BAYAN MUNA, NUMBER 1 PA RIN SA MAMAMAYAN!

KAKAMPI MO ANG BAYAN TEDDY

Sa kabila ng fake news at black propaganda, magkakaroon pa ng tatlong kinatawan sa Kongreso ang Bayan Muna Party-list, ayon sa survey ng Pulse Asia nitong Mayo.

Nagpapakita lamang ito ng napakalaking suporta ng mamamayan na naniniwala sa adhikain at track record ng Bayan Muna.

Nagpapasalamat ang Bayan Muna sa taumbayan sa kanilang suporta sa kabila ng sistematikong pani­nira, harassment, pagpatay, at pagdukot na ginagawa ng mga anti-demokratikong mga pwer­sa sa ating partido at sa mga kampanyador at tagasuporta.

Nagtaasan sa ranking ng survey ang ibang party-list, dala na rin sa dami ng TV commercial na inilabas nito. Napakamahal ng TV ads, kaya naman ang talagang mayayamang grupo lamang ang may kakayanan na maglabas ng ganoon karaming patalastas. Sana lamang ay hindi nila babawiin sa pera ng taumbayan ang ginastos nila roon.

Nakakasa sa buong Pilipinas ang malawakang dayaan, karahasan, at vote buying. Ilang araw bago ang halalan ay napakara­ming ulat ng pagbili ng boto ang lumabas sa maraming bahagi ng bansa, sa ilang pagkakataon ay pati ang kandidato ay nahuhuli sa operasyong vote buying.

Nakakabahala ang ulat na ang ilang PCOS machine ay hindi gumagana sa mga unang oras pa lamang ng eleksyon, gaya ng sa vote-rich population ng San Jose del Monte sa Bulacan, at iba pang mga lugar. Ang malala pa rito ay ang pag-atras ng NAMFREL bilang accre­dited watchdog ng Comelec dahil sa pag-ayaw ng Comelec na ibigay ang nararapat na datos upang lubos na mabantayan ang ating boto.

Kumalat din ang ‘fake news’ na diskwalipikado ang mga kandidato ng Makaba­yan, na nagdulot ng kalituhan sa iba nating kababayan. Ito ay desperadong pakana upang bawasan ang papalakas na suporta ng mga prog­resibong kandidato tulad ng Bayan Muna, Neri Colmenares, at iba pang kandidato ng Makabayan.

Sa harap ng lahat ng ito, dapat tayo ay maging mapagbantay sa ating halalan hanggang bilangan.

Ipagtanggol natin ang ating karapatan sa pagboto! (Kakampi Mo ang Bayan / TEDDY CASIÑO)

Please follow and like us:

Related posts

Leave a Comment