BLINANGKO ng Ceres-Negros FC ang Preah Khan Reach Svay Rieng FC ng Cambodia, 4-0, Martes ng gabi sa pagsisimula ng 2020 AFC Cup sa Rizal Memorial Football Stadium.
Sa harap ng mahigit 4,000 fans na sumaksi sa laban, sumipa si Bienvenido Marañon ng two goals sa 55th at 70th minutes para ihatag sa Busmen ang opening win.
Unang umiskor para sa Ceres si Takashi Odawara sa 12th minute mula sa pasa ni OK Porteria, na sinundan ng goal ni Joshua Grommen makalipas ang dalawang minute buhat naman sa cross pass ni Stephan Schrock para sa maagang 2-0 lead.
Bunga nito, ang Busmen ay kumolekta ng three points sa Group B campaign, kasama ang Bali United, nagwagi naman kontra Than Quang Ninh ng Vietnam.
Tatangkain ng Busmen na makuha ang ikalawang panalo laban sa Than Quang Ninh sa susunod na Martes (Pebrero 25) sa parehong venue. (VT ROMANO)
104 
