MULING pinayuhan ng Inter-Agency Task Force (IATF) ang sambayanang Filipino na sundin ang enhanced community quarantine (ECQ).
Ito’y matapos ibalita ng Department of Health (DoH) na may 766 healthcare workers sa bansa ang kumpirmado nang may COVID-19.
Mula sa nasabing bilang ay 339 ang doktor at 242 naman ang nurse. Dahil dito, umapela si IATF spokesperson at Cabinet Secretary Karlo Nograles na manatili sa bahay; maghugas ng kamay. Gamitin ang staysafe.ph app para makatulong sa gobyerno. Bahay muna, buhay muna.
“This is just another somber reminder for all of us to do our part to contain this outbreak,” lahad ni CabSec Nograles.
“Each loss cannot be quantified; they hurt us all. Masakit po ito para sa ating lahat. But we are not powerless against this disease; we can do something about it.
We –– ikaw, ako, tayo –– We can prevent the painful losses among our health workers and our kababayan,” aniya pa rin.
Binigyang diin ni CabSec Nograles na may magagawa ang lahat para makapagligtas ng buhay. CHRISTIAN DALE
94 
