BEBOT NA NO. 5 MOST WANTED SA MURDER, TIMBOG

INARESTO sa bisa ng arrest warrant dahil sa kasong murder ang isang 39-anyos na ginang matapos matunton sa kanyang bahay sa Port Area, Manila noong Sabado ng hapon.

Walang inirekomendang piyansa ang korte para sa suspek na kinilalang si Melissa Asjali y Santos, may asawa, ng Brgy. 650, Port Area.

Base sa ulat ni P/Edwin Fuggan na isinumite kay P/Lt. Col. Robert Domingo, station commander ng Manila Police District-Baseco Police Station 13, bandang alas-3:30 ng hapon nang arestuhin ang ginang sa bisa ng warrant of arrest na inisyu ni Hon. Albert Tenorio Jr., presiding judge sa Manila Regional Trial Court, Branch 14 dahil sa umano’y pagkakasangkot sa kasong pagpatay. (RENE CRISOSTOMO)

56

Related posts

Leave a Comment