(NI AMIHAN SABILLO)
SAPAT na pwersa ang ipinakalat ng Philippine National Police (PNP) para sa ikinasang malawakang kilos-protesta ng Kapa Community Ministry sa iba’t ibang bahagi ng bansa ma isasagawa ngayong Biyernes.
Ayon kay PNP spokesperson Police Col. Bernard Banac, nakaalerto ang kanilang hanay at nakahanda para bantayan ang prayer rally at noise barrage ng grupo.
Sinabi pa nito na sisikapin ng PNP na maging mapayapa ang aktibidad at sakali mang magkaroon ng tensyon ay paiiralin ang maximum tolerance.
Kasabay nito, hinikayat ng PNP ang mga miyembro ng KAPA na kumuha ng permit at makipag-ugnayan din sa kanilang local police.
Magugunita na base sa anunsiyo ni Danny Mangahas, convenor ng Ahon sa Kahirapan movement, gagawin ang pagkilos ng Kapa sa ibat ibang bahagi ng bansa dahil target nilang ipakita ang kanilang pwersa.
Nananawagan din sila kay Pangulong Duterte na magsagawa ng reinvestigation at huwag ipasara nang tuluyan ang Kapa.
160 
