BARAS MAYOR POSITIBO RIN SA COVID

RIZAL – Si Baras Mayor Kathrine Robles ang nadagdag sa mga alkalde ng Lalawigan ng Rizal na nagpositibo sa COVID-19.

Naunang nagpositibo si Mayor Joric Gacula ng Taytay at si Jala-jala Vice Mayor Jolet Delos Santos na namatay nitong Martes.

Positibo rin si Gov. Rebecca Ynares at naka-home quarantine si Antipolo City Mayor Andeng Bautista-Ynares.

Sa press statement ni Mayor Robles sa PaMaMariSan Rizal Press Corps, inamin niyang positibo siya sa COVID-19.

Sa kanyang pagtupad sa tungkulin at pakikihalubilo sa mga taga Baras ay kinailangang magtungo siya sa ibang bayan para makipag-ugnayan tungkol sa mga programa ng bayan kaya maaaring ito ang dahilan ng pagkahawa niya sa COVID-19.

Sa kalukuyang nasa stable condition na ang alkalde at kaya niya ito ipinaalam ay para agad mabatid kung sino-sino ang kanyang mga nakasalamuha mula Marso 18, 2020 para sa contract tracing at upang sumangguni sa municipal health officers hinggil sa ipatutupad na home quarantine. (KNOTS ALFORTE)

63

Related posts

Leave a Comment