KRIS AQUINO TO CO-PRODUCE SHARON-GABBY REUNION MOVIE

kris55

(NI LOURDES C. FABIAN)

WALA pang official announcement ang Quantum Films na si Gabby Concepcion na ang kapalit ni Derek Ramsay bilang leading man ni Kris Aquino sa MMFF entry nilang (K)Ampon.

Pero sa IG post ni Kris ay kinumpirma niyang out na si Derek and expressed her gratitude to Gabby.

Kris wrote in the comments section: “hello @concepciongabby, looking forward to working with you soonest and also meeting your family… if your younger daughters are anything at all like @itskcconcepcion i am so sure they will be so LOVELY!”

She added: “P.S. if this project works out, i hope you and my ate S, @reallysharoncuneta will trust me to coproduce your reunion? i shall always be a fan of your loveteam. Since my Boston youth and watching DEAR HEART over & over again.”

Tiyak magugustuhan ng mga Sharonians ang bagong ideya ni Kris to co-produce Sharon and Gabby’s reunion movie.

Sinabi ni Kris na nauunawaan niya na si Derek ay contract artist ng GMA Network pero iginiit niyang parang anak na ang turing sa kanya ng founder ng Quantum Films na si Atty. Joji Alonso kaya malaking katanungan pa rin ang pagtanggi niya sa movie.

“Derek and I have spoken. We go way back, 2004-2005 when we did our San Miguel Beer TVC. Nagkasagutan pero dahil may pinagsamahan, nagkaunawaan. I respect that he has a GMA Network contract that should be his top priority. Chill kami,” pampalubag-loob na tinuran ni Kris.

Hindi na idinetalye pa ni Kris ang dahilan ng pagtanggi ni Derek na gawin ang pelikula nila. Idiniin ni Kris that she is a co-investor in the film, along with Cornerstone, which manages her showbiz career, and Spring Films.

“Kaya po I financially, intellectually, and emotionally invested,” paliwanag ni Kris kaya ganun na lang siya ka-concerned sa movie.

Balitang magaling na si Bimby kaya any day now ay babalik na silang mag-ina sa bansa matapos magbakas­yon sa Japan. Nakabalik na si Josh sa bansa at expected na susunod na rin sina Kris at Bimby kaya mapagsisimula na si Kris ng shooting para sa kanyang 2019 MMFF entry.

###

MARAMI ang nagulat nang malamang ang isa sa mga dating heartthrob at contract star ng Kapa­milya Network na si Diether Ocampo ay isa nang ganap na lieutenant commander sa Philippine Coast Guard (PCG) Auxiliary.

Matagal nang hindi aktibo si Diether sa showbiz. He has lived a private life dahil iba ang pinagtuunan ng pansin ni Diet, tawag sa kanya sa showbiz. Nag-concentrate pala siya sa pagiging Maritime advocate kung saan marami na siyang nasalihang training sa Coast Guard. Natatandaan pa namin na ang pinaka-huling proyektong ginawa ni Diether before he became inactive in showbiz was the ABS-CBN primetime fantasy television series “Bagani.” It was actually his comeback project in 2018 sa telebisyon.

Proud si Diether na natapos niya ang seafarer’s training.

“Masarap na maging bahagi ng isang industriya na naging malaki ang kontribusyon hindi lang sa Pilipinas kundi sa buong mundo. Marami tayong kababayan na hindi nabibigyan ng pansin,” saad nito sa 10-minute video bilang Maritime advocate.

121

Related posts

Leave a Comment