WAITER KULONG SA SPICY CHICKEN

CAVITE – Hindi pinatawad at ipinakulong ang isang 21-anyos na waiter ng isang restaurant matapos nitong iuwi ang P230 halaga ng spicy chicken sa Bacoor City sa lalawigang ito.

Sinampahan ng kasong qualified theft ang suspek na si Aldrin Bautista, waiter ng Somuniko restaurant at residente ng Longos, Brgy. Zapote 5, Bacoor City, dahil sa reklamo ng assistant supevisor ng nasabing restaurant na si Joneil Beloyo.

Sa ulat ni PSSgt. Alih Rimbang ng Bacoor City Police Station, pauwi na ang biktima sa kanyang trabaho dakong alas-11:30 nitong Miyerkoles ng madaling araw nang bitbitin nito ang halagang P230 spicy chicken na kinuha mula Sumoniko restaurant sa Brgy. Habay 2, Bacoor City.

Ngunit nabisto ito nang naispatan siya ng Close Circuit Television sa loob ng nasabing restaurant dahilan upang damputin at sampahan ng kaso. (SIGFRED ADSUARA)

 

102

Related posts

Leave a Comment