NASABAT ng mga ahente ng Bureau of Customs (BoC) noong Miyerkoles ang P70 milyong halaga ng smuggled goods sa isang warehouse sa Parañaque City.
Kasama sa nakumpiska ng BoC raiding team ang mga damit, gamot, sapatos, sigarilyo, surgical mask, at pagkain na pawang mga produktong gawang China, sa isang warehouse sa Quirino Avenue, Brgy. Tambo ng nabanggit na lungsod.
Nagharap ng ‘Letter of Authority’ sa warehouse ang raiding team na binubuo ng mga miyembro ng Enforcement and Security Service, Philippine Coast Guard, National Bureau of Investigation, at Port’s Customs Intelligence and Investigation Service, para mainspeksiyon ito.
Ang smuggled products ay inimbentaryo na para sa kaukulang pagsasampa ng kaso sa may-ari ng nasabing warehouse. (DAVE MEDINA)
29 
