MAKABAYAN BLOC, NO SHOW SA RED TAGGING HEARING

HINDI sumipot ang mga miyembro ng Makabayan Bloc sa pagdinig ng Senado kaugnay sa usapin ng red tagging activities ng militar.

Sa halip, ipinadala na lamang ng House Minority Bloc bilang kinatawan si Atty. Maneeka Asistol Sarza.

Ayon kay Senador Panfilo “Ping” Lacson, chairman ng Senate Committee on National Defense and Security, Unification and Reconciliation, pinadalhan ng imbitasyon ang mga miyembro ng Makabayan Bloc subalit nabigo silang dumalo.

Ipinaliwanag ni Sarza na may mga relief mission ang mga kongresista kaugnay sa pananalasa ng bagyong Rolly.

Sinabi naman ni Lacson na batay sa sulat na ipinadala ni Bayan Muna chairperson at dating Cong. Neri Colmenares humihiling sila ng hiwalay na pagdinig nang wala ang mga miyembro ng militar partikular si Lt. Gen. Antonio Parlade Jr.

“We received a letter from former Rep. Neri Colmenares requesting that another hearing be held so he may be given an opportunity to attend, but without the presence of the members of the security sector, particularly Lt. Gen. Parlade,” diin ni Lacson.

“Although I will try it, it is more possible for me to attend the next hearing should there be one. In fact, I would like to suggest another hearing this time with those who are the subject of red tagging including celebrities,” saad naman sa sulat ni Colmenares.

Matatandaang una nang sinabi ni Parlade na under surveillance sina Colmenares at iba pang miyembro ng Makabayan bloc dahil sa kaugnayan sa rebeldeng grupo. (DANG SAMSON GARCIA)

87

Related posts

Leave a Comment