AYUDA INIHAHANDA NA

MAGBIBIGAY ng tulong o ayuda ang pamahalaan sa mamamayan na ang lugar ay nasa ilalim ng ECQ.

“Dahil naintindihan po ni Presidente na habang tayo’y naka-ECQ eh walang pupuwedeng magtrabaho, magkakaroon po tayo ng tulong na ipamimigay sa ating mga kababayan,” ayon kay Presidential spokesperson Harry Roque.

Sa katunayan, ani Sec. Roque ay isinasapinal na ang pagbibigay ng assistance o ayuda.

Ngayong Lunes, ay nag-commit ang economic team na ilahad sa publiko kung saan kukunin ang assistance at pangalawa ay kung magkano ang ibibigay at kung ano ang pamamaraan para ma-distribute ito.

Ang pakiusap naman ni Sec. Roque ay ang mga hindi lang makapagtrabaho ang kumuha ng financial aid dahil iyon naman aniya ang intensyon ng pamahalaan.

“Well, ‘assistance’ po ang tinatawag natin ngayon diyan. There will be assistance given, but it will be given to individuals na hindi po nakapagtrabaho during this one week ECQ,” aniya pa rin. (CHRISTIAN DALE)

73

Related posts

Leave a Comment