Panawagan sa PhilHealth mafia MORATORIUM SA KORAPSYON – LACSON

Ni: NELSON S. BADILLA

DINIRETSO na ni Senador Panfilo Lacson na manawagan sa mga korap na opisyal sa Philippine Health Insurance Corporation (PhilHealth) na kabilang sa mafia na “moratoryum” muna  sa
korapsyon.

Ani Lacson, tumigil muna, o magmoratoryum muna, ang mga korap sa PhilHealth kahit ngayong nahaharap sa pandemyang coronavirus disease 2019 (COVID-19) ang bansa.

Ipinanawagan ng senador ang moratoryum dahil sa sobrang tindi ng mafia kung mangulimbat ng pera sa nasabing ahensya kahit nahaharap sa matinding virus ang bansa.

Ang nagbitiw na Anti-Fraud legal officer ng PhilHealth na si Atty. Thorrsson Keith ang nagbansag na mafia kung magdesisyon at umaksyon ang pamunuan ng PhilHealth sa mga proyekto ng ahensiya, partikular na sa proyektong information technology (IT).

Sa panayam sa isang television program, una sa mga binanggit ni Lacson na krimen ng korapsyon ay ang P45 milyong ibinayad ng PhilHealth sa isang pribadong dialysis center para sa mga pasyenteng nagkaroon ng COVID-19.

Nilinaw ng senador na ang mga dialysis center ay hindi nagke-cater o naggagamot ng mga pasyenteng tinamaan ng COVID-19.

Ang paglabas ng pera ng PhilHealth, sa pamamagitan ng interim reimbursement mechanism (IRM) ay upang tulungan ang mga ospital na mayroong akreditasyon sa PhilHealth na matustusan ang paggamot at pag-asikaso ng mga ito sa mga pasyenteng nagkaroon ng COVID-19, bulalas ng senador.

Tinukoy rin ni Lacson na inabisuhan ni Etrobal Laborte si PhilHealth President at CEO Ricardo Morales na masyadong mahal ang sinasabing P326,000 information and technology equipment
ngunit, itinuloy ng PhilHealth-BAC ang pagbili gayung P62,000 lang ang totoong halaga ng aparato.

Si Laborte ang nagbitiw na chief executive assistant ni Morales.

Tinumbok din ni Lacson ang ibinunyag ni PhilHealth Board Member Alejandro Cabading na paulit- ulit na pag-endorso ni Morales sa mga “grossly overpriced” na produktong information and
technology.

85

Related posts

Leave a Comment