PAGPASADA NG MOTORCYCLE TAXIS PINABORAN SA SENADO

MAS makatitipid ang pamahalaan kung papayagan na lamang ang pagbabalik ng operasyon ng mga motorcyle taxi sa bansa.

Ito ang sinabi ni Senate President Pro Tempore Ralph Recto kasabay ng pagsasabing dapat nang payagan ng pamahalaan na makabiyahe ang mga motorcycle taxi dahil ang mga ito ay hindi umano pinagkagastusan ng gobyerno.

“This is one job-creating public service that will not cost the government a single centavo,” ani Recto.

“Airline fleets are mostly grounded, and the few flying are cruising on the dangerously low altitude of funds. In contrast, motorcycle taxis are ready to ferry people to work at a moment’s notice without need for a government financial push,” dagdag pa ni Recto.

Dagdag pa ng senador na malaking tulong ang mga motorcycle taxi sa ekonomiya dahil sa buwis na binabayaran sa kinokonsumong gasolina.

“Theoretically, one motorcycle taxi driver back on the road is one ayuda recipient off the list, and a big chunk of the cost of gas they buy are taxes that help pay for health services,” paliwanag pa ni Recto.

“Wala rin silang hinihinging Christmas bonus. Ang simpleng hiling ay makapasada muli, para hindi mapait na Paskong tuyo ang kanilang sasapitin,” dagdag nito.

Sa kabilang banda, dapat din aniyang siguruhin ng mga motorcycle taxi na makasusunod ang mga ito sa itinatakda ng Inter-Agency Task Force.

“This part is non-negotiable. If barriers, face masks and face shields, disinfected helmets are necessary to protect rider and driver, then these should be made mandatory,” sabi nito. (NOEL ABUEL)

66

Related posts

Leave a Comment