LIBRENG CHECK-UP SA MAHIHIRAP, NAKATATANDA TINUTUKAN NG ACT-CIS

LINGID sa kaalaman ng karamihan, ilang mahihirap na mga kababayan at senior citizens ang tinutulungan ng ACT-CIS araw-araw para sa x-ray, ECG, at ultrasound.

Tatlo hanggang limang kababayan ang sinasagot ng ACT-CIS araw-araw sa pagpapa-check up sa doktor.

Ayon kay ACT-CIS nominee Edvic Yap, “hindi naman kasi namin maatim na pauuwiin na lang yung mga mahihirap na may nararamdaman pag lumapit sa opis namin”.

“Halimbawa mga buntis kailangan ng ultrasound o mga senior kailangan ng x-ray o ECG, sinasagot na namin yun,” ani Yap.

Dagdag pa ni Yap, ang Erwin Tulfo Action Center ang nakipag-ugnayan sa Medical City Clinic sa Quezon City para sa nasabing libreng check-up.

Pinayuhan naman niyang magdala ng indigency certificate o valid senior citizen ID ang mga lalapit para sa nasabing libreng check-up.

73

Related posts

Leave a Comment