Sa layuning labanan ang problema ng terorismo at ilegal na droga, pinangunahan ng Bureau of Customs Port of Cebu ang Strategic Trade and Export Control Training ng United Nations Office on Drugs and Crime (UNODC)-World Customs Organization (WCO) Container Control Programme (CCP) nitong nagdaang Setyembre 30 hanggang Oktubre 4.
Bahagi ito ng panimulang implementasyon sa pangakong labanan ang malaking problema ng mundo laban sa ilegal na droga gayundin ang terorismo.
Ang UNODC-WCO Container Control Programme ay patuloy na nagbibigay ng technical assistance at training sa frontliners upang aksyunan at labanan ang domestic terrorism at para na rin sa pagpapalakas ng border protection.
Si Acting District Collector Atty. Charlito Martin R. Mendoza ang nagbigay ng closing remarks sa huling araw ng naturang pagsasanay.
“The lessons you, the participants, learned this week, we, as the frontliners of border protection, will need them. Immediately. Not sometime in the future. We needed them yesterday, actually. There would not be any graded tests, but there are measures on how we apply our trainings. And from what I read about what you dealt with, in ‘strategic trade and export control, we just simply must not fail. While the private sector expands port capacity with an infrastructure upgrade, this is how we keep up: by investing heavily and regularly in technical trainings such as this; by cooperating with international Customs organizations to learn from the world’s best,” ayon kay Mendoza.
Dinaluhan ang pagsasanay ng Customs officers mula sa Sub-port of Mactan, Container Control Unit-Manila, X-Ray Inspection Project (XIP) Port of Batangas of Enforcement and Security Service-Enforcement Group.
May kinatawan din mula sa Department of Trade and Industry Strategic Trade and Management Office sa isinagawang nasabing pagsasanay. (Joel O. Amongo)