UMABOT na sa 188 miyembro ng Manila Police District ang kumpirmadong positibo sa COVID-19.
Ito ang kinumpirma ni P/Brigadier General Leo “Paco” Francisco makaraang 12 pulis sa Del Pan Police Station 12 at Barbosa Police Station 14 ang naitalang bagong positibo.
Sa Malate Police Station 9 ay sampu ang naitala habang sa Raxabago Police Station 1 ay naitala ang 10 positibo.
Samantala, sa Binondo Police Station 11 at sa headquarters ng MPD sa D-7 ay 14 ang kumpirmadong naitalang nagpositibo sa COVID-19.
Ayon kay Gen. Francisco, kasalukuyang nasa quarantine facilities na ang lahat ng mga nagpositibo sa COVID-19 at nagpapagaling.
Samantala, pinaalalahanan ng heneral ang mga pulis na higpitan ang pag-iingat lalo na’t napakabilis ng pagkalat ng virus.
Nagsasagawa na ng disinfection sa MPD Headquarters at sa iba’t ibang himpilan ng pulisya. (RENE CRISOSTOMO)
118