalawang concrete poles, at ang pagpalit sa dalawang 75-kVA distribution transformers ng tatlong 250-kVA distribution transformers.

Ang pagbibigay ng maaasahan at tuloy-tuloy na suplay ng kuryente sa mga quarantine at treatment facilities ay isa sa mga priority projects ng Meralco ngayong taon, patunay sa walang humpay na suporta ng Meralco sa gobyerno at sa pribadong sector laban sa pandemyang COVID-19.

Read More

GLOBE MAY LIBRENG WI-FI SA QUARANTINE AREA SA CLARK CITY

GLOBE-1
0

BILANG bahagi ng kanilang pagsisikap na suportahan ang government-designated quarantine facilities, ang Globe ay magkakaloob ng libre, maaasahan at mabilis na internet access sa We Heal As One Center-National Government Administrative Center (NGAC) sa New Clark City.

Magbibigay ang Globe ng libreng wi-fi para sa mga uuwing overseas Filipino workers (OFWs), at sa mga nurse, doktor at iba pang medical staff sa pasilidad na ginawang quarantine area.

“We acknowledge the essential need to provide mobile and internet services in areas for healing including designated quarantine centers, especially for our OFWs. Globe is committed to assist fellow Filipinos in this time of great need,” pahayag ni Yoly Crisanto, Globe SVP for Corporate Communications.

Bukod sa internet access, tumulong din ang Globe sa pagtatayo ng Central Operations Center of Network ng NGAC.

“At the We Heal as One Centers, patients are given the utmost care. Aside from round-the-clock medical care, our facilities provide free meals and are equipped with fast internet connection, allowing the patients to talk to their loved ones. We want to make sure that while they are in these facilities, the only thing they would have to focus on is getting better,” sabi ni National Action Plan Against COVID-19 Deputy Chief Implementer Vince Dizon. Si Dizon ay President and CEO din ng Bases Conversion and Development Authority (BCDA).

Ang NGAC sa New Clark City ay itinayo bilang back-up facility ng national government agencies upang matiyak ang tuloy-tuloy na operasyon sa panahon ng kalamidad.

Bahagi ito ng Phase 1A ng proyekto, na kinabibilangan din ng sports facilities na ginamit sa 2019 Southeast Asian Games. Isa sa sports facilities, ang Athletes’ Village, ay kasalukuyan ding ginagamit bilang temporary quarantine facility.

Bukod sa NGAC, ang Globe ay nag-donate ng milyon-milyon sa iba’t ibang ospital at medical facilities sa buong Metro Manila at sa key provinces ng Luzon sa pamamagitan ng Globe Rewards Program nito.

Nagbigay rin ang kompanya ng GoWiFi access, signal boosters, Personal Protective Equipment (PPEs), face shields, food packs at preloaded mobile devices na may unli all call at text sa loob ng 45 araw sa medical frontliners sa mga piling ospital at government-designated quarantine facilities.

Read More

GLOBE NAG-DONATE NG GADGETS, FOOD PACKS SA TAGUIG VS COVID-19

0

PINALAKAS ng Globe ang iba’t ibang inisyatiba ng Taguig City para maibsan ang epekto ng COVID-19 pandemic sa mga residente at premier business center nito, ang Bonifacio Global City.

Ang kompanya ay nagkaloob ng mobile device kits na may load na all net call at text sa loob ng 45 araw sa Manila Naval Hospital sa Fort Bonifacio para padaliin ang komunikasyon sa frontliners nito na naka-duty, pabilisin ang komunikasyon kapag may emergency at panatilihin silang updated sa kanilang mga mahal sa buhay.

Nagkabit din ng GoWiFi sa ospital at sa St. Lukes BGC para sa madali, maaasahan at mabilis na internet para sa frontliners, mga pasyente at kanilang mga mahal sa buhay.

Ang  Manila Naval Hospital ay binigyan din ng Personal Protective Equipment (PPEs) gaya ng suits, face shields at surgical masks para mabawasan ang exposure ng kanilang health workers sa coronavirus. Nagkaloob din ng face shields sa St. Lukes BGC.

“This is our little way of showing our appreciation and gratitude to the City of Taguig which has been the home of our corporate head office. We are one with the Taguig local government in its efforts to keep its residents safe and healthy during this time of the pandemic,” wika ni Yoly Crisanto, Globe SVP for Corporate Communications and Chief Sustainability Officer.

Nakipagsanib-puwersa rin ang Globe sa Fort Bonifacio Development Foundation Inc. sa pamamahagi ng mahigit 4,000 relief packs na nagmula sa Entrego – Lawson sa mahihirap na komunidad sa Taguig tulad ng Brgy. Ibayo, Lower Bicutan, Katuparan, at Brgy. Ususan.

“Malaking pasasalamat ang gusto kong ipabatid sa Globe – Ayala para sa mga natanggap namin na goods, bigas, delata, at coffee.

Salamat po sa Taguig LGU kasi hindi po nila kami pinapabayaan sa kabila ng pandemic na ito. Thank you,” pahayag ni Jeamer Guerra, isa sa mga residente na nakatanggap ng relief pack. Bukod dito, magkakaloob din ang Globe ng meals para sa Fort Bonifacio frontliners, gayundin ng thermal scanners para sa high foot traffic areas gaya ng groceries/mall areas, transport terminals, at bus stops sa Taguig para makatulong sa pagtukoy sa mga indibidwal na maaaring may lagnat.

Read More