ITINAAS na sa 30% ang indoor religious activities kasunod ng paglalagay sa National Capital Region sa ilalim ng Alert Level 3 na magsisimula sa Oktubre 16.
Inaprubahan ng Inter-Agency Task Force on Emerging Infectious Diseases ang pagluluwag sa quarantine restriction sa Kalakhang Maynila mula sa nasabing petsa hanggang katapusan ng buwang kasalukuyan.
Paglilinaw ni IATF at Presidential spokesperson Harry Roque, mga fully vaccinated lamang ang maaaring papasukin sa simbahan.
50% naman ang pahihintulutan sa labas ng simbahan kahit ano pa ang vaccination status.
Magugunitang, 10% lamang ang pinahintulutang capacity sa indoor activity ng simbahan habang umiiral ang Alert level 4 sa NCR.
Habang 30% ng fully vaccinated naman ang papayagan sa indoor exhibitions, reception, amusement parks, movie houses, licensure exams at iba pa. (CHRISTIAN DALE)
94 
