NAGPOSITIBO sa COVID-19 ang 114 katao na kinabibilangan ng 64 madre sa isang kumbento sa Quezon City.
Ayon kay Dr. Rolly Cruz, head ng City Epidemiology and Disease Surveillance Unit (CESU), nagsasagawa na ng contact tracing matapos matukoy ang mga tinamaan ng virus sa Religious of the Virgin Mary na matatagpuan sa 214 N. Domingo St., Barangay Kaunlaran sa nasabing lungsod.
Aniya, kabilang din sa mga nagpositibo ay apat na driver, 18 layman partners, 14 health aide, 13 caregivers, at tatlong Registered Nurse.
Sa naturang bilang ay 22 ang asymptomatic, 86 ang mild, apat ang moderate at dalawa ang severe na ngayon ay ginagamot na sa Intensive Care Unit ng Infirmary. (TJ DELOS REYES)
79 
