P20-M SHABU NASABAT SA TAGUIG

ARESTADO ang 12 katao, kabilang ang dalawang menor de edad, makaraang makumpiskahan ng P20.4 milyong halaga ng umano’y shabu sa Taguig City noong Miyerkoles.

Kinilala nina Taguig City Police Station chief, P/Col. Celso M. Rodriguez at Southern Police District Director, P/BGen. Emmanuel B. Peralta, ang mga suspek na sina Patrick Ace Tiñga, high school undergraduate; Tom Jovy Cruz, negosyante; alyas Charles, menor de edad at Grade 9 student; Juan, menor de edad at Grade 8 student sa R. PAPA National High School; Elmer Bautista, seaman; Winston Ray Lopez, student aircraft mechanic; Jessie Aviles, tattoo artist; Jomari Lopez, high school undergraduate; Chris Klein Lopena, 2nd year college student, at Adrian Dela Cruz, high school.

Nakumpiska mula sa mga suspek ang tatlong kilo ng umano’y shabu na P20.4 milyon ang halaga, at 41.7 gramo ng marijuana na P50,040 ang halaga, dakong alas-5:30 ng hapon noong Miyekoles sa #112 N. P. Mariano St., Bgry. Ususan, Taguig City.

Ayon sa inisyal na ulat, ikinasa ng Station Drug Enforcement Unit (SDEU) ng Taguig City Police, sa pamumuno ni P/Cpt. Salvador T. Camacho, ang buy-bust operation makaraang magpositibo ang impormasyon ng confidential informant hinggil sa ilegal na gawain ng grupo makaraan ang case build-up at surveillance operation sa mga suspek.

Nakadetine na ang 12 suspek sa Station Custodial Facility ng Taguig City habang dinala naman ang mga shabu sa SPD Crime Laboratory para sa chemical analysis. (DAVE MEDINA)

128

Related posts

Leave a Comment